بهي الدنيا يلي صار فيها كل شيء مقلوب ، في ناس قرّرت تعمل حملة وتنشر أغاني أدهم النابلسي بعد ما تاب وترك الغِناء ، وكأنّه أزعلهم إنّه شب قرّر يترك الشهرة والضجيج ويمشي بطريق التوبة بسبب تعليق كان فيه آية ﴿ يقولُ يا ليتنِي قدّمتُ لحياتي﴾.

والأصعب من هيك ، إنّه بعد ما أجى على سوريا، رجعوا البعض ينشروا قديمه ، وكأنّه عم يتحدّوا قراره ، أو يحاولوا يردّوه لشي هو بنفسه تركه وندم عليه.

معقول بعض أصحاب القلوب المريضة وصّل معهم لهون! ، ليش ما بنفرح لتوبة حدا؟ ليش منستكثر عليه طريقه الجديد؟ أدهم ما ترك الفن لأنّه فشل ، تركه لأنّ قلبه استفاق من الغفلة ، وقرّر يمشي بطريق بيقرّبه من رب العالمين.

فشو هالمنطق إنّه نذكّر التائب بشي هو تاب عنه؟ شو هالنّيّة إنّه نحاول نسعى نرجعه لورا ، بدل ما ندعي له بالثّبات؟

التوبة شيء كبير ، ومو أي حدا بيقدر عليها ..
فبدال ما نكون سبب بأذاه ، خلّونا نكون سبب بدعوة حلوة من القلب إله ولشباب المسلمين ، وإذا مش قادرين نساعد .. على القليلة ، لا تأذوه.