*[ ما صاحوني ]*

أداء: الملا #محمد_باقر_الخاقاني
كلمات: الشاعر #عباس_الشبلاوي
الذاكر: سيد مهدي البكاء

https://youtu.be/Y19befXwnCA

مجالس شهر رجب الأصب لسنة 1445 هـ - 2024 م
مجالس ليالي خروج ظعن الإمام الحسين عليه السلام من المدينة المنورة إلى مكة المكرمة ثم إلى كربلاء المقدسة
عزاء هيئة مجانين الحسين عليه السلام - العراق - البصرة

مونتاج: عباس الزيداوي
مكساج: مصطفى وحيد
مخطوطة: علي الشاهين
غلاف: علي الشبيب
إشراف عام: أحمد الخاقاني
تنفيذ: قنبريون ميديا للإنتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

| إرزقني الحسين |
الرادود عباس فهدا | كلمات المنذري

المجلس الأسبوعي
هيئة أبناء البتول عليهم السلام

#قصيدة_لمحرم_الحرام

قصيدة جديدة في طور الكتابة بعنوان (للبعض)

للبعض احچيهن كلمتين حلو التواضع وي الحسين
اخدم حسين بنفسك ومالك
گبل الحسين شچانت احوالك
=====================
يا خادم حسين انتبه اخذ الحذر لاتنغر
لو شانك لفوكَ ارتفع لاتنسى فضل المنبر
اتواضع وخل قدوتك زين الشباب الاكبر
ما دامت الدنيا لاحد الدنيا دايم تفتر
اعقدها نيتك قربى لله تلگة الي يخلص الله علاه
من حسين جاهك والعلو نالك
گبل الحسين شچانت احوالك
=====================
#رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام

نعي من رؤية هلال محرم الى ليلة الوحشة جديد
……………………………… ....
هل عاشور ها يهل المحّنه
وانتم بالگبور ابعيد عنه
فگدنا الچانوا ويانه من اهلنه
ياوسفة الدهر طشر شملنه
دليلي من جفاكم ما تهنه
ها يطياب ما بطلت الونه
چنه ابيا وضع وشلون صرنه
كل واحد كتر يالرحتوا منه
-------------------------------------

نعي بحق ام البنين عليها السلام
-------------------------------------
اشو كلكم مشيتوا يا ميامين
اظل شلون وحدي يمة يحسين
خالي البيت منكم ياضوة العين
شالوا كل هلي وبعيد ماشين
افگدمن وانوحن واحد اثنين
كلها اعزاز روحي تسوة الونين
خذتهم يادهر چي اهلي زينين
-------------------------------------

نعي عن فاطمة العليلة
---------------------------------------
شديتوا الضعون وعيني تربي
شو محد يگلي گومي اركبي
اصدلكم واحط ايدي اعله گلبي
على الزينين ها يعيون صبي
خالي البيت منكم موش حسبي
تيهت الدرب ما اشوف دربي
اعاتبكم فلا اسمعون عتبي
-----------------------------------

نعي بحق مسلم ابن عقيل عليه السلام
--------------------------------------------
المالة اخوان وكت الضيج حيرة
اشلون البالغريب وابغير ديرة
لالة اخوان بيها ولا وعشيرة
مسلم وحدة وضايع نصيرة
طاح ابين ناس ابلاية غيرة
من فوكَ القصر شوفة يديرة
صوب حسين وبحسرة چبيرة
سلام اعليك وبنيتي الزغيرة
--------------------------------------

نعي بحق الانصار
--------------------------------------
وي حسين يا محلة المنية
نقدم ارواحنا لجلة هدية
وخل تشهد علينا الغاضرية
طلگنه النسا ودنيا الدنية
ابلايا حسين ما تسواش هية
نطيح وياه لازم عالوطية
انصار وفدة لبن الزچية
--------------------------------

نعي وداع الحسين مع ابو الفضل عليهما السلام
--------------------------------
ها يحزام ظهري الله وياك
وحگك ينكسر ظهري بلاياك
من گبل اللسان الگلب ناداك
اوكف يالكفيل واشبكَ عضاك
ارد اشتم يمينك ويه يسراك
وحبن هامتك وانوب عيناك
واشمن ريحتك والعين تبراك
ما بيهم رحم ياضنوتي عداك
--------------------------------------

نعي بحق القاسم عليه السلام
--------------------------------------------
يا شم الهوة يا ضي العيون
دليلي يالشباب عليك محزون
تكتل ونته وليد الزغيرون
يا جسام يبني بمك اشلون
تخليني وحيدة وعني تمشون
يولادي فرد شيلة تشيلون
انته وكل اخوتك عني ترحون
الگلب مجروح يولادي تخلون
--------------------------------------

نعي بحق علي الاكبر
-------------------------------------
جرحك يالولد ظل يدي ما طاب
شباب وما تهنه من الهوة الهاب
راح ابعز شبابة وچالنجم غاب
يالاكبر ياحسافة ايطمك اتراب
رحت عني بعجل يا تالي الاحباب
اعاتب بالدهر شيفيد العتاب
دمع مصيبتك لليوم سچاب
------------------------------------

نعي بحق عبدالله الرضيع عليه السلام
-------------------------------------
الوليك و اون والمهد خالي
يعبدالله انفطر گلبي يغالي
يبعد رويحتي يا بعد حالي
اعد بغيبتك والدمع هالي
ابفگدك يالزغير اسهر ليالي
غير الحزن والنوح مالي
ردتك للكبر وتصير والي
انوح عليك يا مدلول تالي
----------------------------------

نعي بحق الامام الحسين عليه السلام
--------------------------------------
وحيد حسين والعدوان گثرة
وسهم الموت اجاه وصاب صدرة
ولحيتة من نزيف دماه حمرة
ما طخ راس زاد اضعاف صبرة
اجته خيول موش خيول عشرة
تدوس اعله الصدر گامت تكسرة
تروح وترجع اعله حسين جسرة
ياوسفة بحقد مگطوع نحرة
--------------------------------------

نعي بحق السيدة زينب عليها السلام في ليلة الوحشة
--------------------------------------
اجاني الليل خوية وچل ظلامة
ادير العـــين شو نومة النشامة
يــــبو الايتام افزع لليــــتامة
بعد هاليوم ماتحصل سلامة
ولا ليل اليـــــمر اگـــدر انامة
خوية وللسبي لاحت علامة
وحشة الليل ها يهل الشهامة
-------------------------------------
أسألكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام


قصيدة بدوية للعليلة.. جديد محرم ١٤٤٦ هـ ( كأني بأم البنين عليها السلام تخاطب الامام الحسين عليه عندما رحلوا بضعنهم وهي تقول)


بهونك يشيخ ارجالها
شوفوا العليلة اشحالها
================
من داركم صوت اعتلة
بتكم عليلة وناحلة
وام البنين الگايلة
ارجاكِ نوخَ جــــمالها
================
يا سايجين اضعونكم
الله يكون ابعونكم
للداري صدوا اعيونكم
بتكم عليلة لحالها
================
هاشم اصايل راچبة
وتبچي العليلة وناحبة
ونار ابحشاها لاهبة
وينشاف بس خيالها
==================
بالداري توگف واتعثر
وشحالها ابطول السفر
لجك تصب دمعن حمر
تصبح وتمسي من لها
===================
ما ظل ونيس منكم
ايصبر الدليلي عنكم
اتطولون عنها چنكم
وسگماً وحزناً نالها
=================
تذرف دموعن ما تمل
حزناً وهماً شتحمل
ما ضل چبيراً لا طفل
رحلوا جميع عيالها
=================
يهل المحنة يا هلي
نادت ارچبوا محملي
بالعون يوحش منزلي
والروحي حزناً خلها
===================
يالرحتوا بضعون النبي
الكم عليلة تصـــتبي
ما ودي اضلن مطلبي
بضعفن تنادي يهلها
================

اسالكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام

بندرية بدوية بحق اولاد ام البنين العباس واخوته عليهم السلام (محرم ١٤٤٦ هـ)

ياشيخنا ويامن على الگلب غالي
لأمـــرك نلبي ما نرد بــسؤالي
يحسين يحسين يحسين يحسين
==================
لجلك نحط ارواحنا فوكَ كفين
ونخلي راسك في النجوم العوالي
الگومِ تعرفنا ولدها ام البنين
لجلك نطب الموتِ لا ما نبالي
هاذي وصية وبالامر هذا ماضين
لأمـــرك نلبي ما نرد بــسؤالي
يحسين يحسين يحسين يحسين
====================
(العباس)

جدامك العباسِ ليث الميداين
لو بالسما ايعود بماي الزلالي
حرً على الصيدة فرد الها جنحين
يتخطف ارواح ويصيد الرجالي
يفديلك الچفيني والراسي والعين
لأمـــرك نلبي ما نرد بــسؤالي
يحسين يحسين يحسين يحسين
=====================
( عون )

عون التربة في حظن والدة سنين
لا يخشى من حربن يگلها تعالي
يگلب يسار الجيش من فوكَ اليمين
ويكَلب نهار الجيشِ ظلمة وليالي
ايعود عليهم يومن ابدر وحنين
لأمـــرك نلبي ما نرد بــسؤالي
يحسين يحسين يحسين يحسين
====================
(عبدالله)

عبدالله اتعرفة رجل خيير وزين
وكت الشدايد ما يهاب الگبالي
لا يخشى من گومن بألآف سبعين
يغلبهم وتبگى ادينا الطوالي
حنا رجال الحكَي همة مشركين
لأمـــرك نلبي ما نرد بــسؤالي
يحسين يحسين يحسين يحسين
===================
(جعفر)

جعفر تشوفة كالاسد حامي العرين
يرعبهم ولا يخشى من الگتالي
وتفر منة الگومي ما تدري لاوين
جيوش الاعادي ما تگدرة بنزالي
رغم الجيوشي كلها رجالي گاسين
لأمـــرك نلبي ما نرد بــسؤالي
يحسين يحسين يحسين يحسين
====================

خوانك وكل واحدن مگبل معين
كل واحد بعزمة يهد الجبالي
يعملون الك بالطفِ چن يوم صفين
وحال العدة يصبح بهم شر حالي
وفايت اعهود وعلى العهد باگين
لأمـــرك نلبي ما نرد بــسؤالي
يحسين يحسين يحسين يحسين
====+++++++++++=======
أسالكم الدعاء #رائد #الاسدي

#قصيدة_لمحرم_الحرام


قصيدة بحق السيدة رقية عليها السلام عندما خرجت في ليلة ١١ محرم لكي تسقي اباها الماء جديد محرم ١٤٤٦ هـ


هذا الماي جبتة وياي يا بوية
بوية حسين طايح وين يا بوية
يا بوية يا بوية يا بوية
==================
يتعثر اجيت هواي جدمي
ادور بالجثث يا صوب مرمي
رقية بنيتك وجيت انشد عليك
جسمك عالتراب الحار مدمي

ناديتك رقية
يا راعي الحمية
دماك التارسة الگاع
من نحرك جرية
دربي بعــيد اشــر بـــيد يا بوية
جيش وليل شفت الويل يا بوية
يا بوية يا بوية يا بوية
==================
احط اعله النحر ماي واشربك
هلبت يــرتوي من الماي گلبك
اشكيلك اجيت اگعد يعطشان
گوم وياي ايتامك تطلبك

فرت بالبراري
وبحر الظهاري
وينك يالولي تصيح
يالما عنا داري

بگلبي النار بيك اشصار يا بوية
وين انروح يالمـــذبوح يا بوية
يا بوية يا بوية يا بوية
=================
من نحرك اريدن حيل اشمك
يا بوية واخافن لا الچمك
ماظل بي مچان اشتمة وارتاح
مطبر بالسيوف هواي جسمك

مرضرض بالحوافر
ظل دلالي حاير
يمك اگعد شلون
وذرة و وذرة صاير

عيني تشوف طبر سيوف يا بوية
جروح الآف ما تنــــراف يا بوية
يا بوية يا بوية يا بوية
=================
اخذني وياك يالرحت من ادية
اليتيم شلون حالة ابلا تچية
التموت احبابة چا المن بعد ضال
يموت وياه كون المات ابية

ما ضلي محامي
من راحوا عمامي
يا بوية الله وياك
هذا اخر كلامي

بية شلون ما تدرون يا بوية
ميتة وياك لا فرگاك يا بوية
يا بوية يا بوية يا بوية
==================
الله وياك بوية انريد نرحل
شفت حبال جابوا نوكَ هزل
لا تبطي علية ومرني بالطيف
من غيرك اعيش شلون تقبل

احبال بادينة
ماينفع بچينة
باچر للسبي انروح
عنكم يا ولينة

دمعي ايسيل انحب حيل يا بوية
ليلي مخيف مرني بطيف يا بوية
يا بوية يا بوية يا بوية
==================
اسالكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام


قصيدة جديد نزال بحق العليلة عليها السلام


يالتشدون الظعن تانوني
انة بتكم ليش ماخذتوني
---------------------------------------------------
انة هم بتكم يبونة ياحســـين
لاتخليني يبو كَلب الحـــــنين
كلبي مايحمل نياحة ولاونين
خاف ترحون وبعد تنسونـي
----------------------------
ما حسبتوا حساب وياكـم اروح
راح اظل بغيابكم ابچـي وانوح
فوكَ ظيم العلة زدتونـي جروح
ويجري دمع الحزن من جفوني
------------------------------------------
حطني وي ارقية وخـــــذونة سوة
عظمي يابوية مــــــن العـــلة خوة
بوية من هالروحة شو كَلبي انجوة
ليش بس انة اظــــــل حاچونـــــي
------------------------------------
شو حميدة هم مشت وي الظعن
وذني عماتي وخواتــي هالمشن
ليش بس انة اظلن بالوطن
من البواجي والله لعمي اعيوني
--------------------------
شلون راح اكَظي الليالي لو رحت
والله يابوية تراني اتلـــــوعـــت
فدوة تانوني بجيت وصـــــيحت
هم عليلة اوحدي اتخـــــلونـــــي
---------------------------
راح نتكَابل انة وام الــــــــبنين
انوح وندكَ اعله اهلنة الطيبين
بوية ولجيتكم انظل ناطريــــن
لو وصلتوا لكربلة ذكرونــــي
---------------------------
عاد عبدالله الطفل خلة يــظل
موش كلكم عني رحتوا يالاهل
علة وفراكَ او وحيدة شحتمـل
اعلى الدلال معلمة تدرونــي
----------------------------
كون ميتة ولاشفت هذا المصاب
وكون من شالوا هلي حدر التراب
ولا اشوف حسين طولة عني غاب
من مشوا عني بكَبر دفنونـــــــي
----------------------------
اسالكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام


قصيدة لقاء السيدة زينب بالحسين وابو الفضل عليهم السلام بالجنة من بعد موتها جديد ١٤٤٦ هـ
==================



ما أجمل اللقاء   ان كان في السماء
رحلة عمرها من انتهت   متروسة شوكَ سنين
زينب أخيراً تلتقي وي الگمر وحسين
====================
شوكَ بگلبها للاخو   مثل الجمر يتوقد
مشتاگة چانت تنتضر  موتتها خاطر تسعد
بالموت حتماً تنسعد   لخوتها زينب تصعد
يلتم شملها ويالاهل   وغيم الحزن يتبدد
عنها الاسى يزول     يا اخوتي تقول
خوية بجفاكم شاهدت   ظلم ودمع و ونين
زينب أخيراً تلتقي وي الگمر وحسين
========================
لحظة لقاء اتأخرت   وهواية خافت تطول
ياربي عجل موتتي   كل ساعة زينب تسأل
بخدودي انهار الدمع   الكم يصب ما بطل
لو احچي الكم ما جرة  تغتاض خوية وتزعل
يا كافلي الغيور    قلبي لكم يفور
لمن توسدتوا الثرة   ما ندري نشرد وين
زينب أخيراً تلتقي وي الكفل وحسين
=======================
كلش صعب ملگة الاهل    بعد الغياب الحاصل
دمع الفرح ترس الوجه  چن غيث منهم نازل
گعدت احباب اتجمعوا   زينب باهلها تقابل
جسام والاكبر اجو    وحسين وي الكافل
الطفلُ في امان   طيرّ من الجنان
بضل العرش داروا مثل   دورت جفن عالعين
زينب أخيراً تلتقي وي الگمر وحسين
=====================
لو فاركَ اعزازة الگلب   يموت وتكتلة احزانة
بالفرگة يوگف ما يدكَ    گلب الفگد خوانة
لا ليل ليلي ولا صبح   طول العمر حزنانة
وياكم ابموتي انجمع    وكلمن يفك ذرعانة
يحلو لنا العناق     لا نذكرُ الفراق
نرجع سوة انلم الشمل   وي اخوتي الطيبين
زينب أخيراً تلتقي وي الكََمر وحسين
====================
صاحوا ايا مية هلة     اهلا بختنا الحرة
تلتم سوة عيال النبي   ولجيتچ منتضرة
مشتاگة الچ يم الحزن   بالباب امنا الزهرة
من جيتي طارت بالفرح  وبجيتچ مبتشرة
قلبي لكِ يتوق     يامن لهُ العروق
من يوم اجوا حد ماتجي   زينبنة منتضرين
وزينب أخيراً تلتقي وي الگمر وحسين
=====================
اسالكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام


قصيدة نزال بحق ابا الفضل العباس عليه السلام جديد محرم ١٤٤٦ هـ



خيرةُ اللهِ شديدُ الغضبِ
اينَ منهُ المهربُ عباسُ اينْ
================
ابنَ منْ كانَ يسمىَ حيدراً
صاحبَ النصرِ ببدرٍ وحنينٍ
===============
وارثُ الكرارِ في حملاتهِ
واصطفاهُ اللهُ عضداً للحسين
=================
كانَ جيشاً للحسينِ وحدهُُ
لا يهابُ الموتَ سيفٌ لا يلين
=================
قائدُ الجُـــندَ واعطاهُ اللواءَ
بعدَ ربيِ انتَ لي خيرُ معين
===============
ترجفُ الارضُ اذا سارَ بِها
ويحلُّ الخوفُ والموتُ يحين
=================
يقلبُ اليسرىٰ معَ القلبِ معاً
ويعودُ يقلبُ صوبَ اليمين
================
حينَ يعلو السرجَ يبدو شامخاً
جبلاً يمشيِ تراهُ كلُّ عين
=================
ان رآهُ الجيشَ ولىٰ هارباً
اسداً يخرجُ من وسطِ العرين
================
لا يبالي مهما كانَ جمعِهم
يقطعُ الاعناقَ منهُم واليدين
================
يخطفُ الارواحَ في نضراتهِِ
لو لا امرُ اللهِ ماتوا اجمعين
================
يخسفُ الارضَ اذا صاح بهم
ويلكم مني ايا جمعاً لعين
================
مثلَُ زرعٍ اينَعتْ اثمارهُ
حاصدا نالَ روؤسَ الضالمين
================
اسالكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام


قصيدة بحق الامام الحسين عليه السلام وهو يتمنى حضور اخوه الحسن عليه السلام حين بقى وحيدا بين الاعداء جديد محرم ١٤٤٦ هـ


ريتك تشوف عضاك يا حيد
وحدة وية ناس الموش اجاويد
خوية الحسن عدواني اجت غيم
دارت علية وترست البيد
====================
يتنخة بحزام الضـــهر كلمن يطيح بشــدة
وجيوشهم نور الشمس من العجاج تسدة
انصاري وي اهلي اسف فوكَ الرمل ممتدة
ها يالحسن كون اتحظر محتار اخوك لوحدة
تچوة الاخو ولضهرك حزام
وعينك يصير بسود الايام
سيف بيمينك يصبح عضاك
من العدة لو جاك تهديد
====================
من ينولي بنادم يضل عينة تصد لحبابة
انده بصوتي يـــخوتي محد يرد جوابة
ضليت صامد وحدي ونار الگلب لهابة
يا خوية اريدك تعتني عوف الگبر وترابة
سيفك تسلة وافزع وياي
انة وحيد ودارت عداي
خوفي اختنا اتروح للشام
لو طحت وتهد الهواديد
===================
يا عازت اخواني صدكَ وكت الشدايد عازة
واليبقى وحدة ابلا سند توگف يريد اعزازة
ما يضل جسمة ابلا غسل فوكَ التراب جنازة
يا خـــوية وبهذا الوكت طول الاخو تعتازة
صوبك ادير العين وانخاك
ايدي اعله ظهري وعيني ترجاك
من ينولي الما عندة خوان
يصفج يضل الايد بالايد
====================
لو تحضر ونوگف سوة ضهرك تحطة بضهري
سبعين الفهم تنكــــسر والموت بيهم يسري
تمنيت هذا وما حصل حدر الترب يا ضخري
وهاية علـينة مـــسجلة يبتعد عنــــك گبري
عني بعيد وليكَ اشتاكَ
يبن امي ما اگدر للفراكَ
كون بگبر واحد تمنيت
مو واحد اعله الثاني بعيد
=================
روحك احس بيها حضرت و وياي ما عافتني
تمسح جروحي من طحت وبحرگة من حضنتني
يا خوية اسمعك صيحت يالطـــيحتك كسرتني
روحك حنيــــنة اتمددت عالترب من شافتني
خوية العذر يالغالي اتگول
ما عندي الك يامهجتي حلول
عني تركت القاسم وياك
وصيتة كون ايامي اتعيد
==================
اسالكم الدعاء #رائد #الاسدي



@HxzEU1

قناه نشر القصائد المنبريه

#قصيدة_لمحرم_الحرام


بندرية بحق السيدة زينب وابا الفضل العباس عليهما السلام على لحن قصيدة محمد الحلفي الله الله الله.. جديد


ويلاه ويلاه ويلاه  گلبي الدهر صاباه
ويلاه ويلاه ويلاه  لو ميتة كون وياه
======================
من ودعني وشال الجود
ظليت ادعي الباري ايعود
سالم والينة

تروي عيالي بشربت ماي
واترويني وتروي ضماي
يا عم سكينة

راح وما رد للاطفال
وتنشد چا وين الكفال
ما رد اعلينة

گلبي ابهظم ناداه   لو ميتة كون وياه
====================
وسط الخيمة سكينة تنوح
متانيتك يا بعد الروح
لا تبطي اعليها

وعيون رقية اعله الباب
وتنشد چا شنهي الاسباب
ما يرجع ليها

عبدالله متاني اترويه
ويلوج من النار البيه
وانت اتطفيها

تدري العطش اذاه   لو ميتة كون وياه
===============≠=======
بعدك يا ابو الغيرة اشلون
لو بينا الگوم ايعيلون
محد يرحمنا

اندير العين شمال ايمين
محد منكم يا طيبين
انصيح ويسمعنا

حسين بحافر صدرة انداس
ومگطوعة چفوف العباس
ياهو اليكفلنة

بعدك صحت چم آه   لو ميتة كون وياه
=========================
خيامي احترگت خوية بنار
وگلبي خلافك حيرة احتار
من ضيم البية

حرمة وما بين العدوان
وبس أيتام وبس نسوان
ملتمة اعلية

شدوا بيدي الگوم احبال
وجمر الخيمة ابرجلي انشال
ويطفي برجلية

وگلبي الهجر چواه   لو ميتة كون وياه
=====================
أسالكم الدعاء #رائد #الاسدي



@HxzEU1

قناه نشر القصائد المنبريه

قال مولانا الرضا *"إنَّ يوم الحسينِ أقرحَ جفوننا، وأسبلَ دموعَنا، وأذلَّ عزيزنا، بأرض كربٍ وبلاء .."*
لحن يا ناقتي~
يوم الحسين ~ يوم الذبايح عالتراب
يوم الحسين ~ واتذبّحت كل الشباب
يوم الحسين~ بدر وگمر دمه خضاب
يوم الشهيد~ رافع لواءه للنصر
يوم الشهيد~ يوم الذبيح من النحر
يوم الشهيد~ داسوا ضلوعه والصدر
كرب وبلاء~ ذبحة شهيد بصف شهيد
كرب وبلاء~ وجسد الحسين عْلى الصعيد
كرب وبلاء ~ نحره انذبح من الوريد
في كربلاء~ جْنايز طريحه بالفله
في كربلاء~ اطفال ويتامى معوله
في كربلاء~ يحدي بظعنهم حرمله
خادمة آل محمد✍🏻

https://youtu.be/OU7nNmYfmvc?feature=shared

نعي الملا محمد باقر الخاقاني في مقام السيدة صفية بنت الإمام الحسين عليهم السلام
لبنان - بعلبك

زيّنو مجالسكم بذكر علي

هوسات بحق امير المؤمنين (ع)


علي عــصّاة موسى الغرّگت فــرعــون
وعلي قطب الرحه اليفتر عليهه الكون
عـلــي اول خليفه وخــلــهــم ايلومون

🌹وبس حيدر ابيض تاريخه🌹

           *--------------------*-------------------*

رابــع خــلــوا الـكــرار ومـصـدگـيـن
عـافـوا زمــزم الله وچلبوا بالـطيـن
بلول بالأخير بـكـلـهـه ابـو الحسنين

🌹والكــون ايــســولــف بفعالــه🌹

           *--------------------*-------------------*

خـــلاس الـــزلـــم ياهو الگبل حـيـدر
وياهو السمّته العدوان مـــوت احمـر
علي الدر وعلي العالي وعلي الجوهر

🌹وشـــلـــون الـــنـــور ايضمـــونــه🌹

           *--------------------*-------------------*

لتلوم المحب مـن يـــفــرح الـلـيـلـه
الوصي مولود وام العُلى اتـلـولـيـلـه
عـلـي هـــذا علي الماخيب ادخـيـلـه

🌹 مـــاخـــاب اليوكف يــم بابه🌹

           *--------------------*-------------------*

✍ خادم امير المؤمنين ع✍
الشاعر رعد الجريخي

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
https://www.tg-me.com/raadghurikhi

يَا يُمَّه شُو خَالِي الْمَهَدْ.....وِعْيُونِي بِفْرَاگَكْ تِهِلْ
رِيتَه انْگِطَعْ نَحْرِي وَلَا...گِطْعَوْ نَحَرْ أَجْمَلْ طِفِلْ
-------------------------------------
نَحْرَكْ تَرِفْ مَا حَسَّبِتْ......يِتْصَوَّبِ بْحَرِّ النَّبِلْ
شِلَّه وْيَه نَحْرَكْ حَرْمَلَه...فَگْدَكْ أَلَمْ مَا يِنْحِمِلْ
-------------------------------------
رَاحَ ابْگَه لِغْيَابَكْ أَوِنْ...حَدْ مَا أَمُوتِ وْمَا أَمِلْ
وَاتْمَنَّه لُو طِيفَكْ يِمُرْ.....تَالِي وَاشُوفَنَّكْ عَدِلْ
-------------------------------------
عَبْدَ الله بَاچِرْ أَنْسِبِي...چَتَّالَكِ يْشِدْنِي بْحَبِلْ
يِتْشَمَّتِ بْحَالِي وِسَفْ.....لَمَّنْ أَرُوحَنْ عَالْهِزِلْ
-------------------------------------
يَالْفَطَّرِ شْفَاكِ الْعَطَشْ.........وِشْمَا يِرَاوِينِي النَّذِلْ
گْبَالِ الْجَرَالِي بْطِيحِتَكْ...يُبْگَه يَضَيْ عِينٍي سَهِلْ
-------------------------------------

#الرضيع
#محرم_١٤٤٦هج
https://www.tg-me.com/Hassankhanafer

*ولتدمعن عليه عيون المؤمنين* الامام الصادق ع ; نعم ان مهدينا ستبكي على غيبته عيون المؤمنين …
*يالمنتظر يالمنتظر يالمنتظر يالمنتظر~*
*دوّرتك بكل الارض عن طيفك ابحث والأثر*
*يالمنتظر يالمنتظر يالمنتظر يالمنتظر*
*يابن الحسن يابن الحسن²~~*
〰️〰️〰️〰️〰️
بكل جمعة مولاي اندبك
وينك يا صاحب هالزمان

طالت يا مهدي غيبتك
دليني وينك يا مكان

حطّت رحال بعتبتك
روحي وتناديك الأمان

حاير ببابك كاليتيم
لما عنده مأوى ولا سكن
*يابن الحسن يابن الحسن²*
〰️〰️〰️〰️〰️
تبكي إلك كل العيون ولغربتك ليل ونهار
لا تظن نسينا شيعتك
يچويها جمر الانتظار
بكن لِوليّك نندبك
بكل جمعة نرفع اعتذار
يالعايش بكل الگلوب
وبكل گلب عندك وطن
〰️〰️〰️〰️〰️
عن كل ذنب لو أخّرك
نبدي السماح من كل جهل
ولو تعرض الصحف وتشوف
استر علينا من الزلل
نجددلك بصبح ومسا
عهد ونناديك العجل
يمتى الفرج يا يوسفي
بلسم جروحي والجفن
خادمة آل محمد✍🏻
https://youtu.be/KFQpYqPbjOY

*🛑لا تنسوا الإشتراك بالقناة على اليوتيوب من خلال الضغط على subscribe وتفعيل الجرس لكي يصلكم كل جديد🛑*
*اللهم عجل لوليك الفرج*

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
https://www.tg-me.com/raadghurikhi