توقعاتكم ؟؟!!

خالد و توق بتم ملكتهم او ان لماجد كلمة ؟!
لمى هل بتضعف و تقابل فراس ام انها بتصر على رأيها ؟!
اسرار وش بيصير عليها ؟! و بندر لما يدري وش بيسوي ؟!

ابغى توقعات حلوة مثل تفاعلكم الحلو اليوم 😍❤️

اشوف مافي تفاعل اليوم .. وين رحتوا ?!🌚💔

البــــارت " 61 "

توق مسكت يد شوق بقوة و هي تضغط عليها
شوق: يدي ابيها ترى
عند الرجال دخل ابو شوق: تعال معي يا خالد
خالد قام و هو حده طاير من الفرحة و اخيراً بيشوف توق اللي لا طالما تمنى يشوفها دخلوا غرفة الجلوس التابعة لصالة البيت الرئيسية
جلس و طلع ابو شوق عشان يجيب توق
ابو شوق: ما شاء الله بنتي طالعه قمر تحصنتي ?!
توق بخجل: ايهه
ابو شوق: يلا
توق بدلع: بابا مابي
ابو شوق: ما يصير يا بنتي الرجال طلب يشوفك ما راح يأكلك .. و حاوطها من كتوفها و مشى
فتح الباب و توق وقفت عند الباب و هي تبلع ريقها شد عليها و هو يدخلها و يهمس لها: سلمي
توق و هي منزله رأسها بهمس: سلام
خالد يحاول يثقل نفسه و ينزل رأسه بس ما قدر و هو يشوف هالجمال قدامه من اول ما انفتح الباب و هو عينه من نزلها من عليها: عليكم السلام
توق جلست مقابلة له و جلس جنبها ابوها: رفعي رأسك
توق رفعت رأسها و التقت عيونها في عيونه و هو ابتسم و غمز لها بوسط انشغال ابوها و هي رجعت نزلت رأسها و قامت و طلعت و هي تمسك على قلبها: يمممه قلبببي
روان بضحك: سلامة قلبك
توق: روان ضميني تكفين ترى بطيح
روان قربت منها و هي تلمس جبينها: بسم الله عليك وش فيك
توق ضمتها و روان بادلتها الحضن و هي تضحك بوسط ضحكها رن جوالها بعدت توق عن حضنها و ردت: هلا نايف
نايف بعصبية: تعالي البيت الحين و لا تتأخري دقيقة
روان بأستغراب: لييه نايف وش فيه ?!
نايف: لما تجي بتعرفي .. و قفل في وجهها توق عقدت حواجبها من تغير ملامح روان
توق: وش فيك ?!
روان: و لا شئ انا برجع البيت
توق: مو اتفقنا انك تجلسين لما بعد العشاء ?!
روان: ايهه بس نايف اتصل شكله تعبان و يبيني ارجع
توق حست ان روان تكذب بس سلكت لها من اول ما تزوجت و هي متغيرة ما صارت مثل قبل و هذا اكيد انها مو سعيدة مع نايف: خلاص روحي و انا بعد العشاء بتصل عليك
روان طلعت لغرفة توق تأخذ عبايتها و طلعت مع حماتها للبيت

واقفة قدام الكبت و محتاره وش تلبس بالاخير اختارت لها تيشرت ابيض و عليه اسمها باللون الذهبي و جنيز اسود و لبستهم و لفت شعرها و طلعت تسوي

#انتهــــى_البــــارت
@liitbcom

البــــارت " 62 "

واقفة قدام الكبت و محتاره وش تلبس بالاخير اختارت لها تيشرت ابيض و عليه رسمه باللون الذهبي و جنيز اسود و لبستهم و لفت شعرها و طلعت تسوي لمسات خفيفه على وجهها تذكرت روز عشان تطلع معاهم و تغير جو لان خاطرها ضايق على اسرار قامت تأخذ جوالها و اتصلت عليها: هلااا روز
روز: اهلين لمى
لمى: كيفك اليوم ?!
روز: مدري شقول لك بندر بيجي بعد 3 ايام و لو عرف عن اسرار و ايش صار لها مدري وش بيسوي
لمى: ما عليه لا تهتمي هو لازم يتقبل ان اسرار مو له .. المهم جهزي نفسك ساعة بالكثير و امرك نطلع نتعشى بمطعم مع بابا لا تفوتك الطلعة مع عمك
روز: و الله محتاجة هالطلعه تغير نفسيتي شوي
لمى: اكِ تجهزي
روز: اكِ
و قفلت منها و لفت لوراء الا و ذا قدامها بققت عيونها بصدمة وش جابه لغرفتها وش يسوي و كيف لو احد شافه
لمى بصدمة: ف ف فراس
فراس مسك يدها: عيونه انتي
لمى بعدت يدها بسرعة و رجعت لوراء و قالت بحده و هي تأخذ عبايتها اللي مرميه فوق السرير: بس حدك لهنا انت مين سمح لك تدخل غرفتي حسبالك انا بلا شرف مثل الزباله اللي تكلمهم و اسمح لك تقابلني و تدخل غرفتي .. تراني للحين متحملتك و متحملة وقاحتك فراس خلاص ترى لازم تفهم اني مابيك انا اكرهك اكرهك ما احبك افهم عاد
فراس ابتسم بوجع: طالعيني لمى
لمى بوجع و الدموع في عيونها: فراس بليييز بليييز اطلع لا تخلق لنا مشاكل نحن ف غنى عنها
فراس: ما راح اطلع من هنا لحد ما تخبريني ليش تصدين عني انا وش مسوي لك
لمى لفت له بألم: المفروض تسأل نفسك هالسؤال
فراس: سألت نفسي كثييير كثييير يا لمى و ما لقيت جواب
لمى صدت: حاول بعد في كل حركة تسويها اسأل نفسك و بتلقى الجواب
فراس قرب منها و مسكها من كتوفها: لمى و الله اني احبك و يشهد الله علي و انتي بعد تعرفين و الكل يعرف بحبنا .. ليش قاعدة تسوين فيني كذا ليش ?!!
لمى ابعدته و هي تبلع غصتها غمضت عيونها لما سمعت الباب انفتح ضاعت خلاص ما صار في مجال تبرر دائماً يغلط عليها و تسكت بس الحين دمرها كلياً طاحت من عيون اهلها خلاص
فراس بلع ريقه بصدمه من اللي واقفة ع الباب

دخلت البيت و شافته جالس على اعصابه و شدن نايمه على رجوله قربت منه: نايييف
نايف حط شدن ع الكنبة و قام و هو يمسكها من كتفها بعصبية: و اخيراً شرفتي ست روان
روان رجعت على وراء بخوف لانها اول مره تشوفه معصب كذا: وش فيك نايف ?!
نايف بصراخ: انت وش مسويه لشدن ليش تضربيها .. انا فهمتك من اول اني متزوجك عشانها و الا عشان ما سألت عنك قمتي تضربين بنتي غيرانه عشان ما وصلتي مكانة امها بقلبي هاه .. تكلممممي ليش ضربتيها ???!!!
روان بصدمة من كلامه دموعها تجمعوا في عيونها كلامه جرحها و كثير بعد: ن نايف انت شقاعد تقول انا من ضربتها
نايف دفها لحد ما طاحت ع الارض: لا تكذبين و لا تحاولي حتى تكذبين .. شدن ما راح تكذب و لا عمرها كذبت علي
روان: قسسم بالله ما ضربتها و شدن كانت
نايف رفعها و هو يقاطعها بصراخ : بسسس بسسس لا تحلفين .. امنتك على بنتي و على بيتي بس انتي ما صنتي الامانة
روان نزلوا دموعها من شد شعرها: آههه نايف تكفى اتركني .. شعري آهه
نايف تركها و دفها ع الكنبة تحت انظار امها اللي الحين دخلت: لمي اغراضك و انقلعي من بيتي و ورقة طلاقك بتوصلك .. و حمل بنته و طلع فيها لغرفتها
ام روان تقدمت لروان المنهارة ع الكنبة و ضمتها: بس اهدي اهدي حبيبتي .. و فهميني وش صار
روان ضمت امها و هي تبكي بدون لا تتكلم و امها قاعدة تهدي فيها
ام روان: قومي لمي اغراضك مالنا جلسة في بيته يا بنتي
روان هدت شوي و هزت رأسها بأيه و قامت و امها تناظرها بوجع كانت حاسه من بداية زواجهم انهم مو متفاهمين
في الدور الارضي من قصر ابو خالد
سماهر: ما قلت لي خالد كيف شفت توق ?!
خالد تنهد بحب: آهه يا توق بس تجنن يا سماهر مأخذه عقلي قبل لا اشوفها و كيف و انا الحين شايفها
سماهر: هههههههه الله يعينك على نفسك
خالد: تصدقي قلت لابوها اني ابغى الملكة بعد اسبوع بعد ما شفتها .. ليته الزواج بس بعد اسبوع
سماهر: الله يخلف على عقلك انت لو ما تزوجتها كان الحين في مستشفى المجانين
خالد: اسحرتني و الله مدري وش مسويه فيني صاير منهبل فيها حتى في النوم ما احلم غير فيها
سماهر: هههههههههههه الله يسعدك معها
خالد: آمين يارب .. و قام و طلع جواله و اتصل فيها ما ترد و بالاخير ارسل لها رسالة " ردي بكلمك بموضوع ضروري " استلمت الرسالة بدون رد : تتغلى علينا هذه .. " ردي و الا ترى اجي لك البيت و اظن عرفتيني قول و فعل " و اتصل عليها و ردت

#انتهــــى_البــــارت
@liitbcom

البــــارت " 63 "

جالسة قلقانه على روان ما ترد و الا يرن جوالها شافت الاسم و زدات دقات قلبها: يمممه هذا وش يبي .. تركته يرن بدون لا ترد و شوي و توصلها رسالة قرتها و تجاهلت مو لشئ بس مستحيه منه و شوي و وصلتها رسالته الثانية قررت ترد لانها خافت منه يسويها في هالفترة اللي مرت عرفت انه مجنون و اللي برأسه يسويه و لما رن جواله فتحت الخط بدون لا تتكلم و هي مستحيه و متوترة و خليط من المشاعر حستها بهالوقت
خالد بهمس رومانسي: توووق
توق بهمس: هلااا
خالد بحب: يا لببببييه و الله .. كيفك ?!
توق بخجل: تمام
خالد: ما عندي موضوع و الله بس حبيت اسمع صوتك
توق بعفويه: بايخ
خالد: هههههههه مقبوله منك
توق حست على نفسها و استحت و ظلت ساكته
خالد: وين راح صوتك ?!
توق: خلاص عاد
خالد: وووهه فديت الدلع و الله
توق: باي
خالد: وين وين تو الناس ?! و التفت باستغراب لجهة جناح لمى و هو يسمع اصوات طالعة.. بس شوي توق .. و قفل منها و اتجهه لغرفة لمى
وقفت مصدومة من شافت منظرهم و كيف فراس واقف و ماسك لمى و اصلاً وش يسوي بغرفتها صح هي صغيرة بس تفهم ان ما يصير فراس يشوف لمى و ما يصير تطلع معه دخلت الغرفة و هي تطالع لمى اللي جالسة و تبكي ع السرير
لمار: ليييش الحين تبكي .. انتي من البداية تعرفين انه غلط
فراس يحاول يهديها عشان ماحد يسمع: لمار اهدي
لمار: انت لا تتكلم ترى راح اخبر بابا و ماما و هم راح يضربوكم
خالد دخل: وش عندكم تصارخوا استحوا على وجيهكم ? و انتبه للواقف بجنب

خالد دخل: وش عندكم تصارخوا استحوا على وجيهكم ? و انتبه للواقف بجنب لمار و انصدم من وجوده و ظل فترة واقف يطالع لمى اللي تبكي و يطالع فراس اللي صاد عنه
خالد بهدؤ: لمار اطلعي و لغرفتك ع طول و .. و اردف بتهديد: و ادري بس انك قايله لاحد ما تلومي الا نفسك و اعتبريني مو اخوك فهمتي
لمار بخوف: ايهه .. و طلعت
خالد تقدم لفراس بعصبية و مسكة من ياقته: و الله انك مو رجال
فراس قاطعه و هو يبعده عنه: خالد ترى ما اسمح لك انت بالاول اسمع منا بعدين احكم
خالد و هو يدفها و يلصقه بالجدار: لك عين بعد .. مابي اسمع شئ شفت بعيني وش اسمع بعد
فراس: صدقني ان
خالد قاطعه بعصبية: اصدقك بأيش طحت من عيني يا فراس و الله طحت
لمى ببكى: خالد ا
خالد التفت لها و هو يقاطعها بصراخ: انتي انكتمي مابي صوتك .. هذه آخر الثقة يا لمى هذه آخرتها
لمى: و الله مو مثل منت مفكر انا مستحيل ا
خالد بنفس النبرة: خلاص قلت خلاص .. و انت يا… انت ما تطلع من هنا الا و انت مذبوح و مدفون هنا بمكانك
فراس: اقتع ابو يزوجنا انا و لمى و لك وعد مني مانت شايف رقعة وجيهنا
خالد و هو يخنقه: انتوا تستاهلوا القتل مو الزواج
لمى قامت و هي تمسك خالد تبعده عن فراس: خالد تكفى ياخوي لا .. انت اول واحد صدقتني لما صارت السالفة ذيك و وثقت فيني اعطيني هالثقة هالمرة بس يا خالد و اتركني ابرر لك
خالد صاد عنها ما يبي يشوفها و هي تبكي عشان ما يضعف موته و لا وحدة من اخواته تدمع عينها: هذيك المره غير و هالمره غير ما شفت بعيني لما جيتي تبكي عندي صدقتك اما الحين مستحيل اصدقك

#انتهــــى_البــــارت
@liitbcom

البـــــارت " 64 "

فراس: خالد تكفى اسمعني لا تسوي مشكلة من لا شئ
خالد: وش هو اللي لا شئ و انت داخل غرفة اختي و انت ما تحل لها
فراس: انت تحب يا خالد و اللي يحب يسوي اي شئ اسمعني تكفى
خالد: يلا خل اسمعك وش تقول
فراس: ادري اني غلطان و دخلتي بهالشكل على لمى اكبر غلط بعد بس و الله اني تعبت من اللي تسويه فيني اختك
خالد: وش مسويه فيك اختي
فراس: صار لها سنتين ما تكلمني و تصد عني و لما احاول اعرف السبب تتجاهل و تتهرب لحد امس جات في بالي هالفكرة لما سمعت امي تقول ان خطبتك اليوم توقعت انها ما راح تروح و جيت و فعلاً ما راحت و هي و الله ما تعرف و لا اتفقنا ان نتقابل اصلاً هي كارهتني كيف تبينها ترضى تقابلني و هي لما شافتني لبست عبايتها لا خانتكم و لا شئ و كل شوي تطردني و تقول روح و الله اني كل كلمة قلتها صدق هي ما غلطت انا اللي غلطان و اذا تبي تعاقبني انا مستعد انت اخوي و اكبر مني
خالد: لسا مو داخلة عقلي السالفة ليش زعلانه عليك و انت ما قدرت طول السنتين اللي مروا ترضيها معقولة ?!!
فراس عطاه جواله و فتح ع المحادثات اللي بينهم: شوف هذه المحادثات عندك
خالد قرأ المحادثات و طالع لمى اللي منزله رأسها و تبكي: فراس اطلع بجلس مع لمى لوحدنا و لي كلام معك بعدين لسا ما خلص حسابي معك
فراس لف للمى و طالعها بأسى و طلع من البلكونة بدون اي كلام

نزلت بعد تجهزت للطلعة و شافت امها جالسة و حاطه رجل على رجل و سعود جالس مقابلها و ماسك على رأسها و منزله و كأن كان في حوار مقفل بالنسبة لامها سلمت و جلست
روز: سعود وين سماهر ?!
سعود: في بيت اهلها
روز ابتسمت: حدي متحمسه للبيبي
سعود ابتسم بتسليك: الله يجيبه على خير و يقومهم بالسلامة هو و امه
ام سعود: آمين يارب
روز: سعود كيف اسرار
ام سعود: وش تبي بأسرار الله لا يردها و يفك ابني منها
سعود: يمه استغفري يمه البنت ما تبي غير دعواتك
ام سعود تجاهلته و هي تقوم
سعود تنهد و هو يطالعها: الله يهديك يا يمه .. وين طالعه ?!
روز: بطلع مع بنات عمي بيطلعهم عمي
سعود: خلي عمي مع بناته و قومي انا اطلعك ما وراي شئ و بعدين اخليك تروحين لأسرار
روز: اكِ.. شوي بس اتصل بلمى و اقولها اني بطلع معك .. و اتصلت بلمى و ردت عليها بصوت متحشرج من البكاء: لمى وش فيه صوتك ?!
لمى: و لا شئ بس زكمت بسرعة
روز: مو علي يا لمى قولي لي وش فيك و الا الحين بجي لك
لمى: بعدين اقولك الحين شوي تعبانة
روز: السالفة فيها فراس ?!
لمى بألم: ايهه .. خلاص روز ما راح نطلع قلت لبابا اني تعبانة و مابي اطلع
روز: و انا اتصلت عليك عشان اقولك اني بطلع مع سعود و عشان كنسلتي بنمرك و طلعي معنا
لمى: لا لا روز تكفين تعبانة و ابي اجلس لحالي
روز: براحتك .. بس حسبي حساب اني بجيك اول ما نرجع
لمى: اكِ
روز: باي
لمى: باي

امريكا
ماسكة على بطنها الي صار كبير كثير بحكم ان فيها توأم و منتظرة الدكتورة بعد ساعة بتسوي لها العملية
فهد و هو يبوس رأسها: حبيبتي انتي الله يقومك بالسلامة
سمى: طول ما انا بغرفة العمليات ادعي يا فهد
فهد بحب: قلبي معك يا سماي كيف بدعواتي
سمى ابتسمت و هي تبوس يده: فهد اذا متت
فهد حط ايده على فمها: بسم الله عليك لا تقولي كذا سمى إن شاء الله ربي يقومكم بالسلامة
سمى: خلني اكمل الموت ما منه هروب اهتم بعيالك و اهم شئ لا تتزوج من بعدي
فهد عقد حواجبه بضيق: سمى خلاص لا تجيبي مثل هالكلام
سمى: ودي لو ان امي تكون معي
فهد: لما تقومي بالسلامة بتصل عليها و ع اول طيارة بتجي
سمى: إن شاء الله
و جلس يطمنها و شوي يضحكها لحد ما جات الدكتورة و الطاقم اللي معها و اخذوها لغرفة العمليات

ألمانيا
مل من الجلسة معها و ثرثرتها الزايدة قام و غير ملابسه و جاء بيطلع الا و تمسك إيده
لانا: بندر تكفى تكفى اجلس معي مليت
بندر نفض يده منها: اوووه و انا مليت منك
لانا: لييه انا وش سويت و اذا قلت اي حاجة غلط كلمني عنها
بندر تجاهلها و طلع و هي بوزت بزعل و طقت رجلها بالارض و دخلت الغرفة و انسدحت ع السرير و نامت

#انتهــــى_البــــارت
@liitbcom

ما قدرت ارسل غير 4 بارتات و إن شاء الله من افضى بكره برسل لكم 4 غيرهم

اهم شئ تفاعلكم ?!!!
و تعيلقاتكم ?!!!

السلامم عليكمم?!!
حبيت اقولكم اني ما قدرت انزل لكم بارتات اليوم تعبانة شوي و ما قدرت اكتب غير بارتين فأعذروني و بكره اذا قدرت انزل لكم 😍

البــــارت " 65 "

بندر اتجهه لجناح تركي و كان فاضي نزل لتحت و شافه جالس يشرب قهوة
بندر من وراه: شكلك منت ناوي تنام
تركي اعتدل بجلسته: انت شجايبك هالوقت و انت متزوج و عريس لو اني عريس كان ما شفتني بهالوقت معك
بندر: قلتها لو اني عريس بس انا ما اعتبر نفسي عريس لو كانت اسرار في اي وقت منت شايفني
تركي: بندر انت وافقت عليها ماحد ضربك على إيدك و قالك وافق ف لا تظلم البنت معك اعطيها حقوقها كاملة
بندر ببرود: مالي رغبة في اي بنت غير اسرار و بعدين كان تزوجتها انت
تركي بصدق: لو كان عرض علي جدها صدقني بقوم بواجباتها كاملة حتى لو ما احبها بس عشان اسمها ارتبط بأسمي و عشانها يتيمة و مثل المقطوعة من شجرة و جدها لان شافك رجال و يأتمن عليه أمنك عليها و الا صدقني لو كان شاف فيك اي شئ غلط كان ما أمنك عليها .. عشاني بندر لا تظلم البنت و تعذبها توها صغيرة على هالاشياء يكفي اللي تحملته من فقدان اهلها و الحين جدها بين الحياة و الموت
بندر: و الله لو كان انت بمكاني ما قلت هالكلام .. البنت صغيرة صغيرة حيل متخيل توها من شهر داخلة 15 سنة
تركي: و عشانها صغيرة يا بندر لا تخليها كون لها جد و اب و اخ و زوج و صديق البنت بهالفترة تحتاج احد يهتم فيها و انت ادرى مني بهالشئ لان عندك اخت اصغر منك
بندر: حاولت ما قدرت .. بس إن شاء اتزوج أسرار و اخليهم مع بعض ببيت واحد و يتفاهموا و يكونوت زي الاخوات و انا ذيك الساعة بهتم فيها لو اسرار حبتها
تركي هز رأسه بأسى: ما اقول غير الله يهديك

تمشي و هي فرحانه بعد ما خبرها الدكتور انها صحت و سعود يطالعها و يبتسم لفرحتها
سعود: دكتور بس شوي خليها تدخل
الدكتور: بس حالتها ما تسمح اخ سعود انا آسف .. و مشى
روز: اففف وش هالدكتور مره مغرور
سعود: اهم شئ صحتها إن شاء الله كلها كم يوم و تطلع من العناية و تشوفينها
روز: يارب .. خلاص نرجع مالنا داعي نجلس و مسكت يد سعود و مشوا
الدكتور طلع تلفت و نادى على سعود: لو سمحت سعود
سعود لف: هلا
الدكتور: المريضة طلبت تشوف امها و البنت اللي معك لما خبرتها عنها طلبت تشوفها
سعود: اكِ
الدكتور: ضروري تتعقم قبل ما تدخل
سعود: إن شاء الله .. و اتصل بالسواق يجيب ام اسرار و كلها ربع ساعة و جات و هي تمسح دموعها لفرحها ببنتها اللي صحت
ام اسرار: وينها
سعود: تعالي بالاول غرفة التعقيم .. و راحت تتعقم و دخلت لعند اسرار و ارتمت في حضنها تبوسها في كل مكان و هي تبكي: حبيبتي بنتي يا روحي و قلبي انتي
اسرار بتعب: يمه
ام اسرار: يا لبئ هالصوت يا عيون امك انتي
ابتسمت بتعب: ضميني اكثر
امها ضمتها و طولت و بعدت عنها و باست رأسها: سلمي على خواتي و قولي لهم اني احبهم كثير .. و انتي يمه بعد احبك كثير
ام اسرار: إن شاء الله بتقومي بالسلامة و تسلمي عليهم بروحك
اسرار ابتسمت ابتسامة باهتة و لفت لروز الصامتة و هي تشوف دموعها متحجرة بعيونها مسكت يدها و هي تربت عليها: خبريه اني مسامحته و خليه يعيش حياته عادي و كأنه ما عرفني .. مثل ما قلت لك يا روز لا تنسي
ام اسرار لفت وجهها بخوف و هي تشوفها كيف تعبانة و تتمتم بكلمات غير مفهومة: اسرااااااار .. بنننتي .. و صرخت صرخة هزت المستشفى
فتح الباب سعود بدون لا يحس على نفسه لما سمع صراخ امها و هو يتمنى ان اللي فباله ما يكون صحيح و دخل وراه الدكتور المشرف على حالتها
روز قامت و هي ترمي نفسها بحضنه و هو صد لما شافها كاشفة: خاله اهدي اهدي
روز تبكي بانهيار: اسرار بتموت يا سعود بتموت
الدكتور: برا كلكم برا
اسرار مسكت يد امها بقوة و هم و لا واحد سمع الدكتور وش يقول من كثر ما تفكيرهم معها
سعود و هو يضم روز بقوة: لقنيها الشهادة يا خاله
ام اسرار منهاره و هي تشوف بنتها تلفظ انفاسها الاخيرة و مع كذا تحاول تخليها تذكر الله و تتشهد لحد ما رفعت صبعها و تشهدت و ارتفعت روحها لخالقها و راحت صاحبة الطيبة و الحنان راحت صاحبة الابتسامة الدائمة و الوجهه البشوش ذهبت ماتت و ربما تموت ارواح على قيد الحياة و تنكسر
سعود غمض عيونه و هو يسمع امها تترحم و تدعي لنفسها بالصبر على مصيبتها مسك روز اللي طاحت من حضنه مغمى عليها و حملها و هو ينادي الدكتور

#انتهــــى_البــــارت
@liitbcom

البــــارت " 66 "

امريكا
سجد شكر لله و وجهه يتهلل من الفرح بعد ما بشروه ان زوجته قامت بالسلامة و جابت توأمان اولاد
طلعت الممرضة و هي تعطيه عياله حملهم اثنين و هو يبوسهم و يضحك و اخذتهم منه بعد ما سألها متى سمى تصحى و قالت له بعد ساعة بالكثير
و راح الكوفي يشرب قهوة لحد ما ينقلوا سمى لغرفة خاصة و تصحى ما اتصل بأهله لان الوقت متأخر بينتظر لبكره و يتصل عليهم و انتظر ساعة و بعد قام و خبروه انها صحت و دخل لعندها و هو مبتسم باس و باس خدها: الف الف حمدلله على سلامتك يا روحي
سمى بتعب: الله يسلمك حبيبي.. وينهم ?!
فهد: الحين اقولهم يجيبوهم لك .. تصدقي اني من فرحتي كنت بحضن الدكتورة
سمى بنص عين: عشان اذبحك
فهد: هههههههههههه
سمى: كلمت اهلنا ?!
فهد: لا وين الحين الوقت متأخر عندهم الساعة بتكون 1 و نص
سمى: ليش ما جبت روابي ?!
فهد: كلمتها و قلت لها الحين نامي و بكره اجيبك لماما
سمى: انت تعرفها عاد ما تنام اذا انا و الا انت مو جنبها
فهد: ما عليه تتعود الحين عندها منافسين
سمى: الله يعين من بنتك و غيرتها
فهد: طالعة عليك بالغيرة الله يعين اللي بيتزوجها
سمى: لا و الله يعني انا معذبتك هاه اعترف ??
فهد: هههههه لا و الله عسل على قلبي
سمى: واضح .. فهود حبيبي جيبيهم يلا
فهد قام: من عيوني

صحت بعد نومة طويلة من بعد ما رجعت و هي تبكي من قوة الضرب لحد ما نامت جلست و هي تشوف ابوها نايم جنبها باسته بخده: بابا
نايف فز: هلا هلا يا روح يا بابا
شدن: وينها ماما روان بعدها ما جات ?!
نايف: روان خلاص راحت بيتهم
شدن: ليييه هي خلاص ما تبي تصير ماما
نايف: لا خلاص حبيبتي انا ماما و انا بابا
شدن: بس انا ابي ماما روان حتى امس لما خالتو روان ضربتني كنت اناديها و هي مو موجودة
نايف بشك: روان مين ضربتك ?!
شدن: خالتو اللي في بيت تيته
نايف بحده: من موديك هناك ?!
شدن: انا قلت لماما

#انتهــــى_البــــارت
@liitbcom

البــــارت " 67 "

نايف بحده: من موديك لعندهم ?!
شدن: انا قلت حق ماما ابي اروح لتيته و هي ودتني لها و راحت لعند صديقتها
نايف بعصبية: و انا وش قلت ما قلت ما تروحين لهذاك البيت ما مهما كان
شدن نزلت و عيونها امتلوا بالدموع: آسفه
نايف بحده: كم مره بتقولي آسفه ?!
شدن انفجرت تبكي و ارتمت بحضنه
نايف رق قلبه عليها و جلس يهديها .. ياما منعها من الروحه لبيت اهل امها دائماً تجي و عليها علامات ضرب اما من عيالهم او من الكبار نفسهم .. و لا مره عاملوها على انها طفلة يكرهوها كرهه العمى عشانها بنته بنت نايف آل… اللي بينهم و بين عائلتهم عداوة قديمة اللي تحداهم و تزوج بنتهم غصب نسوا تماماً انها بنت بنتهم مو. بنته لوحده هو يبادلهم الكرهه بعد ما تبروا من بنتهم بس وصية منار ان بنتها ما تقطع اهلها كان يوديها لهم لحد ما شاف علامات الضرب عليها و صارت تتكلم ما صار يوديها لهم بس كذا مره راحت بالخفاء يمكن لانها تحس بالانتماء لهم و لانها طفلة و تنسى من أذاها بسرعة .. حاول يهديها لحد ما هدت و رجعت تنام في حضنة .. جلس يفكر في روان و ظلمه لها كثير من حد ما تزوجها هو ما فكر فيها كزوجة و فوق ما هي مهتمة ببنته ضربها و اتهمها انها أذت بنته بس ما راح يعتذر منها لانها غلطت لما خلت شدن تروح لبيت جدتها بس هو بعد غلط انها ما قال لها عن اللي يصير لها في هذاك البيت .. و قرر الصباح يروح لها و يرجعها و يبدأ معها حياة جديدة حتى لو ما يحبها بس ما يبي يظلمها بيقوم بكل واجباته كزوج و يصير لها كل شئ زوج و اب و اخ و صديق و بعد تفكير طويل نام بجنب بنته

فهد: السلام عليكم .. كيفك يبه ?!
ابو فاهد: هلااا بفهد عليكم السلام .. نحمدالله كيفك انت و مرتك و بنتك عساكم طيبين
فهد: و الله الحمدلله و ابشرك يبه ان سمى ولدت و جابت توأم اولاد
ابو فاهد: صدق ?!!! الله يبشرك الله يبشرك بالخير و مبروك يا ولدي يتربوا بعزكم و دلالكم و جعلهم قرة عين لكم يارب
فهد: يارب يارب يبارك بحياتك يبه بشر امي اذا هي عندك و بشر اخواني و انا بتصل بعمي ابشره
ام فاهد دمعوا عيونها بفرحة: هات اكلمه هات
ابو فاهد: هذه امك بتكلمك
فهد: هلا يمه هلا بالغالية
ام فاهد: هلاا بك .. الف الف مبروك ما جاكم يتربوا بعزكم و دلالكم يارب .. و كيفهم و كيف امهم ?!
فهد: الله يبارك بعمرك يمه يارب .. كلهم بخير و سمى لسا ما صحت من النوم
ام فاهد: الحمدلله الحمدلله .. كان جبتها تولد عند امها افضل
فهد: هههههه خلاص يمه انتهينا من هالسالفة تراها ولدت بالسلامة و الحمدلله و هي عندي
ام فاهد: ايهه اقولك افضل عند امها
فهد: إن شاء الله 10 ايام و اجيبها لها
ام فاهد: إن شاء الله خير .. يلا طمنا عليها اذا صحت
فهد: ابشري
و قفل من امه و اتصل بعمه يبشره
فهد: السلام عليكم
ابو خالد: هلاااا بفهيد .. و عليكم السلام
فهد: هلااا بك .. اخباركم
ابو خالد: اخبارنا زينة طمني عنكم
فهد: نحمد الله عندي لك بشارة
ابو خالد: ابشر بسعدك
فهد: سمى ولدت و الحمدلله اللي قومها بالسلامة و جابت توأم ولدين
ابو خالد: الله يبشرك بالجنة و بالمبارك. بالمبارك ما جاكم و يتربوا بعزكم إن شاء الله .. و كيف امهم و كيفهم
فهد: الله يبارك فيك يا عمي .. بخير الحمدلله لساتها نايمة
ابو خالد: زين إن شاء الله انا و امها ع اول طيارة نجي لكم
فهد: حياكم توصلوا بالسلامة .. سلم ع الاهل
ابو خالد: إن شاء الله .. يأم خالد يأم خالد
ام خالد: هلاااا
ابو خالد: ابشرك ان سمى ولدت و جابت توأمين اولاد و هي الحين بصحة و عافية
ام خالد مسكت فيه من كتوفه: صدق يا عبدالعزيز
ابو خالد: ايهه صدق
ام خالد: الله يبشرك بالجنة .. الحمدلله لك يارب
خالد و هو نازل من الدرج: وش عندكم فرحونا معكم
ام خالد: سمى ولدت و جابت توأم اولاد
خالد ضحك بفرحة: و الله ?!!
ام خالد: ايوهه
خالد: الحمدلله يتربوا بعزهم يارب
سماهر دخلت و وجهها متغير و وقفت و هي تشوفهم يضحكوا و باين فرحانين
سماهر بصوت باكي: يمه يبه
ام خالد لفت لها و لما شافت ملامحها تقدمت لها بخوف: سماهر وش فيك ?!!
سماهر بقلق: يمه سعود ما جاء من امس مدري وين راح و ما يرد علي

#انتهــــى_البــــارت
@liitbcom

تعيلقاتكم ?!!

انتظروا بعد كم يوم انزل لكم لاني لسا ما كتبت كنت مسافرة الايام اللي طافت و ف ما قدرت اكتب .. بس إن شاء الله اعوضكم الايام الجايه 😍

السلام عليكم
كل عام و انتم بخير و رمضان كريم عليكم
بخصوص الرواية ما قدرت ارسل في الايام الماضية بسبب انشغالي و انتوا تعرفوا شغلات رمضان و اللي يحتاجها .. و الحين في رمضان راح تتوقف لحتى بعد العيد إن شاء الله و ارسلها لكم .. اتمنى تقدروا الضروف اما اللي يتكلم من فوق خشمه راح ينحذف من القناة و قد اعذر من انذر ...

و تقبل الله منا و منكم صالح الأعمال ❤️

السلام عليكم
راح أحذف قروب المناقشة لاني اشوف ما منه فائدة و اي تعليق عندكم علقوا تحت الرسالة .. و سلامتكم ☺️

لمتابعيني ❤️.

لا غيّب الله أفراحكم ، وأدام الله مسرّاتكم
‏ وجعل الله دائمًا جوهر عيدكم في صحّتكم وعافيتكم وسلامـة قلوبكم كل عام وانتم بخير.

يلا ابغى اشوف التصويت عشان افكر ارجع اكتب روايات و الا ابطل خلاص مثل ما هو في بالي هالفترة 🌚💔