في غيبته ما لقيت الا التعب والكلايف
‏والحظ كشّر بـ نابه عقب ضحكة ثناياه

بموت م جزت من حبّه ولاني بعايف
‏ويلي على قرب مضنوني وشوفه ولاماه .

‏والله اني ما اشتحنت الا على وقتٍ مضالي
‏يوم اوسدك الضلوع اللي لـ غيرك ما تهيّت .

‏يا صدفةٍ تسوى عطايا زماني
‏ويا نعمه تسوى " الفين نعمه " .

تراك الأول بالمحبه والاخير
‏زبنتني بالحبّ وابشر بالسعد

‏اهم شي إني دريت إنك بخير
‏وتحبني جداً وانا احبك بعد .

أنت ذنبٍ من ذنوب الفقير اللي عليه
‏سوّلت بك نفسه وجاء يتوب و ما قوى

‏استغفر الله من اللي مضى و أتوب إليه
‏الحديث يقول كل امرءٍ له ما نوى

‏نفسي من التوبه تحدني وتقول ليه
‏الهوى يومي بها كل ما هبّ الهوى .

أرتوت بك فيضة القلب يـ الوسّم الحقوق
‏لين مالت لك من الحب خضّر غصونها

انت نسـمة لطف منها عمّس بالي يروق
‏غايـة ٍلو زاجـل الحظ لي من دونها .

اجيب سالفتين حولك حواليك
‏لعل ياتي لك مع الناس طاري

‏وإن جا مجالك واستمروا بطاريك
‏قمت اتليهى كن مانيب داري ..

يارب نفسيّ لاتكلني عليها
‏وانت أعلم بنفسي وكثرة خطاياي

‏نفسي على الدنيا تسابق يديها
‏واخاف تقفي بي ملذات دنياي .

يعرف أسمي ويعرف وقفاتي ويبخصنيّ
‏ويدري إني فوق هقواته وفوق أماله

‏و يدري إنه ما يزودني و لا ينقصني
‏وإن نصاني جيت من بينه وبين ظلاله .

‏جعل امّي تحيا لي سنين ماتنعد . .