رياحكم صلفه وأنا خاطري هَش
‏أدناة هبّه .. لو تمرّه تكسّر

‏وين الكلافه لو وبل عطفكم رش؟
‏قلبٍ على ماضي السنين يتحسّر

‏والله إن ينشاف فيني من غيابك شيفه
‏ما تسر أحبابي الغالين وأنت أوّلهم!

‏لو كان لـ الشرهه خطامٍ بـ كفّي وثيق
‏اقتدتها لين بيبانك .. ونوختها

‏فقد خاطري شيٍء من الضيقه مسلِّيه
‏وغدت روحي من الناس والليل هجّاجه .

متى ألمح بـ صدري.. لاعج البراق؟
متى روحي تدل افراحها واسلى؟

شجر هذا -العمر- لكن بدون اوراق
رعى فيه الحزن .. واختارني مفلا

على ذاك الطريق الموحش المنساق
أهلّ الدمع صافي والحنين ابلى

تفاصيل الحياة فـ نظرة الاحداق
ما كنّ الوقت كان برفقتك.. احلى

يقولون الفضا ما ضاق لكن ضاق
على كل الدروب اللي معك، بس لا

أنا مهما تضيق بـ قلبي الآفاق
بيبقى داخلي بـ البوح ما أدلى

حبيبي كان ما تدري عن الأشواق
ترى كل الجروح.. بجيتك تشلى

تأكد لو لقانا في مكان .. فراق
مثل ما جيت غالي تقفي الأغلى

بعيش العمر من بعدك وأنا تواق
وانادم ما مضى .. وأناجي المولى

‏الفتره هذي
‏جدًا صعبه على قلبي لأني أحارب شعور أكبر مني ونفسيتي وأحاول ما أبين إنهزامي وأقاوم كل شيء احس فيه والله اني اتظاهر بالثبات وانا في اشد
‏"انهياري و ضعفي"

كثر ما أستوعبتها ما قدرت أطولها
‏وكثر ما ضميتها شفت كم هي جافيه

على طاري الغلا اللي ما يبي له نشده وتبرير
‏ يا كيف يسج منك واحدٍ ما غبت عن باله

صار أكثر حكانا مشاريه وعتاب
‏وصار التواصل بس لاصار فاقه

‏وصار الزعل من بينا ماله أسباب
‏وعلى الرضى ماعاد للقلب طاقه

‏وقلت سوالفنا عقب ذاك الاسهاب
‏وراح التودد واصطناعه باللباقه

‏طاحت مناعة حبنا والغلا شاب
‏وهذي مواري قرب موت العلاقه .

‏" يامتعب النفس سولف وأدفن ألآمك
‏مايذبح الحزن .. لا دمعه ولا ونـّه
‏
‏و اقنع بواقعك لاتستوطن أحلامك
‏أبواب الاحلام .. ماتفتح على الجنّه "

‏"صرت أنا وأنت ما نشبه سوى الشفّتين
‏ نجتمع بـ السكوت .. ونفترق بـ الكلام !"

‏" انهزمت وقلت أحبّك وهذا اكبر دليل
‏مايهزم أكابر القوم غير قلوبها "

‏تقوّي ترى الخاطر لـ هالحين باقي فيه
‏تعابير وجهك " قاطعتني " و أنا توّي

‏تزبر ( دموعك ) في محاجر عيونك ليه ؟!!
‏أوآسيك ؟ والا أجرحك ؟ والا وش أسوي

‏"تعال خذني من جفون الملل خلسة
‏لا يدري إلا أنت عن جبري وعن كسري"

‏- مساعد الرشيدي

‏يوم مرّت فتنة العصر الحديث بما .. لديها
‏كل خطوه فوق الأرض وكل صوتٍ من فؤادي
‏ㅤ
‏مدري أمسّي عليها ، مدري أسمّي عليها
‏المهم .. أحرّر قيود الشعور ، اللا إرادي
‏ㅤ
‏طفلةٍ تحسب قلوب الناس لعبه في يديها
‏ألتفت و أقول ليه ؟ و تبتسم وتقول عادي

أنا أعطيتك المفقود كيف أذخر الموجود
‏وهمشت قولة ( فاقد الشيّ مايعطي )

‏مافيه داعي تغلّى وأنت عارف غلاك
‏روحي معك ملّت الشكوى من إهمالها

‏إن ما لقيت أيّ عذر تقدّمه عن جفاك
‏أرسل : أحبك ،، أحبك : عذر بلحالها

‏يامظنون عيني يدري الله وش اللي جاك
‏تغيرت لاكن مدري اسباب تغييرك
‏الاكيد ماني بتغير على شرواك
‏ولانيب ناكر عشرتك رغم تقصيرك
‏انا العاشق اللي هام قلبه بدون ادراك
‏وغامر بحلمه بين سجنك وتحريرك
‏يبكيه عصفورٍ يغني على الشباك
‏ويسعد بشوف المقبله من مظاهيرك
‏احبك مثل حب الاوارك لعود الراك
‏واحبك مثل حب العيون لتعابيرك
‏لوتحط قلبي تحت كوعك على مركاك
‏تبسمت كنك واضعه بين ازاريرك
‏بغيتك وجيتك جعل كل الامور فداك
‏وانا جيتي والله مايحلم بها غيرك
‏ورديتني واجبرت قلبي على فرقاك
‏لكن باقي ارقب ياهوى البال تبريرك
‏هاذي زبدة علومي ومضمونها وعفاك
‏حداني على سرد المواضيع تقديرك
‏محبٍ على حروة مفارك وفي رجواك
‏تغانمه باللي طارفٍ من معاذيرك

طبطب على كتفي واخذني بالاحضان
‏واسألني شلونك؟ ولو كذب .. عادي

‏ترى الكلام الحلو في بعض الاحيان
‏يخلّي الاحلام .. بين الايادي

‏أنا بحاجة صوت هادي وتحنان
‏سولف عن التحنان وبصوت هادي

‏وساعدني ألقى فيك راحة وسلوان
‏تراني بوادي .. وقلبي بوادي!

يهبّ النسيم وكل موعد على حلّه
‏وانا وقفتي تفضح نواياي واسبابي

‏يا بنت الغمام اللي من النور مبتلّه
‏اشوفك تحثيّن المقابيل لغيابي

‏علام اليقين يمر ما ظلني ظلّه ؟
‏وانا والله ان ملهاب خوفي تمادى بي

‏فلا كلمة ٍ بيدينها تبري العله
‏ولا نظرة ٍ ترفى حناياي واعصابي