- شئ مُحزن ان راحتنا النفسية تمت مُعتمدة بشكل كبير في البُعد عن الناس !

- حرفياً زعلك على نفسك هذا اسوأ حاجه ممكن تمر بيها .

- راه عادي ماتسألش وعادي تغيب وعادي ماتهتم وعادي تكون عَ راحتك بس مش عادي ترجع وتلاقيني عادي !.

- يحطو فيك عيوب الدنيا بمجرد انهم ماعرفوش يوصلو فيك ، النوع هذا يستحقو انك تضحك و تشفق عليهم .

- شن كسبنا منكم عشان نقولو خسرناكم ؟
- عشرتكم شات و حذفناها 😂.

- الواحد قعد يلاحظ أنه يكبر بطريقة غريبه و تخوف نوعاً ما ، ناسنا قعدوا ينقصوا بشكل ملحوظ ، الحزن متاعنا قعدنا نواجهوا فيه بكل هدوء بدون مَ ياخذ منا تفكير طويل وقلق ، نتجاهلوا بعض الامور مهما كانت اهميتها عندنا ، تماسك فِ نفسك مع كل موقف وصدمه تأثر فيك ومزلت اتحمّل ، تشوف فِ عرم مواضيع ينكشفاً على حقيقتهن لكن تسكت بعدها ، عشان مش ناوي تضيع وقت ، عدة أمُور لاحظناها بس معرفنش هل هيا طبيعيه أو نضٌج ولا قعدت مش فغرقه اساساً !

- الطبيعي متاعي بعد نلقاك ف ضيق كـ اصل مني نساعدك حتي لو انتَ شخص مافيكش خير .

- بــيني وبــينه نعاتبــه؛ امـا قدام الناس صـاحبــي مـيغـلطـش✔️.

- في اوقات لازم تمشي لأنك حاولت واجد لانك عذرت اكثر من مرة لانك حطيت الغلط عليك في كل مرة لانك درت فوق من جهدك، بدون اي فايده بدون اي مردود يذكر بدون ولا شيء .

- جرح فوق جرح تبني روحك بلا جميل حد .

- تقريباً أنا الوحيد اللي لما حد يقولي انت مُستفز مانضايقش، عشان أنا مُستفز فعلاً .

- لما نحكولكم علي مشكلتين تلاتة عايشينهن يبقي هذا اللي تعرفوه علينا بس ،لكن اللي ما تعرفوش هو الأصعب واللي مانعرفش هو كيف ينحكي، عشان هكي ياريت تفهموا سكوتنا والأوقات اللي نسرحو فيهن،وتفهموا علينا لما ننسو أنردو عليكم او ننسو حاجة اتفقنا عليها، الظغوطات ينسن الواحد روحه .!

- مش ضروري ايامنا اتكون حلوه يكفينا راحت البال بس .!

- لو انتَ مش قدد الصحبه م تصاحبناش لأن نحنَ ناس لما تصاحب، تصاحب بقلب ورب .

- متغيرنش لكن عرفنا من معانا ومن علينا .

- ماتصاحبش وماتقربش الا من الناس اللي شاريينك، الناس اللي تعرف قيمتك ومحتاجين وجودك زي ما انت محتاجلهم، وكل واحد يدير اللي يقدر عليه عشان يبسط اللاخر ، ومش مهم يعطي حاجات واجد لكن على الأقل ما يضغطش، ما يخذلش، ما يزرعش أي شعور متعب ، وقتها حنرضو ومش حنكونو محتاجين شي أكتر من هكي .

- شبعنا من العذر ، وملينا من التقصير ، وما نبو منهم إلا سلامتهم يعلم الله .

- إيجيركم الله من اللي داير روحه راجل و حركاته حركات ولية ،ما رينا غير أزويلك يا إمعه .

- معاي الحَق نغير إسلوبي معاكم لِأنكم كُل يوم بوجه جديـد.

﴿فَقُلتُ استَغفِروا رَبَّكُم إِنَّهُ كانَ غَفّارًا﴾.