مولاتنا السيده سكينه وهي تتحدث عن اختها مولاتنا فاطمه العليله عليهن السلام
الله وياكم الله وياكم
انسه الروح وما انساكم
تبجي هواي .... شربوا الماي
مو عطشانين أتلكاكم
--------------
الله وياكم .... كالت وتباوع للرايه
يمكن شافت ... مكطوعه جفوف السكايه
الله وياكم .... وتصب ماي لكل ضعونه
يمكن شافت .... حرمونه امن العم ومايه
حال يبجي .... وصلت يم عبد الله بدمعه
مدري شافت .... ذيج الليله هموم هوايه
جانت اول كسرت خاطر
صبح موادع مدري العاشر
بلا سكاي ... شربوا الماي
مو عطشانين أتلكاكم
--------------
دمعه بخدها .... وتباوع لعيون الاكبر
يمكن تدري .... سالم مايرجع وموذر
دمعه بخدها .... وتلامس جف اختي رقيه
جنها تحسها .... مجويه وتتراكض للبر
الله و اكبر .... من كعدت بحضان الوالد
باست صدره .... يمكن شافت ضلعه مكسر
تبجي بحضنه وهوه يكابر
خليني اشبع كبل الحافر
حافر جاي ..... شربوا الماي
مو عطشانين أتلكاكم
----------------
شافت عمي .... وتقبل يسراه ويمينه
عين لعينه ..... تبجي بحضنه وعين لعينه
كعدت يمي .... وحال يبجي ويكسر خاطر
كعدت يمي .... وكالت بيش تشوف سكينه
شافت حاله .... وجابت ماي لعمي الكافل
كسره خاطر .... كسرت خاطر بيها وبينه
ماي بجفها اتدنه لشفتي
شفت العاشر بعيون اختي
ماكو فياي .... شربوا الماي
مو عطشانين أتلكاكم
------------------
شكد مقهوره .... ذيج الليله شكد مقهوره
بعيون اختي .... ليل الشام بأول صوره
شفت الهيمه .... ونركض من النار انفازع
بعيون اختي .... اركض للهيمه ومذعوره
حتركت خيمه .... مشهد ما انساه بجاني
بعيون اختي .... زينب عالتله ومكسوره
شفت بعين اختي المشتاكه
درب الشام وهزله الناكه
بيد اعداي .... شربوا الماي
مو عطشانين أتلكاكم
يا صاحب الزمان
الله وياكم الله وياكم
انسه الروح وما انساكم
تبجي هواي .... شربوا الماي
مو عطشانين أتلكاكم
--------------
الله وياكم .... كالت وتباوع للرايه
يمكن شافت ... مكطوعه جفوف السكايه
الله وياكم .... وتصب ماي لكل ضعونه
يمكن شافت .... حرمونه امن العم ومايه
حال يبجي .... وصلت يم عبد الله بدمعه
مدري شافت .... ذيج الليله هموم هوايه
جانت اول كسرت خاطر
صبح موادع مدري العاشر
بلا سكاي ... شربوا الماي
مو عطشانين أتلكاكم
--------------
دمعه بخدها .... وتباوع لعيون الاكبر
يمكن تدري .... سالم مايرجع وموذر
دمعه بخدها .... وتلامس جف اختي رقيه
جنها تحسها .... مجويه وتتراكض للبر
الله و اكبر .... من كعدت بحضان الوالد
باست صدره .... يمكن شافت ضلعه مكسر
تبجي بحضنه وهوه يكابر
خليني اشبع كبل الحافر
حافر جاي ..... شربوا الماي
مو عطشانين أتلكاكم
----------------
شافت عمي .... وتقبل يسراه ويمينه
عين لعينه ..... تبجي بحضنه وعين لعينه
كعدت يمي .... وحال يبجي ويكسر خاطر
كعدت يمي .... وكالت بيش تشوف سكينه
شافت حاله .... وجابت ماي لعمي الكافل
كسره خاطر .... كسرت خاطر بيها وبينه
ماي بجفها اتدنه لشفتي
شفت العاشر بعيون اختي
ماكو فياي .... شربوا الماي
مو عطشانين أتلكاكم
------------------
شكد مقهوره .... ذيج الليله شكد مقهوره
بعيون اختي .... ليل الشام بأول صوره
شفت الهيمه .... ونركض من النار انفازع
بعيون اختي .... اركض للهيمه ومذعوره
حتركت خيمه .... مشهد ما انساه بجاني
بعيون اختي .... زينب عالتله ومكسوره
شفت بعين اختي المشتاكه
درب الشام وهزله الناكه
بيد اعداي .... شربوا الماي
مو عطشانين أتلكاكم
يا صاحب الزمان
يامن شلت لحسين رأيه
ضل الحجي منه بكايه
عن كربله والحجي هوايه
خليني اخبرك هالحجايه
نكثوها ذمتك بالنوايه
ومو ديرتك مذمومه هايه
خليني اخبرك بالضحايه
ولدك تلاحكهم منايه
من الخيم طلعوا ضمايه
وراحت حميده ويه السبايه
ونكطعت اجفوف السقايه
والعلكمي ملزوم مايه
ورأس العجيد نشره شرايه
وخليني اعزيك بعزايه
واتصحر بعبرت هوايه
طر الضعن كل الولايه
ومجتوفه أيه ابيد أيه
هذا الحجي موش النهايه
واستحدوا هاشم واميره
مجتول وتلمه حصيره
لاجن ألاكلف والجبيره
مسبي ضعنكم ديره ديره
وام الخدر صارت اسيره
وصار الحبل بيد ألاميره
ولف الحبل ايد الزغيره
ملفوف لف مثل الضفيره
حيهم يمسلم يبو الغيره
واتناوش اسيوف العشيره
وجزرهن اضباع الجزيره
حد باترك والثار ديره
حيهم يبو اعيون البصيره
واكشف كربهم يا سفيره
حل اللي ما حل حال غيره
خل الجثث تل وجثيره
صب غيضك واحفر حفيره
واسمع الخايف من صريره
مؤمنين لهم عوده مع ألامام الهمام والقائد الضرغام وصاحب دوله العدل وألانتقام
وعلى هذا النحو كتبت لمولانا سفير الحسين ووكيله وثقته مسلم ابن عقيل عليه وسلم وارنو في ذلك دواء لجروحهم صلوات الله عليهم
يا صاحب الزمان
ضل الحجي منه بكايه
عن كربله والحجي هوايه
خليني اخبرك هالحجايه
نكثوها ذمتك بالنوايه
ومو ديرتك مذمومه هايه
خليني اخبرك بالضحايه
ولدك تلاحكهم منايه
من الخيم طلعوا ضمايه
وراحت حميده ويه السبايه
ونكطعت اجفوف السقايه
والعلكمي ملزوم مايه
ورأس العجيد نشره شرايه
وخليني اعزيك بعزايه
واتصحر بعبرت هوايه
طر الضعن كل الولايه
ومجتوفه أيه ابيد أيه
هذا الحجي موش النهايه
واستحدوا هاشم واميره
مجتول وتلمه حصيره
لاجن ألاكلف والجبيره
مسبي ضعنكم ديره ديره
وام الخدر صارت اسيره
وصار الحبل بيد ألاميره
ولف الحبل ايد الزغيره
ملفوف لف مثل الضفيره
حيهم يمسلم يبو الغيره
واتناوش اسيوف العشيره
وجزرهن اضباع الجزيره
حد باترك والثار ديره
حيهم يبو اعيون البصيره
واكشف كربهم يا سفيره
حل اللي ما حل حال غيره
خل الجثث تل وجثيره
صب غيضك واحفر حفيره
واسمع الخايف من صريره
مؤمنين لهم عوده مع ألامام الهمام والقائد الضرغام وصاحب دوله العدل وألانتقام
وعلى هذا النحو كتبت لمولانا سفير الحسين ووكيله وثقته مسلم ابن عقيل عليه وسلم وارنو في ذلك دواء لجروحهم صلوات الله عليهم
يا صاحب الزمان
عمه مهدي اسمع همي و انضر عمتك بيها شصار
منين ابديلك من خيامي لو من جدمي تچوه بنار
لو من طفلة ماتت بيدي فوگ الراس وگلبي احتار
عمه مهدي ارد اشكيلك
من الطف الحد الشام
اخذت خوتي واخذت حيلي
وكسرت گلبي هلأيام
من عندي ابو فاضل خذت الله اكبر كربله
جانت رقية ام الخدر بصاية گمرها مدللة
وتالي عگب جف الكمر تجرح اديها السلسلة
_________
ركضت خيل تراب تصاعد شفت الحومة شبت نار
وانه ابن امي اسأل وينه چي ما ادري بحالة شصار
وشفته موسد فوگ ترابه وطرفه المخفي اعليه اندار
ردت اوصله واسمع گلي
زينب رجعي وينزف جان
عينه بعيني ويهمل دمعة
موسد خده ع التربان
يا عمة من شفت الشمر من جسم ابو الاكبر دنه
لا بيه ارده ولا ارد بين الخيام مدوهنه
يفزعلي يوگع ع الوجه وضهره امن المصاب انحنه
_________
فوگ النوگ الهزلة اخذونا والخطوات تطلع الروح
حتى الرادت تنعى ابوها بسوط الغربة تبطل النوح
حچي الغربة هّدم حيلي وترست گلبي الشام جروح
دارت بينا الدنيا وضعنا
بلا كفال وهزلة النوگ
لا والاصعب شتموا ابونا
أهل الشام بطبت السوگ
عمة ودمع سكنة نزل ولراس ابوها اتوجهت
سهم الشماتة بنص گلب سكنه يبو صالح نبت
ارذل خلق رب السمة باهل الحمية اتشمتت
_______
مر الجان ببالي يمرني ومر الما يخطر بالبال
حالي يبچي المابي رحمة وصعبة همومي تهد جبال
فوگ ارماح الروس نشالت روس اخواني تشوف الحال
دارت بينه الدنيا ووسفة
ضعن حسين بهيمة يبات
اصعب وگفة ببين الغربة
ننطر يم باب الساعات
گلبي امتلى بسم الهضم والحر ولا خلة مهج
ما تحمله جبال الجره وگلبي بدعاء الندبة ضج
من الهضم ناديت الك يا عمة عجل بالفرج
موسى المحمداوي
منين ابديلك من خيامي لو من جدمي تچوه بنار
لو من طفلة ماتت بيدي فوگ الراس وگلبي احتار
عمه مهدي ارد اشكيلك
من الطف الحد الشام
اخذت خوتي واخذت حيلي
وكسرت گلبي هلأيام
من عندي ابو فاضل خذت الله اكبر كربله
جانت رقية ام الخدر بصاية گمرها مدللة
وتالي عگب جف الكمر تجرح اديها السلسلة
_________
ركضت خيل تراب تصاعد شفت الحومة شبت نار
وانه ابن امي اسأل وينه چي ما ادري بحالة شصار
وشفته موسد فوگ ترابه وطرفه المخفي اعليه اندار
ردت اوصله واسمع گلي
زينب رجعي وينزف جان
عينه بعيني ويهمل دمعة
موسد خده ع التربان
يا عمة من شفت الشمر من جسم ابو الاكبر دنه
لا بيه ارده ولا ارد بين الخيام مدوهنه
يفزعلي يوگع ع الوجه وضهره امن المصاب انحنه
_________
فوگ النوگ الهزلة اخذونا والخطوات تطلع الروح
حتى الرادت تنعى ابوها بسوط الغربة تبطل النوح
حچي الغربة هّدم حيلي وترست گلبي الشام جروح
دارت بينا الدنيا وضعنا
بلا كفال وهزلة النوگ
لا والاصعب شتموا ابونا
أهل الشام بطبت السوگ
عمة ودمع سكنة نزل ولراس ابوها اتوجهت
سهم الشماتة بنص گلب سكنه يبو صالح نبت
ارذل خلق رب السمة باهل الحمية اتشمتت
_______
مر الجان ببالي يمرني ومر الما يخطر بالبال
حالي يبچي المابي رحمة وصعبة همومي تهد جبال
فوگ ارماح الروس نشالت روس اخواني تشوف الحال
دارت بينه الدنيا ووسفة
ضعن حسين بهيمة يبات
اصعب وگفة ببين الغربة
ننطر يم باب الساعات
گلبي امتلى بسم الهضم والحر ولا خلة مهج
ما تحمله جبال الجره وگلبي بدعاء الندبة ضج
من الهضم ناديت الك يا عمة عجل بالفرج
موسى المحمداوي
كفيل اخته .... صنيع ايده
صرت من صار ابو فاضل
قمر هاشم ..... ضوه عضيده
واتبلل لو كلت كافل
دخيل اسمه نهر وفياي
اذكره امن اعطش الكا ماي
واطهر لو كلت مولاي
فاض بكلبي حب الساقي
بس جفه وكترت الباقي
ماي يصب عين الزهراء
اكتب جفه تفيض اوراقي
سفينه الحسين ربانها القمر
---------------
على الرايه .... نخط اسمه
مدد من شبل ابو الحمله
ابو فاضل .... منو يرسمه
كمر ويضوي درب اهله
القمر ما ينرسم صوره
اليرسمه ينعمي بنوره
وتجوي بيده الحروره
وانه ادخيل جفوف الكافل
محرز كلبي بسم ابو فاضل
انه العايز والمد ايده
وحته لو ما عايز سائل
----------------
نصعق كلبي .... على اقدامه
تجلة حيدره ابطوله
تشظيت .... بضوه احلامه
الحقيقه شلون معقوله
صرت راهب مليك الماء
ومن لاشي صرت اشياء
فضل عينه على الاحياء
ميت واحياني ابنظراته
قرآءن امن الطف و أياته
قل حيدر عاد ابجمل شاب
عضد حسين ويا محلاته
------------------
خفه علمه ...... لان يمه
امامه وما حجه حجايه
ظهر قوته .... وحليب امه
ومشاعر تارس الرأيه
فارس والحرب عيده
ويحيى تنومس ابيده
ظهر حسين وعضيده
غاص اوساط الطف بالغيره
واحد عباس ولا غيره
حامل رأيه الله ابهيبه
رأي الخالق او تقديره
يا صاحب الزمان
صرت من صار ابو فاضل
قمر هاشم ..... ضوه عضيده
واتبلل لو كلت كافل
دخيل اسمه نهر وفياي
اذكره امن اعطش الكا ماي
واطهر لو كلت مولاي
فاض بكلبي حب الساقي
بس جفه وكترت الباقي
ماي يصب عين الزهراء
اكتب جفه تفيض اوراقي
سفينه الحسين ربانها القمر
---------------
على الرايه .... نخط اسمه
مدد من شبل ابو الحمله
ابو فاضل .... منو يرسمه
كمر ويضوي درب اهله
القمر ما ينرسم صوره
اليرسمه ينعمي بنوره
وتجوي بيده الحروره
وانه ادخيل جفوف الكافل
محرز كلبي بسم ابو فاضل
انه العايز والمد ايده
وحته لو ما عايز سائل
----------------
نصعق كلبي .... على اقدامه
تجلة حيدره ابطوله
تشظيت .... بضوه احلامه
الحقيقه شلون معقوله
صرت راهب مليك الماء
ومن لاشي صرت اشياء
فضل عينه على الاحياء
ميت واحياني ابنظراته
قرآءن امن الطف و أياته
قل حيدر عاد ابجمل شاب
عضد حسين ويا محلاته
------------------
خفه علمه ...... لان يمه
امامه وما حجه حجايه
ظهر قوته .... وحليب امه
ومشاعر تارس الرأيه
فارس والحرب عيده
ويحيى تنومس ابيده
ظهر حسين وعضيده
غاص اوساط الطف بالغيره
واحد عباس ولا غيره
حامل رأيه الله ابهيبه
رأي الخالق او تقديره
يا صاحب الزمان
ادفنوني اذا ترحون من دوني اموت اني
موت الثاني من تمشون بعيوني جرح ثاني
ثالثه موته نص الليل لو فز كلبي مشتاكه
لا عبد الله لا كاروك لا عمتي ولا اخواني
ومجبوره..... بكل صوره
انام ودمعي فوك الصور مقهوره
نار الفركه تجوي وانه مكسوره
تتانوني .... ضوه عيوني
اذا ما بيها رجعه هسه ادفنوني
واخذوا الماي كله وانه عطشوني
----------------
صوركم مو عله الحيطان بعيوني واحاجيها
يهلنه الصور ما تحجي شسوي انه وتاليها
اذا من نار خيم أسلم الفركه اول وتالي
نار فراككم يحرك ومنو يمي ويطفيها
امن المخيم .... اذا أسلم
ما طول اذا ضل بيتي هيج أضلم
ونار الخيمه من هذا الهجر ارحم
يدار العز طفل ويفز
وما يلكه اهل يمه ولا روحه
هلي ارحملي بالشام مذبوحه
-----------------
ساعه رمل ما مليت اكوم اكعد على بابي
كبل صوابكم يهلي كلبي نصاب وصوابي
سيف الهجر حز نحري وعلى العتبه
تراب العتبه كله خضر كثر دمعي على اعتابي
رباب ابجي .... ونعي يبجي
من ام البنين الحالها حالي
يموت اللي يسافر من هله غالي
ومصيبتهم .... مشو كلهم
ياهو المو عزيز وكلهم اعزازي
جزوا والموت ضل بالبيت ماجازي
-----------------
ست اشهر مشو والحال مو هوه كسر خاطر
قبل ما يوصل العاشر على ضعوني صرت عاشر
وكلشي بكربله بيه لجمتي الماي والناكه
الصاير بيهم وما صار وياهم علي صاير
الحبل بيدي .... جتف عيدي
كضيت العيد كله ابجي عله حسيني
ياهو لكربله رايح اريدنه يوديني
قسه فراكه ..... مشي ناكه
اروح وارجع احلامي تبجيني
عليله وياهو يتحملني بونيني
يا صاحب الزمان
موت الثاني من تمشون بعيوني جرح ثاني
ثالثه موته نص الليل لو فز كلبي مشتاكه
لا عبد الله لا كاروك لا عمتي ولا اخواني
ومجبوره..... بكل صوره
انام ودمعي فوك الصور مقهوره
نار الفركه تجوي وانه مكسوره
تتانوني .... ضوه عيوني
اذا ما بيها رجعه هسه ادفنوني
واخذوا الماي كله وانه عطشوني
----------------
صوركم مو عله الحيطان بعيوني واحاجيها
يهلنه الصور ما تحجي شسوي انه وتاليها
اذا من نار خيم أسلم الفركه اول وتالي
نار فراككم يحرك ومنو يمي ويطفيها
امن المخيم .... اذا أسلم
ما طول اذا ضل بيتي هيج أضلم
ونار الخيمه من هذا الهجر ارحم
يدار العز طفل ويفز
وما يلكه اهل يمه ولا روحه
هلي ارحملي بالشام مذبوحه
-----------------
ساعه رمل ما مليت اكوم اكعد على بابي
كبل صوابكم يهلي كلبي نصاب وصوابي
سيف الهجر حز نحري وعلى العتبه
تراب العتبه كله خضر كثر دمعي على اعتابي
رباب ابجي .... ونعي يبجي
من ام البنين الحالها حالي
يموت اللي يسافر من هله غالي
ومصيبتهم .... مشو كلهم
ياهو المو عزيز وكلهم اعزازي
جزوا والموت ضل بالبيت ماجازي
-----------------
ست اشهر مشو والحال مو هوه كسر خاطر
قبل ما يوصل العاشر على ضعوني صرت عاشر
وكلشي بكربله بيه لجمتي الماي والناكه
الصاير بيهم وما صار وياهم علي صاير
الحبل بيدي .... جتف عيدي
كضيت العيد كله ابجي عله حسيني
ياهو لكربله رايح اريدنه يوديني
قسه فراكه ..... مشي ناكه
اروح وارجع احلامي تبجيني
عليله وياهو يتحملني بونيني
يا صاحب الزمان
تسمعه هسه صوتي ؟
بندبتي وقنوتي
الدنيا هايه حوتي ..... يونس غريقك صاح
الدمعه من مصابك
سلني سل غيابك
يمته اجي اعله بابك...... واشبع نظر و نيّاح
يمته تصير يبن الحسن جيتك
احضر دمع وادخل على بيتك
مولاي كون الليله تجي ريتك
وأسمع لقد حان اللقاء
ابن العزاء وابو العزاء
الحجه يرقى لمنبره
وتفتح سوالف كربلاء
عجل فداك الروح
-----------------
يالمهدي تانيناك
وكل البواجي بجاك
دعبل زمانك أجاك ...... وكل القصايد بيه
تسمحلي اقره أبيات
لخادم كتبها ومات
تسمعهن انته امنيات .... وقره نيابه عليه
( ألم الم شب بيه)
كلبي فداك يابو الفرج أسمع
دعبل اجاك عينه ألك تدمع
وشكد قراك واتمنى بس ترجع
يالحجه تانوك اشكثر
صحوه وحلم ليهم تمر
اقره نيابه عالصفوا
مُنتظرينك ب القبر
عجل فداك الروح
-----------------
بكلبك غريبه تنوح
سولفلي يا مجروح
واقره يمهدي الروح..... من ترتقي المنبر
بكلبك يتامه هواي
يعينك علي مولاي
راح العطش للماي؟ ..... عطشانتك خدر؟
بهم عمتك شكد ندبتك زينب
ياهضمتك من بجتك زينب
شكد لجمتك شام الخذه زينب
يالمهدي أسف عالجروح
خانكني موقف من تنوح
و شتذكرت من كربلاء
ويا سر تريد النه تبوح
عجل فداك الروح
........................
كلبي غصن مكسور
من البجي معذور
لهذا الدمع مجبور ..... غيابك ذبح حالي
وهسه انته جيتك ماي
ومات العطش مولاي
وعاشر محرم جاي ..... وغالي كسر غالي
بكلبك جمر من كربله لليوم
دموعك حمر ما تنكضي للدوم
ليل وصبح لمن صرت مهضوم
من تقره مصرع أكبرك
بصحن الحسين اشمنظرك
موقف حلم شفته بضريح
تبجي بقهر من عاشرك
يا صاحب الزمان
بندبتي وقنوتي
الدنيا هايه حوتي ..... يونس غريقك صاح
الدمعه من مصابك
سلني سل غيابك
يمته اجي اعله بابك...... واشبع نظر و نيّاح
يمته تصير يبن الحسن جيتك
احضر دمع وادخل على بيتك
مولاي كون الليله تجي ريتك
وأسمع لقد حان اللقاء
ابن العزاء وابو العزاء
الحجه يرقى لمنبره
وتفتح سوالف كربلاء
عجل فداك الروح
-----------------
يالمهدي تانيناك
وكل البواجي بجاك
دعبل زمانك أجاك ...... وكل القصايد بيه
تسمحلي اقره أبيات
لخادم كتبها ومات
تسمعهن انته امنيات .... وقره نيابه عليه
( ألم الم شب بيه)
كلبي فداك يابو الفرج أسمع
دعبل اجاك عينه ألك تدمع
وشكد قراك واتمنى بس ترجع
يالحجه تانوك اشكثر
صحوه وحلم ليهم تمر
اقره نيابه عالصفوا
مُنتظرينك ب القبر
عجل فداك الروح
-----------------
بكلبك غريبه تنوح
سولفلي يا مجروح
واقره يمهدي الروح..... من ترتقي المنبر
بكلبك يتامه هواي
يعينك علي مولاي
راح العطش للماي؟ ..... عطشانتك خدر؟
بهم عمتك شكد ندبتك زينب
ياهضمتك من بجتك زينب
شكد لجمتك شام الخذه زينب
يالمهدي أسف عالجروح
خانكني موقف من تنوح
و شتذكرت من كربلاء
ويا سر تريد النه تبوح
عجل فداك الروح
........................
كلبي غصن مكسور
من البجي معذور
لهذا الدمع مجبور ..... غيابك ذبح حالي
وهسه انته جيتك ماي
ومات العطش مولاي
وعاشر محرم جاي ..... وغالي كسر غالي
بكلبك جمر من كربله لليوم
دموعك حمر ما تنكضي للدوم
ليل وصبح لمن صرت مهضوم
من تقره مصرع أكبرك
بصحن الحسين اشمنظرك
موقف حلم شفته بضريح
تبجي بقهر من عاشرك
يا صاحب الزمان
زينب .... من يُقدم .... لي جوادي ..... زينب
خويا .... انه اقدم .... لكْ جوادك ..... زينب
انه خدركم انه ناصرتك
انه انصرك يا بعد اختك
يشمتون الما عدهم غيره
ضميت حزني ضم دمعتك
وادري القصد عليه
لا لا تهم أليه
شاء الله الي سبيه يا بو علي
روح انته بالسلامه
عين انه عاليتامه
كل واحد وسهامه يا بو علي
-------------------
زينب ... هنانه ضلي .... واحمي اهلي ..... زينب
خويا .... شبعي شوفج.... راح اعوفج.... زينب
ما عارضك بس تدري حالي
غالي انته واليكتلني غالي
طلبه اليه وأطلبها منك
لمن اضيعك كلي تعالي
تدري النظر خذيته
من هسه ودعيته
وكلبي نكتل بذيته يا بو علي
ظهرك اذا تديره
امشي مشي اسيره
حيره يكلبي حيره يا بو علي
---------------------
زينب .... كسره بيه..... هضمه هيه..... زينب
خويا .... كلبي يبجي ... هم رقيه .... زينب
يذبحني سيف وكلبي مصابه
نومت رقيه بنص الخرابه
بيها اشوف الزهره الحنينه
وتموت لو ما تسمع يبابه
من هسه اهم عليها
نار و تجوي اديها
وطشت الذهب يجيبها يا بت علي
بنتي وتحب دلالي
بخدها الدمع يلالي
والله هضيمه حالي يا بت علي
------------------
خويا.... لا يهمك ..... انه يمك .... زينب
خويا .... انه يمها.... وأجلي همها .... زينب
نصبر مشيئه لو عذبوني
وسامحني لو بالكوه خذوني
وصيتني هسه اسمع وصيتي
بالشام اموت ولابد تجوني
هاك الفرس عضيدي
هايه منيتي بيدي
هضم يدم وريدي يا بوعلي
يا ملجى الحياره
كلبي تجوي ناره
انه اطلبك زياره يا بوعلي
يا صاحب الزمان
خويا .... انه اقدم .... لكْ جوادك ..... زينب
انه خدركم انه ناصرتك
انه انصرك يا بعد اختك
يشمتون الما عدهم غيره
ضميت حزني ضم دمعتك
وادري القصد عليه
لا لا تهم أليه
شاء الله الي سبيه يا بو علي
روح انته بالسلامه
عين انه عاليتامه
كل واحد وسهامه يا بو علي
-------------------
زينب ... هنانه ضلي .... واحمي اهلي ..... زينب
خويا .... شبعي شوفج.... راح اعوفج.... زينب
ما عارضك بس تدري حالي
غالي انته واليكتلني غالي
طلبه اليه وأطلبها منك
لمن اضيعك كلي تعالي
تدري النظر خذيته
من هسه ودعيته
وكلبي نكتل بذيته يا بو علي
ظهرك اذا تديره
امشي مشي اسيره
حيره يكلبي حيره يا بو علي
---------------------
زينب .... كسره بيه..... هضمه هيه..... زينب
خويا .... كلبي يبجي ... هم رقيه .... زينب
يذبحني سيف وكلبي مصابه
نومت رقيه بنص الخرابه
بيها اشوف الزهره الحنينه
وتموت لو ما تسمع يبابه
من هسه اهم عليها
نار و تجوي اديها
وطشت الذهب يجيبها يا بت علي
بنتي وتحب دلالي
بخدها الدمع يلالي
والله هضيمه حالي يا بت علي
------------------
خويا.... لا يهمك ..... انه يمك .... زينب
خويا .... انه يمها.... وأجلي همها .... زينب
نصبر مشيئه لو عذبوني
وسامحني لو بالكوه خذوني
وصيتني هسه اسمع وصيتي
بالشام اموت ولابد تجوني
هاك الفرس عضيدي
هايه منيتي بيدي
هضم يدم وريدي يا بوعلي
يا ملجى الحياره
كلبي تجوي ناره
انه اطلبك زياره يا بوعلي
يا صاحب الزمان
امن احتركت الخيمه
تلاكينه بالهيمه
تلاكينه بالهيمه ....... اخت واخو
يا ناكه يا ناكه
مشتاكه مشتاكه
نهد حيلي بفراكه ...... وضحك العدو
يا ناكه سباني المنظر
انه وحدي وبيش تصبر
الجارحني وائذاني اكثر
فرت عينه اعله الخدر
عيونه لخيامه وهوه مذبوح ... باله
سيف اعله نحره وكلبه مجروح.... شحاله
حرورت السيف اطلع الروح ؟ ... عياله ؟
-------------------
حافي الجدم جيته
وبدموعه لاكيته
يا ناكه بجيته ..... يوم ألاجيت
أرهف گلب ينحب
أقسى گلب يتعب
شلون باخو زينب ..... ميته يريت
مفجوع لأخته هضيمه
مهموم وجرحه حريمه
اليدلل والله حريمه
يتحفه بظهاري هيمه
مو حال حاله والله مو حال .... ابن امي
يتحفه جدمي وتجوي الارمال.... جدمي
جاباني شوكه وكال العيال ..... همي
--------------------
ودعته بالكوه
كمت امشي واتلوه
بظهري عفت خوه ..... وجيت لسبي
عفته برمل غافي
وصار البصر طافي
ما شيعه جتافي ..... ولا في عبي
يا ناكه هضيمه عفته
حرموني حته دفنته
سكته ابجي العبره سكته
حرموني يا ناكه واخته
حرموها حته دمعه العين .... تهمل
مو هذا والله كدر لحسين .... ينزل
يا ناكه كولي الحال مو زين ... للبل
( ألابل جمع الذكور والإناث النياق والجمال )
-------------------
من ما حجه لاخته
أتلمست شفته
بس ماكو ما شفته ..... وعين فتحت
خفت اجرح احساسه
بس سكنت انفاسه
وشفته بلا رأسه ..... بحضنه متت
ضلمه ماشفته امن اجيته
انه ميته لمن جزيته
مدري من كوه لكيته
جرحوا من جرحو اخيته
يمكن سمعها من حجوها .... ويلي
يصيحون زينب طلعوها .... ويلي
حركوا كلبها براس اخوها .... ويلي
يا صاحب الزمان
تلاكينه بالهيمه
تلاكينه بالهيمه ....... اخت واخو
يا ناكه يا ناكه
مشتاكه مشتاكه
نهد حيلي بفراكه ...... وضحك العدو
يا ناكه سباني المنظر
انه وحدي وبيش تصبر
الجارحني وائذاني اكثر
فرت عينه اعله الخدر
عيونه لخيامه وهوه مذبوح ... باله
سيف اعله نحره وكلبه مجروح.... شحاله
حرورت السيف اطلع الروح ؟ ... عياله ؟
-------------------
حافي الجدم جيته
وبدموعه لاكيته
يا ناكه بجيته ..... يوم ألاجيت
أرهف گلب ينحب
أقسى گلب يتعب
شلون باخو زينب ..... ميته يريت
مفجوع لأخته هضيمه
مهموم وجرحه حريمه
اليدلل والله حريمه
يتحفه بظهاري هيمه
مو حال حاله والله مو حال .... ابن امي
يتحفه جدمي وتجوي الارمال.... جدمي
جاباني شوكه وكال العيال ..... همي
--------------------
ودعته بالكوه
كمت امشي واتلوه
بظهري عفت خوه ..... وجيت لسبي
عفته برمل غافي
وصار البصر طافي
ما شيعه جتافي ..... ولا في عبي
يا ناكه هضيمه عفته
حرموني حته دفنته
سكته ابجي العبره سكته
حرموني يا ناكه واخته
حرموها حته دمعه العين .... تهمل
مو هذا والله كدر لحسين .... ينزل
يا ناكه كولي الحال مو زين ... للبل
( ألابل جمع الذكور والإناث النياق والجمال )
-------------------
من ما حجه لاخته
أتلمست شفته
بس ماكو ما شفته ..... وعين فتحت
خفت اجرح احساسه
بس سكنت انفاسه
وشفته بلا رأسه ..... بحضنه متت
ضلمه ماشفته امن اجيته
انه ميته لمن جزيته
مدري من كوه لكيته
جرحوا من جرحو اخيته
يمكن سمعها من حجوها .... ويلي
يصيحون زينب طلعوها .... ويلي
حركوا كلبها براس اخوها .... ويلي
يا صاحب الزمان
بجمال الساقي
ترست اوراقي
اخو المكفوله من ألالف للياء
الهوه من جوده
يجيب بروده
النسيم ألاعظم والكل صحراء
انه دخلت بصايته وبعتابه
انه دخيله من شرور الغابه
ظهري نكسر كظيت ظهري ابابه
مولانا ابا الفضل .... مولانا ابا الفضل
صحته وادري
يسند ظهري
راعي الشكره
زود الحره ابا الغوث
باب الحاجه
الكل تحتاجه
سر بالقدره
عين الزهره ابا الغوث
-----------------
دخلت بحيله
الميطي دخيله
حاشاه يطي العده دخيل
بمقامه ألارفع
التوسل أسرع
اسم قوته شك الشمس والليل
ادخيل اسمه اليندب بالشده
والعنده كلفه يمشي اله ويكصده
عالي المقام الماكو عالي بكده
مولانا ابا الفضل ...... مولانا ابا الفضل
الما يتجرب
هيبه زينب
حامي ضعونه
واللي ينخنونه ابا الغوث
انحني واجب
لعالي المراتب
ارفع أيديه
لاسمه حنيه ابا الغوث
--------------
السراب بغيره
الصدك تدبيره
ماشيت ماي الله اجه للسقاي
عظيم الموقف
عليه ايسولف
أمامي الصادق ويهزني بهاي
( كان قلب عمي العباس كصالية الجمر من اللظا)
وصاليت الجمر گلب الكافل
من اللظه ودخيل كلبه اشايل
وماشرب العذب دخيل ابو فاضل
مولانا ابا الفضل..... مولانا ابا الفضل
الشرف ألاشرف
البي نتشرف
نافذ بصيره
وعلي بالغيره ابو الغوث
باذل المهجه
خادم الحجه
فعلاً مواسي
اسمه نوماسي ابو الغوث
-------------------
الطهاره ابابه
الرجوله اعتابه
ما احتار امن ارد انخاه
الحجاب يكشفه
بأشاره بجفه
جم موسى مصعوق وياه
جم بصر فتح بالضريح وشافه
جم شاعر انفتحت علي بلطافه
الشايف العباس شاف جتافه
مولانا ابا الفضل..... مولانا ابا الفضل
محد يكدر
يبصر اكثر
عيونه تقهره
عيون الزهره ابا الغوث
حدنه الرايه
نشوفه بهايه
تعمه عيونه
اليعبر متونه ابا الغوث
يا صاحب الزمان
ترست اوراقي
اخو المكفوله من ألالف للياء
الهوه من جوده
يجيب بروده
النسيم ألاعظم والكل صحراء
انه دخلت بصايته وبعتابه
انه دخيله من شرور الغابه
ظهري نكسر كظيت ظهري ابابه
مولانا ابا الفضل .... مولانا ابا الفضل
صحته وادري
يسند ظهري
راعي الشكره
زود الحره ابا الغوث
باب الحاجه
الكل تحتاجه
سر بالقدره
عين الزهره ابا الغوث
-----------------
دخلت بحيله
الميطي دخيله
حاشاه يطي العده دخيل
بمقامه ألارفع
التوسل أسرع
اسم قوته شك الشمس والليل
ادخيل اسمه اليندب بالشده
والعنده كلفه يمشي اله ويكصده
عالي المقام الماكو عالي بكده
مولانا ابا الفضل ...... مولانا ابا الفضل
الما يتجرب
هيبه زينب
حامي ضعونه
واللي ينخنونه ابا الغوث
انحني واجب
لعالي المراتب
ارفع أيديه
لاسمه حنيه ابا الغوث
--------------
السراب بغيره
الصدك تدبيره
ماشيت ماي الله اجه للسقاي
عظيم الموقف
عليه ايسولف
أمامي الصادق ويهزني بهاي
( كان قلب عمي العباس كصالية الجمر من اللظا)
وصاليت الجمر گلب الكافل
من اللظه ودخيل كلبه اشايل
وماشرب العذب دخيل ابو فاضل
مولانا ابا الفضل..... مولانا ابا الفضل
الشرف ألاشرف
البي نتشرف
نافذ بصيره
وعلي بالغيره ابو الغوث
باذل المهجه
خادم الحجه
فعلاً مواسي
اسمه نوماسي ابو الغوث
-------------------
الطهاره ابابه
الرجوله اعتابه
ما احتار امن ارد انخاه
الحجاب يكشفه
بأشاره بجفه
جم موسى مصعوق وياه
جم بصر فتح بالضريح وشافه
جم شاعر انفتحت علي بلطافه
الشايف العباس شاف جتافه
مولانا ابا الفضل..... مولانا ابا الفضل
محد يكدر
يبصر اكثر
عيونه تقهره
عيون الزهره ابا الغوث
حدنه الرايه
نشوفه بهايه
تعمه عيونه
اليعبر متونه ابا الغوث
يا صاحب الزمان
ليلة مولاتنا فاطمه العلية صلوات الله عليها
بفرگاك ابد لا ما عشت
ومن حملت ضعنك خفت
تبعد عليه و تلتفت... وما دگلي امشي
ومن سافرت عيني بقَت
تريدك تصدها تنّطرت
يمشي الضعن وتكسرت... عيني على رمشي
ارجع خلي اشبكك ياضوه العين
و روح بسفرتك تبرالك امك
خلي اشتم هواك وهدمك هواي
لان گلبي يگلي ينهدر دامك
بَجفاك... نار بگلبي بجفاك
وياك... اخذ الروح وياك
فركاك... ما ينحمل فركاك
تانيت... منك خبر لو جاي
لاشمر... روحي الجسمك فياي
صوتك... باقي عايش وياي
........................................
الغربة وطن صارت الي
ومشيو شمع كلهم هلي
وضاعت يابويه ادللي... وجروح ناحّن
ادري بعد لا ما ترد
من ذبَل بروح الورد
اليل يمردني مرد ... ودموعي طاحن
انته مرافگ ضعونك والعيال
وانه مرافگة اليل وعتبتي
طفلة شعلماني بطعم الفراگ
ضگته وعشته بدمعي وحسرتي
يا ليل... يرحم بشر مشتاك
وشلون... بطفلة عايشه فراك
والكون... بيه بفركتك ضاك
ما ريد... بس شوفتك بالعين
وترجع... سالم بويه يحسين
واصلب... عيني بعينك سنين
.........................................
فتشت عطرك بالهوه
ما جسته والگلب اجوه
وضل خافت بعيني الضوه.... وابجيك سكته
الدار ما لم شوگي الك
تَرجع يابويه اتئملك
ياغربة هاي اتلم هلك.... والموت ضگته
الك مشتاگة بس الحلم مو زين
جاب اخبار واگع بين عدوان
ما متحمله گلبي هذاه فرگاك
شلون يگلي مات وهوه عطشان
عطشان.... واگع والدمه عليك
تأشر.... ارجعي لختك ايديك
ولماي... شلون الماي يجفيك
يا ماي... هذا حسين يا ماي
ضامي... وگلبه تفطر هواي
واهله... صارو مالهم راي
.......................................
القارورة من دمها جره
صدگت طايح ع لثره
وبلا حمه و ميسره... عمتي بهزيلة
نار و جمر بيها الخيم
وما مش بعد راعي العلم
وعبد الله منهم ما سلم.... تفطر دليله
اليّدوس عله الجمر محتاج للماي
شلون البل عطش ولگلبه جمرر
محد شاف ضلهن جان وياك
ومشَن بعدك سبايه وطرن البر
ضعنك... رد والغربة جابوو
ضعنك... ضعن الغربة سموو
وحزنك... وبس فركاك جابوو
ما عيش... ولا اتحمل الصار
گلبي... شب واشتعل نار
ما عيش... وهذا رابع نهار
........................................
كرم زكي
بفرگاك ابد لا ما عشت
ومن حملت ضعنك خفت
تبعد عليه و تلتفت... وما دگلي امشي
ومن سافرت عيني بقَت
تريدك تصدها تنّطرت
يمشي الضعن وتكسرت... عيني على رمشي
ارجع خلي اشبكك ياضوه العين
و روح بسفرتك تبرالك امك
خلي اشتم هواك وهدمك هواي
لان گلبي يگلي ينهدر دامك
بَجفاك... نار بگلبي بجفاك
وياك... اخذ الروح وياك
فركاك... ما ينحمل فركاك
تانيت... منك خبر لو جاي
لاشمر... روحي الجسمك فياي
صوتك... باقي عايش وياي
........................................
الغربة وطن صارت الي
ومشيو شمع كلهم هلي
وضاعت يابويه ادللي... وجروح ناحّن
ادري بعد لا ما ترد
من ذبَل بروح الورد
اليل يمردني مرد ... ودموعي طاحن
انته مرافگ ضعونك والعيال
وانه مرافگة اليل وعتبتي
طفلة شعلماني بطعم الفراگ
ضگته وعشته بدمعي وحسرتي
يا ليل... يرحم بشر مشتاك
وشلون... بطفلة عايشه فراك
والكون... بيه بفركتك ضاك
ما ريد... بس شوفتك بالعين
وترجع... سالم بويه يحسين
واصلب... عيني بعينك سنين
.........................................
فتشت عطرك بالهوه
ما جسته والگلب اجوه
وضل خافت بعيني الضوه.... وابجيك سكته
الدار ما لم شوگي الك
تَرجع يابويه اتئملك
ياغربة هاي اتلم هلك.... والموت ضگته
الك مشتاگة بس الحلم مو زين
جاب اخبار واگع بين عدوان
ما متحمله گلبي هذاه فرگاك
شلون يگلي مات وهوه عطشان
عطشان.... واگع والدمه عليك
تأشر.... ارجعي لختك ايديك
ولماي... شلون الماي يجفيك
يا ماي... هذا حسين يا ماي
ضامي... وگلبه تفطر هواي
واهله... صارو مالهم راي
.......................................
القارورة من دمها جره
صدگت طايح ع لثره
وبلا حمه و ميسره... عمتي بهزيلة
نار و جمر بيها الخيم
وما مش بعد راعي العلم
وعبد الله منهم ما سلم.... تفطر دليله
اليّدوس عله الجمر محتاج للماي
شلون البل عطش ولگلبه جمرر
محد شاف ضلهن جان وياك
ومشَن بعدك سبايه وطرن البر
ضعنك... رد والغربة جابوو
ضعنك... ضعن الغربة سموو
وحزنك... وبس فركاك جابوو
ما عيش... ولا اتحمل الصار
گلبي... شب واشتعل نار
ما عيش... وهذا رابع نهار
........................................
كرم زكي
ليلة مولاتنا ام البنين صلوات الله عليها
يا يمه بحلامي شفت
سدو طريقك و وكفت
والحاوطوكم مو عرف
وانه بمنامي شكد خفت
يايمه فزيت وكلت ابني سفرته صعبه
وطماً گلبي من شفت عباس قائد حربه
وكلت ابني يتكطع وفه ومي يخلي اخوه بغربه
والهوه المر من الخيم ...كلي وحيد حسينج
وابنج الكافل عل نهر ....وافالج بكل دينج
يا يمه.. يا يمه
يمه... هاي احلامي تخوف بيه
يمه... بس لايبرز ضل للعلويه... يمه
يا يمه حسين
..................................
القاروره من نزفت دمه
واسمع نحيب أهل السمه
كلت ابني طاح امن لمهر
وميبسّ اشفافه الضمه
يا يمه كمت انه وطحت ونهدم گلبي وحيلي
گلبي نغزني من طحت وما نمة انه بليلي
وليل هد بس بلبجي و طولك يا يمه جبيلي
يا ماي يعطشر لنهر... ما تنعقل يا يمه
الجده نبي وهوه ولي... يبقه غريب بهضمه
يا يمه... يا يمه
يمه...انه ادعيلك وارفعّ اديه
يمه... وانطر ضعنك يرجع ليّه... يمه
يا يمه حسين
.......................
ناعي غربتك من لفه
حيلي على الباب نجفه
واختك ابد مو زينبك
وصلت اسيره مجتفة
الضعن بيهم من دخل متعرفه ناسه و اهله
وخدر علي بين الغرب و درب ما تندله
واختك اسيره بلا حمه وتمشي عل ناكه هزله
شلون الوكت داير عكس... وتغير ويا كلشي
طاح الذي يضيع الأثر ... بصدره لمن تمشي
يا يمه... يا يمه
يمه... كتلهم كلولي حسيني
يمه... ودموعي حرگني بعيني.. يمه
يا يمه حسين
..........................
كالو بقى حاله صعب
ويوكف ويكع بدرب
يريد يرجع للخيم
وفرن بناته بنص غرب
كالولي يا يمه بقى ينازع بروحه وگلبه
ياشر على خيامه وكع من مهره وبنص دربه
وغسلك دمك بل فله جي ضربه فوك الضربه
الخياله من وصلت الك... گالولي لاحت ضلعك
وجان النبي يقبل الصدر... ويتأذه گلبه بدمعك
يايمه... يايمه
يمه... مادفون وباقي مسلب
يمه... ونار خيامك يمك تلهب.. يمه
يا يمه حسين
.............................
كرم زكي
يا يمه بحلامي شفت
سدو طريقك و وكفت
والحاوطوكم مو عرف
وانه بمنامي شكد خفت
يايمه فزيت وكلت ابني سفرته صعبه
وطماً گلبي من شفت عباس قائد حربه
وكلت ابني يتكطع وفه ومي يخلي اخوه بغربه
والهوه المر من الخيم ...كلي وحيد حسينج
وابنج الكافل عل نهر ....وافالج بكل دينج
يا يمه.. يا يمه
يمه... هاي احلامي تخوف بيه
يمه... بس لايبرز ضل للعلويه... يمه
يا يمه حسين
..................................
القاروره من نزفت دمه
واسمع نحيب أهل السمه
كلت ابني طاح امن لمهر
وميبسّ اشفافه الضمه
يا يمه كمت انه وطحت ونهدم گلبي وحيلي
گلبي نغزني من طحت وما نمة انه بليلي
وليل هد بس بلبجي و طولك يا يمه جبيلي
يا ماي يعطشر لنهر... ما تنعقل يا يمه
الجده نبي وهوه ولي... يبقه غريب بهضمه
يا يمه... يا يمه
يمه...انه ادعيلك وارفعّ اديه
يمه... وانطر ضعنك يرجع ليّه... يمه
يا يمه حسين
.......................
ناعي غربتك من لفه
حيلي على الباب نجفه
واختك ابد مو زينبك
وصلت اسيره مجتفة
الضعن بيهم من دخل متعرفه ناسه و اهله
وخدر علي بين الغرب و درب ما تندله
واختك اسيره بلا حمه وتمشي عل ناكه هزله
شلون الوكت داير عكس... وتغير ويا كلشي
طاح الذي يضيع الأثر ... بصدره لمن تمشي
يا يمه... يا يمه
يمه... كتلهم كلولي حسيني
يمه... ودموعي حرگني بعيني.. يمه
يا يمه حسين
..........................
كالو بقى حاله صعب
ويوكف ويكع بدرب
يريد يرجع للخيم
وفرن بناته بنص غرب
كالولي يا يمه بقى ينازع بروحه وگلبه
ياشر على خيامه وكع من مهره وبنص دربه
وغسلك دمك بل فله جي ضربه فوك الضربه
الخياله من وصلت الك... گالولي لاحت ضلعك
وجان النبي يقبل الصدر... ويتأذه گلبه بدمعك
يايمه... يايمه
يمه... مادفون وباقي مسلب
يمه... ونار خيامك يمك تلهب.. يمه
يا يمه حسين
.............................
كرم زكي
يا زهراء يا زهراء يازهراء
___
من هاليوم شدينه الجفافي
لبنچ يالزجيه انظل نوافي
يا مولاتي كل خدامج تصيح
نلطمله لطم يالزهره شافي
حيل ندك حيل .. لطم بي همه
والزلمه الزين .. تكتله الكلمه
يا زهراء يا زهراء يا زهراء
____
من ايهل قميصه بدمه ناكع
تتناثر صور عالغبره واكع
ألا من ناصر الكالاها لليوم
كل خادم يحسها نشوفه جازع
من كلبه يصيح .. الك كل عمري
بكيفك شتريد .. الامر مو امري
يا زهراء يا زهراء يا زهراء
___
مابينه اليضم دمعه اعلى عينه
لا كل واحد محضر ونينه
للمجلس نطب ونعرف بهاي
انتي بكل عزه لازم تجينه
و الجَيتج هاي .. وعد يالزهره
يظل بينه النوح .. عمر مو عشره
يا زهراء يازهراء يازهراء
___
اليوزع ماي والجاي اعله ناره
ذوله بخدمت حسين الغياره
اليسفط بيده المداسات يرتاح
واليكنس بمجلس بي حراره
واِنصب ادموع .. على اخت الكافل
واليتعب صاح .. مدد يبو فاضل
يا زهراء يازهراء يازهراء
__
وب اخرها ندعي بطلعة الثار
يبرد كلبج المحروك بالنار
يصلب قاتلج ويطفي الخيام
واعلى اتباعهم بالسيف يندار
من يظهر حار .. حسامه وبالحك
وابذيج الناس .. يدك بيهم دك
..
علي محسن الدراجي
___
من هاليوم شدينه الجفافي
لبنچ يالزجيه انظل نوافي
يا مولاتي كل خدامج تصيح
نلطمله لطم يالزهره شافي
حيل ندك حيل .. لطم بي همه
والزلمه الزين .. تكتله الكلمه
يا زهراء يا زهراء يا زهراء
____
من ايهل قميصه بدمه ناكع
تتناثر صور عالغبره واكع
ألا من ناصر الكالاها لليوم
كل خادم يحسها نشوفه جازع
من كلبه يصيح .. الك كل عمري
بكيفك شتريد .. الامر مو امري
يا زهراء يا زهراء يا زهراء
___
مابينه اليضم دمعه اعلى عينه
لا كل واحد محضر ونينه
للمجلس نطب ونعرف بهاي
انتي بكل عزه لازم تجينه
و الجَيتج هاي .. وعد يالزهره
يظل بينه النوح .. عمر مو عشره
يا زهراء يازهراء يازهراء
___
اليوزع ماي والجاي اعله ناره
ذوله بخدمت حسين الغياره
اليسفط بيده المداسات يرتاح
واليكنس بمجلس بي حراره
واِنصب ادموع .. على اخت الكافل
واليتعب صاح .. مدد يبو فاضل
يا زهراء يازهراء يازهراء
__
وب اخرها ندعي بطلعة الثار
يبرد كلبج المحروك بالنار
يصلب قاتلج ويطفي الخيام
واعلى اتباعهم بالسيف يندار
من يظهر حار .. حسامه وبالحك
وابذيج الناس .. يدك بيهم دك
..
علي محسن الدراجي
ليلة مولانا مسلم ابن عقيل ( عليه السلام )
_________________
لا تجبل يخويه الناس مو خوش
مراية بالوجه والباطن اوحوش
دغش مرسالهم چذابه الطروش
وابن عمك كضه مصلوب بالبر
_____________
لا تجبل يخويه وياك خدرك
عبّاد الدراهم ما تقدرك
بس توصلهم يسحگون صدرك
اويخلون الخيم بالنار تسعر
_____________
موش انصار خويه العطش يتناك
بغضاً بأبيك الحرب وياك
امل للنصره ماكو كلهم عداك
اوياكم مو سلم ناوين عالشر
_____________
خدرك خويه خاف ايسلبونه
وعبدالله ابدماه ايغركونه
وعلي الاكبر جماله ايكطعونه
وابو فاضل شهيد الله اكبر
_____________
بس توصلهم يحركون الخيام
وتمطر على صدرك خويه السهام
وزينب تنسبي يحسين للشام
ونار بخيمة العباس تسعر
علي عبد الرزاق
_________________
لا تجبل يخويه الناس مو خوش
مراية بالوجه والباطن اوحوش
دغش مرسالهم چذابه الطروش
وابن عمك كضه مصلوب بالبر
_____________
لا تجبل يخويه وياك خدرك
عبّاد الدراهم ما تقدرك
بس توصلهم يسحگون صدرك
اويخلون الخيم بالنار تسعر
_____________
موش انصار خويه العطش يتناك
بغضاً بأبيك الحرب وياك
امل للنصره ماكو كلهم عداك
اوياكم مو سلم ناوين عالشر
_____________
خدرك خويه خاف ايسلبونه
وعبدالله ابدماه ايغركونه
وعلي الاكبر جماله ايكطعونه
وابو فاضل شهيد الله اكبر
_____________
بس توصلهم يحركون الخيام
وتمطر على صدرك خويه السهام
وزينب تنسبي يحسين للشام
ونار بخيمة العباس تسعر
علي عبد الرزاق
قبل لا أقره برساله شكاتبه
حته لو ما كلتي اعرف عاتبه
بس يبويه الصار بينه ولا يصير
لهذا ما جبتج ، الصاير حاسبه
لو تدرين .. لو تدرين .. شلون إسهام يطيحن بينه
لو تدرين .. لو تدرين .. اليسلم نحره يذبحن عينه
...............
شوكج المكتوب حيل آذاني
بكثر حزني استغربو عدواني
مو رساله جني شابكلي عزيز
الكلبي ودنهه ركض ذرعاني
لو تدرين .. لو تدرين .. إنه وكلبي وعيني نريدج
لو تدرين .. لو تدرين .. احضن بل كتبتهن ايدج
...............
من بديت أقره لكيت دموعي
جنهن احرورت سهم بضلوعي
من على العباس سلملي يبوي
زيدت هل كلمه همي ولوعي
لو تدرين .. لو تدرين .. كسرو ضهري وكسرو زينب
لو تدرين .. لو تدرين .. منه مدنك رديت انحب
...............
على الأكبر كلتي سلم والرضيع
فوك ما بالغربه خليتيني اضيع
سلمتلج بويه وانرد السلام
أمن النحر ردو صريع بصف صريع
لو تدرين .. لو تدرين .. عطشو بس محد رواهم
لو تدرين .. لو تدرين .. مو مي دم بللهه اشفاهم
...............
واخيرآ عمتج وكل البنات
بعد ساعه وكلهن يركضن حفات
من يسمعن صوت زين العابدين
طاح ابوي وعمه ركضن حايرات
لو تدرين .. لو تدرين .. من تحترك اخيمنه الحاله
لو تدرين .. لو تدرين .. عل يركض تركض خياله
علي محسن الدراجي
حته لو ما كلتي اعرف عاتبه
بس يبويه الصار بينه ولا يصير
لهذا ما جبتج ، الصاير حاسبه
لو تدرين .. لو تدرين .. شلون إسهام يطيحن بينه
لو تدرين .. لو تدرين .. اليسلم نحره يذبحن عينه
...............
شوكج المكتوب حيل آذاني
بكثر حزني استغربو عدواني
مو رساله جني شابكلي عزيز
الكلبي ودنهه ركض ذرعاني
لو تدرين .. لو تدرين .. إنه وكلبي وعيني نريدج
لو تدرين .. لو تدرين .. احضن بل كتبتهن ايدج
...............
من بديت أقره لكيت دموعي
جنهن احرورت سهم بضلوعي
من على العباس سلملي يبوي
زيدت هل كلمه همي ولوعي
لو تدرين .. لو تدرين .. كسرو ضهري وكسرو زينب
لو تدرين .. لو تدرين .. منه مدنك رديت انحب
...............
على الأكبر كلتي سلم والرضيع
فوك ما بالغربه خليتيني اضيع
سلمتلج بويه وانرد السلام
أمن النحر ردو صريع بصف صريع
لو تدرين .. لو تدرين .. عطشو بس محد رواهم
لو تدرين .. لو تدرين .. مو مي دم بللهه اشفاهم
...............
واخيرآ عمتج وكل البنات
بعد ساعه وكلهن يركضن حفات
من يسمعن صوت زين العابدين
طاح ابوي وعمه ركضن حايرات
لو تدرين .. لو تدرين .. من تحترك اخيمنه الحاله
لو تدرين .. لو تدرين .. عل يركض تركض خياله
علي محسن الدراجي
ليلة مولانا قمر العشيرة صلوات الله عليه
رايح عمنه النه يجلب الماي
وانطر ع لدرب ونار بحشاي
عطره يبان هسه وطوله لفياي
ما يخلف وعد ندريهه وفاي
گلبي وجعني من بطه
وصوتي عطشنة گمطه... و دموعي و شلَن
يا سكنة طَمنيني بخبر
عمنه تأخر ع لنهر ... ولا طوله بيَن
بس لا دار عَليهّ العسكر
وبين الجربة وموته تحير
يا سكنه خل يرجع عمنه
ومن عينه تتروه الخدر
يا عمنه يا عمنه
................................
من مال على مهره بكبره لحسين
گلت طاح الگمر فوگ الشريعة
مو طبع الگمر يوگع علجروف
ويترك عطش ليلي وبيه اضيعة
ما يدري عمي بحالتي؟؟
اعطش ولا چن غربتي ... تصير بوگعته
من رد ابوي وهز عمد
خيمته، و گلبي للنمرد .... و مكسور شفته
مكسور و عمتي تباوعله
حاير وحده بنص الغربة
اول مره اشوف حسيني
يتعثر من يمشي بدربه
يا عمنه يا عمنه
......................................
يا عمنه نولينه بعد عيناك
وابوي الغربة حاطة بيه كلها
نتأمل يرد ويروّي الخيام
ونشبع شوف من عينه ورسمها
ما شفنه بس خيل و ترب
هدت و فوگاها غرب .... و حنه ركظنه
نركضن ربيبات الخدر
و نار و غرب من كل كتر .... وشگد عثرنه
يا عمنه دخيلك يا عمنه
شگد صحنه يا دخيل مروتك
شوف الناس اسوت بينه
الجانت خرسه بضل من صوتك
يا عمنه يا عمنه
........................................
نخلسنه و خوف مار بينه عشناه
وكلشي بطيحتك شافتة لعيون
الضوه مي يمر علينه بوكفتك ذيج
وهسه صياط مرت فوگ المتون
حبال و زجر تالي وكت
وصاحو سباية من طحت ... يا عمنه عباس
سوگ و قصر ندخل عجب
ولا جدنه چن سيد العرب ... من تشّمَت الناس
بالبر نمشي و نسمع بالشام
ويعنك من رمحك تبجينه
من تانينة باب الساعات
فرحانه الناس تلاگينه
يا عمنه يا عمنه
كرم زكي
رايح عمنه النه يجلب الماي
وانطر ع لدرب ونار بحشاي
عطره يبان هسه وطوله لفياي
ما يخلف وعد ندريهه وفاي
گلبي وجعني من بطه
وصوتي عطشنة گمطه... و دموعي و شلَن
يا سكنة طَمنيني بخبر
عمنه تأخر ع لنهر ... ولا طوله بيَن
بس لا دار عَليهّ العسكر
وبين الجربة وموته تحير
يا سكنه خل يرجع عمنه
ومن عينه تتروه الخدر
يا عمنه يا عمنه
................................
من مال على مهره بكبره لحسين
گلت طاح الگمر فوگ الشريعة
مو طبع الگمر يوگع علجروف
ويترك عطش ليلي وبيه اضيعة
ما يدري عمي بحالتي؟؟
اعطش ولا چن غربتي ... تصير بوگعته
من رد ابوي وهز عمد
خيمته، و گلبي للنمرد .... و مكسور شفته
مكسور و عمتي تباوعله
حاير وحده بنص الغربة
اول مره اشوف حسيني
يتعثر من يمشي بدربه
يا عمنه يا عمنه
......................................
يا عمنه نولينه بعد عيناك
وابوي الغربة حاطة بيه كلها
نتأمل يرد ويروّي الخيام
ونشبع شوف من عينه ورسمها
ما شفنه بس خيل و ترب
هدت و فوگاها غرب .... و حنه ركظنه
نركضن ربيبات الخدر
و نار و غرب من كل كتر .... وشگد عثرنه
يا عمنه دخيلك يا عمنه
شگد صحنه يا دخيل مروتك
شوف الناس اسوت بينه
الجانت خرسه بضل من صوتك
يا عمنه يا عمنه
........................................
نخلسنه و خوف مار بينه عشناه
وكلشي بطيحتك شافتة لعيون
الضوه مي يمر علينه بوكفتك ذيج
وهسه صياط مرت فوگ المتون
حبال و زجر تالي وكت
وصاحو سباية من طحت ... يا عمنه عباس
سوگ و قصر ندخل عجب
ولا جدنه چن سيد العرب ... من تشّمَت الناس
بالبر نمشي و نسمع بالشام
ويعنك من رمحك تبجينه
من تانينة باب الساعات
فرحانه الناس تلاگينه
يا عمنه يا عمنه
كرم زكي
ليلة مولانا قمر العشيرة صلوات الله عليه
ماشي صدك للنهر
وما ترجع بمشيتك
يا خويه انته الهوه
وانفاسي بس رادتك
من تمشي ضيگ الكاع
ما ريد وياك وداع
من تمشي انته
تَسرع دگتّه
گلبي الي جروح وساع
راح اصلب عيني وراك
و ع لرايه الي بيمناك
وياها اتمايل
وابقه اتخايل
ترجع و يموت جفاك
وتاخر فَيّ طولك... وي يبجولك .. اطفال هواي
يالكافل خدر اختك... شگد ردتك ... ترجع يفياي
يا غربتي بمشيتك
ويا ضيعتي بطيحتك
......................................
مال الظهر من شفت
رايتك غابت عليّ
وسمعت الحك اخي
وگلبي وكع بين ادي
ردتك تحجيها سنين
يا روحي و لبّ العين
خويه دگلي
يا كل اهلي
تاه وضل وحده حسين
جيتك اعثر عباس
وصدني عيون الناس
وتِشمت بيه
ويدور عليه
بعدك جيش الارجاس
وعيونك بس تَدمع... شلون ارجع... للخيمه هناك
ومن جيتك ياخويه... بس اسمع... رجعلّنه وياك
يا غربتي بمشيتك
ويا ضيعتي بطيحتك
.........................................
لا تسد عينك ابد
من تنسدد احنه نضيع
من ترحل انته يخوي
ينذبح حتى الرضيع
شلون ارجع واني وحيد
وخيامك كلها تريد
شوفت عينك
هلال امتانينك
يالشوفت وجهك عيد
من كتلك امشي وياي
كتلي اخجل خويه هواي
من أسكينة
وللي متانيني
ارجع بس ماكو الماي
عفتك يا كل عمري... وطگ ضهري... فوگك و لحيل
وبعدك اوگع ضامي... و ايتامي... توليها الخيل
يا غربتي بمشيتك
ويا ضيعتي بطيحتك
................................
ارجعت صوب الخيم
و ثكال بيه الجدَم
جريت بيدي العمَد
وكالو هوه ويا العلم
بعدك يا خويه صغار
تركض من تعلة النار
والخدر مسلب
وبعدك زينب
گبال الشامت تحتار
و ع لهزل تمشي تلال
غربة، وبجفها حبال
وتدخل ديرة
مسبيه اميرة
و فتر و تغير حال
تنعانه بالسكته... بس انته... كاسرنه ثنين
كاسرني و كاسرها... و محيرها... ومحير حسين
يا غربتي بمشيتك
و يا ضيعتي بطيحتك
...................................
كرم زكي
ماشي صدك للنهر
وما ترجع بمشيتك
يا خويه انته الهوه
وانفاسي بس رادتك
من تمشي ضيگ الكاع
ما ريد وياك وداع
من تمشي انته
تَسرع دگتّه
گلبي الي جروح وساع
راح اصلب عيني وراك
و ع لرايه الي بيمناك
وياها اتمايل
وابقه اتخايل
ترجع و يموت جفاك
وتاخر فَيّ طولك... وي يبجولك .. اطفال هواي
يالكافل خدر اختك... شگد ردتك ... ترجع يفياي
يا غربتي بمشيتك
ويا ضيعتي بطيحتك
......................................
مال الظهر من شفت
رايتك غابت عليّ
وسمعت الحك اخي
وگلبي وكع بين ادي
ردتك تحجيها سنين
يا روحي و لبّ العين
خويه دگلي
يا كل اهلي
تاه وضل وحده حسين
جيتك اعثر عباس
وصدني عيون الناس
وتِشمت بيه
ويدور عليه
بعدك جيش الارجاس
وعيونك بس تَدمع... شلون ارجع... للخيمه هناك
ومن جيتك ياخويه... بس اسمع... رجعلّنه وياك
يا غربتي بمشيتك
ويا ضيعتي بطيحتك
.........................................
لا تسد عينك ابد
من تنسدد احنه نضيع
من ترحل انته يخوي
ينذبح حتى الرضيع
شلون ارجع واني وحيد
وخيامك كلها تريد
شوفت عينك
هلال امتانينك
يالشوفت وجهك عيد
من كتلك امشي وياي
كتلي اخجل خويه هواي
من أسكينة
وللي متانيني
ارجع بس ماكو الماي
عفتك يا كل عمري... وطگ ضهري... فوگك و لحيل
وبعدك اوگع ضامي... و ايتامي... توليها الخيل
يا غربتي بمشيتك
ويا ضيعتي بطيحتك
................................
ارجعت صوب الخيم
و ثكال بيه الجدَم
جريت بيدي العمَد
وكالو هوه ويا العلم
بعدك يا خويه صغار
تركض من تعلة النار
والخدر مسلب
وبعدك زينب
گبال الشامت تحتار
و ع لهزل تمشي تلال
غربة، وبجفها حبال
وتدخل ديرة
مسبيه اميرة
و فتر و تغير حال
تنعانه بالسكته... بس انته... كاسرنه ثنين
كاسرني و كاسرها... و محيرها... ومحير حسين
يا غربتي بمشيتك
و يا ضيعتي بطيحتك
...................................
كرم زكي
(حال مولاتي زينب بعد مقتل الحسين (ع)
كبل حرك الخيم محتركة الكلوب
اليشوف حسين ميت شنهي كلبه
المن يرفع ادي تلتم النجوم
تسوي اي شي على لسانه يطلبة
شكبرها من الحوافر جمعيناك
يبعد الما يوجدن يا ضوانه
الا من ناصرً من صحت يحسين
ردت افزع ولكن زينب انه
دم ودموع بجفوفي واصيحن يا علي دخيلك
فوكك واكفه وابجي حته ابجي وافييلك
جف بي امسح دموعي وبل ثاني امسح دموعك
وكلما اريد اكومننك تعز روحي والوليلك
————————
الجمك خاف اذا ابوسك يمذبوح
ولو ما ضال بيك امچان ينباس
الخيول معصبه من سحكت عليك
انه الهاضمني سحكت فوكك الناس
ذكرت ايامنه الحلوات يحسين
انه ما اريد اعوفك ارد اباريك
اكبال اعداك ما بينت الدموع
وبكلبي كلت بيه ولا بيك
مكانك مو على التربان بنص الروح انومنك
هناك بروحي ماكو خيول يبن امي ويسحكنك
يطيبن خاطر جروحك ما اخلي الهوه يطخهن
اشيل ضلوعي الك خوية اخافن لا يلجمنك
—————————
لهسه وما فركت جفوفي عل صار
معزة بدمك اليابس عليهن
حرت لجفوفي ادور وين مضمام
لان عطرك يخوية اشتمه بيهن
من ثوبك ردت خيط اخذه وياي
يواسيني بغربتي وطبت الشام
لخاطر من يجي اليل اشتم الخيط
لان عيني اعله عطرك ياله تنام
اريد تكلي يا خويه كبل لا اروح سمعني
مو طبعك تضل نايم حبيبي من تودعني
يل رحتو فرد روحه ما اخذتوني وياكم
اجيت بسدكم مأمنه بعد ياهو اليرجعني
—————-
اعوفك بل شمس وامشي اكدر شلون
وانه بطرك العباية ابيش اغطيك
اسكيك بدمعتي امجانك هناك
ما بين الرمش والخد اخليك
احلفك ردت حته تكوم بس لا
ما احلفك لان لو بيدك تكوم
بكلبي اعتاب مو للناس للماي
شني يجري النهر وحسين محروم
اثر دمعاتي فوك الكاع من خطواتي جان اكثر
شثكلة اعليه لو تدري وداعك يا حلو المعشر
موش العافيه يحسين ضلت يمك دموعي
بعد يا عافية الضلت وانه عايفتك مطشر
#محمد_شلش
كبل حرك الخيم محتركة الكلوب
اليشوف حسين ميت شنهي كلبه
المن يرفع ادي تلتم النجوم
تسوي اي شي على لسانه يطلبة
شكبرها من الحوافر جمعيناك
يبعد الما يوجدن يا ضوانه
الا من ناصرً من صحت يحسين
ردت افزع ولكن زينب انه
دم ودموع بجفوفي واصيحن يا علي دخيلك
فوكك واكفه وابجي حته ابجي وافييلك
جف بي امسح دموعي وبل ثاني امسح دموعك
وكلما اريد اكومننك تعز روحي والوليلك
————————
الجمك خاف اذا ابوسك يمذبوح
ولو ما ضال بيك امچان ينباس
الخيول معصبه من سحكت عليك
انه الهاضمني سحكت فوكك الناس
ذكرت ايامنه الحلوات يحسين
انه ما اريد اعوفك ارد اباريك
اكبال اعداك ما بينت الدموع
وبكلبي كلت بيه ولا بيك
مكانك مو على التربان بنص الروح انومنك
هناك بروحي ماكو خيول يبن امي ويسحكنك
يطيبن خاطر جروحك ما اخلي الهوه يطخهن
اشيل ضلوعي الك خوية اخافن لا يلجمنك
—————————
لهسه وما فركت جفوفي عل صار
معزة بدمك اليابس عليهن
حرت لجفوفي ادور وين مضمام
لان عطرك يخوية اشتمه بيهن
من ثوبك ردت خيط اخذه وياي
يواسيني بغربتي وطبت الشام
لخاطر من يجي اليل اشتم الخيط
لان عيني اعله عطرك ياله تنام
اريد تكلي يا خويه كبل لا اروح سمعني
مو طبعك تضل نايم حبيبي من تودعني
يل رحتو فرد روحه ما اخذتوني وياكم
اجيت بسدكم مأمنه بعد ياهو اليرجعني
—————-
اعوفك بل شمس وامشي اكدر شلون
وانه بطرك العباية ابيش اغطيك
اسكيك بدمعتي امجانك هناك
ما بين الرمش والخد اخليك
احلفك ردت حته تكوم بس لا
ما احلفك لان لو بيدك تكوم
بكلبي اعتاب مو للناس للماي
شني يجري النهر وحسين محروم
اثر دمعاتي فوك الكاع من خطواتي جان اكثر
شثكلة اعليه لو تدري وداعك يا حلو المعشر
موش العافيه يحسين ضلت يمك دموعي
بعد يا عافية الضلت وانه عايفتك مطشر
#محمد_شلش
كلشي توقعت بس فركتك لا
الميصير الوكت وياي سوا
من كد ما بجت عيني اعله فركاك
ما اشوفن كمت منا لهنا
كمت ادعي اعله روحي ان شالله تموت
وردت تابوت……بي اغفه
من يوم العفتني الهذا اليوم
انه النوم ……ما اعرفه
تدرون شمسوي جفاكم
صرت اكسر الخاطر وراكم
موت العوافي تهنو بل موت
كلبي اليحبكم ما نساكم
================
هلي ما اضن عليكم كلف ملكاي
هواي انتم وانه متعباتني هواي
عندي عتاب لاچن موش عل ناس
بكلبي عتاب اريد اعتب على الماي
وي كل دكة كلبي يكول يحسين
وينك وين …..دليني
شو ضليت اطفي النار بلنار
ومادري شصار ……حاجيني
ماي الشرب ما صاحلنه
جا بيمن نطفي خيمنه
من عكب ما شك صدر الغيوم
شو عل ترب طايح علمنه
======================
يمين الله الكلب متروس لوعات
بكثر ما عيني رمشت شفت شمات
وره الراح انعم الله وضاله الروح
عجيب شلون من عدت سلامات
علمني شسوي لمن اشتاك
صعب الفراك ……علمني
يسامر دمعي ياهو لمن تروح
شيبقه بل روح …..فهمني
يابو الهلا المدري شحلاها
الصوبك روحي صوباها
وعيونك الغمضهن الموت
ما اعيشن الدنيه وراها
===================
فرشت اباب عيني لجيتك دموع
ونذرت اشعل العشرة الجيتك شموع
ونعيت اعليك بس ما طلعت صوت
ليل وتدري صوت الليل مسموع
الاسود من عباتي كلوب عداي
همه والماي … هضمونه
بينه تحجي كامت كل الحلوك
بنص السوك … مرونه
لا هلا يكولون بحجيهم
وما عدنه والي يرد عليهم
مدللات شجابنه هنا
بس الوكت مرانه بيهم
====================
علي بخلت الدنيه بشوفتك ليش
والتعودن عليك يهودن بيش
مو بنصاف دمعي الطاح بجفاك
الخد واحد ودمعي الهد علي جيش
مخلصتها بجفاك دموع بدموع
وماكو موضوع ……بس انته
جفني ما يغمض لحضه بجفاك
اله وياك …….معودته
من بعد كل ذاكه دلالي
شو صار حال الضيم حالي
غالي اني دمعي بس الك لا
يحسين يرخصلك الغالي
#محمد_شلش
الميصير الوكت وياي سوا
من كد ما بجت عيني اعله فركاك
ما اشوفن كمت منا لهنا
كمت ادعي اعله روحي ان شالله تموت
وردت تابوت……بي اغفه
من يوم العفتني الهذا اليوم
انه النوم ……ما اعرفه
تدرون شمسوي جفاكم
صرت اكسر الخاطر وراكم
موت العوافي تهنو بل موت
كلبي اليحبكم ما نساكم
================
هلي ما اضن عليكم كلف ملكاي
هواي انتم وانه متعباتني هواي
عندي عتاب لاچن موش عل ناس
بكلبي عتاب اريد اعتب على الماي
وي كل دكة كلبي يكول يحسين
وينك وين …..دليني
شو ضليت اطفي النار بلنار
ومادري شصار ……حاجيني
ماي الشرب ما صاحلنه
جا بيمن نطفي خيمنه
من عكب ما شك صدر الغيوم
شو عل ترب طايح علمنه
======================
يمين الله الكلب متروس لوعات
بكثر ما عيني رمشت شفت شمات
وره الراح انعم الله وضاله الروح
عجيب شلون من عدت سلامات
علمني شسوي لمن اشتاك
صعب الفراك ……علمني
يسامر دمعي ياهو لمن تروح
شيبقه بل روح …..فهمني
يابو الهلا المدري شحلاها
الصوبك روحي صوباها
وعيونك الغمضهن الموت
ما اعيشن الدنيه وراها
===================
فرشت اباب عيني لجيتك دموع
ونذرت اشعل العشرة الجيتك شموع
ونعيت اعليك بس ما طلعت صوت
ليل وتدري صوت الليل مسموع
الاسود من عباتي كلوب عداي
همه والماي … هضمونه
بينه تحجي كامت كل الحلوك
بنص السوك … مرونه
لا هلا يكولون بحجيهم
وما عدنه والي يرد عليهم
مدللات شجابنه هنا
بس الوكت مرانه بيهم
====================
علي بخلت الدنيه بشوفتك ليش
والتعودن عليك يهودن بيش
مو بنصاف دمعي الطاح بجفاك
الخد واحد ودمعي الهد علي جيش
مخلصتها بجفاك دموع بدموع
وماكو موضوع ……بس انته
جفني ما يغمض لحضه بجفاك
اله وياك …….معودته
من بعد كل ذاكه دلالي
شو صار حال الضيم حالي
غالي اني دمعي بس الك لا
يحسين يرخصلك الغالي
#محمد_شلش
اهازيج لمولانا قمر العشيرة صلوات الله عليه
.........
طب للحومه طب وبعد ما مامش ناس
وكبار الزلم جوه الجدم تنداس
ملك الموت طب بهيئه العباس
ليش تكتر عزرائيل
الكافل طب للحومه
.........
ركض خوف ركضوا وصلوا الكوفه
المو كد الحرب من يوصله يعوفه
كلش كيفوا من كطعوا جفوفه
بلا جف ضل يسطر بيهم
........
اجاهم والزلم شردوا فرد شرده
وصل للماي خاف الماي من عنده
يم الجرف ذب جفينه مو وحده
بلايا جفوف وخافوا
كلها تهابك يالعباس
...........
من العطش يابس ريج عبد الله
دب الخوف بيهم عالزلم غفله
النخل ضل يعتذر عل السوته النخله
ذب عثوكه وضل خجلان
تعذر من الكافل
...........
سبع الكنطره وعالكنطره رباته
مو من سيفه خافوا حتى جلماته
فوك الخوذه ترعب حيل ريشاته
وتذكرهم ذي الفقار
الريشه الفوك الكافل
......
الخايف يلتفت ما يلكه البصفه
حتى الخيل خافت كامت تعرفه
النهر لليوم ضل متبري من جرفه
ما واصله لهسه الماي
ترابه وضل يذري
.......
جفه نكطع لمن شاف جفهم طال
وثكال الفصول طيح بس لثكال
يم بابك دخلنه وما لبسنه عكال
موش عكال نذب عليك
عليك الروس نذبهن
علي فتاح
.........
طب للحومه طب وبعد ما مامش ناس
وكبار الزلم جوه الجدم تنداس
ملك الموت طب بهيئه العباس
ليش تكتر عزرائيل
الكافل طب للحومه
.........
ركض خوف ركضوا وصلوا الكوفه
المو كد الحرب من يوصله يعوفه
كلش كيفوا من كطعوا جفوفه
بلا جف ضل يسطر بيهم
........
اجاهم والزلم شردوا فرد شرده
وصل للماي خاف الماي من عنده
يم الجرف ذب جفينه مو وحده
بلايا جفوف وخافوا
كلها تهابك يالعباس
...........
من العطش يابس ريج عبد الله
دب الخوف بيهم عالزلم غفله
النخل ضل يعتذر عل السوته النخله
ذب عثوكه وضل خجلان
تعذر من الكافل
...........
سبع الكنطره وعالكنطره رباته
مو من سيفه خافوا حتى جلماته
فوك الخوذه ترعب حيل ريشاته
وتذكرهم ذي الفقار
الريشه الفوك الكافل
......
الخايف يلتفت ما يلكه البصفه
حتى الخيل خافت كامت تعرفه
النهر لليوم ضل متبري من جرفه
ما واصله لهسه الماي
ترابه وضل يذري
.......
جفه نكطع لمن شاف جفهم طال
وثكال الفصول طيح بس لثكال
يم بابك دخلنه وما لبسنه عكال
موش عكال نذب عليك
عليك الروس نذبهن
علي فتاح
اهازيج لمولانا قمر العشيرة صلوات الله عليهم
.......
دخل للحومه حيدر موش عباس
ابن بدوية شنها وحطب سوه الناس
شد بيده رسنها وبيده شال الفاس
انت ابن الطابر مرحب
والجابنك بدويات ...
........
عرج بيها لسماهه ونزل بيها الكاع
ولگد فرسه وخسفها وشلّ الاسباع
و بحر دم المنايه و رفع بيه شراع
مركب نوح اتحير
الماي بدم سواه عباس..
.....
عصف ريح بجنحها وخيلهم فرت
سد بيده سماهه والشمس صفنت
طبگ بيهم الحومه الايد من سطرت
ورث حيدر للعباس..
ذراعه وجفه وطگت الايد
.....
حسين عبد الحسين
.......
دخل للحومه حيدر موش عباس
ابن بدوية شنها وحطب سوه الناس
شد بيده رسنها وبيده شال الفاس
انت ابن الطابر مرحب
والجابنك بدويات ...
........
عرج بيها لسماهه ونزل بيها الكاع
ولگد فرسه وخسفها وشلّ الاسباع
و بحر دم المنايه و رفع بيه شراع
مركب نوح اتحير
الماي بدم سواه عباس..
.....
عصف ريح بجنحها وخيلهم فرت
سد بيده سماهه والشمس صفنت
طبگ بيهم الحومه الايد من سطرت
ورث حيدر للعباس..
ذراعه وجفه وطگت الايد
.....
حسين عبد الحسين