Avval aytib o‘tganimdek, internetda anonim hisoblardan yuqori maoshli ish takliflari ortida odam savdosiga aloqador jinoiy guruhlar turgani haqida ogohlantirgan edim. Afsuski, ikki nafar fuqaromiz ushbu firibgarlarning tuzog‘iga ilinibdi.

Ular internet orqali Tailandda yuqori maoshli ish taklifini qabul qilib, safarga chiqqan. Biroq keyinchalik noqonuniy tarzda Myanmaga olib o‘tilgan va u yerda odam savdosi bilan shug‘ullanuvchi jinoiy guruh qo‘liga topshirilgan.

O‘zbekistonning Tailanddagi Bosh konsulxonasi xorijda ishga joylashish bo‘yicha har qanday taklifga ehtiyotkorlik bilan yondashishni, shuningdek, axborot manbalarining ishonchliligini sinchiklab tekshirishni qat’iy tavsiya qilmoqda.

@lazizhamidov

Road 24 va YHXX o‘rtasidagi yo‘l harakati qoidalarini buzganlik uchun belgilangan jarimalar to‘g‘risida ma’lumot almashinuvi batamom to‘xtatilibdi.

Endi, jarimalar haqida to‘liq ma’lumot olishni istasangiz App Store yoki Play Market platformalari orqali YHXXning rasmiy “Safe Road YHXX” mobil ilovasini yuklab olishingiz mumkin ekan.

@lazizhamidov

“Road 24” vaziyatga munosabat bildirib chiqibdi. Qayd etilishicha, “yangi” deb e’lon qilingan “Safe Road YHXX” ilovasi aslida “Road 24”dan ko‘chirilgan bo‘lib, unda yangilik deyarli yo‘q. Ilova mas’ullari yaqin vaqtda platformani yangilab, yana ishga tushirish niyatida ekanini ma’lum qildi.

@lazizhamidov

"Leapmotor" mashinalari O‘zbekistonda sotilishiga qayta ruxsat berilibdi.

Ma’lumki, O‘zbekistonda Xitoyning Leapmotor brendi ostidagi yengil avtomobillarni sertifikatlash uchun arizalar qabuli to‘xtatilgan edi. Bunga shu brendga tegishli S16 avtomobilida aniqlangan kamchilik sabab sifatida keltirilgandi.

Olib borilgan o‘rganishlar va muzokaralar natijasida endilikda "Leapmotor" mashinalarining O‘zbekistonda muammosiz sotilishiga ruxsat berilgan.

@lazizhamidov

O‘zbekistondagi ikkilamchi avtomobil bozori haqida qisqacha izoh.

@lazizhamidov

2024-yilda O'zbekistondagi fastfud bozorida haqiqiy poyga bo‘libdi — to‘rt ko‘rsatkichda to‘rtta turli brend yetakchilikni qo‘lga kiritgan.

Daromad bo‘yicha yetakchi – Evos. 2024-yilda Evos 860 milliard so‘mdan ortiq sof foyda oldi. Bu — eng yaqin raqibi KFCdan 100 milliard so‘mga ko‘p.

Ammo bir filialning daromadi bo‘yicha KFC oldinda. Uning bitta shoxobchasi o‘rtacha 26,3 milliard so‘m ishlab topgan — qolgan uchta tarmoqni birlashtirgandagi daromaddan ham ko‘proq.

Eng katta o‘sish – FeedUpda. FeedUp yillik daromadni 293% oshirib, moliyaviy jihatdan portlash yashadi. Ikkinchi o‘rinda esa Oqtepa Lavash – yillik o‘sish 78,4%. Shuningdek, bu tarmoq filiallar soni bo‘yicha ham birinchi – deyarli 100 ta joyda faoliyat yuritadi.

To‘rtlikning umumiy daromadi – 2 trillion so‘m. Bu 2023-yilga qaraganda 52% ko‘p. Shuningdek, barchasi foydali ishlamoqda — brut foyda marjasi eng ko‘pi Evosda (51%), eng kami esa FeedUpda (19%).

@lazizhamidov

AQSH Davlat departamenti O‘zbekistonga ajratiladigan grantni bekor qilibdi.

Turli mamlakatlarga 215 million dollarlik tashqi yordamni ajratish to′xtatildi. O‘zbekistonga “fuqarolik ishtirokini rivojlantirish” bo‘yicha 2,5 million dollar ajratish rejalashtirilgan edi.

@lazizhamidov

Qiziq xabarga ko‘zim tushib qoldi. Binance vakilining ta’kidlashicha O‘zbekiston kriptovalyuta faolligi bo‘yicha:

Markaziy Osiyo davlatlari orasida 1-o‘rinda, global reytingda esa 33-o‘rinda ekan.

Bu natijalar bilan O‘zbekiston Qozog‘iston, Gruziya, Qirg‘iziston va Tojikiston kabi davlatlarni ortda qoldirgan.

@lazizhamidov

ATTO tizimining ma’lumotlariga ko‘ra, avtobuslarda kuniga 1.4 mln yo‘lovchi safar qilmoqda, metroda esa kuniga 0,7 mln kishi foydalanmoqda ekan.

Infografikada qayt etilishicha, Toshkent avtobuslarida raqamli to‘lovlar deyarli to‘liq joriy etilgan. Metroda esa hali qog‘oz QR’lar "hayotda".

@lazizhamidov

“Alter Ego”ning oxirgi sonidagi rossiyaparast-putinparast kimsaning chiqishiga Zafar Hoshimovning munosabati; ichimdagi gaplar. Albatta, so‘z va fikr erkinligi bo‘lishi kerak — bu borada hech qanday muhokama bo‘lishi ham mumkin emas. Lekin “Alter Ego”ning oxirgi sonida chiqqan kimsa kabilar so‘z erkinligiga ham, fikr erkinligiga ham loyiq emas. Bunday shaxslarning O‘zbekistonda emin-erkin yurishining o‘zi bir xavf.

Muhrimni va Zafar Hoshimovni fikrlarini to’liq qo’llab-quvvatlayman, bunday odamga umuman media maydon bermaslik kerak, berilgan taqdirda ham butun intervyu uni qilayotgan ishlari va tutgan yo’li qanchalik jirkanch ekanligini isbotlash, ko’rsatish bilan o’tishi kerak.

@lazizhamidov

So‘nggi oylarda O‘zbekistonda go‘sht narxi sezilarli darajada oshdi. Rasmiy ma'lumotlarga ko'ra mart oyida O‘zbekistonda qo‘y go‘shti 9,1%, mol go‘shti esa 8,8% ga qimmatlashgan.

Bizga o‘xshash mamlakatlarda 1 kg mol go‘shtining o‘rtacha narxi dollarda hisoblaganda quyidagicha ekan:

— Armaniston – 11,84 dollar;
— Ozarbayjon – 9,88 dollar;
— Gruziya – 9,45 dollar;
— Moldova – 8,47 dollar;
— O‘zbekiston – 8,17 dollar;
— Qirg‘iziston – 7,69 dollar;
— Tojikiston – 7,56 dollar;
— Qozog‘iston – 7,17 dollar;
— Ukraina – 6,62 dollar.

@lazizhamidov

O‘zbekistonda 2010- yilning oxirida bir kilo go‘sht 9 ming so‘m, 2011-yil yakunida 15 ming so‘m, 2014-yilning o‘rtalarida esa 26 ming so‘mdan sotilgan ekan. Bu ko‘rsatkich keyingi yillarda quyidagicha o‘zgargan:

2016 — 35 000 so‘m;

2017 — 38 000 so‘m;

2018 — 46 000 so‘m;

2020 — 60 000 so‘m;

2021 — 70 000 so‘m;

2022 — 90 000 so‘m;

2024 — 120 000 so‘m;

2025 — 140 000 so‘m.

@lazizhamidov

Myunxendan Toshkentga qaytishda bizni tayyora hali uchuvga tayyor emas shekili yarim soatdan (aynan) buyon avtobusda odamlarni ushlab turishibdi. Nolimoqchi emasman, lekin bunaqasi meni tajribamda birinchi marta bo’lishi, g’alati bo’larkan) Samolyotni ichini tozalashyapti)

upd: tayyorada bemor bo’lgan ekan, chiqib, so’rab ko’rdim)

@lazizhamidov

Aytishlaricha, Osiyo kubogida g'alaba qozongan U-17 futbolchilarimizga "Cobalt" avtomobili, murabiylarga esa "Trecker" avtomobili sovg'a qilinar ekan.

@lazizhamidov