- لازم تكتسب ثقافة “الاستغناء”؛ إن يقعد عندك القدرة انك تستغني علي الحاجات اللي يتعبنك، أيًا كانن شنو هن الحاجات هذينا، سواء أشخاص أو مواقف، أو ذكريات، أو أماكن، أو حتى ضغوطات، المهم ما تخليش روحك تحت رحمة أي حاجة من هذينا.

- لما تستوعب الفُرص اللي موجودة بين ايدك، ح تستوعب ان مستحيل تضيّع وقتك مرة ثانية ابدًا على توافه الامور.

- مش محتـاجين نبررو كلامنا لحد ، يلي يبينـا حيفهمنـا كويس .

- وقت تشعر بانك شخص غير مرغوب فيه ومش متهميلك ، ابلط ع طول بدون ما تتردد.

- انت المقصود:
لن يتركك الله بلا عوض ولا فتح ولا تمكين ، وأنت الذى ما سَئِمت مناجاته ولو لمرّة ، ولم يتسلّل اليأس إلى قلبك ولو لمرة ، واللهِ لن يخذل الله قلبك الذى يفيضُ ثقةً ويقينًا به ، ولن ينسَ قسمته من الفرح والجبر.
«وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا» .

- كل الي قطعت علاقتي بيهم، هما مدولي المَقص.

- حتجيك فترة ماتبيش فيها غير نفسك،
تعتزل ع الناس كلها، في سبيل إنك تلقى نفسك وتدور ع السبل اللّي ممكن تسعدك وتخلّي منك إنسان يتصرف ع طبيعته مع الحاجات اللي يحب يديرها
الفترة اللّي تلقى فيها روحك وشن يسرّها
تقريبًا الفترة هذه من أجمل الفترات اللّي حتعرّفك بقيمة نفسك .

- ‏مافيش أصعب من رخية الشّخص اللّي قالك مش حنرخي بيك، تحس إنّ كل شي ماشي لكن في حاجة في داخلك مش راضية تمشي، حاجة وقفت من لمّا هالشخص رخي إيده، هي ماتوقفش ع حد صح لكن في حاجات مش حترجع زي الأول والله !

وأنت عايش حياتك ماتنساش كل فترة وفترة تنظفها، تبعد علي أي حد مش دايرلك قيمة ولا مقلل من أهميتك ومش معطيك قدرك وقدر وجودك، أي حد تشوفه أنه وجودك معاه مصدر إزعاج وبتكمل كلها سلبيه وتأثيره سلبي عليك مهما كان يعنيلك؛ تخلص منه .. أنت جيت ع الدنيا عشان تعيش صح وتضحك وتلعب وتختار صح ولو بعد ألف غلط وتعبد ربِّ وتطلب الرِضىٰ وتكُون راضي علي حياتك باللّي معطيه لكِ ربِّ، ف حاول متضيعهش علي أمور فارغه ومضيعة للوقت .

- ‏في حاجات لمّا يمُر وقت طويل ع غيابها ولمّا ترجع مش حنحسوا بهذيكا اللهفة متاع قبل لما كانوا معانا، لأنّ الوقت غير فينا حاجة، التّعود ع غيابهم فرض نفسه علينا، الوقت كفيل بأنه يغيّر كل شي.

- ح توصـل لمرحلـة لِـ هنـي ساد ، اللـي
بيقعد يقعد والِي مَ يبيش سلامتَه .🖤

- عمرنا مَتغيرنا عَ حد هما ، بدلوا وجوهم ونحنا وريناهم قدرهم .

- خليّك عارف وفاهم إنه كل أنسان في حياتك تمشي يُوم واحد عنده "البديل" مهما قالولك مكتفيين فيك ومنبُوش غيرك تأكد أنه هالكلام فاضي وعندهم البديل يعني محد حياتة هتوقف عليك وعلي كلامك وأفعالك مشيتك وجيتك واحِد .

- و فِ لاخير مش حتقعد معاك الا نفسك الي ياما بهدلتها عشانهم.!

- حيجيك يوم تكره تسمع اسمائهم من كثر اللي داروه فيك ، وحتى لو دقوا ألف باب معش في رده لهم ولا حتى سلام .

- مافيش حد ما يحسش ،بس في حد كتوم حتى لِو إضايق تلقاه مقابلك بـضحكة.

- لازم تعتبر "راحتك النفسية" سبب قوي وكافي لقرارك؛مكان مش متريح فيه ماتمشيلش، صاحب يضغط عليك تجنب صحبته، قعدة مش مبسوط فيها ما تقعدش فيها، هذينا حاجات من حقك ترفضهن من غير تأنيب ضمير،لان الطبيعي والمنطقي انك تدور على راحتك مش على راحة غيرك.

- تعود تقعد بروحك، قبل ماتقعد بروحك ، وانت مش متعود .!

- في اللي تلقاه ياما يدير للناس وديما واقف معاهم وديما خيره سابق ومش مقصر وفي نهاية الشكيره تجي لغيره ! شخص هضا مافيش اطيب من قلبه وصاحب صاحبهه وصاحب مواقف الي يصبي معاك مستحيل يبيعك الي اول مايصيرلك موضوع تلقاه مصبي اول واحد وتلقاه مستكردينه بس وقت عازه يلقوه اول واحد .

- عايش فترت قلة كلام و كثرة تفكير .