‏أحيان تلقى لك مع الناس إنسان
‏يغنيك عن كل العرب و الرفاقه .

‏العيد ماهو عيد من غير شوفك
‏يابخت من هو جالس اليوم وياك .

‏بمناسبة العيد نستذكر بيت مساعد الرشيدي الله يرحمه :

‏ما تجي ونخلي العيد عيدين
‏عيد خلق الله وعيدٍ على شاني .

عادك أنت العيد وأغلى العايدين .

‏من لايحس بقيمتك وانت موجود
‏ماهو بناشد عنك لاصرت غايب

‏حاول تفرق بيض الأيام والسود
‏ياقلب ما كل الحبايب حبايب

‏واللي يبيك يجيك لو دونك قيود
‏يكسر على شانك خشوم الصعايب

‏واللي يبي فرقاك لو دربك ورود
‏ماجاك لو انك من ادنى القرايب .

لا تساومني وأنا أدري وأنت تدري
إني أعاف الجفى لكن مـا أخافه

خابرٍ قدرك بصدري بس صدري
ما تعود يلحق المقفّي حسافه .

ماهو كفو الوقت حبك يمحّيه
‏ياللي تخاف ظروف الايام تمحاه .

عقب المحبه و سجّات الغلا و الوصال
‏سبحان نازع غلا الاحباب من بينها .

‏ترى الكلام الزين مثل المفاتيح
‏يفتح لك أبواب القلوب الصعيبه .

‏طالما الزعل وارد فلا تحبون إلا اللي
‏ يحن علييكُم مثل اللي قال:
‏"عسى مازعلتك البارح وزوّدت الجراح جراح
‏عسى ما مرّت الدمعة على اهدابك - من أسبابي ".

‏مافي أحد يقدر يخسرك مرتين
‏ألاّ اللي معطيه أنت فرصة ثانية .

‏لا تعطي أيّامك .. سوى من يثمّنها.

‏أقدّر من يقدّرني وأفارق من وجب فرقاه
‏وأجلّس كل نفسٍ فالمكان اللي يناسّبها .

‏صكيت باب العتب ماعادّ له داعي .

‏مدري وش الحل ولادري وش الدبره
‏لا صرت أنا أبعد الناس وأنا أولى بك

‏يا سيد القلب قلبي مل من صبره
‏متى المقادير تاخذني على بابك ؟

شاحبه ماكنّك أجمل بنت في شبه الجزيرة
‏وانتي اللي في كنفها لذة - العمر القصيّر .

وشلون أبسلى عنك وأدله
و أستخير
و أنت الطريق بناظري وأربع جهاتي .

باقي على عيد الأضحى عدة أيام
متشفّق لشوفتك لو هي صورة
العيد لا يعدي مثل عيدي العام!
عيد ماشوفك فيه باهت شعوره .

‏من العايدين وجعل أعيادك تعود
‏وجعل الظروف القاسيات تْلاين

‏أهم شي إنّك على الأرض موجود
‏وباقي الأمور اللي وراها هواين .