زينب تخاطب العباس دارت وجهها عند كفيلها ناحية المشرعه وصاحت ها يبو فاضل~~~
انا ادري ما ترضاها
بين الزلم يسبوني
اختك صعب ممشاها
ويحدي الشمر بـ ظعوني
يلي سموك الكافل
ترضى العدا شتموتي
سبيه اطلع هاليوم
وظعني حِدا بلا رايه
〰〰〰〰〰〰
مو إنت كافل خدري
وانا ٱجيت ٱميره بحماك
منهو يصعّدني الناقه
وفوق الشريعه يمناك
ترضى يا تاجي وستري
طولي بيشوفونه عداك
راح امشي عنك گوّه
وراسك يلوح ويايه
خادمة آل محمد ✍🏻

الزهراء حاضرة عند العباس ع
حضرة بجلباب السواد
عالمشرعه تنصب حداد
شافت گمر فوق الجواد
طاح وهوى بلا يا ايدين
〰〰〰〰〰〰〰
تلگّت چفوفه عالتراب
وشافت گمر دمه خضاب
تونّ على ابن داحيِ الباب
وشلون اعاين هالسهم
صعبه انظرالسهم في عينك ولدي عباس~
تگله عباس~ يا ابو چفوف الگطيعه
تگله عباس ~ يلي نايم عالشريعه
تگله عباس~ لمصرعك إجت الشفيعه

تگله وفّيت~ وما قصّرت اگبال للحسين
تگله وفيّت ~ قدّمت چفوفك وعين
تگله وفيت ~ واجيتك انحب بالأنين

يابو فاضل ~ يابو فاضل
خادمة آل محمد✍🏻

وداع زينب للعباس ع
لحن اسمع عتابي
يا خو الوديعه~ وبدر الطليعه
بوداعة الله ~ چفوفك گطيعه

ساقي الظمايه~ وحامي حمايه
ادري تطيحن~ خويه هالرايه
جواب العباس
صبرچ يا زينب ~ والمحنه اصعب
تشوفيني يختي~ بدمي مخضب

تطيحن يميني ~ وسهمي بعيني
لو عفتك انه~ يختي اعذريني

روح الله وياك ~ ودموعي ترعاك
يخويه تدري~ شو. صعبه فارگاك

خادمة آل محمد✍🏻

*كأني بالعباس يخاطب امه ام البنين ع* الجفيري~
صاح الگمر يٱم البنين
أفديها روحي للحسين
ترخص كفوفي لَهْ وِعين
ثلاثه رميه عالنهر
〰️〰️〰️〰️〰️
شايل وصيتچ للغريب
ظامي الحشا ابقى وتريب
وجسمي من دمومه خضيب
وترخص له كفين الگمر
〰️〰️〰️〰️〰️
جواب ام البنين~تگله
واسي اخوچ بطيحته
وراسه وجسمه وذبحته
وافدي العيون لمهجته
واحرسها خيمات الخدر
〰️〰️〰️〰️〰️
جواب العباس بعد الشهادة
يگلها ~
يا يمه وفّيت العهد
وراسي انطبر يُمه بـعَمد
وجسمي ما مدفون بلحد
سهام المنيه بالصدر
خادمة آل محمد✍🏻

.*وصية امير المؤمنين ع لولده العباس ع*
يبني عباس… يبني اسمع هالوصيه
يبني عباس… من تروح الغاضريه
يبني عباس… لا تعرف اختك سبيه

يبني عباس… اريد الحرَه تكفلها
يبني عباس… واحميها ودلّـلها
يبني عباس… خلها بشيمتك خلها
*وكأني بامير المؤمنين ع راح يقص للعباس ما سيجري عليهم من محن في ارض الطفوف~*
انت مو غيرك كفيل وانت بس حامي الظعينه
منهو غيرك يبو فاضل يقطعوا يساره ويمينه
تدري محّد لْـ هالمهمة ويكفل اخته هالحزينه
للعطاشى انت ساقي
وانت شيّال العلم
يابو فاضل يابوفاضل يابوفاضل يابو فاضل
❈❈❈❈❈❈❈❈
وعدك هناك بطفوفك تفدي نفسك للحسين
تسقي اطفاله وعياله
تقدّم يسار ويمين
ولْخيامه انت حارس وانت مطبور الجبين
طبرتك تشبه طبرتي لكن بعينك سهم
يابو فاضل يابوفاضل يابوفاضل يابو فاضل
❈❈❈❈❈❈❈❈
خادمة آل محمد ✍🏻

*شكوى زينب ع لأخيها العباس ع بعد شهادته*
لحن. اسمع عتابي♪
طايح علمنا ~ وحرگوا خيمنا
حرم ويتامى ~ وين الكفلنا

تترجّى عيني~ الكافل يجيني
يظلّل عليّه ~ ويمسك يميني
وصوت الشريعه~ يختي الوديعه
اعذريني يختي~ چفوفي گطيعه
حگك عليّه ~ يگولو سبيه
ويشوفو طولچ~ يالهاشميه

خادمة آل محمد✍🏻

*ام البنين ع توصي العباس ع* لحن الجفيري~
شد بيدك يعباس العلم
والرايه خلها ويالحرم
يا محلا توفيق الخدم
من يرخص بدمه لحسين
〰️〰️〰️〰️〰️
خل عينك على ام الخدر
حامي خدرها والسِّتر
كافلها عباس الگمر
افديها بكفوف وبـ عين
〰️〰️〰️〰️〰️
بچفوفك تميل الركب
لو مالت بوسط الدرب
واسقيها من ماي العذب
وصية يابن ام البنين
〰️〰️〰️〰️〰️
سامحها لو زادت عتاب
وشافت اخوها عالتراب
چفوفك دخلّيها حجاب
وستر الوجه خلي اليدين
خادمة آل محمد ✍🏻

لسان حال العباس حين اتى الى خيمة العقيلة ونظر في عينيها راح يطمئنها ويسكن روعها هنا زينب لم تطلب الماء رغم عطشها… فقط نظراتها شكوى لما سيجري عليها والعباس يحاچيها يگلها~~

ترخصلچ عيون الگمر والعلقمي ومايه~~~
لْعِيناچ يا أم الخدر وترفرف الرايه~~~
سهله يا زينب هالأمر چفوف الگمر هايه~~~
فدوه إلچ يم النهر لو طاحن الچفين
〰️〰️〰️〰️〰️〰️
گالتله خوفي من بعد عينك يضيعونه~~~
ما همّي اعطش والألم كل الألم دونه~~~
همي الدرب بين الغرب أمشي ويسبونه~~~
واصعد هزل نوگ وحرم ودمعي يهل بالعين
خادمة آل محمد✍

*[ يا فرسان الهيجاء ]*

أداء: الرادود الحسيني #علي_الرميثي
كلمات: الشاعر #حسين_حازم_البوشي
https://youtu.be/Y41mm9Om3c4

مجالس شهر محرم الحرام 1447 هـ - 2025 م
ليالي العشرة الأولى من شهر المحرم
هيئة عزاء الله - العراق - النجف الاشرف - قضاء المشخاب

مونتاج وتنفيذ: مصطفى الحميداوي
مكساج: أحمد البرمكي
مخطوطة: فاطمة تركي
غلاف: ميرزا محمد جواد
ترجمة: مرتضى التميمي
النشر الشبكي: علاء بركات العاملي

اللَّهُمَّ عَجِّل لِوَلِيِّكَ الفَرَجْ

*[ شيب التاريخ ]*

أداء: الملا #أحمد_الخيكاني
كلمات: الشاعر #يحي_العيساوي

https://youtu.be/xpGsYKAneHY

إحياء ليالي شهر محرم الحرام لسنة 1447 هـ - 2025 م
ليالي العشرة الأولى من شهر المحرم
عزاء هیئة شباب العزيزية - العراق - واسط
موكب راهب آل محمد عليهم السلام

مونتاج: أبو حسن صباح
مكساج: كرار الموالي
غلاف: أبو حسن صباح
النشر الشبكي: علاء بركات العاملي

اللَّهُمَّ عَجِّل لِوَلِيِّكَ الفَرَجْ

*[ ناموس العشيره ]*

أداء: الرادود الحسيني #عمار_الكناني
كلمات: الشاعر #السيد_ياسر_الجابري

https://youtu.be/rGzQHMZxuOY

مجالس شهر محرم الحرام 1447 هـ - 2025 م
مجلس الليلة الخامسة من شهر المحرم
عزاء هيئة نور الحسين عليه السلام - العراق - بغداد

مونتاج: حيدر ميرزا
إخراج: محمد خنجر
مكساج: عباس الحواج
مخطوطة: مؤمل الرميثي
المتابعة الفنية: محمد نجم
إشراف وتنسيق: علاء السوداني
النشر الشبكي: علاء بركات العاملي - علي الفاطمي

اللَّهُمَّ عَجِّل لِوَلِيِّكَ الفَرَجْ

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
https://www.tg-me.com/raadghurikhi

*[ الله أكبر كربلا ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري

https://youtu.be/EViSOgNI6b8

مجالس شهر محرم الحرام لسنة 1447 هـ - 2025 م
ليالي العشرة الأولى من شهر المحرم
عزاء هيئة مجانين السيدة رقية عليها السلام - العراق - البصرة
حسينية قصر السلطان علي ابن موسى الرضا عليه السلام

مونتاج: أراز الحيدري
مكساج: سجاد الهيفي
مخطوطات: محمد الحسناوي
غلاف: علي الشبيب
إشراف عام: أحمد الخاقاني
تنفيذ: شركة نور الخيام
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَجْ

شْلُونَ ابُو فَاضِلْ وِگَعْ مِنِّ الْمُهُرْ
مْگَطِّعَاتِ زْنُودَه طَاحِ عْلَه الصَّدُرْ
لِيلَةِ السَّابِعْ تَرَه تْهِدِّ الصَّبُرْ
حَگْنَه عَالْكَافِلْ نِمُوتِ مْنِ الْأَلَمْ
----------------------------------
صَدْرَه چَانِ مْتَرَّسِ سْهَامِ الْگُمَرْ
مَدْرِي چَمْ سَهْمِ بْوَسَطْ صَدْرَه انْكِسَرْ
هَاذَه غِيرِ اللِّي طِلَعْ مِنِّ الظَّهَرْ
حَتَّى عِينَه مَا سِلَمْ بِيهَه السَّهَمْ
----------------------------------
چْفُوفَه عَالْغَبْرَه غِدَتْ تَحْتِ الْخِيُولْ
وِالْحَوَافِرْ گَامَتِ عْلِيهَه تِجُولْ
سَاعَدَ الله فَاطِمَه الزَّهْرَه الْبَتُولْ
شَافِتَه بْيَا حَالَه شَيَّالِ الْعَلَمْ
----------------------------------
حْسِينَ ابُو الْغُرْبَه تِعَنَّه لْمَصْرْعَه
وِعْلَه اخَيَّه طَاحَ اوِيلِي يْوَدِّعَه
ضَجَّتِ الدِّنْيَه لْحَنِينَه وْمَدْمَعَه
گَلَّه عَبَّاسِ انْطُفَه نُورِ الْخِيَمْ
----------------------------------
خُويَه إِرْجَعْ سَاعَه أَشْبَعْ مِنْ هَوَاكْ
كِلْشِي هَيِّنْ إِلّا يَا رُوحِي جِفَاكْ
رَاحَ امُوتِ بْحَسْرِتِي خُويَه وَرَاكْ
حِيلِي وَيْ حِيلِ الْخِدِرْ لِيكِ انْهِدَمْ
----------------------------------
بْسَاعَةِ لْمُو شِدَّه فَگْدَكْ مُو سَهِلْ
شْلُونْ بِينَه بْكَرْبَلَه يَا بَا الْفَضِلْ
گُومْ خُويَه خَلَّه ظَهْرِي يِنْعِدِلْ
خَلْ تِرفَّنْ رَايِتَكْ فُوگِ الْحَرَمْ
----------------------------------

#العباس
#محرم_١٤٤٧هج
https://www.tg-me.com/Hassankhanafer

خُويَه وِينْ....طَايِحْ عَلَمْنَه
خُويَه گُومْ...حِرْگَوْ خِيَمْنَه
يَا گُمَرْ...........آنَه الْغَرِيبَه
مَا تِشُوفْ...زِينَبْ سَلِيبَه
----------------------------------
خُويَه چَا وِينَه الْكِفَلْنِي حَضِّرَوْ لِاخْتَكْ حَبِلْ
لِلسَّبِي يَرْدُونِي أَطْلَعْ أَمْشِي وِبْوِلْيَةْ نَذِلْ
لَا تِظِنْ جَابَوْ مَحَامِلْ جَابَوِ النُّوگِ الْهِزِلْ
يَا بُو فَاضِلْ عِينِي تِجْرِي وِانْتَه مَيِّتْ مُو عَدِلْ
وِالْحِجَابْ.....بِالطَّفْ تِسَلَّبْ
وِالْحِجَابْ...عَالْغَبْرَه يِنْحَبْ
هَاذَه حَالْ....أُمِّ الْمُصِيبَه
مَا تِشُوفْ...زِينَبْ سَلِيبَه
----------------------------------
مَا گِلِتْ يَخْتِي وَدَاعَاً گِتْلِي رَايِحْ لِلنَّهَرْ
تَالِي رَدِّ حْسِينَ اخُونَه مَحْنِي مَكْسُورِ الظَّهَرْ
رَاحَ اظَلْ عَطْشَانَه بَعْدَكْ حَتَّى امُوتِ مْنِ الْقَهَرْ
وَآنَه أَحْزَانِي لْمُصَابَكْ مَا يِكَفِّيهَه دَهَرْ
كُونَ اطِيحْ...عَالشَّاطِي يَمَّكْ
كُونَ اطِيحْ.......كَاتِلْنِي هَمَّكْ
يَا حَبِيبْ.....فَارَگْ حَبِيبَه
مَا تِشُوفْ...زِينَبْ سَلِيبَه
----------------------------------

#العباس
#محرم_١٤٤٧هج
https://www.tg-me.com/Hassankhanafer

عَمِّي يَا حْسِينِ الْإِذِنْ مِنَّكْ أَرِيدْ
مَگْدَرِ بْعِينِي أَشُوفَنَّكْ وَحِيدْ
غَايِتِي بْصَفْ عَسْكَرَكْ أَصْبَحْ شَهِيدْ
لَا تِخَيِّبْ طَلْبِتِي وِظْنُونِي
----------------------------------
آنَه جَاسِمْ آنَه إِبْنِ الْمُجْتَبَى
سِيفِي يِطْفَحْ مَرْجَلَه زُودِ وْإِبَه
مَا يِهِمْنِي بْحُومِتِي عُمْرِ الصِّبَه
خَلْ أَرَاوِيلَكْ يَعَمِّي فْنُونِي
----------------------------------
وِالْعِرِسْ عِنْدِي يَضَيْ عِينِي الْعِرِسْ
مِنْ أَقَدِّمْ دُونَكِ الْيُومِ النَّفِسْ
جِيتَ ا سَطِّرْ بِالْوِفَه أَعْظَمْ دَرِسْ
لِلْمَعَارَه وِالْأَجَلْ زِفُّونِي
----------------------------------
جَاوَبَه حْسِينِ وْدَمِعْ عِينَه يِصُبْ
شْلُونَ اشُوفَكْ نَايِمِ بْحِضْنِ التُّرُبْ
هَالطَّلَبْ يَا جَاسِمِ هْوَايَه صَعُبْ
إِنْتَه رِيحَه مْنِ الْحَسَنْ يَعْيُونِي
----------------------------------
أَرْدَ انِشْدِكْ يَبْنِي عِنْدِي مَسْأَلَه
شْلُونْ تِنْظُرْ لِلْمِنِيَّه بْكَرْبَلَه
گَلَّه أَحْلَى مْنِ الْعَسَلْ طَعْمِ الْبِلَه
هَالْعَقِيدَه رَاسِخَه بْمَضْمُونِي
----------------------------------
مِنْ نِزَلْ لِلْحُومَه نَادَه بِالْعَلَنْ
وِارْتِجَزْ إِنِّي أَنَا نَجْلُ الْحَسَنْ
وَحُسَيْنٌ كَالْأَسِيرِ الْمُرْتَهَنْ
مِنْكُمِ الْيَومَ ارْدَ اوَفِّي دْيُونِي
----------------------------------
سَاعَه لَنْ صُوتَه اعْتِلَه عَمْ يَا حُسِينْ
عَمِّي أَدْرِكْنِي وْوِصَلْ لِيثِ الْعَرِينْ
شَافَه طَايِحْ وِاعْتِلَه مِنَّه الْوِنِينْ
يَبْنِي بَعْدَكْ مَا تِطِيبِ جْفُونِي
----------------------------------

#القاسم
#محرم_١٤٤٧هج
https://www.tg-me.com/Hassankhanafer

انطيتك اسنيني
والأمل تكبر يا بعد عيني
شفتك امطبر يجاسم
يجاسم
*
عمري نذريته اعله مودك و أخدمك بيه
وگلت من تكبر تعب عمري توفيه
شمعه بمهادك چنت بالليل اضويه
وچنت حتى امن النسيم الهاب اداريه

أحلم وأسرح احضنك و أفرح يجاسم
وحلمي اتنثر شفتك امطبر يجاسم
*
ابطني يبني وهم چنت بالليل اناغيك
وأمسح ابطني واگول الله يخليك
ومن كثر شوگي الجمالك صرت اناديك
تدري بمك كل عمرها فدوه تنطيك

انته آمالي يا اعز غالي يجاسم
وبالشمس والحر شفتك امطبر يجاسم
*
ردت أحرزك يبني كل خوفي من العين
الهذا چنت أقرا مع الصافات ياسين
وادعي ربي انطيني واحد ينصر حسين
بحق علي الأكبر يربي وأم لبنين

وربي انطاني وبيك وافاني يجاسم
چنت اتنطر شفتك امطبر يجاسم
*







حلم دايم أحلمه واتنطر ألقاه
وأدعي ربي ياعظيم الشان والجاه
تدري يايمه اشچنت اتمنى وأرجاه
ابني لحسين ابغربته يرخص ادماه

ويرتفع راسي يا أعز ناسي يجاسم
بشوفته وأستر شفتك امطبر يجاسم
*
نام يا سباح گلبي اعله الترب نام
وحني چفي يا حبيبي بطبرة الهام
تدري من اسنين اتنطر ها ليام
حتى لزهره اگلها ابني جسام

تفرح الزهره يبني هالطبره يجاسم
وترضى بالمحشر شفتك امطبر يجاسم
*
الله گايل أنفقو مما تحبون
لون ردتو اعله صراط الحق تعبرون
الهذا قدمتك يروحي ونور لعيون
فدوه لبن الزهره قربه الخالق الكون

بالله حصنتك لله قدمتك يجاسم
يبني واتصبر شفتك امطبر يجاسم
*

أبو السبطين الاحسائي

جاسم يا نبض گلبي ونظر عيني
امك وانتحب يا زهرة اسنيني
*
رمله امك يجاسم يا نظر عيناي
جيتك يا حبيبي بدمعتي وابݘاي
جيتك و الظهر محني بعظم بلواي
محنية ظهر بس اجذب اونيني
*
جيت اجذب ونيني واهمل الدمعه
بلچت هالونين من امك اتسمعه
وتدريني وحيده وفجعتي فجعه
واذا عني رحت دمعي اليسليني
*
گوم انهض يروحي وارحم الحالي
غيرك يا الوالد ثاني ابد مالي
يا عيني ويروحي وشمعة آمالي
بغيرك ما چنت متأمله تدريني
*
تدريني برباك اتأمل واحلم
من اكبر يروحي وعمري يتجدم
لو طاح النظر من عندي واتهدم
تالي اعله الدرب بيدك تدليني
*
ويا وسف الحلم مات وغفى يمك
من شفتك صريع امخضب ابدمك
صرت اصرخ وانوحن وانتحب يمك
يا حلم السعد ترحل وتجفيني
*
اعليك اتعودت يبني ينور العين
اكحل ناظري ابسماتك ابكل حين
وهسه الوين اگصد بالوجه لا وين
ونور العين غاب وفگده عاميني
*
أبو السبطين الأحسائي