السلام عليكم ورحمة الله وبركاته

أصدقاء حياة الأعزاء .. نتمنى أنكم تكونوا في أفضل أحوالكم، وتكون السنة الجديدة فاتحة خير عليكم جميعًا

بعد الإعتذار الخالص عن تقصيرنا الأسابيع اللي فاتو، وإمتناننا الكبير لرحابة صُدوركم وإلتماسكم لينا العذر بطيب خاطر، ومع ختام يناير .. جايين اليوم نزّفولكم خبر سعيد جدًا بالنسبة لينا

صدقًا أنه الموضوع خدي مننا هلبا وقت تفكير، وهلبا بحث، باش أخيرًا نوصلوا للرأي الصائب بالخصوص .. وعلى ذلك

♦️من تاريخ اليوم يعتذر متجر حياة عن إستقبال أي طلب لشخصين مافيش بينهم رابطة شرعية رسمية!

من ترك شيئًا لله عوضه الله بخير منه .. حتى لو نقّص الإقبال المعتاد، حني حنكونوا هلبا فرحانين من قلوبنا لأن الأمر هذا فعليًا يعني لنا الكثير ..

وحتقعد أبوابنا مفتوحة لكل شخص حَاب يقدم مشاعره بطريقة فريدة لأحبابه، عائلته، أصدقائه..

وديما حنلفولكم مع كل هدية هلبا حُب.. وحنكونوا هلبا سعيدين بكوننا جزء أساسي من مناسباتكم السعيدة وأفراحكم

دُمتم في رعاية الله 🤍