- مع الوقت حتكتشفو إن الأهم من إنك تلقي حد متوافق معاك ، إنك تلقي حد يواكب تغيراتك في كل مرحلة. !.

- مش معنى إنك عانيت فترة طويلة معناها ربي ناسيك وإن حظك من الدنيا شويه لا، العوض ديما يكون على قد الصبر، وصدقني ربي عالم بحالك وعارف إنت عانيت كيف في حياتك، مسألة وقت وربي حيراضيك. ربي يجازيكم علي صبركم .

- قعدنا حتي بعد نظحكو شويه نقولو" ان شاءالله خير " وياريتنا نقصدو الدُعاء أن يكون الضحك مجلبة للخير ، ولكنَّ قعدنا نقصدو ان انتوقعو حاجة شينة تبي تصير بسبب كثرة الضحك ، للأسف النكد عندنا قعد ثقافة !.

- المشكلة أنها مشكلتي ، ماه لو مشكلة حد ثاني كنت حليتها .

- بين فترة وفترة اشكر روحك علي كل اللي تحملته والفترات الصعبة اللي مريت بيهن من غير ما حد يحس بيك.

- المشكلة انهم يخلوك مع أفكارك فترة وبعد وقت طويل يفكرو يعتذرو ، بعد مايخلوك تسأل روحك كل يوم : هو أنا شخص سيء !

‏- ‏خط سير حياتكم ريموته في ايدكم ، ماتخلوش الريموت هذا لعبه اللي يجي يشد يوجها شويه " ارسمو الحياة بالتفاصيل اللي انتم تحبوها وترغبوها ، سعادتك مش الكل حيفرحلك بيها بينما تعاستك تلقى حشود تتمناها ' لذلك طز في اي حد ينتقدك وانت مقتنع بنفسك وطبعك ' العالم جميل ومختلف وفيه حاجات واجد نحنا مزال ، ماشفنهاش وماتعلمنهاش وماجربنهاش ، فماتحكموش علي حياتكم بالإكتفاء المبكر فالوقت اللي الاجمل يستنى .

- حاجه تزعل ،، انك تكون حاس حاجات مش لاقي كلام يوصفهن ، ولما حد يسألك كنك؟ تقول كويس وتمام عشان مش لاقي تعبير صاح علي اللي انت حاس بيه ، اللي هو انت مش مضايق بس زعلان وخلاص، واللي هو انت كويس بس مش عارف كيف تنبسط ، تبي تحكي بس مش عارف كيف تحكي ولا حتي شن تقول.

- مش شرط انكونو زعلانين بسبب حد !! ممكن أنكونو زعلانين على انفسنا، على كل حاجه نبوها وماتصيرش ، على كل وقت انحسو فيه ان مضايقين ، على مواقف واجد محطوطين فيهن ومش بمزاجنا ، على الخذلان اللي نحسوه من أقرب الناس لنا ، على حياتنا اللي متلخبطه ، ممكن أنكونو زعلانين على انفسنا عادي.

- حقيقة الناس اللي جنبك حتشوفها لما تتعب وتطيح، وقتها كل حاجة حتكون واضحة ، وجوه الناس الحقيقية تبان في الزعل والخصام ، الكلام مافيش اسهل منه ،لكن اللي يعزك حيحس بغيبتك ، حيدور عليك ويوقف جنبك ، اللي يبيك جديات هو اللي يدير معاك المعروف مش اللي ياكلك بالكلام .

- بديت نضحك لما حد يقولي نـوعـدك مانخـليكـش بروحـك .

- الشخص اللي يتجاهل واجد من غير م يزعل هو نفسه اللي لما يمشي مستحيل يرد .

- خلي عندك حب ذات كبير ، حياتك لك انت ، اختياراتك لك انت ، خلي عندك شخصية ماحد يتحكم فيها غيرك .

- البرود لي صايرلي قدام اي مشكلة في حياتي الفترة هذي مستغرب منه بس عاجبني !.

- خلي عندك حب ذات كبير ، حياتك لك انت ، اختياراتك لك انت ، خلي عندك شخصية ماحد يتحكم فيها غيرك .

- الناس أتباعد عَ بعضها بيش ترايف وتغلا ، انا الي يتباعد عليا ما يزيدني الا راحه و مساحه مع نفسي !

- مش ديما الانسحاب يكون خسارة، مرات انسحابك من معرفة شخص يأذيك مكسب، انسحابك من وسط مكان يضغط عليك ومش مريحك مكسب ، انسحابك من أي نقاش مالش داعي مكسب، ف انسحابك من أي عراقيل في حياتك هو مكسب لكي ولصحتك ولراحتك النفسيه .

- عز نفسك و مَا تحطش روحك في مكان يقلل من قيمتك ، بمعنى اخر مديرش تصرف يخلي الناس يوُصلوا فيك بِـ اي طريقة .

- كل اللي داروه فينا حيتردلهم من حد ثاني ، كل ساقي سيسقي بما سقى .!

- بَلاش منهَا زحمتكُم ، و انتُ منافقِين .!