قناتي دينيه جديده بدايه خير 🤍

الصلاة :
شوف يابعد عيني انت ، الصلاة هي فرض من فروض الاسلام ، الي تعد :
1- صلة الربط بين العبد وربه
2- هي عامود الدين
3- هي اول ما يسأل عليه العبد
4- وهي أعظم الفرائض وأهمها بعد الشَّهادتين
5- يقول النبي " عليه الصلاة والسلام " : العهد الذي بيننا وبينهم الصلاة، فمَن تركها فقد كفر
6- يقول النبي " عليه الصلاة والسلام " : بين الرجل وبين الكفر والشرك ترك الصلاة
شنو واجبك كـ(مُسلم) تجاه الصلاة
انتَ واجبك كـ(مسلم) انو تصلي الصلاة بوقتها ، لو شنو مجانت ضروفك ، انت هسه شاب مرتب واجبك فقط الدراسه ، ف متكدر تقطع 5 دقايق من وقتك بكل صلاة ، هي 5 دقايق متطول ، متاثر عليك ، بس فوائد الصلاة بوقتها كلش هواي يعني هي 5 دقايق بس بيها فوائد بكد شعر راسك ، واني اكلك كم وحده بس :
1- نورٌ للمسلم يوم القيامة وهي نورٌ له في حياته الدنيا
2- يرفع الله تعالى بالصلاة درجات عبده
3- محو الخطايا وتطهير النفس من الذنوب
4- تُدخِل الصلاة المسلم الجنّة برفقة الرسول
5- يرفع الله تعالى بالصلاة درجات عبده
6- قال تعالى " وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاء وَالْـمُنكَرِ "

هذني بعض من فضل الصلاة بوقتها ف انت شنو عذرك ؟ ، يعني اني هل ايام اشوف الي بعمله يقطع عمله ويصلي ، والي مريض يصلي ، والي معوق يصلي ، والي مشغول يصلي ، انت شنو عذرك ، بيوم الحساب تُسأل ليش ممصلي فلان صلاة بوقتها ، شنو عذرك ؟ جان عندك امتحان ، بس 5 دقايق متضرك ، ولا راح تقلل من عمرك ، ومن عدى الفوائد الفوك ، هي تطهير للجسم بين وقت واخر ، ورياضه للجسم ، ماكو اي عذر مقنع يخليك متصلي .

والصلاة فرض مو مثل باقي الفروض :
لان جميع الفروض اوصلها الله للنبي عليه الصلاة والسلام عن طريق جبريل عليه السلام ، اما الصلاة فقد رفع الله تعالى رسوله الكريم من الأرض إلي السماء عند سِدرة المنتهى في أقرب ما يكون لله عز وجل ليبلغه بتلك الفريضة مباشرة ً ، فما عذرك ؟
الي اريد اوصله :
شوف عيوني انتَ ، الصلاة فرض مهم ، ومثل ما كلت فوك ، يقول النبي " عليه الصلاة والسلام " : العهد الذي بيننا وبينهم الصلاة، فمَن تركها فقد كفر ، وفوائد الصلاه هواي لدرجة مكدرت اخليهم بل بوست ، من عدى هي صلة الربط بينك وبين ربك ، دتشوف عضمة الصلاة ، ف ليش تضيعها من ايدك ، متأثر عليك ، اديها بوقتها وبس ،
" لازم تقرأ الموضوع كله ، لتركز بس على الي اريد اوصله " ، وشكرا

اللهم في صباح يوم الجمعه إجعلنا من الذين شفعت لهم ،‏وغفرت لهُم ، وكتبت لهُم الجنة🌿.

اللهم في يوم الجمعة لا تعلق قلبي بما ليس لي واجعل لي نصيبًا فيما أحب وارزقني سعادة لا حزن بعدها يارب🐾

‏اللهم لا تدع لي أمراً إلا يسرته ولا حلماً إلا حققته .

رسالة اليوم وڪل يوم 🐾:
اصنعوا بينڪم وبين الله طريقًا لا يراڪم فيه أحد، ولا يعلمه أحد، خبئوا لأنفسڪم صالحات تنفعڪم يوم لا ينفعڪم فيه أحد 🤎.

عن لطف الله :
هواي سولفلكم عن لطف ورحمة الله ولحد اني مواصل 1% من رحمة الله سبحانه وتعالى ، ف اليوم راح نسولف عن رحمة الله بيوم القيامه
الانسان المؤمن بيوم القيامه :
يكلك المؤمن بيوم القيامه ، من يستلم الكتاب حيستلمه بيمينه ، بس اكو شغله قبل ميستلم ، حديث بين الله وعبده بس ، رب العالمين يكله انت صح مسوي فلان ذنب ؟ ، ف شوي هاي بيها خوفه ، هسه انت ابوك من يجي يكلك انت ليش مسوي فلان شغله والشغله غلط شيصير بيك ، جا تخيل ربك يكلك انت صحيح مسوي فلان ذنب ، هذا المؤمن شيريد يكول ، والله يارب غفلت مادري ومن هاي الامور واعذار متخلص ، ف رب العالمين شيكله يكله هذا ذنبك محيته وحولته الى حسنات ،سبحانك ربي شكد رحيم بعبادك
الانسان غير المؤمن ( الكافر ) :
بالنسبه للانسان الي مايستحي ويعصي الله بما رزقه هو ، يعني شلون يعني رزقك بايد سرقت بيها ، ضربت بيها ، رزقك بصوت تجاوزت بي ، رزقك بسيارة اذيت بيها العالم ، شغلت اغاني ، رزقك بمنصب دمرت البلد ، هاي للي يسويهم واكو بعد هواي هذا الانسان ميستحي ، زين اذا هو ميستحي بيوم القيامه شحيصير بي ؟ ، احنا مو كلنا قبل انو الحوار للانسان المؤمن حيصير بين العبد وربه بس ؟ ، لا هنا حتصير علني ، لان هو الانسان ميستحي شتريدون نساوي ويه المؤمن ؟ ، لا طبعا ، هنا حياخذ الكتاب باليسرى ويكلوله بل علن انو انت سويت فلان وفلان ، ومحد بينا يريد يصير بي هيج .
شلون رب العالمين يسحبك من النار يخليك بالجنه :
رب العالمين رادك بالجنه ، صح انت سيأتك هواي بس همين عندك زينات هواي بس يعني مو ال تفوتك للجنه ، ورب العالمين يكول هذا عبدي اريده بالجنة ، ف شلون يبدل سيأتك بحسنات ، عن طريق البلاء ، يعني ممكن مشكله ممكن مرض ممكن ممكن الخ.. ، انت متدري ضايج لان تمرضت مثلا ، بس بالاصل هذا البلاء حتى يبدل سيأتك بحسنات .
اللي اريده اوصله :
مثل اغلب البوستات الاخيره دائما اكول رحمة الله وسعت كل شيء ، رب العالمين دائما يريدك يمه ، وانت حاير تعصي ، وحتى اذا عصيته وعندك زينات همين رب العالمين ياما يغفرهم الك ، او يبدل بحسنات ، رغم انو انت الغلطان ، هم الك واهس وخلك تعصي ربك بعد هذا كله ؟ ، لا والله ، وشكرا .

اللهم اقضي كرب المكروبين و افرج هم المهمومين وسدد دين المدينين اللهم اشفي مرضانا ومرضى المسلمين اللهم إتينا في الدنيا حسنة وفي الإخره حسنه وقنا عذاب النار ، اللهم اطلبك بالجنه ، اللهم اعوذ بك من نار جهنم 🦋.

كُلشي بــــيد الله البديَنا بَس نحارب
ونسعىٰ " أسعىٰ ياعُبدَي وآنه اعيّنك " 🦋