*زينب ع تنشد اخيها الحسين ع عن كفيلها العباس لما فاضت روحه الطاهرة عند المشرعة ورجع الحسين منحني الظهر شتگله؟*
لحن الجفيري لحظة يخويه~ سوال زينب ع للحسين ع؟
منحي الظهر خويه تِرِد ؟
وين الگمر وين العمد؟
جاوبها راح يختي السند
ومطفيّه عينه بالسهم
〰〰〰〰〰
تگله شنو هذا الخبر
يعني تگول مات الگمر
من بعده حادينا الشمر
من يكفل ايتام وحرم؟
〰〰〰〰〰
ودارت وجه عالمشرعه
وتنادي اخوها مودّعه
يابو الچفوف مگطّعه
بامان الله يا راعي العلم
*(يلاّ نودع العباس مع زينب… ارفع ايدك ووردع العباس بامان الله يا كفيل زينب~³)*تگله
ياخو زينب… يلي نايم عالشريعه
يا خو زينب… اتعنتك خويه الوديعه
يا خو زينب… اركّب چفوفه الگطيعه
*وصوت من المشرعه يجاوب زينب~~~*
لا تجيني… لا تشوفي يختي حالي
لا تجيني… مگطّعه يساري وشمالي
لاتجيني… حرمة انت بلا يا والي
ردي يختي… ظهر اخوچ منكسر
ردي يختي… ولا تجي يم النهر
ريدي يختي…والزمي يختي الصبر
آيزينب~
خادمة آل محمد✍

كيف رأى الإمام الحسين ع أخيه العباس لما نزل الى المشرعه وبأي حالة /لحن اسمع عتابي~
رآه بهذه الحاله~
يم الشريعه~ زنوده گطيعه
سهامه بصدره~ بدر الطليعه
 
الطبره بجبينه~ الدم على عينه
انگطعت چفوفه~ وزايد ونينه

غُسله دماءه~ وطايح لواءه
وينادي خويه~ ويعلا نداءه

تنزف جراحه~ ويعلا نياحه
من شاف الـِ حسين ~صفق بـ راحه


يگعد بكتره ~ راسه بحجره
وينادي عباس ~ ٱخوك شْيِصبره

ظهري كسرته~ وگلبي فطرته
يا گمر هاشم ~ عزّي فِگَدْته

خادمة آل محمد✍

https://www.tg-me.com/kadimatAlmouhamad

https://youtu.be/RsYn1i6972g

*خويه عباس عباس عباس*
*خويه عباس عباس عباس*
راحت زينب يم العباس
شافت دمه سال من الراس
اخوها مخمد ويلي الانفاس
ليته سهامه صابت صدري
*خويه عباس عباس عباس*
〰️〰️〰️〰️〰️〰️
سالت دمعة فوق الخدين
وراحت تصفق راح بكفين
ظهري كسرته يا نور العين
راح الحامي وكافل خدري
خادمة آل محمد✍
https://youtu.be/CejRG5FhkT

*بين الامام الحسين ع واخيه العباس* لحن اسمع عتابي~♪ الله الله ما اصعبها هذه اللحظات الحسين ع يودع العباس يرثيه بهذه الكلمات ودموعه جارية على خديه~
يالودّعتني ~ وحدي عفتني
ظهري كسرته~ يالفارگتني

يبدر الطليعه~ رد للوديعه
ولا تبقى نايم ~ يم الشريعه

انهض يا حامي~ وردِّ الخيامي
زينب تگلّك ~ إنصر إمامي

حامي الظعينه~ منهو إلينه
انگطعت يساره~ وطاحت يمينه

حارس خيمنا ~ ورافع علمنا
منهو لـ زينب ~ يحمي حرمنا

اسمع يا عباس~ يا راعيِ الباس
شماتة عدونا ~ وشماتة الناس
*كني بالعباس يجيبه ولسان حاله~~~*
فدوه لك عيني ~ يساري ويميني
والمهجه خويه ~ فدوى لـ ديني

يابن الزچيّه ~ فدوى إديّه
عفتك يا مظلوم~ غصبن عليّه
*بعد اخي يا حسين قل لأختنا زينب ان رأسي سيحرسها من فوق الرمح ولو أطفؤا عينه بالسهم اه اه~*
راسي بـ قناته~ يحرس خواته
لو راحن سبايا ~ ومدلّلاته

لو طفّوا هالعين~ أوفي إلك دين
حارس ل زينب ~ وافي للحسين
خادمة آل محمد✍🏻

*زينب تودع العباس*
يا اهل العزاء مولاتنا زينب ع ما نزلت لمصرع العباس ع حين شهادته (مشهد تصويري ) لعلها ودعته يوم الحادي عشر من المحرم حين خروج قافلة السبايا من كربلاء ~
اجيت اودعك يابو فاضل واشتكي يخويه حالي
حرمه وحدي بين اجانب
خدري ضايع وي دلالي
يلي انت تكفّلتني
حرمة وبعازة رجالي
اخذها ايدي وحطها بيدك
يلّي كفّينك گطيعه~
يابو فاضل يابو فاضل
يابو فاضل يابوفاضل
〰️〰️〰️〰️〰️〰️
حرمة وكفوفك ردتها
بالسبي تصبح ستر
تحجب عيون الأعادي
وتمنع سياط الشمر
خَلْني ٱقبّلها وأشمنها
بيها ريحة من الگمر
وينه يسراك ويمينك
يلي نايم عالشريعه
يابو فاضل يابو فاضل
يابو فاضل يابوفاضل
خادمة آل محمد✍🏻

زينب تخاطب العباس دارت وجهها عند كفيلها ناحية المشرعه وصاحت ها يبو فاضل~~~
انا ادري ما ترضاها
بين الزلم يسبوني
اختك صعب ممشاها
ويحدي الشمر بـ ظعوني
يلي سموك الكافل
ترضى العدا شتموتي
سبيه اطلع هاليوم
وظعني حِدا بلا رايه
〰〰〰〰〰〰
مو إنت كافل خدري
وانا ٱجيت ٱميره بحماك
منهو يصعّدني الناقه
وفوق الشريعه يمناك
ترضى يا تاجي وستري
طولي بيشوفونه عداك
راح امشي عنك گوّه
وراسك يلوح ويايه
خادمة آل محمد ✍🏻

الزهراء حاضرة عند العباس ع
حضرة بجلباب السواد
عالمشرعه تنصب حداد
شافت گمر فوق الجواد
طاح وهوى بلا يا ايدين
〰〰〰〰〰〰〰
تلگّت چفوفه عالتراب
وشافت گمر دمه خضاب
تونّ على ابن داحيِ الباب
وشلون اعاين هالسهم
صعبه انظرالسهم في عينك ولدي عباس~
تگله عباس~ يا ابو چفوف الگطيعه
تگله عباس ~ يلي نايم عالشريعه
تگله عباس~ لمصرعك إجت الشفيعه

تگله وفّيت~ وما قصّرت اگبال للحسين
تگله وفيّت ~ قدّمت چفوفك وعين
تگله وفيت ~ واجيتك انحب بالأنين

يابو فاضل ~ يابو فاضل
خادمة آل محمد✍🏻

وداع زينب للعباس ع
لحن اسمع عتابي
يا خو الوديعه~ وبدر الطليعه
بوداعة الله ~ چفوفك گطيعه

ساقي الظمايه~ وحامي حمايه
ادري تطيحن~ خويه هالرايه
جواب العباس
صبرچ يا زينب ~ والمحنه اصعب
تشوفيني يختي~ بدمي مخضب

تطيحن يميني ~ وسهمي بعيني
لو عفتك انه~ يختي اعذريني

روح الله وياك ~ ودموعي ترعاك
يخويه تدري~ شو. صعبه فارگاك

خادمة آل محمد✍🏻

*كأني بالعباس يخاطب امه ام البنين ع* الجفيري~
صاح الگمر يٱم البنين
أفديها روحي للحسين
ترخص كفوفي لَهْ وِعين
ثلاثه رميه عالنهر
〰️〰️〰️〰️〰️
شايل وصيتچ للغريب
ظامي الحشا ابقى وتريب
وجسمي من دمومه خضيب
وترخص له كفين الگمر
〰️〰️〰️〰️〰️
جواب ام البنين~تگله
واسي اخوچ بطيحته
وراسه وجسمه وذبحته
وافدي العيون لمهجته
واحرسها خيمات الخدر
〰️〰️〰️〰️〰️
جواب العباس بعد الشهادة
يگلها ~
يا يمه وفّيت العهد
وراسي انطبر يُمه بـعَمد
وجسمي ما مدفون بلحد
سهام المنيه بالصدر
خادمة آل محمد✍🏻

.*وصية امير المؤمنين ع لولده العباس ع*
يبني عباس… يبني اسمع هالوصيه
يبني عباس… من تروح الغاضريه
يبني عباس… لا تعرف اختك سبيه

يبني عباس… اريد الحرَه تكفلها
يبني عباس… واحميها ودلّـلها
يبني عباس… خلها بشيمتك خلها
*وكأني بامير المؤمنين ع راح يقص للعباس ما سيجري عليهم من محن في ارض الطفوف~*
انت مو غيرك كفيل وانت بس حامي الظعينه
منهو غيرك يبو فاضل يقطعوا يساره ويمينه
تدري محّد لْـ هالمهمة ويكفل اخته هالحزينه
للعطاشى انت ساقي
وانت شيّال العلم
يابو فاضل يابوفاضل يابوفاضل يابو فاضل
❈❈❈❈❈❈❈❈
وعدك هناك بطفوفك تفدي نفسك للحسين
تسقي اطفاله وعياله
تقدّم يسار ويمين
ولْخيامه انت حارس وانت مطبور الجبين
طبرتك تشبه طبرتي لكن بعينك سهم
يابو فاضل يابوفاضل يابوفاضل يابو فاضل
❈❈❈❈❈❈❈❈
خادمة آل محمد ✍🏻

*شكوى زينب ع لأخيها العباس ع بعد شهادته*
لحن. اسمع عتابي♪
طايح علمنا ~ وحرگوا خيمنا
حرم ويتامى ~ وين الكفلنا

تترجّى عيني~ الكافل يجيني
يظلّل عليّه ~ ويمسك يميني
وصوت الشريعه~ يختي الوديعه
اعذريني يختي~ چفوفي گطيعه
حگك عليّه ~ يگولو سبيه
ويشوفو طولچ~ يالهاشميه

خادمة آل محمد✍🏻

*ام البنين ع توصي العباس ع* لحن الجفيري~
شد بيدك يعباس العلم
والرايه خلها ويالحرم
يا محلا توفيق الخدم
من يرخص بدمه لحسين
〰️〰️〰️〰️〰️
خل عينك على ام الخدر
حامي خدرها والسِّتر
كافلها عباس الگمر
افديها بكفوف وبـ عين
〰️〰️〰️〰️〰️
بچفوفك تميل الركب
لو مالت بوسط الدرب
واسقيها من ماي العذب
وصية يابن ام البنين
〰️〰️〰️〰️〰️
سامحها لو زادت عتاب
وشافت اخوها عالتراب
چفوفك دخلّيها حجاب
وستر الوجه خلي اليدين
خادمة آل محمد ✍🏻

لسان حال العباس حين اتى الى خيمة العقيلة ونظر في عينيها راح يطمئنها ويسكن روعها هنا زينب لم تطلب الماء رغم عطشها… فقط نظراتها شكوى لما سيجري عليها والعباس يحاچيها يگلها~~

ترخصلچ عيون الگمر والعلقمي ومايه~~~
لْعِيناچ يا أم الخدر وترفرف الرايه~~~
سهله يا زينب هالأمر چفوف الگمر هايه~~~
فدوه إلچ يم النهر لو طاحن الچفين
〰️〰️〰️〰️〰️〰️
گالتله خوفي من بعد عينك يضيعونه~~~
ما همّي اعطش والألم كل الألم دونه~~~
همي الدرب بين الغرب أمشي ويسبونه~~~
واصعد هزل نوگ وحرم ودمعي يهل بالعين
خادمة آل محمد✍

*[ يا فرسان الهيجاء ]*

أداء: الرادود الحسيني #علي_الرميثي
كلمات: الشاعر #حسين_حازم_البوشي
https://youtu.be/Y41mm9Om3c4

مجالس شهر محرم الحرام 1447 هـ - 2025 م
ليالي العشرة الأولى من شهر المحرم
هيئة عزاء الله - العراق - النجف الاشرف - قضاء المشخاب

مونتاج وتنفيذ: مصطفى الحميداوي
مكساج: أحمد البرمكي
مخطوطة: فاطمة تركي
غلاف: ميرزا محمد جواد
ترجمة: مرتضى التميمي
النشر الشبكي: علاء بركات العاملي

اللَّهُمَّ عَجِّل لِوَلِيِّكَ الفَرَجْ

*[ شيب التاريخ ]*

أداء: الملا #أحمد_الخيكاني
كلمات: الشاعر #يحي_العيساوي

https://youtu.be/xpGsYKAneHY

إحياء ليالي شهر محرم الحرام لسنة 1447 هـ - 2025 م
ليالي العشرة الأولى من شهر المحرم
عزاء هیئة شباب العزيزية - العراق - واسط
موكب راهب آل محمد عليهم السلام

مونتاج: أبو حسن صباح
مكساج: كرار الموالي
غلاف: أبو حسن صباح
النشر الشبكي: علاء بركات العاملي

اللَّهُمَّ عَجِّل لِوَلِيِّكَ الفَرَجْ

*[ ناموس العشيره ]*

أداء: الرادود الحسيني #عمار_الكناني
كلمات: الشاعر #السيد_ياسر_الجابري

https://youtu.be/rGzQHMZxuOY

مجالس شهر محرم الحرام 1447 هـ - 2025 م
مجلس الليلة الخامسة من شهر المحرم
عزاء هيئة نور الحسين عليه السلام - العراق - بغداد

مونتاج: حيدر ميرزا
إخراج: محمد خنجر
مكساج: عباس الحواج
مخطوطة: مؤمل الرميثي
المتابعة الفنية: محمد نجم
إشراف وتنسيق: علاء السوداني
النشر الشبكي: علاء بركات العاملي - علي الفاطمي

اللَّهُمَّ عَجِّل لِوَلِيِّكَ الفَرَجْ

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
https://www.tg-me.com/raadghurikhi

*[ الله أكبر كربلا ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري

https://youtu.be/EViSOgNI6b8

مجالس شهر محرم الحرام لسنة 1447 هـ - 2025 م
ليالي العشرة الأولى من شهر المحرم
عزاء هيئة مجانين السيدة رقية عليها السلام - العراق - البصرة
حسينية قصر السلطان علي ابن موسى الرضا عليه السلام

مونتاج: أراز الحيدري
مكساج: سجاد الهيفي
مخطوطات: محمد الحسناوي
غلاف: علي الشبيب
إشراف عام: أحمد الخاقاني
تنفيذ: شركة نور الخيام
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَجْ