ما نفعلهُ بِحُبّ، نفعلهُ بِمهارة.

أحد يحاچي جو البصرة، كلش شاد حيله.

هالأيام غائم وهيچ، يارب موسى وهارون بالفاينل زين الجو، يغمى علية إذا يزداد سوء

أنا دائمة الإنبهار بترتيب الله لأيامي، خطط الله يلي مليانة حنيّة ودفع بلاء عني كلش چبير، شعور كونك عبد قريب لله ماكو أحلى منه.🤍

آنة أحضر اللبن قبل الإمتحان أكثر من المادة.

من تحسون بشي ويطلع إحساسكم صح، أو تربطون الأحداث ببعض، شعور جدًا سيء.

مو بالفاينل لا. لا.

سمعت صوت تهشم خاطري ..

أمس قبل لا أطلع للكلية
توضيت، نويت يومي لطيف وأشوف طفلة .. وحددت النية طفلة بنية .
فاينل، ومن الكلية للبيت ويعني وين أشوفها دعيت وضحكت على روحي 😂
من طلعت نسيت محفظتي" عندي محفظة صغيرة أخلي بيها أشيائي بداخل الجنطة الخاصة" حتى لا تصير هوسة ومن أريد شي أنفشها كلها، المهم نسيتها وبيها المصرف وبطاقة الكلية وكل الدنيا
بحيث وصلت للكلية وبقيت صافنة شأسوي
شكو شي أستخدمه وأحتاجه هنا ناسيته.
رحت دورت على الأستاذة يلي بالسكرتارية علمود أشوف حل ما ندخل بدون البطاقة
چانت بالعمادة هي رحت وصعدت فوگ وشفت طفلة صافنة علية چان إبتسمت من شفتها گلتلها شهالجمال وفرحانة بداخلي شفت طفلةةة صار يلي أريده"🥹😂♥️
رجعت للقسم حصلت تأييد
صادفت بنية شرحتلي المادة وفهمتها وجاوبت الحمد لله..
بدعوة وأنت على وضوء يمكن يترتب كل يومك حتى لو بدايته غريبة
يقينك الكامل بأن أبسط دعوة الله يسمعها وكلشي الله مقدره حلو ، نعمة.♥️

أنويلكم يوم لطيف♥️
وتغمر أيامكم السعادة ✨