لطمية لحن عاري حبيبي عالغبره♪
〰〰〰〰
يازهره گومي ٱحِضريني
بهاي المصيبه واسيني
ابچي وانوحن عزّيني
علي الليلة راحل وتيتم الدين

حيدر يا يُمّه بمحرابه
طايح ومن دمه خضابه
عينيني يمه عا مصابه
خل ننصب عزيّه وْيالحسن وحسين

هامه يا زچيه منطبر
دمّه غُسله في ليلة قدر
جرحه شفته گلبيِ انفطر

علي ~ما تمّم شهر صيامه
علي ~ناحت لاجله ايتامه
علي~ بشهر الله انشق الهامه
علي آه~~~
〰️〰️〰️〰️〰️
مفجوعه يُمه بالغالي
ودمعاتي تجري عالوالي
والطبره تفجع دلاّلي
كنّها يُمه بسمار بضلوعچ

ذكرني بالدار والعصره
ذكرت لهشم ضلعچ يالزهره
وبسمار الرزيّه والسطره
وعيني جرت يمّه كنها دموعچ

مفجوعه بزماني ما رحم
محنة تتلي محنة والخيم
واليتامى تنحب والحرم

سبي… حامي ما عندي وكافل
سبي… بالطف رايح ابو فاضل
سبي… وحي الله بحزنه نازل
علي~ آه…
〰️〰️〰️〰️〰️
بعيونه صوره مرسومه
نهر چفوف وحومه
وطبرة كفيلي ودمومه
يمه شفتها بطبرة علينه

شفت بعيوني كم طعنه
براس الولي دمه يتحنّه
كنّه نحر اخويه گِطْعنّه
من بعده يمه احنا انسبينه

بالطف اشوفن بس محن
ليش خويه يبقى بْلا دفن
عالغبره رمية بْلا كفن
حسين~ بدمومه الشيبه خضيبه
حسين~ جثة عالغبره سليبه
مسلب اكفانه عجيبه
حسين آه~…
الشاعرة خادمة آل محمد ✍🏻

*واعلياه* *زينب عند جنازة ابيها امير المؤمنين ع* 😭
*زينب جلست عند جسد امير المؤمنين ع تودعه بدموعها باكية بأنينها وحنينها ودمعتها الجارية فوق جنتيها وهي تأن أنينا~*
بويه بويه بويه بويه~
تگعد يمّه تون وتنحب
الله يساعد قلبچ زينب
تودع حيدر هاي الليله
تون تنوح بمدمع يلهب
〰〰〰〰〰〰〰
نوبه تحبه بوسط الطبره
وتشبك عالراس كل العشره
وصوت الناعي ينعى الكرار
كنها حضرت يمها الزهره
بويه بويه بويه بويه~
〰〰〰〰〰〰
تگله بويه فتح عينك
تختم هاي الليلة سنينك
الزهره يمها تلطم عالراس
تگلها زينب الله يعينك
بويه بويه بويه بويه~
〰〰〰〰〰〰
〰️〰️〰️〰️〰️
*لحن اسمع عتابي~*
الزهره الزچيه~ بهاي المسيه
يم علي الكرار~ بدمعه جريه

يم الغريبه~ بهاي المصيبه
تلطم ضلعها~ المحنه عجيبه

تنظر الطبره ~وتلطم بحسره
ذكرني حيدر ~بضلعيِ وكسره

تگله اجيتك~ أنصب عزيتك
امسح لجرحك~ وانعى ببيتك
بيوم القيامة~ عندي علامه بحقك اطالب~ بهاي العمامه
〰️〰️〰️〰️〰️〰️
*يا اهل العزاء ارفعوا دموعكم لفاطمة هذه الليلة عزوا المفجوعة هذه الليلة بدموعكم تراها حاضرة في عزاء امير المؤمنين ع* لحن الجفيري♪~
هالليله حضرت فاطمه
بـ دار الولي حامي الحمه
تون وتنوحن لاطمه
وتلطم ضلعها المنكسر
〰️〰️〰️〰️〰️〰️
دارت تندب حيدر علي
بليلة قدر مات الولي
دمن بعدك خالي منزلي
وراح ابكي لك كل العمر
〰〰〰〰〰〰
راح الوالي راح السند
لا تدفن حيدر باللحد
ما تمم صيامه بعد
فارگنا في ليلة قدر
〰〰〰〰〰〰
خادمة آل محمد✍

*زينب تنوح لفراق ابيها عاي واعلياه~* لحن ساعة وداع الزچيه~♪
طايح بمحرابه حيدر ~ والدمه تسيل والدمه تسيل
زينب تصد له مطبّر~ تنادي بالويل تنادي بالويل

تلطم وتنعى بحزن
تجري عبرات الجفن

تبكي خير الأوصياء
تخضّب الشيب بدماء
〰️〰️〰️〰️〰️〰️
الليلة حمّاي الحميه ~ بگبره مدفون بگبره مدفون
زينب تنوح بعزيه ~~ وتجري لعيون وتجري العيون

الليله يفجعها الزمن
عنها راحل ابو الحسن

〰️〰️〰️〰️〰️
تودع الوالي بصبرها~ تشوفه مصيوب تشوف مصيوب
الليلة مفجوعه بقدرها ~ بدمه مخضوب بدمه مخضوب
راحل بليلة قدر
هامه حيدر منطبر
〰️〰️〰️〰️〰️
الليله زينبكم يتيمه… آه يا كرار ... آه يا كرار
لحظة وداعك أليمه…
حاميِ الجار حامي الجار²

گلبي ما يحمل صبر~ وانت نايم بالگبر
بعدك آنه مِن إلي
لو رحت عني علي
خادمة آل محمد✍🏻

*واعلياه~*
*لحن اسمع عتابي للشيخ علي البيابي~*

(لسان حال زينب ع لما رأت رأس امير المؤمنين ع)
حيدر ولينه ~ عصابه بجبينه
جرحه بـ راسه ~ ومصوبينه
°°°°°°°°°°°°°°°°°
إجت يمه زينب ~ بونّتها تنحب
تعاين وليها ~ بدمه تخضّب
°°°°°°°°°°°°°°°°°
مصيوبه هامه ~ حمره العمامه
مخضوبه بالدم ~ وبيها العلامه
اي علامه يا زينب؟
العصابه بـِ جبين~ رايح أبو حسين
وينچ يا يُمَّه ~ يَمَّه تِحِضرين
°°°°°°°°°°°°°°°°°
راح الولي راح~ شدّيله الـِ جراح
عينيي يمه ~ بالونّه ونياح
خادمة آل محمد✍
https://youtu.be/RsYn1i6972g

#واعلياه~ نعي ليلة الضربة
زينب ترى رأس ابيها وتتحسر على مصابه~
لحن جاوبني يا علي~
فجعتني طبرته
من انظر لـ هامته
يا خويه يالحسن
عظيمة محنته

المصيبه مؤلمه
راسه ينزف دِمه
مشدودة عصابته
شفته دمعي هِمه

ليش اسمع هالونين
يتألّم أبو حسين
لا تگلي ابونه راح
وگلبي انجرح جرحين

(مشهد تصويري )وكأني بـ زينب مرتبكه محتاره تنظر لأبيها من وراء الستار وتصفق كفيها~
صدق عنه يشيل
الليله حامي الدخيل
عسى سالم يگوم
ويمسح دمعي اليسيل

خادمة آل محمد✍🏻

واحسيناه
آيخويه~ ³ آه الخضيب
ما اگدر انظر بالطشت راسك ينور العين
نوبة عيوني تنظره يضرب ثنايا حسين
يقلّب جروحه ومنحره يا خيرة الطيبين
بهالموقف انه ما احتمل خويه ينور العين
واحسينا~ واحسينا آه~
〰〰〰〰
عميت عيوني من شفت شفت ثغرك يضربونه
تگله يا ظالم بالطشت لا تضرب سنونه
ينظر لزينب بالعجل وفتّحهن عيونه
يگلها دصبري عالمحن ودمعاته عالخدين
واحسينا ~ واحسينا ~ واحسينا آه~
〰️〰️〰️〰️
گلبي تأذى بشوفتك شاله ويلوح الراس
صحت انه وينك بو الفضل يا راعي النوماس
خلصنا خويه بالعجل من ديرة الارجاس
احميها اختك بالعجل ستر الوجه كفين
خادمة آل محمد✍🏻

*اطلبوا زيارة الحسين ع في ليالي القدر*
#سجلني_زاير
سجل اسمي للزيارة يا غريب~
سجل اسمي ناعي للشيب الخضيب~
سجل اسمي للزيارة عن قريب~
*لحن اسمع عتابي~ للشيخ البيابي~*
سجلني زاير ~ خلني اسافر
اكحل عيوني ~ بقبة ومناير

اطوف بْحَضِرْتك~ واذكر مِحِنتك
واقرا المصيبه ~ساعة ذَبِحْتك

بصحنك اطوفه ~ بدمعه ذروفه
اوصل ضريحك ~ وعيني تشوفه

اقرا الزياره~ واسمع بشاره
تسجلني خادم ~احلا عباره

خذ مني روحي ~ وضمد جروحي
خلها عا بابك ~ ويكفيني نوحي
حسين حسين حسين
مولا حسين حسين حسين
الشاعرة خادمة آل محمد ✍🏻
https://youtu.be/RsYn1i6972g

#واعلياه~
*(يا اهل العزاء مصاب امير المؤمنين ع في هذه ليالي القدر الحزينة نواسي دماة زينب ام المصائب التي تحملنا بأحزانها وعبراتها الى كربلاء هناك رأت رأسا قد طُبر~ نحرا قد نُحر وهنا ترى رأس ابيها وهامته قد شُقت ودماءه قد نزفت وله الأملاك قد أعولت وشاركت زينب بمصابها واويلاه واحيدراه واويلاه واحسيناه~.الله يساعد قلب زينب في محنتها~*
بحر طويل~ اطوار الملا عبد الحي قنبر~
زينب تبكي لمصابين وابوها منحفر گبره~
اتوسّد حيدر بلحده وفي راسه أثر طبره~
حسين بكربله مذبوح حزوا هالعدا نحره~
ثلاثة بلا دفن عاري مسلّب ثوبه وعمامه
〰️〰️〰️〰️〰️〰️
تعاين طبرة الكرار وتذكر كربلا وعاشر
رزياها تهدّ الحيل وگلبها عالأهل صابر
بمحرابه الولي مطبور يعني حسين بلا ناصر
يعني مثلث بگلبه صوّب حيدر بهامه
〰️〰️〰️〰️〰️〰️
بعد هنا المصيبة امتدادا لكربلا ~
وبليلة قدر زينب جرّت للسبي أذيال
للطف تستعد لليوم بايديها قيود احبال
وبطيحة ابوها اليوم زينب تنسبي بالحال
من فوق الهزيله تنوح واخوها طحنوا عظامه
حسين صح ونادي حسين يا حسين~
خادمة آل محمد ✍🏻

#واعلياه~ نعي ليلة الضربة
زينب ترى رأس ابيها وتتحسر على مصابه~
لحن جاوبني يا علي~
فجعتني طبرته
من انظر لـ هامته
يا خويه يالحسن
عظيمة محنته

المصيبه مؤلمه
راسه ينزف دِمه
مشدودة عصابته
شفته دمعي هِمه

ليش اسمع هالونين
يتألّم أبو حسين
لا تگلي ابونه راح
وگلبي انجرح جرحين

(مشهد تصويري )وكأني بـ زينب مرتبكه محتاره تنظر لأبيها من وراء الستار وتصفق كفيها~
صدق عنه يشيل
الليله حامي الدخيل
عسى سالم يگوم
ويمسح دمعي اليسيل

خادمة آل محمد✍🏻

*لحن صديقي الأبدي* ميثم مطيعي
وداعا يا أبتاهْ
يا شهيداً للهْ
يا كهف الأيتامِ
جبريلٌ ذا ينعاه

يا راحلاً عني
زينبٌ في حزني
من بعدك دمعي
يسكن في الجفن

وداعا يا علي واللقاءُ في كربلاء
كما وعدتني عند الذبيح في العراء
ستحضر هناك وترى زينب الإباء
في الأسر تندب وتسمع النداء
علي علي علي بك الغوث يا علي~
〰〰〰〰〰〰〰
يا مولى المؤمنينْ
من بعدك للدينْ
جار الزمان بنا
انظر دمعي في العين

اسمع نعيَ الزهراء
في الارض والسماء
تبكيك مقتولا
لها يعلو النداء

يا ابا الحسن ذا جرحك عظيم
أفجعتَ زينبك بقلبها اليتيم
تجددت جراح بـ ضلعيَ الهشيم
بك لنا العزاء وجرحنا الأليم

علي علي علي وداعا يا علي~
〰〰〰〰〰〰〰〰
خادمة آل محمد✍

#واعلياه~
الوداع الاخير وامير المؤمنين ع على فراش الموت~
لحن قلب امك يا بني مفتت♪*
حيدر يمّه ٱولاده ينوحون
ونّة ونّة بگلبِ المحزون
تعاين حيدر بفر اش الموت
تبچي الوالي بمدمع العيون
❀❀❀❀❀❀❀
واحد يمه يحبّ ايدينه
الثاني يمسح فوق جبينه
وحيدر يمهم فتّح عينه
وزينب تشوفه ومغطينه
❀❀❀❀❀❀❀
تگله صعبه اشوف المنظر
اگبالي راس الوالي مطبّر
وجه مخطوف لونه اصفر
سالم ردته بويه حيدر
خادمة آل محمد✍

#واعلياه~
*الوداع الأخير بين زينب وابيها ع ~لحن اسمع عتابي ~*
زينب أميرة~ حيرتها حيرة
ودّعها حيدر~النظرة الأخيرة

گال الها اصبري~ ودمعاته تجري
گالته ابويه~ اخذ مني عمري

اخذ مني روحي~ وبلسم جروحي
تدريني بعدك~ بونّي ونوحي

اه اه جواب امير المؤمنين ع لـ زينب~
تنتظرك جروح~ لا تزيديِ النوح
بالطف رزايا ~ تفجعلك الروح

تشوفي العجايب~ وكل الحبايب
كلهن ذبايح~ فوق الترايب

وتعايني حسين~ محزوز الــِ وْتِين
وعباس اخوچ ~ وبلا يا چفين

وابن امچ ذبيح~ ودم نحرهِ يسيح
وبلا يا اكفان~ يا زينب طْريح

وتشوفي الـِ خيول~ عا صدرهِ تجول
تسحق ضلوعه ~ والوالي مقتول
خادمة آل محمد ✍🏻

#واعلياه ~
*وداع الجنازة~ لسان حال زينب تخاطب من شالوا جنازة ابيها امير المؤمنين ع* لحن الجفيري
ريّض يا دفّان الولي
لا تشيله نعشه للولي
خلينه اودعنّه علي
النظره الأخيرة وگلبي ذاب
〰〰〰〰〰〰
خلينه اشدّ عصابته
واعدل لـ بويه عمامته
جرح الولي في هامته
لا تدفنه تحت التراب
〰〰〰〰〰〰〰
لاجله الخدود اللاطمه
ودّعني راح لـ فاطمه
جرح الرأس ينزف دِمه
صواب الجرح في گلبي صاب
〰〰〰〰〰〰
ادفني يمّه بالگبر
ما ريده بعده هالعمر
ما ينحمل جرح الصبر
راحل ابويه وگلبي ذاب
خادمة آل محمد✍🏻

#واعلياه ~
*وداع الجنازة~ لسان حال زينب تخاطب من شالوا جنازة ابيها امير المؤمنين ع* لحن الجفيري
ريّض يا دفّان الولي
لا تشيله نعشه للولي
خلينه اودعنّه علي
النظره الأخيرة وگلبي ذاب
〰〰〰〰〰〰
خلينه اشدّ عصابته
واعدل لـ بويه عمامته
جرح الولي في هامته
لا تدفنه تحت التراب
〰〰〰〰〰〰〰
لاجله الخدود اللاطمه
ودّعني راح لـ فاطمه
جرح الرأس ينزف دِمه
صواب الجرح في گلبي صاب
〰〰〰〰〰〰
ادفني يمّه بالگبر
ما ريده بعده هالعمر
ما ينحمل جرح الصبر
راحل ابويه وگلبي ذاب
خادمة آل محمد✍🏻

*الوصية من أمير لأميرة*
*حوار يدور بين الامام علي ع وابنته زينب ع*
يا زينب وصية گِعدي وٱسمعيها ~
صعبة هالمسية أمانة وتحمليها ~
ٱصبْرِي عالرزيه والدمعة احفظيها ~
لا تهلّيِ عيونچ اچدّامچ محن كثره
〰️〰️〰️〰️〰️
عندچ مصايب تنتظر بيها العجايب
كل محنة تتبعها محن وتتبع نوايب
بس الله خالق زينب لهاي المصايب
كعبة وتطوف ام الصبر كل محنة للعتره
〰️〰️〰️〰️〰️〰️
سؤال زينب؟ شعندك يبويه؟
بحر طويل
شعندك يبويه من محن يا حيدر اخبرني
مفجوعة ادري بـ اخوتي وانت الي تفجعني
يوم الحسن كله محن يا بويه دوهني
ويوم الذبيح بكربله لن خاطري يِكِسره
〰️〰️〰️〰️〰️
يگلّلها من بعدي الحسن چبده يسمونه
وحسين اخوچ بكربله ظامي يذبحونه
وانت غريبه وتنسبي وخدرچ يشوفونه
صعبه الأميرة تنسبي لديرة غرب حسرى
زينب زينب زينب
〰️〰️〰️〰️〰️〰️
واعظم محن في كربله تشوفي جسد مطروح
وخيول اميه تسحقه ودم النحر مسفوح
وراسه يشيلونه برمح واويلي عالمذبوح
وخيل الاعادي حاطته تطحن عظم صدره
حسين~ صح ونادي واحسيناه
خادمة آل محمد ✍🏻

#واعلياه~ نعي ليلة الضربة
زينب ترى رأس ابيها وتتحسر على مصابه~
لحن جاوبني يا علي~
فجعتني طبرته
من انظر لـ هامته
يا خويه يالحسن
عظيمة محنته

المصيبه مؤلمه
راسه ينزف دِمه
مشدودة عصابته
شفته دمعي هِمه

ليش اسمع هالونين
يتألّم أبو حسين
لا تگلي ابونه راح
وگلبي انجرح جرحين

(مشهد تصويري )وكأني بـ زينب مرتبكه محتاره تنظر لأبيها من وراء الستار وتصفق كفيها~
صدق عنه يشيل
الليله حامي الدخيل
عسى سالم يگوم
ويمسح دمعي اليسيل

خادمة آل محمد✍🏻

#واعلياه~
*(يا اهل العزاء مصاب امير المؤمنين ع في هذه ليالي القدر الحزينة نواسي دماة زينب ام المصائب التي تحملنا بأحزانها وعبراتها الى كربلاء هناك رأت رأسا قد طُبر~ نحرا قد نُحر وهنا ترى رأس ابيها وهامته قد شُقت ودماءه قد نزفت وله الأملاك قد أعولت وشاركت زينب بمصابها واويلاه واحيدراه واويلاه واحسيناه~.الله يساعد قلب زينب في محنتها~*
بحر طويل~ اطوار الملا عبد الحي قنبر~
زينب تبكي لمصابين وابوها منحفر گبره~
اتوسّد حيدر بلحده وفي راسه أثر طبره~
حسين بكربله مذبوح حزوا هالعدا نحره~
ثلاثة بلا دفن عاري مسلّب ثوبه وعمامه
〰️〰️〰️〰️〰️〰️
تعاين طبرة الكرار وتذكر كربلا وعاشر
رزياها تهدّ الحيل وگلبها عالأهل صابر
بمحرابه الولي مطبور يعني حسين بلا ناصر
يعني مثلث بگلبه صوّب حيدر بهامه
〰️〰️〰️〰️〰️〰️
بعد هنا المصيبة امتدادا لكربلا ~
وبليلة قدر زينب جرّت للسبي أذيال
للطف تستعد لليوم بايديها قيود احبال
وبطيحة ابوها اليوم زينب تنسبي بالحال
من فوق الهزيله تنوح واخوها طحنوا عظامه
حسين صح ونادي حسين يا حسين~
خادمة آل محمد ✍🏻

#واعلياه~
*مرض امير المؤمنين ع*
*سؤال مولاتنا زينب ع للحسن والحسين ع؟؟؟؟*
عن حاله الطبيب شگال صدق جرحه بعد ما طاب
يخوفي السم جرى بجسمه وعنا يشيل داحي الباب
خبرني عن احواله بصوابه الگلب منصاب
طمّني الولي وضعه أبويه حالته صعبه؟؟؟
〰️〰️〰️〰️〰️〰️
الحسن لاخته يدير العين وگال الها الوضع مو زين
جرحه مو سهل يختي وصعبه حال ابو الحسنين
جبينه والوجه اصفر وبدمه ينزف بجرحين
طبيبه مأيّس بحاله ويشد عصابه عالضربه
〰️〰️〰️〰️〰️〰️
*صاحت زينب ويلاه ما الذي اسمعه اخي حسن اخي حسين هل أشرف على المنية؟؟؟؟*
لحن الجفيري~
صاح الحسن صاح الحسين
كفّي يا زينب هالونين
شدي العصابه عالجبين
واصبري يا زينب عالمحن
〰️〰️〰️〰️〰️〰️
مو تسمعين وصيّته
لو ابونه حانت موتته
ولو يدفنونه بحفرته
لا تسكبي دموع الحزن
〰️〰️〰️〰️〰️〰️
لو شفتي ينعاه الطبيب
خلي دموعچ عالغريب
نوحي على الشيب الخضيب
ولا تحبسي دمع الجفن
〰️〰️〰️〰️〰️〰️
خادمة آل محمد ✍🏻

*وداع امير المؤمنين ع لأولاده ووصيته لاهل بيته ع* بحر طويل ~ تقرأ بلحن لفى عاشور او الحان الملا عبدالحي قنبر ♪
حيدر يوصي اولاده وعليهم يدير العين
نوبه للحسن يوصي وعينه عالذبيح حسين
ونوبه يعاين العباس ويبچي لگطعة الچفين
ونظرة لزينب الحرّه وگلبه عليها يتفطّر
〰️〰️〰️〰️〰️〰️
الحسن~~
وصيّه يالحسن اوصيك اصبر عالمحن بعدي
باچر تفقد الغالي واتوسّد انا بلحدي
من بعدي يسمّومنك وبالسم يمردو چبدي
اتكفّل بـ أيتامي وزينب خلها تتصبّر
〰️〰️〰️〰️〰️〰️
الحسين~~
دار العين عالمظلوم يودّعه والگلب مفجوع
يگله يا ذبيح الطف راسك عالرمح مرفوع
وجسمك بالفله موذّر يبني مكسّره الِضلوع
ظامي تنذبح بالطف بلا اكفان تتوذّر
〰️〰️〰️〰️〰️〰️
العباس~~
وانت يبني يا عباس تدري لكربلا مذخور
لا تقصّر عن المظلوم ونصره لو إجا عاشور
افديه بچفوف اثنين وانت جيشه المنصور
واسيه بعطش چبده عطشان الچبد يسعر
〰️〰️〰️〰️〰️〰️
زينب~~
وانت للصبر عنوان يا بنيتي يا محزونه
وبدرب السبا تمشي وخدرچ من يسلبونه
وخيامچ يحرگوها وحسينچ يذبحونه
اصبري لو تشوفينه اگبالچ منگطع منحر
حسين يا حسين
خادمة آل محمد ✍🏻

*نخوة لحضور الأمير ع عند موت الموالي وفي حشره ~ لحن الجفيري♪*
يا صاحب النور الجلي
احضرني بقبري يا علي
نوّر حُفُرْتي يالولي
احضر يا حيدر بالشدد
〰️〰️〰️〰️〰️〰️
گالوا ٱنت تِحضر بالگبر
وتسهّل عليّْ كل عُسر
وتحضرني ساعة احتضر
من اصرخ بإسمك مدد
〰️〰️〰️〰️〰️〰
لو نزّلوني بالتراب
ولو جاني منكر للحساب
يزجرني ويريد الجواب
ينجيني منِ ٱهْوالِ اللحد
〰️〰️〰️〰️〰️〰️
وبالموقف وعند العسر
ومن يوقدوا النار بـ سقر
ولحظة مروري عالجسر
اشفعلي يا سيد الحشر
〰️〰️〰️〰️〰️〰️
خادمة آل محمد✍🏻
https://www.tg-me.com/kadimatAlmouhamad