المسافة ما بين أحلامك والواقع تسمى الفعل 🐹🐾


يلا اتحرك سررريع 🐥

السلام عليكم ورحمة الله وبركاته
كيفكم يا حلوين،ورمضان كريم عليكم وتصوموا وتفطروا على خير🐥

عارفييين الليلة في شنو؟
اليوم 15/أبريل

في نفس اليوم دا عام 1996 أقرت الجمعية العامة للإتحاد الدولي لعلوم المختبرات الطبية البيلوجية في المؤتمر العالمي، الذي اقيم في اسلو في النرويج أن يكون ​15 أبريل من كل عام يوماًعالمياً للمختبرات الطبية 🌟

وسنوياً بيحتفل الاتحاد الدولي لعلوم المختبرات الطبية الحيوية في إيطاليا باليوم دا 🌟

وجات فكرة إنشاء يوم عالمي للمختبرات الطبية للتعريف بالمجال وزيادة الوعي بالدور الحيوي الذي تلعبه المختبرات الطبية في التشخيص...🌟

15/4/2022
كل عام وأنتم بخير ياجميليين💜🌸

#اليوم_العالمي_للمختبرات_الطبية
#افتخر_كونك_أخصائي_مختبرات
#مختبرات_طبية
#Mohammed Ali
#Ahd Fathallah

@MLSbeautifulworld

أصدقائي الجميلييين 💜💜

صباااح الخير عليكم وجمعتكم مباركة🌸

عدنا من جديد 🔥🔥🔥



#للتواصل والإستشارات 💜👇

https://www.tg-me.com/Quiet1997

♻أسئلة المشاركين ♻


سلام عليكم
اتا عندي مشكلة بدينا السمستر دا يداب بس والله انضغطت شديد اسع كملنا قريب ال3كورسات وم قادره اقرا محاضره وحده م عارفه مالي
زمان كنت بحب القرايه وبقرا اسع بقي م عندي شغب ليها الوقت كلو ف التلفون او الونسة بس
💔💔💔💔عايزه نصايح😔😔

▬▬▬▬▬▬▬▬▬▬▬▬

💥الجواب 👇

طيب يا حلوة انعدام الشغف دي حالة طبيعة بنمر بيها كلنا مع اختلاف المدة واختلاف ردة فعلنا تجاها 💜

أول شي لازم تعرفي السبب الخلاك كدا قد يكون طريقة القراية مملة أو نسيتي أهدافك ومابتحفزي نفسك أو حتى بتقارني نفسك بأشخاص حوليك في المجال ...الخ

✅طيب تجيبي ورقة وتكتبي عليها أهدافك ولازم تكون أهداف واضحة ومحددة مثلا أنا الأسبوع حأقرأ كدا بالإسم وعايزة أقرأ عشان كدا كدا عشان في النهاية عايزة أجيب المعدل الفلاني فهمتي علي...

✅تلفونك دا أكيد ما شاغلك كله في برامج معينة بتعطلك أي شي بتحسيه حيعطلك أحذفيه اعتبريه اختفى من الوجود😴

✅تمسكي أي كورس تحددي محتوياته وتحددي ليها أوقات معينة بالدقيقة والثانية في أوقات مختلفة يعني عشان ما تحسي بالملل 💜

✅بمناسبة الونسة اتونسي بالبتقريه عادي أشرحيه لنفسك لزميلة معاك كدا بتثبتي المعلومة عندك 💜

✅ما تنسي تحفزي نفسك بعد كل محاضرة بتقريها بأي شي بتشوفيه مناسب 💜

✅ واظبي على قراءة سورة البقرة والشرح والفاتحة والمعوذتين 💜

✅كل ما حسيتي بالملل والزهج جيبي ورقتك القبييل دييك الكتبتي فيها أهدافك وأقريها تاني و حفزي نفسك وامليها طاقة وربنا يوفقك 💜💜💜


#عهــــد_فتح الله

لِلتّقدُّم :
-أيقِظ العبقَري الكَامن بداخلِك.
-تعلَّم كيفَ تتعلَّم.
-ضاعِف مِن سعةِ ذاكرتِك 100مرة.
-نشِّط بطارياتِ عقلِك.
#بالله_تستطيع..🌸
..

♻أسئلة المشاركين ♻

السلام عليكم ورحمته الله
انا بدرس في رابعه مختبرات بدرس اول بأول وكمان بشرح لي صاحباتي وعندي صاحبتي ماقاعده تجي الجامعه بس بتنزل امتحانات طوالي قاعده اشرح ليها اناا وبجيب معدلات كويسه ومرات بكون احسن مني
نجي لي مشكلتي انا ماعندي مشكله في المقرر يعني مافي حاجه بتفوت على
بس برضو ماقاعده اجيب معدل ظابط
بس في حدود 2.50😥☹️ ودي الحاجه المزعلاني شديد حتى مرات بكون بقراء بخلي القرايه بذكر انو مهما تعبته حيكون نفس المعدل
امتحاناتي باقي ليها 3اسابيع وانا ماقاريه حاجه وبطني طامه منهاا ماعارفه اعمل شنوو
▬▬▬▬▬▬▬▬▬▬▬▬

💥الجواب 👇

✅أول شي يا دكتورة عايزاك تعرفي حاجة إنو القراية الكتيرة ما بتخليك زول واو ولا عدم القراية بخليك زول واو برضو .
الله طيب نعمل شنو🙄
التوسط ✅

يعني خلي ليك ميزان اخدي راحتك وعيشي حياتك واقري كلو بجي يعني 💜

✅الحاجة التانية والحنفضل نعيد ونكرر فيها ما تقارني نفسك بزول مهما كان لأنو انتي ماهو ولا هو انتي ✅🙃

✅ براحة ركزي ادي نفسك مساحة، ريحي عقلك من التفكير🤗

✅حددي لنفسك زمن محدد للقراية وحددي زمن للراحة😴

✅ساعدي غيرك دي حاجة جميلة جدا جدا بس ما على حساب نفسك ووقتك 🙃

✅اعملي العليك واقري وخشي امتحانك برضا وتوكل على ربنا وربنا ما حيخب ظنك، بس انتي ظني النجاح والعبور دايما💜

موفقة 💜

-إلى أحلامنا التي تكـاد تفـقدُ الأمل في لقائـنا :
صبراً فنحنُ على وصول ..💜🦋

#عهــــد_فتح الله

♻أسئلة المشاركين ♻
السلام عليكم طيب يا ستي انا في بدايه سمستر أو مختبرات المهم عايزه اجيب معدل عالي لكن المشكله انو بمسك التلفون و غير كدا بتونس +انا عندي مشكله كمان إني ما واضحه مع الناس يعني لو مفروض أقرأ و جاني زول يتونس معاي بخلي ليو قرايتي +بالنسبه لإنو نحنا جامعين و مفروض شخصياتنا اتكونت بس انا ما بحس كدا انا بحس روحي ضايعة شويه و مرات بنفعل شديد انا زوله بت ناس والله بس ما عارفه ليي ما قادره اعمل كنترول +آخر حاجه اهم نصيحه تقدميها لي بالنسبه للقرايه و كيف اجيب معدل عالي علما بإنو آخر معدل لي كان 3.12 كيف اجيب 3.80 كيف افضل محافظه علي ليفيل القرايه و أركز و شكرا❤️

المهم انا طالبه منك المساعده وريني اعمل شنو عشان اجيب معدل عالي و اعمل شنو عشان احسن من شخصيتي بحيث انو أكون زي البنات الواعيات ديل و أكون قويه و ما بتهز
▬▬▬▬▬▬▬▬▬▬▬▬

💥الجواب 👇

وعليكم السلام ورحمة الله وبركاته 💜

✅الناس في عمرك دا فعلا شخصياتهم بتكون اتكونت بس البتتكلمي عنها دي عادات ما شخصيتك العادات دي استمرت معاك فترة معينة لما خلاص اعتبرتيها جزء من شخصيتك والدليل انها عادات انك حسيتي انو في شي غلط ولازم اوقف اشوف الحاصل شنو ودي حاجة كويسة منك💜

✅بالنسبة ليك مشكلتك دي للآن انتي ما كونتي هدف واضح تمشي عليه عندك أهداف لكن جايطة كتيرة وما مرتبة والمشكلة الحقيقية ما بتعرفي تقولي لا...

فلما يكون عندك هدف واضح مثلا طلعتي من البيت ماشة الدكان لاقتك وحدة بتعرفيها قالت ليه ارح نمشي الفرن (وانتي عندك عيش في البيت ) فمشيتي معاها ونسيتي أصلا كنتي ماشة وين؟
لكن سؤال لما تمشي معاها وترجعي للبيت حيحصل شنو حتلقي ماعندك شي تاكليه غير صح؟ 🚫
سؤال استفدي شنو انتي من مشيتك ؟
ولا حاجة 🚶‍♀️
ما جبتي حاجتك يا تقعدي جوعانة يا حتقرضي عيش 💔

لكن لو عملنا فلاش باك لورا كدا وعدنا الموقف تاني وانتي ماشة لاقتك صحبتك سلمتي واي شي ماشة وين ماشة الفرن تمشي معاي ... لا مافاضية حاليا ماشة الدكان واي وحدة مشت في حالها...

كلمة لا.. دي أول مرة حتكون صعبة وحتحسيها كيف كيف لكن لازم تتعلميها لا..لأي شي ضد مصلحتي
لأ لأي شي عكس هدفي في الحياة
✅ربنا بسألك من نفسك أول شي قبل الناس

✅اتدربي على كلمة لا زي الموقف بتاع الدكان دا صوري المشهد اذا قلتي لا واذا قلتي نعم حيحصل شنو اتخيلي واختاري بعدها عايزة شنو انتي؟
وحدة قعدت جمبك وعايزة تتونس وانتي بتذاكري قوليها استوب هنا معليش انا بذاكر بدون أي كلام كتير عشان في الامتحان الاخير اسمك براه واسمها براه وكذلك درجتك

✅تحافظي على معدلك كيف... تركزي في المحاضرات، تسألي عن الحاجات الفايتة عليك، تحددي وقت للقراية وتلتزمي بيه

✅ بالنسبة للجوال وانك بتمسكيه كتير، شوفي انت بتمسكيه ليه؟ شوفي التطبيق المضيع وقتك شنو ؟ امسحيه وبرضو حددي وقت لمسكة الجوال

✅انت بالنسبة لي هسي واعية عشان عرفتي انو في شي غلظ في أسلوب حياتك ، وقوية عشان قررتي تعترفي بالغلط وتصلحيه والشخصية البتعترف بغلطها وبتحاول تصلحه ما في شي بهزها وبتكون متصالحة مع نفسها 💜

✅سورة البقرة اقريها يوميا حياتك كلها حتتغير، أول مرة حتكون صعبة تاني بش تاني حتتعودي عليها 💜

✅صلواتك في وقتها، أذكارك، قربي من ربنا عندك ونسة في راسك دا امشي احكيها لربنا 💜

✅قللي كلامك مع الناس عشان لما تتكلمي كتير بتحسي انك ضعيفة و شخصيتك ماقوية والصفات الذكرتيها دي

وأخيرا ربنا يوفقك💜


#عهــــد_فتح الله

ما تبدأ يومك بالتفكير أمبارح عملت شنو غلط بالعكس فكر انت الليلة حتعمل شنو صاح ✅💜


Yes l Can 💯💜

انتظموا في الصلاة يا شباب، الصلاة براها فلاح ونجاح 💜🌸

#عهــــد_فتح الله

♻أسئلة المشاركين ♻

سلام عليكم رحمة الله
دكتورة عهد كيفك
انا عندي مشكلة انو انا بعصب سريع وما قادرة اتحكم في العصبية دي وبحس انو راسي مضغوط حتى وانا بقرا انا من النوع البزعل وما بقول زعلت في شنو وبتعصب تلقاءيا في أول نقاش وما بحب اتكلم كتير لو زول اتكلم معلي كتير بعصبني
وزمان انا ما كنت كدا كنت زولة باردة جدا وبعيدة من العصبية
فأنا بقرا مختبرات مفترض أطول بالي اقلل العصبية الزايدة دي بس ما عارفة كيف
انصحيني اعمل شنو ..
▬▬▬▬▬▬▬▬▬▬▬▬

💥الجواب 👇

وعليكم السلام ورحمة الله وبركاته...

طيب العصبية سلوك مكتسب غالبا عند معظم الناس حتى أنا ، وزي ما قلتي انك ما كنتي كدا ..
وطالما هي سلوك مكتسب عادي بتغير، هو ممكن ياخد وقت عشان يتغير بس بتغير 💜

✅أول شي مفروض تنسفيه من حياتك عبارة (انا عصبية) دي قولي (أنا ما هادية بدلها ) لو عايزة تعبري .

عقلك أول ما تقولي ليه كلمة أنا بستعد عشان ينفذ البعدها تلقائيا فلو رددتي أنا عصبية عصبية ما حتخلصي من الموضوع..

✔️لما تتعصبي الحيزعل منو اكتر شي؟ انتي فاكرة انو الشخص القدامك حيزعل اكتر؟
لا طبعا حتزعلي انتي وضغطك حيعلى وحتتوتري وحتمشي تعيدي الموقف وضميرك حيأنبك وحتتعصبي تاني وتزعلي والخ...

نفسك حتهون عليك ؟

✔️نفسك عندها حق عليك

✅من كلامك عصبيتك دي بسبب ضغط نفسي انتي عاملاه لنفسك يعني عصبيتك دي إنتي جايباها لنفسك... يعني بتخلي الموقف يمر وتقعدي تفكري فيه ويجي عليه موقف تاني وتالت وررابع لما تصلي مرحلة خلاص ماقادرة فيها تتحملي موقق تاني! لييه ؟

✅حصل موقف معاك زعلتي ما تردي في لحظتها استغفري ربك بينك وبين نفسك... امشي اشربي موية... امشي صلي ركعتين وتعاالي لنفس الشخص الحصل ليك معاه الموقف قولي ليه حصل كدا كدا وأنا زعلت من تصرفك دا بكل هداوة وراحة ...

وانتي بتقري حاجة جميلة زيك كدا الي مختبرات طبية مفروض تركزي ليه عشان كل حرف بتذاكريه مستقبلا بتعتمد عليه نتيجة لعيان مستنيك فهل حتخذلي عيان مستنسك عشان شوية عصبية؟!
بالعكس تكوني رايقة وفي قمة الروقان عشان انتي حتقومي مستقبلا بمهنة عظيمة🥰

✅طيب هل انتي عارفة إنو الشخص البتحكم في عصبيته دا شخص جميل واجره عند الله أجمل!
اتذكري دايما ربنا لما قال: (فمن عفا وأصلح فأجره علي الله)

فلما تحسي نفسك حتتعصبي اذكري ربنا، لو قاعدة اقيفي ولو واقفة اقعدي، اكسري الموقف دا باي تصرف تاني حتنسي إنك كنتي حتتعصبي أصلا 💜

✔️هل انتي عارفة إنو كتم الغيظ أو الغضب من أعظم الإيمان وإنو لما تهدي وتكوني رايقة والناس حوليك كدا حتاخدي أجر على الحاجة دي لأنك حتكوم مصدر أمان بالنسبة للحوليك مهما كانوا وبما إنك طمنتي غيرك ربنا حيطمنك 💜!

✅ اسمعي قرآن كتير وحتحسي بالفرق والله.. عني مثلا سورة الحجر بصوت هزاع البلوشي أنا بسمعها سبحان الله لو كنت في قمة الزهج والعصبية بهدأ تلقائيا وحأرسلها ليك تسمعيها 💜

#عهــــد_فتح الله

سورة الفاتحة + سورة الحِجْر 😴💜

كُن طاقة إيجابية مؤثرة وشعلة أمل لمن حولك وأطبع صورة النجاح من خلال عملك للآخرين فقد تكون نقطة تحوّل في حياتهم وأنت لا تعلم ♥️

نملك الخيار وخيارنا الامل🌸💜

،السّلام عليك يا صاحبي،
صدقني حين أقول لكَ أن أشرس معركةٍ
يخوضها الإنسان، هي معركة الحفاظ على نقاء قلبه!
هذه الحياة مُتلفةٌ للقلوب!
فمهما خسرتَ إياكَ أن تخسرَ قلبكَ،
من يخسر قلبه مهزوم، ولو ربح الدنيا كلها!

يا صاحبي،
إنَّ المؤمن في هذه الدنيا كالمقاتل في الحرب،
يُغيِّرُ موقعه ولكنه لا يترك الجبهة!
بعض المعارك طاحنة لا يقدر عليها كل الجنود،
ولا بأس بالانسحاب من بعض المعارك ما دامت النية
أن نكسب الحرب نهاية المطاف!
فإن كانت لكَ عبادةٌ تسابقُ بها الريح، ثم وجدتَ في نفسكَ عنها فتوراً،
فافتح لكَ مضماراً آخر،
وإن أُوصدَ في وجهكَ بابٌ إلى الله ،
فلا تجلس وتضع يدكَ على خدك!
افتحْ لكَ باباً جديداً تلجُ منه،
قيام الليل القديم الذي ما عاد ميدانك،
عوّضه بصدقات النهار يا صاحبي،
وصيام التطوع الذي فترتَ عنه،
اجبره بحفظ القرآن!

هذه النفسُ إن لم تشتغل بالحق اشتغلتْ بالباطل،
لهذا احملها على الحقِّ حملاً،
كُن كالجنديِّ الجريح الذي يتحاملُ على نفسه
كي يصل إلى موقع الجيش..
لا تستسلم لجراحك ففي هذا الاستسلام مقتلكَ!

يا صاحبي،
إنَّ العبدَ قد يُحرم العبادة بالذّنب الذي يُصيبه،
ولكن إياكَ أن تجعلَ هذا الذّنب سوطاً في يد الشيطان،
يجلدكَ به كلما هممتَ بطاعةٍ!
خسارة معركةٍ لا تعني خسارة الحرب،
وسقوط ريشةٍ لا يعني سقوط الطائر،
وانكسار غصنٍ من الشجرة لا يعني أن الريح قد انتصرتْ،
يمكن للمرء أن يتحامل على نفسه، فلا تترك موقعكَ!

والسّلام لقلبكَ..

أدهم شرقاوي .

إذا لم تكن #قناتك لك صدقة جارية بعد الموت ، 🥀
فاحرص على أن لا تكون لك ذنب جارى بعــده 🌪

🇸🇩 لستة النبراس للقنوات السودانية 🇸🇩
     لستات تسابق الزمن و الريح ..
اللستة رقم واحد و الأعرق في السودان
           #دقةانضباطتميز ✌️
       نرحب بالجميع وفق الشروط🤙
🌟 أشــتراك

🔺🔺🔺🔺🔺🔺🔺🔺🔺🔺🔺

اشمل مكتبة مرئية ومسموعة لفضيلة الشيخ الزين محمد احمد

🔺🔺🔺🔺🔺🔺🔺🔺🔺🔺🔺

تصاميم احترافية 🤎🤞
https://www.tg-me.com/+lE1rfD8X05hkNjg0

إذا لم تكن #قناتك لك صدقة جارية بعد الموت ، 🥀
فاحرص على أن لا تكون لك ذنب جارى بعــده 🌪

🇸🇩 لستة النبراس للقنوات السودانية 🇸🇩
     لستات تسابق الزمن و الريح ..
اللستة رقم واحد و الأعرق في السودان
           #دقةانضباطتميز ✌️
       نرحب بالجميع وفق الشروط🤙
🌟 أشــتراك

🔺🔺🔺🔺🔺🔺🔺🔺🔺🔺🔺

اشمل مكتبة مرئية ومسموعة لفضيلة الشيخ الزين محمد احمد

🔺🔺🔺🔺🔺🔺🔺🔺🔺🔺🔺

إذا لم تكن #قناتك لك صدقة جارية بعد الموت ، 🥀
فاحرص على أن لا تكون لك ذنب جارى بعــده 🌪

🇸🇩 لستة النبراس للقنوات السودانية 🇸🇩
     لستات تسابق الزمن و الريح ..
اللستة رقم واحد و الأعرق في السودان
           #دقةانضباطتميز ✌️
       نرحب بالجميع وفق الشروط🤙
🌟 أشــتراك

🔺🔺🔺🔺🔺🔺🔺🔺🔺🔺🔺

اشمل مكتبة مرئية ومسموعة لفضيلة الشيخ الزين محمد احمد

🔺🔺🔺🔺🔺🔺🔺🔺🔺🔺🔺

تصاميم احترافية 🤎🤞
https://www.tg-me.com/+lE1rfD8X05hkNjg0