‏ما يطري على بالي إلا انت ياللي
وحدك من بين هالناس كافيني .

‏"و العرب علمهم بي يوم صدري شمالي . والليالي .. ما قفت به لا يمكن تعيده".

‏- دايم عُيون الشوق تسهر ما تنام
‏الوصل غفوه والجفا صبح وسهر .

‏القلوب اللي نجيها ولا نلقى مكان
‏لو تعرّينا الليالي .. ماعاد نمرّها

ياراكب الجمس بلغ سلامي
لدار الحبيب الي بعيدٍ مواطيه .

‏دايم على بّالي و طاريك ما غاب
ياكبر قَدرك في حنايَاا ضلوعي .

لا تردّى لو لمحت بالعالم ردي
‏خل غيرك لو لمح طيبك يطيب .

كل مارفعتك للسما ترجع تطيح
‏وش حيلتي وياك لاصرت واطي .

‏ولو قال ما قال فيني بارد الغمّه
‏ما حسب حسابه ولا هو مفورٍ دمي .

‏ان طبت طبنا فوق طيبك وزدنا
‏وان شنت ماكنا على الارض شفناك .

العقل نعمه والتعامل ثقافه
‏وكلٍ على ماقيل عقله يدله .

ثوب الردى يقصر ولاهو بقدّي
‏دوّر وتلقى له من الناس لبّاس .

لاترافق بخيل ولا تخاوي ذليل
‏ولا تجالس كذوب ولا تقاصر حسود .

ووالله إن البعد ياخذ عماريد القلوب
‏لا غشاه الشوق في مرقبٍ ليله ضوى .

يعازف العود جر الصوت و شد الاوتار
‏نبي ننسا اللي مضا ونقفي عن الماضي .

‏فلا تنشد بعيد الدار لامنه رجع وش جاب
‏تعذّر له ترى يمكن طواري البعد موجعته .

‏الحاجه اللي دونها منّت الناّس
‏لو هِي دواء عيني تنازلت عنها .

‏ودي بَ وصّلك وأنت لاشك تدري
‏والظاهر إن مالك على الوصل نيهه

‏يا سارقين ابيات شعري سهالاتّ
‏انا انسرق قلبي وهو في ضلوعي .

من قدرّك قدرّه لو شفت تقصيره
ومن قلَل بقيمتك معرفته بعها .