- لما تكون خايف أنه حد يأخذ مكانك يبقى انت أصلاً مالكش مكان.

- بعيداً عن العاطفه احياناً تستحق كا يحدث لك ، كي تغير تفكيرك وتفيق من غبائك قليلاً .

- مش كان اللي قدامك تحملك وجا على روحه معناها حيقعد هكي ديما وتقعد ضامن الشي هذا ، في الأول والأخر بني ادمين وطاقتنا محدودة ، ماتقولش هكي هكي حيتحملني ، وتخلي الافكار هذينا في راسك ، الشخص اللي يتحمل بزيادة هذا كان جاب أخره يفوتك والنوع هذا بالذات لما يفوت مايبحتش وراه .

- يملّو منك ويديرو ف الظروف سِبله .

- أكثر شخصّ مهلوك الكتوم اللي عِتابه على هيئة سكوت.

- مَ ترخيش بحد شاريك فِـ زمان الكل بايع روحه.

- اغلبية الناس اللي طلعو من حياتنا يردو بعد فترة ويحاولو يقربو مره اخري ؛ اللي يتصل، واللي يسأل حد عليك، واللي يدز على النت ، ومتعشمين ياخدو نفس المكانه اللي كانو فيها ! بغض النظر ان موضوع ردتهم ملغي بس نحبو انشوفوهم وهما رايحين ، وقتها اتأكد انهم عرفو ناس واجد بس ماعرفوش كيفك.

متطهقـوش ، ڪلهم فالبِداية ڪويسين.

- الكلـمة الوحيدة اللي كل ما تكبر ح تتأكـد إنها صح مافيش حد ح ينفعك.

- مَفيـش إنسـان عاقـل ح يلقـى راحتـه ف مڪان و يبعـد عليـه ، البُعـد دائمـاً إجتنـاب لـلأذى !

- النـية يعـرفها ربـي انا نـعرف مواقـفك معايـا بـس.

- ما يهمنيش راي الناس " هذي قولها لما تبقى ناجح و عارف ارآئهم سلبية، لكن تبقى غلط في غلط و غاطس فالغلط لعند وذنك و تقول ما يهمنيش راي الناس، لا راك هكِ حافظ المقولة حفظ يا غالي!

- تنفعوا فِ قعده حلوه لكن مش صحاب عمر .

- مش شرط إنك تكون مُبهر على قد ماتكون حقيقي،مافيش احسن من إنك تعيش بطبيعتك تحكي وتلعب و تضحك وتفرح وتزعل بطبيعتك مافيش داعي إنك تخفي هويتك وتصنع هويه اخرى عشان،تعجب حد،انت هكي تخلي فيهم ينظرولك بنظرة إستخفاف انت مش قاعد فالدنيا عشان تعجب حد،، اللي يبيك يتقبلك زي ما انت بعطابك وشطابك وللي مايبيك ساهله طريق جدي.

- لعبـوا دور إنهـم تغيروا، فتغيرنـا وخليناهم يلعبو

- خليك مَـ تسألش، ولما ننساك مَـ تزعلش .

- تـصالحت مع فكرة انـه الكل ممكن يتغير فجأه من غير اي سبب.

- مفيش حد ياخذ من حاجه بس في حد رخيص يمشي مع اي حد .

- مفيش حد ياخذ من حاجه بس في حد رخيص يمشي مع اي حد .

- بعد فترة من عدم وجود حد فى حياتك بشكل يومى حتلقى روحك قعدت مش محتاج حد و الأغرب من هكي انك قعدت معش اتحمل وجود حد بشكل يومى ولا حتى حد الكلام يقعد مستمر معاه طول اليوم حتلقى مكالماتك قصيرات و الواتس معش تخشله رغبتك فى قربك من غيرك أو إن حد يهتم بيك قلت واجد عن زمان.