♻أسئلة المشاركين❓

السلام عليكم , قلتـي للبت انو تقرا من 11لحـدي4 , طيب انا بقرا بالصباح لحد 12 كـدا ممكن تقرا كدا هـي , انا كمان امتحاناتي بعد رمضان سادس العيـد , عندنا مادة جنرال كمستري والدكتور ماادانا ولا شيت وكتيررة هي ماعارفة اعمل ليها شنو؟؟!!

دي برضو فكرة للبقدر يقرا بالصباح 💜

💭بالنسبة لل chemistry ممكن تقري من مرجع وممكن تكتبي العناوين الرئيسية وأنا أبحث ليك عن pdf في قناة مختبرات طبية 💜

💌شكرا ليك صديقتنا 💜🌸

#عهــــد_فتح_اللّـہ̣̥

💌ممكن الشباب الي معانا أي حد عندو شيتات لل chemistry او biochemistry يشاركهَا معانا وجزاكم الله خيرا 💜

#عهــــد_فتح_اللّـہ̣̥

من لم يعش معاناتك وكفاحك وألمك ، يصعب عليه أن يشعر بهم إلا ان كان ضميره حي🌱
‏فلا تستغرب عندما يستهين جاهل بإنجاز أخذ منك الكثير من الوقت والجهد والصحة🌱

‏لا تجعل كلماتهم تحبطك أو تقلل من قيمة المرحلة التي تجاوزتها أو الإنجاز الذي حققته ، فأنت وحدك من يحق لك ان تحدد قيمة أشيائك🌟!

د.محمد الخالدي✉️📫

السلام عليكم ورحمة الله وبركاته… 💜
أنا عهد زي ما وعدتكم إنو حنتكلم عن المذاكرة بالليل وكيف تكون صاحي ومصحصح كمان 😃

💡أول شي لازم تعرفوه إنو المذاكرة بالليل تعتبر قيام ليل ☺
عارف شنو يعني قيام ليل يعني عبادة عليها أجر 💞

ف كدفعة إيجابية كدا 😍👇

💭فكل ما يجيك احساس انو تعبت من انك تقوم بالليل والناس مرتاحة الا انت وكدا اتذكر إنو أنت بتعمل في عبادة حتؤجر عليها 💞


♻النقاط الي حنتكلم عنها دي مهمة شديد وبتأثر علينا بدون ما نشعر 😴👇

1⃣مكان المذاكرة 🏠📚

المكان الإنت بتذاكر فيهو لزم يكون مكان هادي 🔥(هدوءا معقولا 🌚 عشان ما تمشي تتحشر في حجر في البيت وتقول لي بذاكر 🙂) يعني يكون مكان فيهو حياة واصوات عشان ما تحس نفسك عايش في جزيرة أحلامك وتنوم 😅


💫💭


2⃣طريقة الجلوس 🤷‍♀🙇‍♀🤔

لما تجي تذاكر بالله أقعد قعدة محترمة قعدة تحسسك انو انت بتعمل في شي مهم 🙂
🚫فما تمشي تتكي على جمبتك ولا ترقد وترفع رجولك نظام مرتاح وبتاع 🤦‍♀ حتقرا 10دقايق وبعداك حألاقيك في الأحلام 🙂💔
💡ع الطاير كدا كلو وضعية جلوس عندها ردة فعل في عقلك هناك مجرد ما رقدت يعني خلاص نوم فشنو أعمل حسابك +انو كل طريقة تدفق ال blood فيها بختلف إنتبه 🔐❤

💫💭

3⃣القيلولة 😴🙊
طيب نحنا بنحاول نصحى البخلينا ناخد قيلولة شنو؟
🔕عشان عقلك يرتاح 💕
ومدتها ⏱ 20_30 دقيقة
أخدت بالك دقايق ⏱
🚫عشان ما تمشي تلحق أصحاب الكهف وتنوم سنين عددا 🙂

💫💭

#يتبع 💭💜

#عهــــد_فتح_اللّـہ̣̥ 🔏

ومواصلة للمذاكرة والليل 📚😊
كان اتكلمنا عن المكان وطريقة الجلوس والقيلولة …حنتكلم تاني عن تلاتة نقاط مهمة 💡

4⃣الأكل والشرب 😋
الأكل حلو و مافي زول ما بيحب ياكل بس لما تجي تقرأ وخاصة بالليل بالليل ما يصحى عندك أشعب الآكول وتفضي تلاجة بيتكم وماتخلي شي 🚫

✅أكل شيء. خفيف (ممكن يكون سلطة، كباية لبن ، كدا) دايما قبل المذاكرة ولما تتعشى خاصة عشان تقدر تصحصح لأنو لو مليت أمدرمان العندك دي صدقني حتنوم أول ما تقوم (طبعا دا لو قدرت تنوم أصلا) 🙂

🕊💫

5⃣الحركة وتغيير النشاط 🏃

وإنت بتقرا حاول تتحرك وتغير نشاطك 💡
🚫الحركة ما معناها تعمل أزٍعُاجً او تتحرك تطلع برا البيت 😅 لا يعني تكون قاعد قوم اقيف واحفظ اتحرك في مكان قرايتك ما تمشي بعيد كدا ☺

🚫تغيير النشاط مش يعني انت بتقرا تقوم تمشي تتفرج ع التلفزيون مثلا. لٱ 🙂 تغيير النشاط تكون بتحفظ شفوي كدا امسك القلم واكتب ارسم اعمل مخطط للحاجة الانت بتقرا فيها وكدا ☺

🕊💫

6⃣الإلتزام 😃

🚫لو إنت شخص أصلا ما ملتزم وماعندك هدف وما عارف انت جاي تقرا شنو ولا مفترض تخلص الساعة كم ارجع نوم احسن 🙂 ومافي داعي تساهر زاتو

اااي زي ما بقول ليك كدا 🙂💔
💡انت لازم يكون عندك هدف يخليك صاحي طول الوقت 🙂

💡عارف إنت صاحي في نص الليل تعمل شنو ؟

💡ملتزم من جوا نفسك إنو انت حتعمل كدا لو حرق الكوكب 🙂

💡عارف حتبدأ قراية الساعة كدا وحتخلص الساعة كدا⏱

والا امشي اتخمد ونوم 🙇‍♀

🕊💫

يتبع 💭💜

#عهــــد_فتح_اللّـہ̣̥ 🔏

..🌸

إذا لاحَ حلمٌ
فحلِّقْ إليهِ ..
فإنَّ النجاحَ شريكُ الطموحْ ..

هي الرُّوحُ
إن كانَ ثمّة حلمٌ ..
ومن غيرِ حُلمٍ .. فهل ثَمَّ روحْ !!🦋



..🌸

أقتل جزءك
الذي يخبرك بأنك لا تستطيع النجاة
بدون الاخرين 😌♥️

#Dr_Fatema

السلام عليكم 💜…
كيف أحوالكم ، والقراية معاكم ؟

♻أسئلة المشاركين❓

السلام عليكم
شكرا عل القناة الحلوة دي😍
انا عايزة طريقة اقرا بيها وتاني ما انسى الحاجه القريتها

وعليكم السلام …💜
الحلو ما يستاهل الا الحلو 💜

💌طريقة تقري بيها بسيطة جدا 💜

💡التكرار …
مخك عامل زي جهاز الحاسوب مع إنو تقنياتو أعلى مما انتي متصورة بس على هو نفس فكرة الحاسب والجهاز الذكي 💜
#مثال بسيط:
لْـۆ كان عندك ملف طوالي إنتي بتفتحيهو في تلفونك أو حاسوبك بصورة مستمرة مش حتلقي الحاسوب او الهاتف طوالي صنفو في حتة براهو كدا وخلاهو قريب اقرب من باقي الملفات؟

اكيد صّـْْ(☑)ـْْحّ

عشان كدا كل ما تكرري الحاجة وتعيديها على مخك حيفضل متذكرها ☺💜

💡استخدمي الجزو الأيمن من مخك زي ما قلت لزميلتنا قبل كدا استخدمي الالون والورق اللاصق في القراية ولخصي الحاجة العايزة تحفظيها في شكل مخطط ما حتنسيها أبدا 💜


#كسرة …💜

💌إتذكري إنو إرادتك أهم من كل القلتو ليك دا …آمني بفكرة انو إنتي عندك مخ فيهو عدد هائل من الخلايا وعقل قدراتو عجيبة بتقدري تنجزي أي عمل إذا صممتي عليهو 💜

#عهــــد_فتح_اللّـہ̣̥ 🔏

♻أسئلة المشاركين❓

وتاني عايزة ازيد معدلي التراكمي ما كان كويس في سنة اولي كان 2 وكم سبعين في امل انو يزيد في السمستر ده عايزهو بيقى 3 وريني كيف اعمل شنو عشان يزيد😢💔
ومشكورة😍❤️

أكيد في أمل يا عزيزتي إنو يزيد 💜

💌محتاجة تلات حاجات
إرادة …إلتزام … تفاؤل 💜
وطالما إنتي انتبهتي انو عايزة تزيدهو فعندك ارادة لكن لازم تلتزمي بخطة معينة وثابتة انتي خاتاها عشان تحققي هدفك واخيرا فكري بإيجابية مهما كانت النتايح 💜

#عهــــد_فتح_اللّـہ̣̥ 🔏

♻أسئلة المشاركين❓

السلام عليكم ورحمة الله
أولا شكراً علي القناة الرائعة دي وشكراً ليك دكتورة عهد بالجد نصائحك مفيدة شدييييد.
يلا انا بقرا مختبرات وبحبها شديد ونفسي كدا ابقى مبدعة في مجالي دا واكون ملمة بحاجات كتيره ونفسي كمان اتخصص هيم بس مشكلتي ماقادرة اعمل ولاحاجه منهم ودائما بحبط نفسي وبقول اني ما قدر الكلام دا وثقتي في نفسي ضعيفة شديد . وحالياً مفترض اقرأ في رمضان لان ح ننزل امتحان بعد العيد مباشرة برضو م قادرة اقرأ وكل م اطلع الشيتات اعاين ليهم ونفسي بتقفل طوالي وبقول انا كان قريت هسي كدا كدا ح انساها وطوالي برجع شيتاتي وبخليها ومتضايقة وحاسة بالذنب من الموضوع دا
وحاجه تانية م قادرة اتخلص منها دائما بقارن نفسي بالناس وبشوف اني ادنى منهم وهم احسن مع انو لو قارنت بالمعدلات يعني م كعبة لكن م عارفه ليه بحس كدا
ساعديني ارجوووك😭

وعليكم السلام ورحمة الله وبركاته …💜
{ •• الـّ~ـعـفو •• } …تسلمي 💜

💭طيب أول شي عشان تنجحي عليك تبدي صفحة جديدة وتغسلي مخك دا من الأفكار الما إيجابية 💜
🚫خدي بالك الكلمات الما جميلة ديك وخزعبلات انو أنا مابقدر وما بعرف دا مش بقلل ثقتك في نفسك دا يا دكتورة بيتخزن في مخك في عقلك الباطن ويحرك بقى هو وبيضعف إستيعابك للبتقريهو ⏬

💡الحل شنو ؟
الموضوع بسيط قول لي نفسك دايما …
أنا واثقة من نفسي جدا💜
أنا بقدر أعمل كدا 💜
أنا طبيبة مختبر تخصص كذا 💜
أنا زمان ما نجحت لأنو كدا كدا حأغيرو لأني عايزة أنجح وحأنجح
فهمتي علي كلمي نفسك بعبارات إيجابية 💜

😄ممكن حد يسمعك ويقول دي جنت وما يقتنع عادي ولا يهمك ما عليك بعدين ساعة تتفوقي حنعرف مين المجنون 😛


#بعد تعملي الفوق دا. ما حتخافي يا ستي من الشيتات ابدا 😄 لأنو خلاص بقينا أقوى وواثقين من نفسنا والشيتات الي حتخاف مننا بعد كدا 💪💪

#ونرجع نقول ونعيد ونغني ونكتبا تاني وتالت ورابع المقارنة لا ❌ما تقارني نفسك مع أي شخص في الوجود ❌❌

🔕 الشخص الوحيد المفترض تبقي أحسن منو بكرة هو نفسك أمبارح نفسك ماغيرا 💜💜

💭جيبي معدلاتك وقارني بينهم وشوفي الخلل وين المشكلة مُشُگلتگُ ما مشكلة العالم البقرو معاك …بعدين حيكون عندك مّرَيَـضّ عيان انتي مفترض تنافسي نفسك عشان تقدمي ليهو الأفضل ما تنافسي جارك مثلا عشان يقولو إنتي واو وما بعرف إنتي بتقري وتطوري من نفسك عشان ترضي ربنا وترضي نفسك ركزي في دي 💜

#عهــــد_فتح_اللّـہ̣̥ 🔏

♻أسئلة المشاركين❓

السلام عليكم عايزه طريقه لى المزاكره فى رمضان مع العلم انى شغاله جامعه من الساعه 8-3ومرات4 وامتحاناتى بعد العيد 😭💔 بتمنى تساعدونى وجزاكم الله خيرا☺️😔

وعليكم السلام …💜
أولا ربنايعينك يا دكتورة 💜
ثانيا بما إنك شغالة جامعة ما قدامك إلا تذاكري بالليل 📚
وحاليا شغالين نتكلم عن الحاجة دي ممكن ترجعي للمنشورات 💜

#في اقتراح تاني انو تذاكري ما زمايلك في الجامعة في شكل مجموعة عشان لما ترجعي البيت ما يكون الموضوع جديد عليك أو في شي فايت عليك 💜

#فكرة تكوني شغالة وانتي نازلة امتحانات ماسيئة للدرجة ديك 😃يعني إستغلي فرصة 💜 إنو انتي شغالة جامعة …أي حاجة ما فاهماها أسألي وكدا واهم شي ركزي كويس في المحاضرات عشان توفري وقت لما تذاكري بالليل 💜

موفقة 💜

#عهــــد_فتح_اللّـہ̣̥ 🔏😤

♻أسئلة المشاركين❓

يـ جميلة مساك سعيد واللـه يتقبل, انا حد ماقرا واجي احاول اتذكر كدا مابتذكر سمح ولا شي كدا ماعارفة بحس المعلومات دي مابتدخل راسي ابـدا , اعمل شنو!!

يسعد مساك يارب…💜
اللهم آميين يتقبل من الجميع بإذن الله 💜

#مش زمان كان عندك شنطتك جيبا اوانتي كل مرة تختي حاجة ماتلقيها وتجني مشت وين وبتاع 🤔وتقعدي سنة تفتشي برا الشنطة في حين انو كانت قاعدة وفي نفس الجيب الختيتيها فيهو بس طلع عامل جيب سري بتحت تحت🙊 والمشكلة كلو ما تملي الشنطة طبعا في حاجات تغطس تحت وانتي تنسيها عادي 😁 الا اذا كنتي زولة منظمة وعندك يوم في الاسبوع بتجي تفقدي شنطتك وتشوفي فيها شنو جواا 🙂

💡 المعلومات قاعدة تخش وجوا مخك كمان مش راسك بس إنتي خاتة الفكرة في راسك إنو هي ما ختخش 🙂💔

💭المعلومات قاعدة بس كل ما تدخلي معلومة جديدة في وحدة بترجع لورا فلازم كل مرة تعملي رفرش ليها 💜

💭 غيري تفكيرك شوية عن الموضوع واستقبلي المعلومات براحة براحة وحاولي استخدمي المخططات والخرائط الذهنية بتساعدك على إنك تتذكري 💜

#كسرة … 💜

💡وأنا زمان كنت أسأل نفسي المعلومات البقراها بتمشي وين ساعة ما اتذكرها طبعا فبقيت اقول لنفسي اصلا هي ما حتخش في حالة انو يكون راسك مقدود ياعهد 🙊 فشنو فتشي تاني لأنها قاعدة 😂

ما تضحكي ياهو كدا

يلا مش شايفة راسك سليم 🌚 يبقى المعلومات حتخش ومافي مفر إنها تهرب

#عهــــد_فتح_اللّـہ̣̥ 🔏

لا تغركم البدايات فالرياضيات بدئنا تعلمها بتلوين البرتقال..🍊🍊