‏عينٍ ماشاهدت حسنك الوهاج ما مرّها عيد .

‏يا أول غلا وأخر غلا يكبر مع الوقت ويزيد
‏جعلك بعد ناسٍ محبتهم تباع وتنشرى .

‏وش العيد وليال الهوى والشعر لولاك
‏يا فرحة ملذات العمر وأجمل أعياده .

‏أخترت قربك بين هالناس نقوه
‏وأعميت عيني عن غلا كُل مخلوق .

‏وإن حكى بأسلوبه الذرب الرزين
‏يسرق من الجوف قلبٍ يسمعه .

من زود ماهي فارقه في كل شي
ظني تمايمها ظبي ولا غزال .

‏أنت تدري ما على الأرض منك أغلى و أحبّ
‏و أنا داري ما على الأرض غيري تهتويه .

‏صباح الخير أما بعد :
‏من وين ما تشرق علي شمسك
‏أقول أصبحت أحبك وأصبح الملك لله .

ذخرتك للعتم فيني، سبقتك فالمدى عمرين
‏أميل من الدروب ولا تسنّدني سوى أكتافك .

‏ما دام حبتنا قلوب الطيبين
‏مانبغى قلوب الرخوم تحبنا .

‏خذني من الزمان ومن دواعي جهاده
‏أنت قلبك يمون و خطوتي لك جريّه .

لاصبّحك بالخير ، وجهٍ تحبّه
ودّك يصير العمر كله صباحات .

‏لو ما عندي بهالدنيا إلا أنت يكفيني
‏يا سلوة الروح يا أنسي ويا سعدي .

عسى سيرتي تنذاع مع خيرة الاحباب
‏ ولا تذكر في موقفٍ مايشرّفها .

‏تباهي في ذراي ولك يلين الخاطر الجلمود
‏ جعل قلبٍ يوريك القسى ما يقبل إحسانه .

‏يصون الموّدة من يجازا بوّد وطيب
‏ويعيف الموّدة واحدٍ شاف مايكره .

احب انا شوفك و صوتك و طاريك
‏دايم وفكري فيك هايم وحاير .

‏جيت فارق عن زمانك نادر وراعي أصول
‏ما تشابه غير ذاتٍ خصّها ربي معاك.

‏لا تـلـوم الـجـاهـل لا جـهل قـدرك
‏الأعمى لا لمس الجوهرة ما يثمنها .