كم سيستغرقُ من الوقتِ كي يفهمَ الناسُ أن هناكَ اياماً تمرُ بالانسانِ حتى الإيمآءُ بالرأسِ يصبحُ ثقيلاً عليه.

أعُوذ بكَ من قلبٍ أُراعيه بلُطفي فيَجرحُني، و من صديقٍ أستأمِنه على أيامي فيُثقلها ، و من حقيقةٍ موجِعةٍ تأتي في عزّ طمأنينتِي ، و من كل ما يَخدِش رُوحي و يؤلِمها

نحن ندفن كل يوم أشياءً لم نُخبر أحدًا عنها .

أحيانًا..
لا.. بل دائمًا!
يحتاجُ المَرءُ منّا مَن هُو أحنّ عليهِ مِن نَفسِه،
فيتقبّل خَوفه الدائِم وشَتاتِه ؛ فَيُؤمِّنه، ويُهديء مِن رَوْعِه..
ويُخبره أنَّه لا يبغِي غيره بديلًا، وأنَّه سيظلّ أمَانِه وأَمْنِه!

يحتاجُ المَرءُ منّا أن يرىٰ نفسه المَرغُوب الأول حتّى على عِلّتِه!

انا مستني رمضان كأن حياتي هتبدأ من جديد، بحب الشهر دا بكل ما فيه من تفاصيل ، ريحة العصير اللي مالية الشوارع ،قعدة العيلة على الفطار قدام شاشة التليفزيون ، ريحة الصواريخ ، أصوات التواشيح قبل الفجر، كل حاجة فيه فري ثيرابي والله ،
وكل حاجة هتبقى تمام حتى علاقتي بربنا بتكون احسن وأقرب
ف يارب بلغنا رمضان ♥️

البرنامج اليومي للـ ٣٠ يوم رمضان ان شاء الله في ١٠ خطوات.

بسم الله :

١- الـ ٥ صلاوات في المسجد للشباب.
الـ ٥ صلاوات في وقتهم بدون تأخير للبنات.

٢- السُنن الراتبة ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء )

٣- صلاة الضحى ( بتبدأ من بعد شروق الشمس بـ ربع ساعة ... لحد قبيل أذان الظهر بـ ربع ساعة ..... أقلّها ركعتين لحد ٨ ركعات ..إنت وهمّتك )

٤- أذكار الصباح والمساء ( أذكار الصباح بعد الفجر .... وأذكار المساء بعد العصر ... لو نسيت تقولهم في ميعادهم قولهم مجرد ما تفتكر المهم متسبهمش )

٥- صلاة التراويح
- للشباب .... في المسجد طبعًا مع الإمام.. واختار إمام يكون صوته حلو علشان تحسّ بالصلاة

- للبنات ... الافضل إنك تصليها في البيت ... بس لو عاوزه تنزلي انزلي باللبس المنضبط وبكامل وقارك ...

٦- الصدقة ( جنيه واحد يوميًا ... وانت خارج من صلاة العصر اعطيه لأول سائل يقابلك ... يبقي عندك ٣٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ... وافتكر في النهايه ان انت أحوج للصدقة وأجرها من الفقير )

٧- عمرة أو حج أسبوعيًا ( اختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجة وعمرة تامة تامة تامة ... اعمل الموضوع ده ٤ مرات في الشهر )

٨- قراءة القرآن

- لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مرة

- لأصحاب الهمم المتوسطة.. مش أقل من ٣ ختمات في الشهر ... بواقع ٣ أجزاء يوميًا .... يعني هتختم كل ١٠ أيام مرة

- للمبتدئين وأصحاب المشاغل ... مش أقل من ختمة في الشهر .... بواقع جزء كل يوم فقط.

٩- الدعاء ( عندك ٣ أوقات انا مسمّيهم وقت تحقيق المعجزات )

- الربع ساعة قبل الفطار
- الساعة اللي قبل الفجر
- اخر ساعة بعد العصر من كل جمعة

( طبعا إنت محضّر الادعيه والحاجات اللي نفسك فيها وبتتمناها في ورقه ...... لحّ علي ربنا في ال ٣ أوقات دول .... هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق.

١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الإلهي... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوى )

--------------------

دول ١٠ خطوات .... لو داومت عليها ....خلال الـ ٣٠ يوم .... إن شاء الله هيكون أحسن رمضان عيشته في حياتك ... وهتخرج من رمضان إن شاء الله إنسان نقي تقي ... كأنك لسه مولود ... مين عارف مش جايز رمضان السنة دي هو نقطة انطلاقتك اللي كنت مستنّيها من زمان ؟ جايز..

وأخيرا أرجوا تذكير كل من تستطيع اخباره بهذه التذكرة.🤍

‏قال النَّبيُّ ﷺ :
حَيْثُمَا كُنْتُمْ فَصَلُّوا عَلَيَّ،
فَإِنَّ صَلَاتَكُمْ تَبْلُغُنِي

كُل الإِناث أُمهات بالفِطرة.

جماعه ادعولي فضلاً ،
ان ربنا يقر عيوني بما يرضيني ،
و ادعولي ادخل الكليه الي نفسي فيها .
اسمي بسمله ، و ادعولي ربنا يشفيني .

و لكم بالمثل جميعا 🤍🕊.

التجاهل هو طلب الرحيل ولكن
بطريقه مؤلمة جدًا.

‏واختر لنفسك عزيزاً يعزُّ عليهِ حُزنك.

-
لو صادف إنَّها ليلة القدر يا ربّ،

يا ربّ إمتياز ، و أدخل طب .
وأعمل عُمرة
وأدخل الجنَّة.

اول ما تحب ، اول ما تخيب .