خايفين .... من مشاهد نار وخيول وعطش
سنه عبرت ما عبر ليل اهدعش
وتالي وين ... اولاد مسلم .... تالي وين

اشايفين .... حته شربة ماي للضايع حلم
بيت وبليله وضحاها ينهجم
وتالي وين..... اولاد مسلم .... تالي وين


منو يرجع اهل لاحلام العيون
منو يرجع عمر زاهي وبرائه
منو يشوف حميده مسلم شلون
عمر ما بي سبي ويوجع لقائه


طفل واحلامه كلهن نار وخيول ..... وعذابات الصحاري
خيم بيها نكتل صوت الدللول ..... وبقه ثغيب البراري
وعمهم رأسه فوك الرمح مشيول ..... وجسد عالكاع عاري
___

ضايعين ..... وجدهم يعرف السمه واهل السمه
الماي مخلوق الهم وماتوا ضمه
وتالي وين ..... اولاد مسلم .... تالي وين

ضايعين ..... والبظهره خيول ماعنده وطن
ويامن يرجع علي وسيف الحسن
تالي وين...... اولاد مسلم...... تالي وين


التلحكه خيول يعني يوكف يموت
واذا ما يوكف الغربه مصيره
فروا بالبراري وصار ما صار
اخوان ثنين ضاعوا من عشيره

الوطن بالنار راح وجابهم خوف ...... وما يدرون اهلهم
واليشوف الخيول شيكدر يشوف ..... وعجاج الطف اخذهم
لذبح عمهم الناس تحد السيوف ...... الله يعين عمهم
____

رايدين ..... مدري وين اه يالهواشم مدري وين
هوه غير الماي ماكو اشرايدين
تالي وين ..... اولاد مسلم .... تالي وين

حايرين ..... شلون ومنين المدينه وحايرين
بكربله خيول وبقه بس الحسين
تالي وين ..... اولاد مسلم..... تالي وين


الضايع عاده نعرف يسئل الناس
الطريق شلون واباله عناوين
بس شلون للمطلوب لو كال
احنه اولاد مسلم عمنا الحسين

شلون يعرف دربه الرأسه مطلوب ..... وغريب الديره هايه
شيسوي الشاف عمه ثوبه مسلوب .... وما يدري النوايه
وعليهم موتهم يا ناس مكتوب ..... وتلاحكهم منايه
___

الليل عين ..... الليل عين يريد وجدام ومتاع
وفحطتهم خيل والدنيا ضياع
تالي وين ..... اولاد مسلم ..... تالي وين

يروح وين ..... يروح وين الخايف وما بي نبض
وشيسوي الجدمه طاح امن الركض
تالي وين ..... اولاد مسلم .... تالي وين


وعلي حيره وخذتهم غربه الكاع
والما له اهل يمشي اعله يا باب
امس حضن الدلال وبيت مهيوب
وهسه النوم خوف وفوك التراب


الله يعين زينب وامهم اشلون .... سنه وما تدري بيهم
عليهم يا خلك خل تعمه العيون .... كسر خاطر بجيهم
طويل الدرب مدري شلون يمشون.... وتالي ذابحيهم

انيس النفوس
شمس الشموس
حبيبي بطوس .... علي ابن موسى الرضا

الحب والهوه
امير الضوه
وعمه اللوه ..... علي ابن موسى الرضا

خيمه وستر
هذه العمر
بيه انكسر .... علي ابن موسى الرضا


يا ضامن الغزال ...... اضمني بالوصال
فدوه اروحلك بعد ما بيه اجافي

يا مالك العمر ...... كافي بعد هجر
خل ازورك حالي حال الناس كافي

اه يالرضا ..... الوكفه اعله بابك حسره بدليلي
اه يالرضا ..... عينك عليه وارحم عويلي
اه يالرضا ..... بشوك الزياره شيعبره ليلي

صل الله على علي ابن موسى الرضا
___

اشتاك الي
وخلني اجي
دخيلك علي .... علي ابن موسى الرضا

ابابك حلم
اوكف واهم
ابالي رسم ..... علي ابن موسى الرضا

حن يا حنين
ومدلي ادين
واعميلي عين ..... علي ابن موسى الرضا

يمهيج الحزن ..... اكسرني بيك اون
بيك اهم بحسين بالزهره يغالي
وبصاحب العصر .... شوك ابجي ونعصر
وادري تسمعني وتشوف شلون حالي

اه يالرضا .... دون الخدامه بس كلبي حاله
اه يالرضا .... كلها تزورك بس اني لاله
اه يالرضا .... ترضاها عبدك تكطع وصاله

صل الله على علي ابن موسى الرضا
_

صحره الكلب
وكلها غرب
بس انته حب .... علي ابن موسى الرضا

لعطفك أفر
سويني حر
فكلي العسر .... علي ابن موسى الرضا

بجاه الكمر
خل كلبي احر
جار الدهر ..... علي ابن موسى الرضا

بيك انكسر ولين ..... اشملني بالحسين
كلبي بارد صاير وينخه حنانك
كلبي انترس سواد ..... اعليك ابنك الجواد
رجعني ذاك الابيض المحمي بأمانك

اه يالرضا .... وشعندي غيرك يرزقني نوحي
اه يالرضا .... تسمعني كونك تاخذها روحي
اه يالرضا .... سهل الزياره واضمن جروحي

صل الله على علي ابن موسى الرضا
___

كلب المحب
لو بي ذنب
ما ينجهب .... علي ابن موسى الرضا

سيف الهجر
خيط العمر
وشوكي جمر ..... علي ابن موسى الرضا

عينك عله
المحد اله
وبس كربله ..... علي ابن موسى الرضا

دمعي كظه ونشف ..... للدمعه مدلي جف
فايده ما بيه لو تيبس جفوني
من حزنك الجبير ..... بس كطره للفقير
عمره وكفه ولا صدك توكف عيوني

اه يالرضا .... لو دمعي ينشف لا غيره بيه
اه يالرضا .... بمعصومه احلفك عبدك خطيه
اه يالرضا .... روحي اخذها وكته العزيه

يا زهراء دخيلج

يا ابا عبد الله صلى الله عليك يا غريب يا مضلوم في كربلاء

بعد التوكل على الله تعالى وساداتنا ال محمد عليهم السلام
بما يحمله مولانا مهيج ألاحزان علي ابن موسى الرضا عليه السلام

نعود ببضاعتنا التي نرجو قبولها لدى السيده الزهراء عليها السلام

على بركه الله نعود لنشر مصائب ال محمد عليهم السلام
وقصائد الرثاء ان شاء الله

لا تنسونا بالدعاء عند الله واولياء أمورنا محمد وال محمد عليهم السلام

واول دعوانا واخرها اللهم عجل لوليك الفرج يا كريم

حيهم يبو سيف الملمع
هل شهرك وجيتك ملوع
هذا محرم كون تطلع
بهاي القصيده السيف مطلع
جدك على ارماح وتجرع
اسند جتافك يال مسنع
عالبيت والجدران الاربع
وبذو الفقار الرؤس تركع
وحشم ربيعه وصيح وجمع
ولم الحمايل خلها تسمع
بيت الدنين والمبركع
ومن بيت سيد نور تسطع
وخلها العوام وياك تفزع
وفك النكاب اللي تنكع
ورد ثار الاطفال التروع
وابني الكبب ياليث وانزع
وخل شيعتك تلطم وتدمع
وخل رايتك تفرد وترجع
وعالدور خل ترف وترفع
وخلنه نشوف الوجه ألاروع
وانحب على الجسم المكطع
وتحكم وخول وامنع
ونكس بروس عداك وكطع
وخل النعي يغورك ويدمع
ويكّسر ويلجم ويلذع
وخل طبل حربك عال يقرع
وخل ينفخ الصّور المرفع
وخل ال اميه حروره تلجع
وافزع وخلها ابلايه مفزع
وخلنه نشوف شلون تهلع
وحرك ذراري الجده ينزع
وافضح لابو سفيان مرضع
واكشف حك الباب مشرع
وباب الستر عنهم اترفع
ولمهم بريح السوده واقلع
وطلع فدك بالشبر واذرع
ورد ثار جدتكم مربع

حمل عليهم غيض وامطر
وأشر لابو الشفرات وانحر
والكاسر الحك راس تكسر
ورد ثار محبسكم وخنصر
والعانهم والظل مقصر
زيد حطبهم نار كثر
وخله الفرح للزهره يعبر
وخل المواكب اه تنثر
وبركضه طويريج تبصر
طش لوعتك والصبر كتر
وهد النعاوي للتطبر
وخل الدمه للكاع تكطر
واقره المقاتل كلها واجهر
وخلها قواري الجاي تهدر
وخلها الوجوه احزان تغبر
وخل اربعين حسين تعمر
ورجع انصار حسين والحر
وخلق الخلق دمعه تكبر
ماعاد كلبي يحمل السر
وللدور بس للساده عمّر
ضل الحجي من غيبتك مر
خل شيعتك ملبوسها الدر


يا صاحب الزمان

يا سفير الغربه والخد التريب
وين رايح بعد ما صار المغيب
مثل ابن عمك لان ضامي وسليب
انته هم عطشان بالكوفه وغريب

غريب وما الك ناصر
مثل حسين بالعاشر
هضيمه وغربتك غربه
هضيمت كسره الحافر

___

يا مصيبه التنحجي وكلفه الكلام
زلمه يولونه العده وهاي الحرام
الزلمه اللي يكابل وهمه المو زلام
واحترك كلبك عطش مثل الخيام

وعنك وين ابو فاضل
وعايل بيكم العايل
تشوف خيامكم كلها
وانت من السطح نازل
___

الكوفه باعت دينها ويغري الذهب
وانطلب رأسك لمن هب ودب
واسمك بدم على الحيطان انكتب
والامان انسلب والثوب انسلب

يمسلم شاعت اخبارك
تيتم والبجه ابدارك
ولان جنت الغريب هنا
اجينا اليوم زوارك
__

وولدك اتذبحوا يم جاري الفرات
هجرتهم خيل شده ونايبات
وبحميده صارت الما صايرات
تكعد اعله الدمعه عالدمعه تبات

يمسلم تنحسب عاشر
غربتك والمن انكابر
على عيوني ادك وانعه
يزاير حشم الزاير

_

ارد اخبرك يالغريب إبلا عمام
خدر هاشم ما بقه فوكه خيام
والضعون مغربه والمكصوده شام
وحسين وحده اعله الترايب والسلام

ثلاث ايام عالغبره
ورأسه بعيد عن نحره
ورقيه بالدرب ماتت
وعليه انفجعت الزهره


الى سيدي ومولاي مسلم ابن عقيل عليه السلام

اسافر واضيع... وارد من جديد ..... الى كربلاء
جذبني النحيب ... انكسار ودموع.... وسواد العزاء
ارد لاصلي طين ... نحيبه حسين .... سليب الرداء

روحي ضلت بالنعي تسافر ... تسافر
كلبي خايف لا يمر حافر .... حافر

انه خايف كلمه لو بذني تمر ..... حسين
وانته صدرك بالحوافر ينعبر .... حسين

كلمه خايف بيها امر
وانته كلبك ينكسر
جزعت ارباب الصبر ...... حسين

صبراً تنادي ووحدك
متشحط ابدم مقتلك
خلفك خيامك خاليات
طلعت حريمك فزعه الك ( وخرجن الى مصرعك مبادرات)
ياحيره متحيره هلك
وهاي الخيم ثاني فدك

خايف يمرلك دلالك .... وانته أمان الخايف
همهن يشوفنه حالك ... وما درنك نازف

--------------------

العطش من يمر ... شيفيد الصبر ... وادري بضماك
بواجي انهمر .... طفل وانكسر .... طفوله بعزاك
دموع استمر ... يموت العمر .... اذا مابجاك

والطفوله تشيخ يم حالك.... حالك
وانته بيتك ساكن ابالك .... ابالك

يا طفوله تبقه لو مرها عطش ... حسين
شيب حاله اليسمع بليل اهدعش... حسين

والطفوله تنكتل
من يمر بيها حبل
كلمه وتشيب طفل .... حسين

يا حال ما مثله جره
ولاهو كدر واتكدره
يوماً على صدر النبي
يوماً على وجه الثره
واخته فجعها بمنظره
وام الخدر مو اي مره

لما شايفك هم بجالك .... الله يعين الشايف
همهن يشوفنه حالك .... وما درنك نازف
--------------

زمن مو شهر .... اعيشك دهر .... دموعي حسين
عهد مو قرار .... الدمع عدي ثار ... اعله مر السنين
بدماك اشتريت .. حياتي وبجيت .... وصرتلك ونين

مو فضل لا انه ممنونك ... ممنونك
مشتريني وغايره عيونك ... عيونك

صرت ملكك والتملكه مايضيع... حسين
مو تراب بكلبي طايح حب صريع.... حسين

والدمع عزمه زلم
وعلى خدي ترسم
حزن بس ما ينفهم ... حسين

وهالحزن مو اختيار
ولا صرت صاحب قرار
واليحب يرضه بمصير
لو يحب بخيامه نار؟
وياهو يختار انكسار ؟
ماكو بس بحالي صار !!

عايف حياته واجالك .... وما تعوف العايف
همهن يشوفنه حالك.... وما درنك نازف

-------------------

عشت حاله بيك ... اختنكلك واجيك ... حبيبي الغريب
يجرحوني حيل ... واصيح رضيت ... حبيبي يطيب
العجب ياحسين ... فداك المسيح ... بوهب مو صليب

بس الكتلني حال نسوانك ... نسوانك
لا حال يشرح خيمه احزانك ... احزانك

تسوه الشوارب رفه من ذاك العلم .... حسين
والدنيا فدوه لنظرتك صوب الخيم .... حسين

وحزن نثرن نسوتك
وصار عالم خدمتك
وصرنه لاجن كسرتك ..... حسين

حزن ضعنك هيمه شم
وصار مجلس بالخيم
طلعن بكلمه حسين
ووصلت لگلب الخدم
وصار عالم كله هم
عشك بس متروس ألم

جارح حبيبي جمالك .... خدي رطب ماناشف
همهن يشوفنه حالك..... وما درنك نزف

لا تسألون المهدي ليش ادموعه حمره
شاف اللي ما ضاك العذب وتنعا الزهره


لا تسألونه عالدمع وشاف المصيبه
وعمته مشت عالهزله والوادم غريبه
لا تسألونه لو كثره دمعه ونحيبه
وعشره الخيول يدوسن اكباله اعله صدره


ما ينسئل شنو السبب عن دمعه ألاحمر
ما ينسئل الشايف خيم محتركه بالبر
وشايف فرار العايله ومحتاره خدّر
وطيحت كفيل الهاشميه على الشگره


يسمع صياح ايصيح زينب طلعوها
وضعون جده والعده وليه ولوها
ويشوف بنته شلون من تنعه لابوها
ويشوف جده حسين من ضيعوا كدره


لحد يسئله ياهي اكثر توجعه اكثر
وهوه السمع ضلوع جده من تكسر
وصوت النحيبه من وكع كدامه الاكبر
ولا طاقه عندي وطاح من الفرس كتره


لا تسألونه وخففوا اعليه النعاوي
وعيونه راجت والرمش بالدمع خاوي
بعينه نظر لمن برز خدر العلاوي
بالهيمه طلعن بس ركض والكاع جمره


الله يعينه وعونه صيروا بلطم العيون
متهون كون ادموعه عدكم يالتسمعون
ما هانت ومتهون غير الطلعت ام عون
عالتله وكفت بالظهاري وهاي صحره


عمره شكثر بس خلصه دمعه اعله دمعه
حكه لان خيل اعوجيه تدوس ضلعه
وناصر يصيح حسين والمهدي يسمعه
صاحب مصيبه يا خلك والخدر خدره


لربما خرجت محاكاة لذلك البيت
ان جان بله تسئلوني ياهي أعظم
اعظم عليه لو نعه الناعي على حسين
الا انها للسيده الزهراء عليها السلام
وهذا فلذة كبدها ولددها المنتقم
خففوا سؤالكم لمصيبه أمامكم

عطشني لاسمك يا ذبيح
خليني خدمك يا ذبيح
.........

يا ذبيح الحسرة بيه
ما عرف قيمة نعمتي
شلون اذا اخدملك اني
وانت ما قابل خدمتي
توفي الم يا شوغة منك
مني لو نزلت دمعتي

اعطش لذكرك واريده
وتنثر بخيرك عليه
انت لو ما بيه قابل
ياهو بله اليرضه بيه

ياهو يقبل وانه تراسني الذنب
ياهو غيرك يغفر ويعفي ويحب

انت وحدك جفك يوزع النعم
امنيتي اخدم يامن يربي الخدم

رايد بدمعاتي اصيح

________

گلب قاصر لا تعذره
ساكت لغربة حبيبة
نگطع بيدك منحر ابنك
والگلب يكطع نحيبه
وباقي شعري براسي اسود
وشايل براسي المصيبة

لا اجر لا راحة تنطي
لگلبي احلفك بالزچية
زين منك باقي اخدمك
سيدي مفضل عليه

گلبي لو يم غيرك بساعة انطرد
انت قابل بيه شرد اطلب بعد

ارد احلفك بالزچية واسألك
لا تخلي الدمعة تنزل موو الك

بس الك دمعي يطيح
_______

خيرك اصعب شي كسرني
سيدي هواية عليه
انطيني فرصة منك اطلب
امنيتي امدن لك ادية
ما استاهل هذا خيرك
سيدي وداعة رقية

عمري لو خسره بخدمتك
روحي ما تسوه وقليلة
وانت طيفك من اعوفه
يمرني لمن ما اجيلة

روحي لو انذرها يعني شقدمت
اني قبلك سيدي ثق ما عشت

الله حبني وجابه گلبي لمأتك
وخله جمرة بگلبي من امخيمك

رايد من الحسرة اطيح
_______

گلبي لو غيرك يترسه
يرجع يترسه الذنب
واني لو ما مرني اسمك
لهسه ما اعرف احب
اسمك بكلهن احبه
ينسمع لو ينكتب

اسمك يسكن عذابي
ويمسح تراب التعب
هيه مو گبة و منارة
ذكرك اغلى من الذهب

ذكرك يروّي الگلب ماي العشگ
الدنيا چذبة وذكرك وحبك صدك

فرصة لا تنطي لدليلي يبتعد
خلني يمك ويه اي راية انعگد

راية اصبح بالضريح


موسى المحمداوي

تبدي رحلة حياتي
وتمضي بيه السنين
عمري كله انادي
يا حبيبي حسين

يجري دمعي من اذكره
بدمعي ابقه اهيم
مره دمعه الفرحته
لو مصابه الأليم

كلمه سر الحياة
يا حسين النجاة
ابقه اهيم واهيم
سيد الامنيات

كلمه بثتلي روح
يا حسين وانوح
بلمحة جرح المصاب
شفته عشت الجروح

يا حسين مولاي يا حسين مولاي
—————————
غارگ انه بذنوبي
وهوة مدالي ايد
عيشاني برحمته
بفيه عايش سعيد

هوة مو بس وسيله
هوة غايه وصال
سيدي وكلشي بيده
بلا شريك ومحال

شما نطقت الحروف
بس حروفه أروف
واتجاهي حسين
ابقه اطوف واطوف

دربي خدمه وعزاء
وانفجع بالبكاء
بيه جرحة چبير
لطمي دين ولاء

يا حسين مولاي يا حسين مولاي
—————————
اني ما عندي غيره
وهوة مالك عبيد
ما تركني بجفائي
من هويت البعيد

اصبح بروحي موطن
وانه لاجئ دخيل
وچد بگلبي عشگه
وحبه صار السبيل

يا سبيل اليتيه
يا شفيع وجيه
اندب بيا حسين
ماكو مثله شبيه

كلشي بيه يصيح
يمه اصيراً جريح
عندي هوة الطبيب
بس طبيبي ذبيح

يا حسين مولاي يا حسين مولاي
—————————
شما ازيد بكلامي
يبقه عندي القصور
يا وصف يم مقامه
سيد الحب غيور

مو خياري اختياره
عايش بفي ودود
رايي بيده وقراي
هوة سيد الوجود

ما تشوفه العيون
ما تحمله الذهون
بالبصيره اشوف
شكد صعب بس حنون

يا رحيم العباد
يا حبيب الفؤاد
يا ملك عالجميع
هوة سيد العباد

يا حسين مولاي يا حسين مولاي


سيد سجاد الحيدري

يا حسين الدنيا وحشه
انته بس حبك جذبني
ساكن بعرش الگلب

يا حسين ومن عطشتك
صحرت كل امنياتي
بيدك ارسملي الدرب

من الله اختياري .. بيدك كل قراري
ارسملي مساري .. يا مالك عبيدك

يا مالك حياتي .. يا صومي وصلاتي
بيك احيه ومماتي .. يالحاويني بيدك

نديلي العشگ گطرات
لذة العاشگ بتعبه
مو جمرة الك جمرات
تحرگ گلبي من حبه

حبك عندي ذمه ودين
وما اتهاون بديني
احب الله اليحب حسين
والله يحبني يحسيني
—————————
من ندائك روحي لبت
صوتك الفزز ضميري
واحيه گلبي هالنداء

انته مظلوم وغربتك
من وگفت تريد ناصر
وروحي لبت كربلاء

الا من ناصر تصيح .. وما حاجة الهة توضيح
اهبلك هبة الريح .. وافنيلك حياتي

نصره الهاي الجروح .. ومتسدهة الف روح
ياهو يداوي مذبوح .. وما يكفي مماتي

ما طابت حياه بعدك
عبرة كربله بصدري
ولليوم استمر وعدك
حزنك مستمر عندي

گلبي معاشر ال اهات
مسلب محد يدفنك
تجر فوگ الثره ونات
ومحد يقترب منك
—————————
خلني بيدك بيدك احيه
رايد الحزنك اصلي
حزنك يصير الفرض

خذني ماي بچفك اروه
ومثل دمك من تطشني
ما اطيح على الارض

بيدك خذني بيدك .. واحد من عبيدك
صرخاتي اريدك .. حسيني وعندي غالي

من اول دمعه شفته .. تحرگني عبرته
حزنك ما حملته .. حزنك ماله تالي

حزنك ماكو مثله مصاب
واجزع لو يمر حزنك
من اسمع غفه على تراب
وبالحومه اعتله ونك

هدني بحومه واتعناك
اركض حافي واتعثر
واصرخ سيدي بحماك
مثل الضاعت بنص بر
—————————
مايك وفارگ لهاتك
وتعبْ گلوب اليتامه
وما نزل طفه الخيام

طشني گطرات الخيامك
وبرد گلوب العطاشه
قبل لا ترمه السهام

انته الخيرك هواي .. من تالي اطلبت ماي
العطش ما فارگ الهاي .. عطشان العطاشه

طفل يعطش مماته .. ما شايف حياته
سهم صوب لهاته .. من ايدك تلاشه

موقف يصعب على الحال
حيره بحيرة الحاير
ضم ابنه على صدره ومال
اه يا هضمة العاشر

مولاي العطش اذاك
وكسرة ضهرك اخوانك
ولا ناصر وگف وياك
وهاي الكثرة احزانك
—————————
يا غريب الغربه انته
وصارت بغربه مماتك
انته عنوان الغريب

لا وجودي ولا كياني
وقيمتي كلهة بخدمتك
انته ساترني وسليب

راحمني برحمتك .. من خيرك عرفتك
بس تهضم غربتك .. من هاي النوايب

ليش الغاضريه .. وباقي على الوطيه
وراحتلك سبيه .. من بعد المصايب


شاء الله ورسمت الصار
هاجس حبك وجرحك
والمجلس وطن اخيار
وبلطمة صدر شرحك

ابچي والطم ومحروگ
ودموعي الك تحچي
كعبة وتصعد على النوگ
مهظومة بسبي تمشي

سيد سجاد الحيدري

شبدي عليك يحسين يوليدي
ما بيدي شي يا يمه ما بيدي


يا شهر حزنك من يهل
بالنوح اكضي لو اون
كل ما يمرني مقتلك
تنقبض روحي من الحزن
يا يمه يمه من يوم الوأن
كلما علي ليلي يجن
يفضحني حزنك بالدمع
وعليك مسود الجفن

شمحلاهة يا يمه ثيابك
هاذا جمالك لو مصابك
من روحي انته وانته وروحي
هد حيلي يا يمه عذابك

هل الحزن ياروحي لتهيدي
ما بيدي شي يا يمه ما بيدي
ـــــــــــــــ

بس القميص محضرة
ودموعي يجرلك نهر
وادري ثيابك تنسلب
وأشقه البشر حزلك نحر
يا صبري والأم الدهر
امك تندبك يا گمر
هاذه قميصك بي دمه
منه الحزن جاس وعبر

يحسين يمه وبزري غالي
يالطولك بعيني يلالي
باجر تخرب رسومك الكاع
بحضن الترابه وحضني خالي

ياروحي ضجي وبالحزن زيدي
ما بيدي شي يا يمه ما بيدي
ـــــــــــــــ

كل عام بيدي انشره
وكل عام يزداد الجرح
یایمه حزنك بیه چن
نابتي بخاصرتي رمح
يا شمس وبعيني صبح
ضامي وتروي وما تشح
عطشان وبصدرك لهب
انته العذب بس تنذبح

ليش العطش يبس لهاتك
جم ضامي رويته بحياتك
والعطشك بيدك رويته
نفسه الذي عطش بناتك

يا روحي اعطشي وبالعطش جيدي
ما بيدي شي يا يمه ما بيدي

ــــــــــــــــــــــ

يايمه تكسر خاطري
مكسوره اضل طول العمر
مو من ضلع اشكي الألم
من بيه عاشورك يمر
يا طهر طاهر من طهر
يالجزعت حته الصبر
تهضمني روحي وانفجع
لمن طحت من المهر

وبطيحتك طاحت عشيره
وفوك الرمح وجهك تديره
مو باب واتسند بحيطان
بعدك مشت زينب اسيره

يا غربتك يحسين يوليدي
ما بيدي شي يا يمه ما بيدي


سيد سجاد الحيدري