-#مقطع_32

رمزي!اني منّي مرتاحة هون، هیدا البیت
منّو لإلي، هیدا التخت مش تختي، كل شي هون لإلا هیی
-حبیبتی مافیکی تسکنی فوق علی طول، انا شغلی هون، مافیی ضل طالع نازل کل یوم، بعدین انا ولا ممکن انو اقدر عیش بعید عنک، ما ماصدقت انو صرنا سوا لیل نهار
-حیاتی فهمنی، ازا اسست شغل فوق، بطلع لفوق تلت تایام و باقی الایام بقضین هون، انت کمان رح تطلع لفوق یعنی رح نضل نشوف بعضنا، بعدین بترجع بتامنلی بیت صغیر، بیت یکون لالنا وحدنا انا و یاک، شو؟ شو رایک؟
-نسرین انا مابقبل تسکنی ببيت صغیر، انتی صرتی مرتی، کلشی بملکو صار لاإک، انا فیی سکنک بقصر
-بس انا مننی بحاجه لقصر، منّی عایزه قصر رمزي بکفینی بیت زغیر لالنا وحدنا بس بیت یکون فیو ريحتي فیو ذکریاتی و تفاصیلی کلا، هیی هون موجوده لیل نهار، ذکریات الولاد کلا هون
-منّك شایفة انّك عم بتزیدیا شوی
-انت هیک شایف؟ جاد و جینا و لیندا و هند کلن ما معن مفتاح البیت هوني؟
-ای بس فی سبب
-عم بسئلک سوال واضح بدی جواب بس ای او لا
-مبلا
-طیب انی ما فیی عیش بیت ما فیو خصوصیه
-ای اکید
-و انت اکید مارح تدور علین واحد واحد و تاخد منن المفاتیح، هیک بتکرهن فیی اکتر، بترجاک انا بحاجه عیش مرتاحه رمزی، پلیز ترکنی عیش فوق، بکرا بس اسس الشغل و ننجح منرجع مندور عبیت زغیر، بیت حلو الی و الک مناسس فیو عیله حلوه، مایکون معو مفتاحو حدن الا انا و انت، شو؟

#مقطع _33

شربان قهوة کتیر وما طالع عبالّي شي ابداً
-فاذاً فینا نحکي دغري بقصّتنا
-ای، کیفا جینا هلق؟
-عم تتحسن عم تتحسن
-عال، یعنی قریبا صار فیا ترجع معي ع البیت
-لا یوسف، جینا مش رح ترجع معك علی بیتک، جینا بس تتحسن رح ترجع علی بیتا، یعنی علی بیتی انا
-افّ ، شو هل الخبریّة الخطیرة هیدي؟ هیک عم بتقلّي یّاها بهل البساطة؟ عم تقرّر شو بدّو یصیر بمرتي بدون ما بتاخد رأیی؟
-ما أنا بعتت وراک لهون لآخد رأیک؟
-لا ، إنت الصّادق عمّی إنت بعتت ورایی لحتّى تفرض علیی رأیک
-تقریر الدکتور بیقول انو جینا مش منیحة أبداً و بحاجة لریاحة کتیر
-ای طبعا ترتاح ببیتا
-انا و نسرین ما رح نعیش ببیتنا بقی جینا بتجب على البیت هیی و خالاتا والخدم
-لأ، جینا رح تروح علی بیتی أنا، رح ترتاح ببیتی أنا، بتعرف لیه؟ لإنّا مجوّزة ولّا نسیت هل الشّي؟
-لأ مانسیت
-لکن عم تتناسى، جینا مرتی و بیتی هو بیتا و لما الدکتور یطلب منّا إنّا ترتاح بترتاح ببیتا، هیک عادتاً بصیر لمّا البنت بتتجوّز و بترتبط برجّال ما هیک؟
-هیدا بالحالات الطّبیعیّة
-لیش؟ نحنا کتیر طبیعيّين! فی شی مش طبیعي أنا ما معي خبرو؟
-شو عم بتحاول تقول یوسف؟ شو عم بتحاول تعمل؟
-عم حاول ستّر علی مرتي، الّي إذا النّاس اکتشفت حقیقتا هل الشّي بیردّا کتیر لورا ما هیک؟ یلّله یوم یومین و جینا بتصیر منیحة و بترجع معی ع البیت
-جینا ما رح ترجع معک، انت ما عم بتعاملا منیح
-اف، هلق هبدا الّي طلع معکن آخرة النهار؟ انو انا مش منیح؟
-شو بدک قول
-بدی ستّر علی مرتي و ردّا علی بیتي بالمنیح و إذا ما عجبکن بالمنیح بدّي ردّا بالقوّة
-اوعا تهدّدنی یا ولد
-انا ماعم هدّدک، انا عم ذکّرک بسّ انو جینا مرتي و علی اسمي و فیّي ردّا علی بیتي بالقوّة حتّى لو هيي ما بدّا
-لا مافیک تردّا إنت غلطان، فی ظروف خاصّة مابتسمحلک تردّا حتی بالقوّة
-ای طبعاً، اذا تم الاعتراف إنّا مجنونة او مش طبیعیة و هل الشّي المحکمة بتقرّرو بس أنا مش حابب فوت محاکم و مصحّات نفسیّة و عقلیة
https://www.tg-me.com/libanon314

#مقطع_34

کیفک عفیفة؟
-كتير منيحة، كيفا ستك و جوزك؟
-كتير منيح
-عفيفة بتعملي معروف تتركينا لحالنا شوي؟
-اكيد
-انتي جيتي لعندي لاتطلبي مساعدتي صح؟ بس عندك مشكلة خبرة
-بحياتي مش حکیا.مشاكل مع حدا
-اهلك وين؟
-انا ماعندي اهل، لما كان عمري شهرين توفوا اهلي بحادث سيارة هنّي و راجعين من العرس و ربيت مع ستي يلي شفتيا معي بالبيت
-انا ربیت ببیت فيه خيّ اكبر مني بشوي و ام و بي بيشبةكل شي الا البيّات، كان يسكر و يلعب القمار و لما يجي خسران يكسر و يخبطنا كلنا، بتخايلي كان يضربني لما كان عمري تلت اربعة اشهر
-في بي بيعمل هيك بالدنيي؟
-وين كانوا كل الناس؟
-ليش ما دافعوا عنكن؟
-مبلي، جربوا يساعدونا. عيلة امي و بيي والجيران بس لما شافوا انو امي ماعم تقبل انو حدن يتدخل نكرونا
-وليش امك عملت هيك؟
-سئلتا هالسوال لما كنت صغيرة، مان كانت تجاوبني. رجعت لما كبرت سئلتا، بتعرفي شو قالتلي؟ قالت كانت تحبو، بتصدقي؟ في ابشع من هيك؟ في ابشع من انو هودي يكونوا امك و بيك؟ انتي ليش جوزك كان عم يضربك؟
-فينا نحكي بالموضوع غير مرة؟
-اكيد. طيب خلينا نشرب قهوة و خبرك عن المعمل
-ايّامعمل؟
-المعمل يلي رح افتحو و كلنا رح نشتغل فيه و اولن انتي اذا بدك
https://www.tg-me.com/libanon314

#مقطع_35

لي قاعدین هون؟
-شو ما نقعد یعنی؟ ازا قعدنا برا احسن؟
-لا مش قصدی بس انو اذا قعدتوا هیک بتتضایقوا اکتر
-شو بدنا نعمل؟ منروح نمشی منبرم بالطریق یعنی؟ منعیط منصرخ؟ شو بدک یانا نعمل؟ ما قاعدین هون حاطین ایدنا علی خدنا و جینا ضایعه و لا عارفین اذا بها شی او ما بها شی ولا صحتا منیحه ولا مش منیحه مش عارفین شی
-لا مش قاعدین و حاطین ایدنا علی خدنا ابدا. کل واحد منا یعقد ببیتو ناطر اذا جینا رجعت تتلاقی حدا. خالتک هند قاعده ببیتا ناطره و لیندا کمان ناطره ببیتا و سوسن ناطره ببیتا و نحنا ناطرین هون
-مش قلیل والله شی عظیم انو کلکن ناطرین برکي بها شی برکي صار معا شی برکه بدا ترجع و مش قادره ترجع لهون
-خلونا ننطر کمان شوی و بعدین انا رح اتصرف رح بلغ الدرک
-لیک انی شغله لی ما بستوعبا، کیف ضهرت من البیت؟ ماحدا انتبه انو معا مفاتیح؟ خالتي کیف تترکا لوحدا و بتفل؟
-هلق هیک صار لازم نشوف شو بدنا نعمل مابقی بیفید الندم
-ها صحیح انا بعرف شو لازم اعمل
-شو یعنی شو؟ شوبدک تعمل؟
-سیلا انتی روحی هلق ع البیت انا رح روح فتش کم مطرح معقوله هیی تکون فین
-لا ما رح روح ع البیت، رح روح معک
-روحی ع البیت انتي انا بروح فتش لوحدی
-ما رح اترکک لحالک جاد
-یا الله قلتلک انا بفتش وحده
-معلی حبیبتی معلی ما تزعلی جادمنهارکلشی الو علاقه بصحه اختو بیعمللو هیک انهیار و من هو و صغیر بیخاف علی صحتا بیخاف انا تترکا متل ما ترکتو امو
-بقدر افهم یلی عم یحسو جاد بس یللی ما بقدر افهمو لی کل ما الموضوع بیتعلق باختو او امو بیصیر یحکی معی کانی شی وحده غریبه لی ما عم بفهم
-روقی حبیبتی روحی هلق انتی علی بیتک و منضل علی اتصال

#مقطع_36


ومین قلک هیک؟
-هوي؛ أنا حكيتو
-هوي كذاب أنا أكيدة إنها معو .
-ليندا راحت لعندو على البيت دقت ما لقت حدن ؛معها المفتاح فتحت وفاتت ما لقتها هونيك .
-إزا بدو يخفيها ما رح يخفيها عندو بالبيت ،منو حمار ليعمل هيك .
-طيب بس ليش بدو يخفيها اصلا
-لإنو حس إنو ما بقى تخلوها ترجع لعندو بدو يكون خاف لما شافكن واقفين حدا وقال إنو بكرا لما تصير منيحة و تبلش تاخد الأدوية وتقوى رح يبطل يقدر يسيطر عليها و رح تفلت من إيدو
- معلوم عأساس إنو هوي هلقد معلق فيها يعني ما مبين مش طايقها
-واضح انو يوسف طمعان فيكن يعني لما اكتشف الحقيقة وخفاها مبين انو كان عم بيخطط لشي بدو يبتزكن ليطلقها
- هي الحركات الوصخة مش بعيدة ابدا عن يوسف في حال مظبوط يلي إنتي عم تقوليه نسرين . شو لازم نعمل نحنا ؟
- بدنا نتصل فيه و منخبرو انو جينا اختفت عأساس إنو هوي ما بيعرف
وبعدين منتركو ومنراقبو . بالليل أكيد هوي رح يروح لعندا هيك منلحقو ومنعرف وينها
- غريب كتير يلي عم بتقوليه .هيدا تفكير بوليسي ومش بالضرورة إنو يكون صحيح .
-طيب بابا بس ما نحنا كمان لازم نتصرف .لازم نعمل شي خلص أنا بتلفنلو بشوف وينو وبروح بشوفو
- اوك وأنا بروح معك انا بعرف كتير منيح هيك نوع من الناس .
-انتي بدك تروحي تنطري وتراقبي يوسف كل الليل ؟
-اي ويعني رمزي ؟ عادي هيك بتصرف مع الناس الغربا كيف ازا مع جينا بنتك ؟
-حبيبتي .
-رح اتصل فيه
https://www.tg-me.com/libanon314

تمرين ١