شْلُونَ ابُو فَاضِلْ وِگَعْ مِنِّ الْمُهُرْ
مْگَطِّعَاتِ زْنُودَه طَاحِ عْلَه الصَّدُرْ
لِيلَةِ السَّابِعْ تَرَه تْهِدِّ الصَّبُرْ
حَگْنَه عَالْكَافِلْ نِمُوتِ مْنِ الْأَلَمْ
----------------------------------
صَدْرَه چَانِ مْتَرَّسِ سْهَامِ الْگُمَرْ
مَدْرِي چَمْ سَهْمِ بْوَسَطْ صَدْرَه انْكِسَرْ
هَاذَه غِيرِ اللِّي طِلَعْ مِنِّ الظَّهَرْ
حَتَّى عِينَه مَا سِلَمْ بِيهَه السَّهَمْ
----------------------------------
چْفُوفَه عَالْغَبْرَه غِدَتْ تَحْتِ الْخِيُولْ
وِالْحَوَافِرْ گَامَتِ عْلِيهَه تِجُولْ
سَاعَدَ الله فَاطِمَه الزَّهْرَه الْبَتُولْ
شَافِتَه بْيَا حَالَه شَيَّالِ الْعَلَمْ
----------------------------------
حْسِينَ ابُو الْغُرْبَه تِعَنَّه لْمَصْرْعَه
وِعْلَه اخَيَّه طَاحَ اوِيلِي يْوَدِّعَه
ضَجَّتِ الدِّنْيَه لْحَنِينَه وْمَدْمَعَه
گَلَّه عَبَّاسِ انْطُفَه نُورِ الْخِيَمْ
----------------------------------
خُويَه إِرْجَعْ سَاعَه أَشْبَعْ مِنْ هَوَاكْ
كِلْشِي هَيِّنْ إِلّا يَا رُوحِي جِفَاكْ
رَاحَ امُوتِ بْحَسْرِتِي خُويَه وَرَاكْ
حِيلِي وَيْ حِيلِ الْخِدِرْ لِيكِ انْهِدَمْ
----------------------------------
بْسَاعَةِ لْمُو شِدَّه فَگْدَكْ مُو سَهِلْ
شْلُونْ بِينَه بْكَرْبَلَه يَا بَا الْفَضِلْ
گُومْ خُويَه خَلَّه ظَهْرِي يِنْعِدِلْ
خَلْ تِرفَّنْ رَايِتَكْ فُوگِ الْحَرَمْ
----------------------------------

#العباس
#محرم_١٤٤٧هج
https://www.tg-me.com/Hassankhanafer

خُويَه وِينْ....طَايِحْ عَلَمْنَه
خُويَه گُومْ...حِرْگَوْ خِيَمْنَه
يَا گُمَرْ...........آنَه الْغَرِيبَه
مَا تِشُوفْ...زِينَبْ سَلِيبَه
----------------------------------
خُويَه چَا وِينَه الْكِفَلْنِي حَضِّرَوْ لِاخْتَكْ حَبِلْ
لِلسَّبِي يَرْدُونِي أَطْلَعْ أَمْشِي وِبْوِلْيَةْ نَذِلْ
لَا تِظِنْ جَابَوْ مَحَامِلْ جَابَوِ النُّوگِ الْهِزِلْ
يَا بُو فَاضِلْ عِينِي تِجْرِي وِانْتَه مَيِّتْ مُو عَدِلْ
وِالْحِجَابْ.....بِالطَّفْ تِسَلَّبْ
وِالْحِجَابْ...عَالْغَبْرَه يِنْحَبْ
هَاذَه حَالْ....أُمِّ الْمُصِيبَه
مَا تِشُوفْ...زِينَبْ سَلِيبَه
----------------------------------
مَا گِلِتْ يَخْتِي وَدَاعَاً گِتْلِي رَايِحْ لِلنَّهَرْ
تَالِي رَدِّ حْسِينَ اخُونَه مَحْنِي مَكْسُورِ الظَّهَرْ
رَاحَ اظَلْ عَطْشَانَه بَعْدَكْ حَتَّى امُوتِ مْنِ الْقَهَرْ
وَآنَه أَحْزَانِي لْمُصَابَكْ مَا يِكَفِّيهَه دَهَرْ
كُونَ اطِيحْ...عَالشَّاطِي يَمَّكْ
كُونَ اطِيحْ.......كَاتِلْنِي هَمَّكْ
يَا حَبِيبْ.....فَارَگْ حَبِيبَه
مَا تِشُوفْ...زِينَبْ سَلِيبَه
----------------------------------

#العباس
#محرم_١٤٤٧هج
https://www.tg-me.com/Hassankhanafer

عَمِّي يَا حْسِينِ الْإِذِنْ مِنَّكْ أَرِيدْ
مَگْدَرِ بْعِينِي أَشُوفَنَّكْ وَحِيدْ
غَايِتِي بْصَفْ عَسْكَرَكْ أَصْبَحْ شَهِيدْ
لَا تِخَيِّبْ طَلْبِتِي وِظْنُونِي
----------------------------------
آنَه جَاسِمْ آنَه إِبْنِ الْمُجْتَبَى
سِيفِي يِطْفَحْ مَرْجَلَه زُودِ وْإِبَه
مَا يِهِمْنِي بْحُومِتِي عُمْرِ الصِّبَه
خَلْ أَرَاوِيلَكْ يَعَمِّي فْنُونِي
----------------------------------
وِالْعِرِسْ عِنْدِي يَضَيْ عِينِي الْعِرِسْ
مِنْ أَقَدِّمْ دُونَكِ الْيُومِ النَّفِسْ
جِيتَ ا سَطِّرْ بِالْوِفَه أَعْظَمْ دَرِسْ
لِلْمَعَارَه وِالْأَجَلْ زِفُّونِي
----------------------------------
جَاوَبَه حْسِينِ وْدَمِعْ عِينَه يِصُبْ
شْلُونَ اشُوفَكْ نَايِمِ بْحِضْنِ التُّرُبْ
هَالطَّلَبْ يَا جَاسِمِ هْوَايَه صَعُبْ
إِنْتَه رِيحَه مْنِ الْحَسَنْ يَعْيُونِي
----------------------------------
أَرْدَ انِشْدِكْ يَبْنِي عِنْدِي مَسْأَلَه
شْلُونْ تِنْظُرْ لِلْمِنِيَّه بْكَرْبَلَه
گَلَّه أَحْلَى مْنِ الْعَسَلْ طَعْمِ الْبِلَه
هَالْعَقِيدَه رَاسِخَه بْمَضْمُونِي
----------------------------------
مِنْ نِزَلْ لِلْحُومَه نَادَه بِالْعَلَنْ
وِارْتِجَزْ إِنِّي أَنَا نَجْلُ الْحَسَنْ
وَحُسَيْنٌ كَالْأَسِيرِ الْمُرْتَهَنْ
مِنْكُمِ الْيَومَ ارْدَ اوَفِّي دْيُونِي
----------------------------------
سَاعَه لَنْ صُوتَه اعْتِلَه عَمْ يَا حُسِينْ
عَمِّي أَدْرِكْنِي وْوِصَلْ لِيثِ الْعَرِينْ
شَافَه طَايِحْ وِاعْتِلَه مِنَّه الْوِنِينْ
يَبْنِي بَعْدَكْ مَا تِطِيبِ جْفُونِي
----------------------------------

#القاسم
#محرم_١٤٤٧هج
https://www.tg-me.com/Hassankhanafer

انطيتك اسنيني
والأمل تكبر يا بعد عيني
شفتك امطبر يجاسم
يجاسم
*
عمري نذريته اعله مودك و أخدمك بيه
وگلت من تكبر تعب عمري توفيه
شمعه بمهادك چنت بالليل اضويه
وچنت حتى امن النسيم الهاب اداريه

أحلم وأسرح احضنك و أفرح يجاسم
وحلمي اتنثر شفتك امطبر يجاسم
*
ابطني يبني وهم چنت بالليل اناغيك
وأمسح ابطني واگول الله يخليك
ومن كثر شوگي الجمالك صرت اناديك
تدري بمك كل عمرها فدوه تنطيك

انته آمالي يا اعز غالي يجاسم
وبالشمس والحر شفتك امطبر يجاسم
*
ردت أحرزك يبني كل خوفي من العين
الهذا چنت أقرا مع الصافات ياسين
وادعي ربي انطيني واحد ينصر حسين
بحق علي الأكبر يربي وأم لبنين

وربي انطاني وبيك وافاني يجاسم
چنت اتنطر شفتك امطبر يجاسم
*







حلم دايم أحلمه واتنطر ألقاه
وأدعي ربي ياعظيم الشان والجاه
تدري يايمه اشچنت اتمنى وأرجاه
ابني لحسين ابغربته يرخص ادماه

ويرتفع راسي يا أعز ناسي يجاسم
بشوفته وأستر شفتك امطبر يجاسم
*
نام يا سباح گلبي اعله الترب نام
وحني چفي يا حبيبي بطبرة الهام
تدري من اسنين اتنطر ها ليام
حتى لزهره اگلها ابني جسام

تفرح الزهره يبني هالطبره يجاسم
وترضى بالمحشر شفتك امطبر يجاسم
*
الله گايل أنفقو مما تحبون
لون ردتو اعله صراط الحق تعبرون
الهذا قدمتك يروحي ونور لعيون
فدوه لبن الزهره قربه الخالق الكون

بالله حصنتك لله قدمتك يجاسم
يبني واتصبر شفتك امطبر يجاسم
*

أبو السبطين الاحسائي

جاسم يا نبض گلبي ونظر عيني
امك وانتحب يا زهرة اسنيني
*
رمله امك يجاسم يا نظر عيناي
جيتك يا حبيبي بدمعتي وابݘاي
جيتك و الظهر محني بعظم بلواي
محنية ظهر بس اجذب اونيني
*
جيت اجذب ونيني واهمل الدمعه
بلچت هالونين من امك اتسمعه
وتدريني وحيده وفجعتي فجعه
واذا عني رحت دمعي اليسليني
*
گوم انهض يروحي وارحم الحالي
غيرك يا الوالد ثاني ابد مالي
يا عيني ويروحي وشمعة آمالي
بغيرك ما چنت متأمله تدريني
*
تدريني برباك اتأمل واحلم
من اكبر يروحي وعمري يتجدم
لو طاح النظر من عندي واتهدم
تالي اعله الدرب بيدك تدليني
*
ويا وسف الحلم مات وغفى يمك
من شفتك صريع امخضب ابدمك
صرت اصرخ وانوحن وانتحب يمك
يا حلم السعد ترحل وتجفيني
*
اعليك اتعودت يبني ينور العين
اكحل ناظري ابسماتك ابكل حين
وهسه الوين اگصد بالوجه لا وين
ونور العين غاب وفگده عاميني
*
أبو السبطين الأحسائي

آه يجسام آه يجسام آه يجسام
*
رمله امك يجاسم رماها الزمن
بسهم قاسي الگلبها وچبدها طعن
طعنة البلچبد يبني فگد الحسن
وشيداوي الچبد گلي من ينفطر
صعبه يلتام آه يجسام آه يجسام
*
وبچبد منفطر عاشت مألمه
مأمله ويا الگلب تبگى متلازمه
بس وسف ها الزمن يا گلب يرحمه
ولا يلچمه ويذوبه بلهيب الجمر
بمر ليام آه يجسام آه يجسام
*
وامك بها الگلب تدري متأمله
يظل معاها لوكت للگبر توصله
ما درت تفگده لو تجي الكربله
تشوفي مرمي بثراها ودمومه تخر
بطبرة الهام آه يجسام آه يجسام
*
يبني گلب امك انته الوگع عا الترب
وطبرتك صوبت گلبي وسط الحرب
شنهو يعني الجسد لو يموت الگلب
بلا گلب ها الجسد تالي يصبح گبر
يحمل أوهام آه يجسام آه يجسام
*
يا گلب رمله لو شاهدت جثتك
مرمله والدمى تجري من طبرتك
ومن دمى طبرتك اصبحت حنتك
تگدر اعله الصبر وشيفيد الصبر
غير لالام آه يجسام آه يجسام
*
يبني صعبه اللي يفگد جمالك بعد
يبگى عنده صبر عا المحن لو جلد
وانته گلبي الفگدته مهو بس ولد
ولو فگدت الگلب شليساوي العمر
ريته ما دام آه يجسام آه يجسام
*

أبو السبطين الأحسائي

▪️في استشهاد القاسم بن الحسن صلوات الله عليهما.

يا عبرتي فتنزَّلي عَلَقاً
في كربلاءَ لِخَيْرِ مَنْ نَزَلوا

واستذكري للمجتبى قَمَراً
ببهائهِ الأقمارُ تكْتَمِلُ

القاسمُ العرِّيسُ خيرُ فتَىً
ذاكَ الغيورُ الناصرُ البطلُ

شبلٌ وتنحدِرُ الليوثُ لدى
صمصامِهِ فكأَنَّهُ جَبَلُ

وجدَ الرَّدى في حبِّ سيِّدِهِ
عسلاً يضيعُ بطعمِهِ العَسلُ

لمْ يهوِ نحوَ النعلِ يُصْلِحُها
لوْ لمْ يكنْ للمجْدِ ينتَعِلُ

أبكيهِ مفجوعاً بمقتَلِهِ
عمٌّ عليهِ الهمُّ يقْتَتِلُ

ناداهُ : واحُزناهُ يا بنَ أخي
ما للحماةِ جميعِهِمْ رحَلوا ؟!

مِنْ بعدِكُمْ فالعمرُ منقطِعٌ
والدمعُ بالآهاتِ متَّصلُ

أبكي لرملةَ وهْيَ تسألهُ :
ماذا تُريدُ بجِسمِكَ الأَسَلُ ؟!

يا قاسِمي يا زهْرةً ذَبُلتْ
بالطعنِ دارتْ حوْلَها الذُّبُلُ

يا قاسمي لنْ ينطفي ألَمي
فاليومَ ضاعَ الحُلمُ والأَمَلُ

لَمْ أدْرِ إذْ ربَّيتُ يا ولدي
ربَّيتُ جُرْحاً ليسَ يندَمِلُ..

تمت بعناية الحجة عجل الله فرجه

https://www.tg-me.com/AliOsailyAmily

#القاسم
#اللهم_عجل_لوليك_الفرج