تستني برة شوية يا حلوة ؟
___________
رد فعل الدكتور واسألتو الكتيرة وترتني تماما او شبه بقيت خايف انو سحر عيانة لمن قاليها تستنى برة كنت متاكد انو الكلام الحيقولو لي ما حيكون كويس !
ف شنو ي دكتور خير ؟  انت زوجها ؟ ايوة طيب شوف نتيجة التحليل القدامي دي فيها انو المريضة بتعاني من لوكيميا ، بعد كلمتو دي انا بقيت لا بسمع لابشوف ..
انا عارف انو  الخبر دا صدمة خصوصا انو الزولة دي م جات وهي حاسة باعراض بس الحاجة الكويسة انها لسة ف البدايات يعني في أمل !
قلت ليو ايوة ي دكتور بس هسي العمل شنو ومفروض يحصل شنو ؟ قالي ف تحاليل كتيرة مفروض تتعمل ليها انا بكرة حكون موجود الساعه ٩ ص تعال وانا ح اعمل التحاليل دي قلت ليو تمام ..
طلعت منه والدنيا مسودة ف وشي كانسر ؟ ولانقول الا مايرضي الله
_______
معتز جاني طالع وشكله كان غريب ! معتز مالك؟ قاليك شنو مسكني من يدي شديد وساقني وصلنا العربية قلت ليو معتز مالك؟ رد لي وصوتو غريب زاتو ! قالي بكرة ف تحاليل مفروض تجي تعمليها تاني عشان يشوفو الحاصل قلت ليو والنتيجه دي ! قالي تحاليل بكرة حتأكدها ..
سكت على كده ، وصلنا البيت وهو دخل الصالون من غير اي مقدمات ، مشيت لقيت جمان وسمر بتونسو وعاملين قهوة قلت ليهم الله كبو ليا جمان قالت لي الشفع بعيد قلت ليها لو سمحتي الشفع عرسوا اقعدي انتي ! سمر عاينت لي قالت لي شفع منو العرسو؟ قلت ليها انا! قالت لي عرستي؟ متين ووين؟ وليه ماف زول كلمني؟ قلت ليها معتز قال حيكلمك هو ! قالت لي عرستي معتز ؟ جمان قالت ليها اقيفي احكي ليك وبدت تحكي ليها الحصل من قبل يوم عقدها ! لمن جمان انتهت سمر وقفت على حيلها وقامت طلعت مننا قلت لي جمان تفتكري زعلت مني؟ قالت لي حاساها زعلت مننا كلنا !
________________
سحر دي اغلى زول في حياتي ، سحر المشاغبة المستهبلة المزعجة الكلامها كتير ! كل حاجة في سحر كانت محلياها حتى لو بضايقني انا بحبها زي م هي ! م ح اقدر اتخيل انو هي عندها كانسر ! وممكن تعيش وممكن ......
  كنت بتذكر من لما كانت شافعة وكنت بشيلها وكل فترة كانت بتكبر قدام عيوني وكنت بحس بمسؤولية اكبر تجاهاا !
جاتني سمر بصورة اندفاعية شديد  قالت لي معتز كيف تعرس سمر وانا اخر من يعلم ! قمت من السرير وقفت قلت ليها اقعدي قالت لي ليه م وريتني وقعدت تبكي ! قلت ليها سحر عندها كانسر ! وقفت مخلوعه ولابترمش مسافة ! قالت لي نعم ؟ زي م قلت ليك !  قعدت ف السرير ودموعها بقت شلال قلت ليها انا اسف اني قلت ليك كدة بس الدكتور صدمني زيك كدة ! بكرة في تحاليل مفترض تبداها وغالبا بعدهم حتبدا علاج ! قالت لي كيماوي ؟ سحر اختي ؟ هزيت ليها راسي
.....
بكرة من الصباح قلت ليها ماف مدرسة حنمشي المستشفى عشان ف تحاليل مفروض تعمليها !
مشينا فعلا لقينا الدكتور سلم علينا ولا ادانا فرصة زاتو ، هي كانت مخلوعة وانا كنت خايف قالي مافي طريقة تخش معاها وقفني وشفتو هو سايقها وبتعاين لي بعيونها ما اخليها بس الدكتتور اصر بقيت منتظرهم ساعتين عديل حتى جو طالعين ، اول م شافتني جات ضمتني وقعدت تبكي !  الدكتور قالي انا اسف بس الفحوصات دي حارة شوية النتيجة تعال استلمها المساء على كدة سوقتها وطلعنا ..
_______
والله ح امشي افتح فيها بلاغ هي واولاد اهلها كيف يعني يضربو ولدي بالطريقة دي !
امي كانت مصرة انها تفتح بلاغ فيهم ، بس هي م عارفة انهم برضو ممكن  يفتحو فينا بلاغ !
الضرب الانا اضربتو دا كله استاهله ! استاهله لاني جبان ، انا لي هسي بتذكر اول مرة شفتها ، كانت طالعة من المحاضرة ،جمب باب القاعة اتطاقشت مع بت وقعت شيتاتها وشنطتها  ووقع منها روج ومنديل وقروش ! البت حاولت تساعدها هي ابتسمت ليها سريع ونزلت رفعت حاجاتا ، كانت جذابة بطريقة ملفتة لونها الاسمر الرويان ، عيونها الواسعة ضحكتها وابتسامتها كانو سمحات بصورة مبالغة ! بتذكر شعوري وقتها اني كنت عايز البت دي ..
عايزها تكون معاي ! تكون مرتي ! اول بت اشوفها وم افكر اقضي معاها زمن حسيتها م بتستاهل تتجرح!
ياريتني لو لعبت بيها اهون من العملتو فيها ، اهون من الضرب اهون من نظرتها المكسورة الكانت بتعاين لي بيها ، كانت وردة مفتحة ، بس انا عملت شنو انا طفيتها وخليت ملامحها بتبكي !
انا مش بستاهل الضرب ! انا بستاهل حبل المشنقة عديل ،
امي اكتر زول عارف اني انا حبيتها ، بس هي ! هي وقفت ضدي واشتغلت فيني تحريش ، هزت صورة سمر في عيوني ! سمر عملت ، سمر فعلت سمر سوت ، وانا عارف انو سمر ما سوت بس انا ما كنت بقدر اقول ليها لا ! مابعرف اقوليها لا اصلا لحدي م ضيعت حاجات كتيرة في حياتي !

....
يا ولد انت م سامعني؟ انا ماشة القسم هسي دي بتمشي معاي ولا لا ؟
لاول مرة قررت اني اقول لا اني اقيف ضدها وضد اي شي غلط بتعملو !
ما ماشي يا امي وانتي زاتك شبر من البيت دا م حتطلعي منو ! مش مرتي ؟ ومش انا ضربتها ؟ وغلطان ؟ وضربوني؟ انا م زعلان ! انا م زعلان ولو كانو كتلوني عديل م كنت ح امشي اشتكيهم !
عشان جبان !
اي جبان ، جبان لاني كنت بخاف منك ! بسبب خوفي منك خسرت اكتر زولة حبيتها ف الدنيا ! من الليلة اوعك تحاولي تتحكمي فيني ! من الليلة انتي امي وبحترمك ، بحترمك في الحاجة الصح ، بس مافي حياتي ومافي قراراتي ومافي اي غلط انتي بتقوليه اما غدير بت خالتي ف انا م عايزها وم حسيت يوم واحد بيها بعد خفتها واي شي بتعمله عشاني ! بس رجاء خليني ف حالي !
اتقدمت منها خطوتين ! وشوفي هنا بناتك البمرقن وبجن ١١ و ١٢  دا تاني مافي م تقولي لي ششغل ولا زفت ! انا كلام الناس سامعو ومتجاوزو عشان انتي قلتي شغل بس شغل شنو اابخليهم يجو متاخر اي وحده عايزة تشتغل تشتغل من ٨ ل ٤ والا م حيحصل كويس واعرفي كويس لو لقيت البنات ديل بعملو ف حاجات م بترضي ربنا انا ح اقتلهم بي يدي دي !!
صح كنت هايج وبجوط ، بس لاول مرة اكون مرتاح لاني عملت الصح !


‏يقول أحدهم قبل زواجي قالت لي أمي:
"إذا أسعدت زوجتك عادت السعادة إليك، وإذا أحزنتها عاد الحزن عليك، فاختر لنفسك“🌸 .

#أميرتي_قاصرة9
بقلم امل الشيخ
صحيت الصباح بوش نعسان بقيت اعاين للسقف واتامل ف شكل حياتي الجديدة ، حياتي الخالية من حنان الامهات ودفء البيوت ! يعني اي وحده بعد اهلها يموتو بعرسو ليها؟ ولا بس اهلنا !
عزو حاليا بيعمل ف المستحيل عشان عزيز مايعرسني ! بس انا بالجد زعلانة ليهو بدافع عن وحده اصلا خسرت حياتا بعد وفاه امها جسم ماشي من غير روح !
ماحسيت الا بزول داخل لقيته عزو ! عاين لي  قالي الساعة ١٠ بالمناسبة ! ماعارفة بس حسيت شلال دموع نزل هو اتخلع وجا قعد جمبي وبقا يسالني مالي ؟ في زول ضايقك ؟ هزيت ليهو راسي لا قالي طيب مالك قلت ليهو عايزة امي ! ودموعي زادت وقلبي وجعني شديد ، كنت حاسة انو قلبي عايز يطلع من محله بسبب الالم ، كنت حاسة بجبل ف صدري م عارفة اشيله كيف ! كان بيمسح لي ف دموعي بس م كانت بتقيف ، بقا قاعد معاي وبهدي فيني مسافة حتى هديت قالي انا عارف انو دي اسوأ فترة ممكن تمري بيها بس صدقيني حتعدي زيها وزي اي فترة صعبة !وربنا مابختبر زول اختبار الا وعارف انو الزول دا قدرو ♡ قلت ليهو انا ماعايزة اي فترة صعبة انا عايزة امي عايزاها تتكلم معاي وتقولي انها قاعده وجاية قريب تخلصني من الانا فيهو دا حاسة نفسي مضغوطة ، قرايتي ومستقبلي وكلام عزيز عن انو عايز يعرسني وهروبنا دا  وسمر البقت مافيشة ، ما حاسة بامان ولا استقرار حاسة بخوف بس وحاسة اني ح اورطك معاي ! يعني من دون الناس دي كلها انت وقعت مع خالي اسعد وعزيز ولدو ، ربت على كتفي قالي عايزك تروقي وتهدي  وكل شي بتحل م تخافي ! تلفونو دقا فجاة ، لمن طلعو كانت دي سمر مسحت دموعي قلت ليهو رد ليها ، وفعلا رد ليها سلمت عليهو وسالتو مني وورتو انها نزلت السودان في بيت نسابتا وحوار طويل! قاليها كيف يعني تسكني عندهم؟ دا م اتفاقي معاهو ؟ ردت ليهو ختاني امام امر واقع وانا حاليا خايفة شديد وم عارفة حشوف شنو مدام اتراجع عن قرارو من الاول كده الله اعلم دا يتراجع عن شنو تاني ! بس صدقني خايفة من الجاي ! عزو شال التلفون وطلع بيهو برة .. عزو لما طلع دعيت ليهو من قلبي ربنا يعينه ويقدرو على مسؤوليتنا دي !
بعد مسافة جاتني سلوى شكلو رسلها ،، قالت لي يخسي عليك انا من الصباح منتظراك تصحي عشان اتونس معاك قلت ليها معليش قالت لي م معليش قومي غسلي وشك وتعالي نتفاهم ! مشيت غسلت وشي واتسوكت واتوضييت صليت وهي دا كله مستنياني بعداك طلعنا مشينا لامها صبحت علي قالت لي خفت عليك والله ي بتي ان شاءالله انتي كويسة ومالو وشك مورم كده ؟ ردت ليها سلوى قالت ليها دلع بنات يا ماما وحده تلقى زي عزو وم تدلع عليهو وقعدت تضحك ! حسيت نفسي ف فتيل! امها ضحكت قالت لي والله ي بتي الله اداكم عزو دا ولد السرور والخاطر المجبور ياريتو ولدي وعقرت عليهو سيد الرجال ابتسمت ليها ، قالت لي والله من خوفو عليك ! لمن الناس كلها قادرة تلاحظ ! قلت ليها ماما بعد اتوفت مسكتو مسؤولية كبيرة شديد قالت لي ربنا يحفظكم لي بعض يابتي ويلمكم ، قلت ليها امييييييييين سلوى ضربتني قالت لي اختشي قلت ليها ليه قالت لي امي قاصده يعرس ليكم ، خجلت خجل م كنت قايلة قصدها ككدة ..
_________
بعد قفلت من سمر حسيت نفسي متوتر وحسيت انو امجد دا م الزول الصاح ولا حسيته ناوي على خير كيف يخلف كلامه مع الرجال؟ بقيت ماشي ومتحير م عارف اتصرف كيف مع سحر وعزيز وكمان سمر  ! ..
من اول ما مسكت مسؤوليتهم وانا خايف اني ابقا ماقدرها ، خايف من اي مشكلة تواجهم وم اقدر احلها ما كنت بعرف حاجه اسمها خوف بس حاليا انا خايف من الظروف واختبارات الدنيا ، يارب ما تختبرني فيهم ..
الباب خبط قالي انا سامي قلت ليو يخش لقاني واضح علي التوتر قالي انا م عارف لكن التوتر الكتير دا بقتلك يوم قلت ليهو شايل هم البنات ، قالي يعني صحي ابو البنات شقيان ! وقعد يضحك جيت قريب منه قلت ليه الهروب مابنفع يا سامي ! وخالي م حيسيبني ف حالي ! سامي قالي ف حل عايز اقولو ليك بس خايفك ترفض ؟ قلت ليه  شنو ؟ قالي عرسها !!!!!
لمن قال كده اتنفضت منو ورجعت لي ورا ؟ قلت ليو ن.. نعم؟ كيف يعني ؟ هو انا حاليا هارب بيها عشان م تعرس اجي اعرسها انا يعني عملت شنو ؟ سامي قالي يا ولدنا افهم انت قلت عزيز مشكلته شنو ؟ عايزها ٩٠% عشان ينتقم منك هزيت ليهو راسي قالي اما انت ف اكتر زول خايف على مصلحتها وف رواية اخرى بتحبها بس م قادر تشوف الحاجه دي ! قلت ليو لالا حب شنو ؟ انت بتهظر ولاشنو الزولة دي اختي الصغيرة ؟ قالي روق يا ولدنا اسمها سحر حسام وانت معتز خالد اخوان بي وين ؟ والله مافي حل غيرك انت عرسها بس على الورق ، عشان مافي زول يضايقك وتقدر ترجع تقعد معاها ف البيت عادي وزول يسالك مافي ! لمن تكبر شوية وتبقى ١٨ سنة لقيت نفسك بتحبها جد جد واصلو لقيت انو مشاعرك مشاعر اخوان طلقها وخليها تعيش حياتها كانو م حصل شي  ! يعني انت حتعرسها عشان تحميها بدل الجهجهه المعيش فيها بت الناس دي !ممكن يكون قرار متهور بس صدقني انسب قرار في الوقت الراهن ..! عموما

انا اتاخرت على شغلي يلا لي بعدين
مرق خلاني لافي حوالين نفسي وحيرتي زادت بعد كلامه ، قلت ارجع الغرفة اشوفها لو قامت ولا لا ، دخلت لقيتها مافيشة قعدت ف سريرها وبقيت اعاين للكومودين جمبها كان ف صور كتيرة ، صورنا انا وهي وخالتي وسمر وصورها مع خالتي ، تحت الصور كان ف دفتر وقلم زحيت الصور شوية وشلت الدفتر ، دا نفس الدفتر المرة كنت طلعته من شنطتها وخطفته مني مكتوب مذكراتي ، انا عارف انو دي خصوصيات بس كنت حاسي بفضول كبير تجاهو ، عايز اعرف الطفلة العمرها ١٤ سنة دي ممكن تكتب شنو ؟
فتحت اول صفحة ..
" لم اكن اعتقد يوما اني سأحتاج لان اكتب ما اشعر به على دفتر مذكرات ، اليوم اكملت عامي الثالث عشر ومع ذلك  معتز لم يعاملني كانسانة بالغة رشيدة ،كانت اهم رغباتي ان يراني كبيرة مثلما يفعل مع سمر .. معتز هو ابن خالتي يكبرني ب اربعة عشر عاما توفت امه وهو ف الخامسة من عمره ، لم تفرزه امي عنا ، ربما كان ابنها المفضل اكثر مننا لانها لم ترزق بصبي ، احيانا كثيرة كنت اتذمر من وجوده لانه انسان عصبي جدا ولايمكنني تحمله لايتوقف عن امري ونهيي وكانني ابنة عامين يجهل تماما انني اصبحت كبيرة ، قد اكون راشدة ولكن ليس الرشد الكافي ولكنني تماما عاقلة جدا عكس م يقول هو دائما يستخدم اسلوب الامر معي كثيرا ما اسبه ف داخلي واشكيه لوالدتي لكنها تقف ف صفه دائما وتخبرني انه يخاف علي !
اتذكر يوما كنت عائده من المدرسة برفقة صديقااتي كنا نتسكع ف الشارع وجدني هو ورفع صوته علي وطرد البنات ثم امسكني بقوة وذهبنا الى البيت اخذت عقابا بسببه لمدة ثلاثة ايام حقا انا اكرهه جدا اكره وجوده معنا "
مسحت على لحيتي وانا بقرا جملة انها بتكرهني !
فطيت كم صفحة ..
" اخذني معتز الى المدرسة اليوم كان لطيفا معي لاول مرة حتى انني لم اتعرف اليه اردت ان اساله ولكنني خفت ان يتغير اسلوبه معي ، كم احب هذه الطريقة اللطيفة التي يعاملني بها "
.. واصلت وقلبت الصفحة ...
" معتز اراد مني صنع قهوة له ، لم يكن على بعضه وكانه مريض خفت عليه جدا خصوصا ان جسمه كان حارا ويتصبب عرقا خفت ان يموت مثلما مات ابي ، وتمنيت لو انني لم اكرهه بهذه الطريقة ، هو مسكين جدا ليس لديه اخوات ليعتنوا به ليس هناك سواي انا وسمر ، لكنني اشعر اني اخاف عليه اكثر رغم انه انسان قاسي الطباع وتمنيت كثيرا لو لم يكن معنا لكن ايضا لا استطيع تخيل شكل حياتي وهو ليس فيها .. اسرعت واحضرت له القهوة ومعها مكمدات باردة رأتني والدتي واتت باتجاهنا خافت جدا عندما رأته ف تلك الحالة اصرت عليه الذهاب الى المستشفى اخذته هي وسمر وتركوني مع جارتنا عفاف ، حزنت كثيرا انهم لم ياخذوني معهم انا ايضا خائفة عليه ، وقتها لم اجد امامي حلا سوى الصلاة توضأت وصليت ودعيت الله كثيرا ان يرجع بالسلامة ، بعد مرور ساعتين عاد وهو ف حال احسن من التي كان عليها ، الحمدلله ان الله استجاب دعواتي ، رغم انه كان يوما عصيبا الا انني اكتشفت مدى حبي الشديد ل معتز ، وكراهيتي التي تظهر علي ماهي الا كلام من وراء قلبي ورد فعل لاسلوبه المتوحش معي ورغم اسلوبه انا احبه كثيرا فهو اخي الذي لم احظى به "
... كنت متأثر بكل كلمه بقراها ، وانا بقرا باحساسها وصوتها ، ما انكر ضحكتي لما قالت انها بتحبني شديد وانو ماحتعرف تعيش في دنيا انا مافيها .. فطيت كم صفحة ولقيت
" اعتقد انه اليوم المشؤوم ، اسوأ يوم قد عشته منذ وفاة والدي لم اشعر بغصة في قلبي مثلما احسستها الان ، لم اتقبل الى الان ان والدتي توفت قبل اسبوع ، توفيت امام ناظري ، منظرها كان مبتسم واكثر ما كان يطمأنني انها قالت الشهادة وكثيرا ما كنت اسمع ، من كان اخر كلامه ف الدنيا لا اله الا الله فقد دخل الجنه! ولكن هذا لا يعني اخفاء حوجتي لها ، اصبحت الان رسميا بلا ام ولا اب اصبحت يتيمة الابوين وليس هناك اقسى من ذلك علي ، ما كنت قادرة على التصديق عمودنا الفقري وضحكتنا وشمس بيتنا الان غابت ، غابت الى الابد ، اذكر قبل يومين من وفاتها في الساعه الثانيه صباحا ، كنت اشعر بشعور سيئ للغاية كنت اشعر انني ساموت استيقطت مهلوعة وذهبت الى غرفة والدتي التي صحت بصوت الباب ، جلست ف نصف السرير وفتحت الضوء عندما راتني بمنظر لا احسد عليه قامت بسرعه واتت الي اصبحت تتكلم بسرعه ، انتي كويسة مالك ي بتي ؟ ف شنو ؟ ف حاجه واجعاك ؟ وقتها شعرت بانني احضنها حضنا عميقا بكيت بشدة ثم اخبرتها اشعر بانني ساموت طبطبت علي وقالت لي انها تهيؤات فقط ، اخذتني بجانبها الى السرير قرات لي الاخلاص والمعوذتين وحصنتني جيدا ثم شعرت براحة غريبة ضميتها كما فعلت هي ثم غطيت ف نوم عميق ، انا الان افتقدها افتقد حنانها افتقد صوتها افتقد كلماتها الصباحيه افتقد حتى صوتها العالي عندما تصرخ في وجهي امي غابت بتفاصيلها الى الابد  ..

ماكنت قادر اكمل الصفحة دي .. فطيتها وصلت لي صفحة كان بدايتها ..
" لاول مرة اشعر باني مغرمة باحدهم اشعر بانني لا استطيع تخطي خطوة واحدة من دونه ...هو ..
فجاة صوت زول دا شنوو؟؟؟ اتلفت لقيتها هي وسلوى جات بسرعه خطفتت مني الدفتر وبقت تبكي وبصوت مبحوح أ .. أنت ق ريتو؟؟؟ جيت ارد عليها قاطعتني قالت لي مش قلت ليك دي خصوصيات م مفترض تقراها انت لمتين حتعاملني بالاسلوب دا ؟؟ ليه تقرا حاجاتي انت م بتحترمني ولابتحترم خصوصيااتي بقيت واقف بعاين ليها وهي منفعلة سلوى حاولت تهديها زحتها منها ! قالت لي معتز اطلع من هنا ! طبعا بقيت مصدوم فيها وف ردة فعلها ، وفعلا طلعت بهدوء وانا بفكر هي مغرمة بمنو؟ يعني بتي الصغيرة ف زول ف حياتها ؟ لدرجة بتقول مغرمة ياربي يكون عزيز؟ اصلا الثقة البتكلم بيها عزيز كانو ماخد الاذن منها ! دخلت الغرفة التانيه وقعدت ف السرير وبقيت خاتي يديني ف راسي ..
________________
اول م رجعت من السفر مع امجد ومشينا بيتهم ما كنت حاسة بامان كنت خايفة وحاسة بتوتر عجيب ، كنت بقنع نفسي انو شي طبيعي عشان اول مرة اجيهم ! لمن دخلنا امو جات مسكته وحضنته وسلمت عليه شديد ، حسيت بوخزة ف قلبي واتمنيت لو امي كانت عايشة انا حقيقي محتاجه لي ضمتها ف وقت زي دا عشان احساس الخوف دا كله يتلاشى .. لمن فكتو امجد اتقدم وبقا يسلم على اخواتو آن و ألاء ، امو مدت لي يدها وقالت لي اهلا بصورة مستفزة شديد م اتوقعت طبعا تعمل كده ، بقيت ماشة وراهو آن سلمت علي كويس والاء كمان بعد شوية خالاتو اتننين هناء وهادية جو من جوة وقعدو يزغرتو ، خالتو هناء مسكتني حضنتني حضن لمن بكيت يمكن كنت محتاجة ابكي فعلا ، هادية سلمت علي عادي بعداك قعدنا جابو لينا موية وبارد وامو كانت قاعده جمبو وتسال فيو شهر العسل كيف ، بعد شوية خالتو هنا قالت لي قومي غيري تلاقيك تعبانه شديد هسي قلت ليها اي والله قامت معاي وجرت لي شنطتي كنت حاسة بيها حنينة وطيبانة شكرتها شديد كوركت لي الاء جات معانا ، كان حيطة فاصلة بين بيتهم والبيت الحاسكن فيه مع امجد كانت غرفة وقدامها صالة صغيرة اما الحمام والمطبخ فكانو قدام ف الحوش ! اتذكرت المفاتيح قلت ليهم مع امجد الاء قالت لي طيب بجري اجيبهم وفعلا مشت جابتهم سريع وجات ، فتحنا البيت كان نظيف ومبخر بس الصالة كان فيها سريرين لو شافع قعد فيهم ممكن يقعوا ، دخلت الغرفة لي جوة ومعاي خالتو هناء وفتحت معاي الشنطة وقلعت توبي طبقتو لي اختارت لي لبسة وقالت لي الاء ولعي البخور الاء مشت ولعت المبخر الكهربائي كتر خيرهم اتذكرو يجيبو مبخر ، بعداك قالت ليها امشي ختي صينيه الغدا سريع قلت ليها مافي داعي تتعب نفسها قالت لي انتي عويرة انتي لسة عروس الاء طلعت ، قالت لي ي بتي تعالي اقعدي جمبي هنا دا عايزاك ف كلمتين ..



الغاية من الزواج هي الأُنس..عقلٌ بجوار عقل وقلبٌ مربوطٌ بقلب ويدٌ تُداوي وروحٌ تُعين ونفسٌ تُطمئِن.❤

#أميرتي_قاصرة15
بقلم امل الشيخ

طول اليوم ما سلمت من تعليقات سحر ليه م عايز توريني الحاصل شنو ؟ ف شنو؟ ليه الدكتور اتكلم معاك براك ، كيف يعني فحوصات محتاجة زمن ، م تدس مني شي !
يومتها م كنت ناوي امشي المكتب ، بس مشيت ! مشيت عشان م كنت قادر استحمل كلامها ونظراتها ! كيف ح اقول ليها عندك كانسر والعياذ بالله ! كيف ح اواجها بخبر زي دا ماشي وانا م مصدق بقول يارب يطلع كلام وخلاص ! يطلع لخبطة ف النتيجة يحصل اي شي ! سحر م تستاهل كده ولا انا ح استحمل تمرض او يحصل ليها شي تاني ! ..
______
كده انتهيت ياستي دا الحصل بالتفصيل هو بحبني جدا قالي ومستعد يعمل اي شي عشاني وانا ، وانا حاسة اني بحبو شديد !
سمر انتي سرحانة؟ سمعتيني قلت شنو؟
عاينت ليها ، سمعتك وفهمتك ! بس عايزة منك حاجة واحدة م تتسرعي ، اتاكدي انك بتختاري الزول الصح ! الزول الغلط ح يستهلكك ح يدمرك وف الاخر حيرميك !
قالت لي يمكن انا م بعرفو غير سنة واحدة ، بس ماقدر يكون مثالي السنة كلها ! اتشاكلنا اتخاصمنا ، زعلت منو نكدت عليه كرهتو سنينو تصوري حتى وانا مشاكلاهو وحصل معاي شي في النهاية برجع ليهو هو ♡
نهائي م قالي انا زعلان منك ما عايز معاك كلام °♡
عمرو دا الانسان ال ح اقدر اعيش معاهو ياسمر وانا مطمنة !
قمت حضنتها وانا بتمنى ليك كل خير ! بتمنى انو ربنا يكون ختاهو ليك الشخص المناسب عشان انتي حلوة وم تستاهلي تتكسري يا جمان! قالت لي
ومنو قال انتي غير كدة برضو ؟ انتي حلوة شديد من جوة ومن برة ، اوقات كتيرة كنت بحاول اكون زيك عاجباني شخصيتك عجب شديد مش انتي بت عمتي بس انا بحسك اختي وقدوتي مابغير منك بس عايزة اكون زيك جد جد انا بحبك ولقيتا ضاماني عليها قالت لي انتي عارفة ربنا حب بس يختبرك ويوعيك شوية من ناحية العلاقات ويخليك تميزي الزول الكويس من الكعب عشان م تتخذلي كتير ف الدنيا دي قلت ليها ونعمة بالله .. بعداك قالت لي انا اتاخرت ح امشي عشان بابا م ينقنق ! قلت ليها تمام خلاص وريني البحصل اول ب اول ..
_________
طلعت من المكتب مشيت المستشفى سالت من الدكتور والتحاليل في الرسبشن قالت لي التحاليل مع الدكتور بس هو حاليا جاهو ظرف طارئ  وسافر ! قلت ليها سافر؟ سافر وين يعني؟ قالت لي البلد اظن ابوهو اتوفا .. لمن قالت لي كدة حسيت وجعة ف قلبي ! كان نفسي اكون مستقر مع ابوي وعارف عني اي شي ابوي صح هو م كعب بس ابوي مرتو بتحركه ! رغم اخر موقف وهو وقف ضدها بس حسيت اني لازم امشي لانو بيتها ! سالتها الدكتور حيجي متين قالت لي سجل لي رقمك اول م يجي ح اتصل عليك قلت ليها خير سجلت رقمي وطلعت ..
________
هسي انت عيان كدة ولدك م جا شافك ؟بصوت تقيل رديت ليها ولدي م عارف وانتي شكلك م كلمتيه ! نادت نور بتها يا نور انا مش اتصلت لي معتز خالد وكلمته اي اتصلت عليه وكلمته ! ولدك م بحبك يا بابا خالد !
كحيت شوية كدة ! وسكت خليتهم !
اي نعم طول عمري كنت جافي مع معتز وم اشتغلت بيهو كتير بس كنت واثق انو مستحيل معتز يعرف اني عيان ويسيبني كدة ! انا واثق في تربية نسمة امه ربنا يرحمها ويغفر ليها ..
اخدت غفوة فترة من الزمن صحيت لقييت مياس جمبي وبتعاين لي وبتبكي !
مالك ي مياس انتي كويسة؟ لا م كويسة يا بابا م كويسة انت حتبقى كويس مش ؟ كيف التحاليل تطلع نضيفة وانت عيان بالصورة دي لازم نشوف مستشفى تاني ! انا م حستحمل انك تكون بعيد عني يا غالي انت دنيتي كلها يا ابوي ♡ وضمتني وزادت ف البكى قالت لي امي عايزاك تكتب ليها كل شي باسمها عشان خايفة من معتز والورثة ، وبتها بس ي بابا انا م عايزة ورثة انا عايزاك تكون معاي !
______
جيت راجع المساء ، دخلت براحة زي الحرامي فتحت النور نطت سحر ف وشي !
اهلا بالانسان الغريب ! قلت ليها غريب كيف ؟ انا طبعا تعبان تعب ي سحر م شايف قدامي عايز الا السرير !
حمرت لي قالت لي م وريتني ما حتنوم نهائي !
اتقدمت خليتا واقفة !
على فكرة ما صح تخلي مرتك واقفة بتتكلم معاك كدة وتمشي تخليها !
وقفت على جملتها دي واتلفت عليها ، جيت راجع قربت منها شديد لمن خافت ، ابتسمت ليها قالت لي مالك خوفتني منك .. ماعارف بس حسيت اني عايز احضنها بس لما قربت عليها عشان اعمل كدة نزلت بحركة سريعة لي تحت واتسحبت مني وجرت .. زعلت من نفسي شديد ودموعي نزلت ! انا ح افقدها ، طول عمري كنت بحافظ عليها وبحميها بس هسي  يارب يارب !
بعد ٣ يوم :
جاني اتصال من المستشفى رديت سلم علي قالي انا دكتور عزت ، عايزك ضروري اليوم حوالي الساعة 2 ضهر قلت ليو خير  !
قفلت منه وواصلت شغلي ، لمن مواعيد سحر جات كلمت وليد يمشي يرجعها ومشيت انا المستشفى !

______
ابوي كان حيله م شايله والارهااق ظاهر في عيونه كنت بتسائل كيف يعني ابوي كويس وماعندو شي !  وهو ف الصورة دي قررت اتصل لي معتز اكلمه انا لاتو م اعتقد امي كلمته هي غشت على ابوي !
زي الساعة 9 اتصل لي الدكتوروقالي محتاجني ضروري ولازم ابوي يكون معاي حوالي الساعة 1 ونص !
خفت وقلت يمكن عرفو ابوي مالو !
اتصلت لي معتز كم مكالمة لحدي م رد علي ! سلمت عليه واتماسكت وانا بتكلم معاه قلت ليه انو عايزاه ضروري الساعة ٣ يجينا ف البيت قالي خير وقفل م حبيت اقلق بيه قلت اجيبه يشوف ابوي واحكي ليه ،
_______
لمن وليد جاني ! اتحيرت  لقيته واقف مشيت ركبت معاه قلت ليه معتز وين ؟ قالي م عارف قال مشغول م بقدر يجي يرجعك !  قلت ليه طيب ، بس كنت متأكدة انو ف شي غلط حاصل ومعتز م عايز يحكي لي ! رجعت البيت لقيت سمر قاعدة سلمت على جمان واستأذنت تمشي !
سمر كانت بتعاين لي بطريقة غريبة ! وكل شوية تمسح دمعتها قبل م تنزل وشوية تحضني !
ي بت ؟ في شنو؟ انتي ومعتز م طبيعين ليكم كم يوم كده وروني عليكم الله ! انا عندي كانسر ؟
نططت عيونا وعاينت لي شديد جوة عيوني بعدها جات حضتتني وقعدت تبكي !
________
انتهيت من شغلي بدري وغلبني تاني اقعد ف الشغل نهائي شلت رجلي ومشيت المستشفى وقتها كانت الساعه  1 الا ربع بقيت ماشي وجاي ماشي وجاي لحدي م شفت نور بت مرت ابوي جات طالعة ووراها مياس ساندة ابوي وواضح عليه انو تعبان شديد ! وراهم مرت ابوي جريت عليهم بلهفةة ! مياس اول م شافتني قالت لي معتز انت عرفت ؟ قلت ليها عرفت ششنو؟ ف شنو وابوي مالو ؟ وليه تعبان كده ، مسكته معاها من الجههة التانيةة لحدي م وصلناه مقاعد الانتظار ! سلمت عليه ف راسة وبوسته يدو ات كويس ي ابوي ؟ ان شاءالله مافيك عوجة ؟ شكلك تعبان شديد ! ردت مرت ابوي عايز تعمل فيها م عارف يعني اني م كلمتك ؟ عاينت ليها كلمتيني بشنو؟ انا مش اتصلت ليك ووريتك ابوك عيان؟ قلت ليها ابدا م حصل !قالت لي انت كذاب وعايز تطلعني كعبه قدام ابوك ! قلت ليها العفو بس م حصل !
اتلفت على مياس لقيتا بترد عليك الله ي امي م ناقصين مشاكل انا واثقة انك م ضربتي ليهو يعني شنو ؟ م تعملي مشكلة من ماف !
ابوي م كان قادر يرد علي اصلا كان تعبان شديد شديد ! 
النص ساعة مرت كانها سنة !م صدقت لمن دورنا جا ! سندت ابوي ودخلت بيه ، دكتور عزت لمن شافني قالي معتز ازيك ؟ قلت ليو تمام قالي مواعيدك 2 قلت ليو عارف ، مياس عاينت لي وهمست لي مالك عيان؟ قلت ليها بحكي ليك بعدين !
قعدت ابوي وبقينا واقفين جمبه انا ومياس ، مرت ابوي م كلفت نفسها تخش ! دطتور عزت قالي شكرا ليك شديد دورك بعده قلت ليهو اي عارف بس انا جاي مع ابوي هسي ! قالي خالد دا ابوك؟ قلت ليو اي قالي ايوا كويس !المهم  انا اسف شديد شديد بالنسبة للخبطة الحصلت عندنا ف المعمل ف اليوم الجيتو فحصتو فيهو داك!  قلت ليو كيف يعني؟ قالي النتايج اتلخبطت مع بعض ! اكتر من عشرة نتايج ! حاليا ابوكم محتاج يعمل فحوصات حاليا ! اتصل تلفون جونا ممرضتين من برة وراجل ، جو ساقو ابوي اداهم الورق قاليهم عايز التحاليل دي ، كنا متحركين معاه قالينا انتظرو !
قعدنا ومياس كانت ماسكة فيني بس وبتبكي بصمت !
قالينا اقعدو ، مسكت مياس من يدها وقعدتها   قعدت قصادها وبقينا منتظرين دكتور عزت يتكلم!
قالينا يؤسفني اني اقول ليكم انو ابوكم مريض كانسر مياس غطت خشمها بيدها وزادت ف البكى بعد شوية بقت تقول بصوت مبحوح انا ،، انا كنت عارفة ابوي اصلا م كان كويس ابوي كان تعبا تعبان شديد عالجو لينا ي دكتور عليك الله عالجو لينا ! قمت من محلي ومسكتها ي مياس اصبري بقت تقولي انت م عارف ابوي ي معتز م عارف طيبتو وم عارف حنيتو م عارف ابوي ابوي كان راح انا بروح فيها بقيت اقوليها صلي ع النبي يا مياس ابوي كويس وم بتجيهو عوجة ان شاءالله!
قلت ليو كانسر وين؟ قالي ف الرئة والمرحلة متأخرة كمان ، م انكر انو حسيت بانو الدنيا دي اضيق من خرم الابرة ! يمكن انا ابوي دا م قعدت معاه زي اي ولد وابوه بس ابوي كان طيب شديد انا عارف !
دكتور عزت واصل كلامه حنضطر نمسكه عندنا ونبدا ليه اشعاعات وكيمياوي ف اليومين دي ! بس حالته صعبة شديد واظن واضحة فيه!  اما بالنسبة لي زوجتك طلع ملف من تحت وختاه فوق لابوي ف انا اسف بشدة برضو ع اللخبطة زوجتك سليمة الحمدلله ..
بقيت م عارف افرح ولا ازعل ! اتلخبط كل شي جواي !
طلعنا من جوة بقدرة قادر سوقت مياس وطلعنا لقيت مرت ابوي بتبرد ف ضوافرها وبتها بتقرا ف مجلة !
ابوي هاين عليها للدرجة دي ؟ يعني عمرو دا كله كان بنفخ ف قربة مقدودة ؟ معقولة تكون فاقدة الاحساس للدرجة دي ؟ لمن شافتنا جات سالت بتها اها قاليكم شنو مياس قالت ليها كانسر كانسر ي امي ! 

م عارف م حسيتا زعلت شديد بس مثلت علينا انها زعلانة وبتها كمان !
مرت ابوي اصغر من ابوي ب 25 سنة وانا متأكد عرستو عشان قروشو وهسي م صدقت حتتخلص منو عشان ترث ، ف ناس اصلا كده ربنا  خلقهم من دون شعور من دون احاسيس !  طول عمرها بتحرش ابوي علي ! بس دا كله م هز من احترامي لابوي لانو ابوي كل مرة بثبت لي انو الابو بفضل ابو ♡ انا الاخترت اعيش مع خالتي واخترت اعيش ليها سندها ، خالتي كانت بتعاملني زي امي واكتر حب وحنان وخوف ، بتذكر مرة ابوي جاني ف المدرسة وحنسني عشان اعيش معاه ! لمن كلمت خالتي قالت لي م بمنعك تعيش مع ابوك بس شوف انت محل راحتك محل تلقاها انا بكون سعيده لو معاي لو مع ابوك وبالفعل مشيت اسبوع !
اسبوع بس عشات ف صراعات نفسية من هرش وضرب وتحريش وتلفيق قصص من مرت ابوي لابوي ، بس ولا مرة ابوي وقف معاها ! ودا الخلاني احبو ! ومع ذلك اخترت اعيش مع خالتي عشان م اخرب لابوي حياتو وابقى سبب مشكلة بينو وبين مرتو ! 
بس طلعت مجرد انسانة جارية ورا القروش واستئت اكتر لمن عرفت من مياس تفكيرها ف الورثة !  كرهتها وقرفت منها !
قضيت اليوم كله ف المستشفى مع ابوي من فحص للتاني وادوية بفتشوها تفتيش وعلاجات ! مياس تبكي قدرتها وتقعد تدعي !مياس دي حنينة شديد على ابوي ♡ الوحيده البتتعامل معاهو معاملة كلها حب وحنان بس كلهم منتظرنو يموت للاسف !
قريب الساعة 11 بليل اتصلت ل سمرر وريتا اني ح اتاخر ويمكن ابيت برة ! وح اتصل لي وليد يجي يبيت معاهم !
قفلت منهم ، ف ممرضة وقفت قصاديي قالت لي معتز خالد؟ قلت ليها ايوة قالت لي ابوك عايزك ..


-
أعترف أن الله أعطاني أكثر مما أستحق، وكان معي أضعاف المرّات التي ناديتهُ بها، ولم يتركني رغم أني ابتعدت، ولم يخذل ظني الجميل به رغم أن ظني كان في كثيرٍ من المرات أشبه بالمستحيل، وأعترف أنني لو أشكره أبد الدهر ما أوفيته عظيم صنعه معي وكرمه عليّ ولطفه بي.💜

🔥 متوفر الان من جديد🔥

هدى بيوتي نود 💃💎💜
مرغوب بشدة 🔥🔥الطلبية التانية فتحتت🔥
وعن تجربة والله البيجمنت
حقتو تحححححفةة😍❄💜
والالوان ظريفة ومات 🔥🔥🔥
باليت في قمة الرهااااابة
خسراااانة لو م اشتريتيي 🔥🔥🔥

والمفاجأة الاكبر سعر خورافي لفترة محدودة!!😍🔥
2200 بس 😍😍🔥🔥

بقبل كاش او بنكك 😍😍
يوجد توصيل 🚖
ويمكن الاستلام من المنزل 🔥🔥

للطلب
0919677650
0125536679

#أميرتي_قاصرة16
بقلم امل الشيخ

مر علي يوم من اسوء ايام حياتي بعد وفاة امي ، ما اتعودت اعيش يوم م بشوف فيه عزو ، غيابه طول اليوم اثبت لي انو معتز مهم في حياتي ولو انكرت كده ، معتز حيفضل المهم والاهم ، معتز اسرتي واهلي وعزوتي وأماني واطمئناني ♡
انا بدون معتز ضعيفة ! اي شي يحصل لي بتذكر انو معتز معاي !
سمر اختي ما صرحت لي بس من خلال كلامها معاي فهمت اني عندي كانسر حماكم الله ،
ما زعلانة انا ، شعور مخيف لمن الزول يعرف انو عندو مرض خبيث بس انا يوم من الايام اتمنيت اي حاجة تاخدني من الدنيا واحصل اهلي وشكلو ربنا استجاب !
كنت منتظرة معتز احكي ليه واحكي معاه عن شعوري والحاسة بيه وانو ماف داعي يتهرب مني عشان م يوريني !
طلعت من غرفتي سامعة صوت سمر بتضحك ، بتضحك باعلى صوت ، ضحكتها الزمان !  جيتهم طالعة لقيتهم عاملين سرامس الشاي بباللبن وجايبين كيك وباسطة !
سمر لما شافتني قالت لي سحر تعالي شوفي وليد بقول شنو وليد قالي اهلا بالسكر ازيك قالي رايك شنو تجي تتونسي معانا !  جيت قعدت جمبهم ! سمر كبت لي شاي وناولتني صحن الكيك !
كنت ساكتة ! كنت بلاحظ بس لي ضحك سمر الي انا حرفيا اشتقت ليه !
من يوم م سمر رجعت وم شفنا ليها ضحك !  ولا كلام ولا اي شي  ..
شربت الشاي وانتهيت قمت منهم قلت ليهم م يساهرو ! وطلعت نمت بس فشلت ف اني انوم !
الصباح صحيت وكان يوم خميس كان اجازة عشان كنت ممتحنة السبت ، صحيت قعدت اقرا بس م كنت قادرة اقرا وانا حاسه ب اني ممكن اموت تحت اي لحظة ! كنت شايفة اني مافي داعي اتمسك بالدنيا اكتر من كدة ، اذا الدنيا م عايزاني اعيش فما حعيش !
________________
اول ما الممرضة قالت لي ابوك عايزك جريت عليه جري !
دخلت عليه ولقيت كمية من الاجهزة مركبة شعور كعب شديد لما تشوف انسان بتحبو ف وضع بالشكل دا ..
كيفك ي ابوي انت كويس ؟
قالي تعال اقعد جمبي هنا ! جريت كرسي  وقعدت  جمبه قلت ليو انا متاكد انك حتقوم بالسلامة ! ابتسم لي ابتسامة باهتة !   سكت مسافة كده بعدها قالي انا حتى لو م كنت قلت ليك اني بريدك ي ولدي انت عارف مش؟ قلت ليو ولو م كنت بتريدني انا بريدك ي ابوي !  قالي والله انا بريدك والله عالم ، يمكن اهملتك اهمال كبير وم فهمت يعني شنو طفل فقد امه حيبقى محتاج لابوه ! فكرت ف نفسي  ، ومشيت عرست وكرست حياتي لمرتي وشغلي وكانك مافي الصورة عايزك تعفي لي ، تعفي لي بس
قلت ليو عافي ليك انا دايما ، انت زاتك اعفي لي على تقصيري ! والله م كنت عارف انك عيان ! قالي عارف وعارف طباع مرتي م تشتغل بيها وان شاءالله ربنا يفتحها عليك محل م تقبل يا ولدي ، عايزك تسمعني شوية بس كح شوية وبعدين واصل الحياة من الموت م معروفين ف محامي اسمه صابر العزمي طبعا من سنوات طويلة احساسي ب اني هاملك بخليني اكتب ليك حاجات كتيرة باسمك ! هو حيوضح ليك الحاجات دي من الحاجات بتاعت الورثة ! قلت ليو تف من خشمك م عايز ورثة وم عايز اي شي ربنا يطول لي في عمرك وافرح بيك وبوجودك معاي ! قالي حاسي نفسي م حعيش طويل وانا احسن لي اموت من اتجهجه بالاجهزة دي مسكت يدو بوستها ليهو وضميتا علي ربنا يطول ف عمرك ي حاج يارب م افقدك يارب م افقدك قالي لو حصل لي اي شي ، اي شي هو حيتصل عليك عايزك تلم مياس عليك امها الشافتها عيني دي م عندها اي شغلة بيها ، مياس دي كانت عايشة معاي وكنت ليها ام واب والله ، قلت ليو مياس ف عيوني وانت زاتك حتطلع من هنا وتحميها وتحفظها ف عيونك ! قالي ربنا يبارك فيك ويديك السعادة وتتعلى مراتبك دايما يا ولدي اوصيك تاني اختك يا معتز اختك شيلا لي ف عيونك عارف مسؤولية بنات خالتك حارة عليك بس مياس اختك احفظها وصونها وواديها لي ود الحلال عليك الله قلت ليو سمح ي ابوي سمح بس انت م تقول كده حتتعالج وح تطلع من هنا ان شاءالله ، بقيت حاضن يدو علي وساكت ، هو سكت وانا نمت جنبو يمكن للصباح !
فجاة صحيت بالدكاترة والممرضين بتجارو ! ووبقوموني من جنبه بقو واقفين كلهم ف راس ابوي !
قلبي وقع مني وبقيت م عارف اعمل شنو ! لحدي م شفت دكتور غطاهو وقال انا لله وانا اليه راجعون ! مات خلاص
اكيد بتهيأ لي ! دا ابوي صح ؟ هو قال انا لله وانا اليه راجعون ! جريت عليهم وبقيت ازح فيهم زحيت الغطا من ابوي بقيت انادي فيه ابوي انت حي صح انت م متا كيف تموت عليك الله لا عليك الله ي ابوي م تمشي !  حضنتو وبقيت ابكي ابكي شديد لدرجة اني سامع صوتي !
ابوي مات انا لله وانا اليه راجعون ، طلعت برة لقيت مياس بتصرخ لالا ابوي م مات كيف يموت واااي ي قلبي واااااي انا لله وانا اليه راجعون واي قلبي واجعني واي ي ابوي المشيت وخليتني كيف اعيش بدونك كيف واااااي ي معتز ابونا فات ابوي م ودعني ، ابوي م حضني ابوي م قال لي انا ماشي والمسا القاك جهزتي لينا كباية الشاي حقتنا وااااي ي حرقة قلبي انا ابوي فات وخلانا واااي واااااااي انا دا م فات براهو دا شال روحي معاه مشيت عليها وبقيت حاضنها هي بتكورك وانا دموعي نازلة ابوي فات وخلانا

فعلا زي م قالت !
بعد مسافة زمن بقيت اصبر فيها اهدي ، اهدي ي مياس الكلام دا م صح ! ابوي محتاح الدعوات يا مياس ثبتي قلبك الله يرضى عليك ابوي لحدي اخر لحظة بوصيني عليك ، عليك الله م تبكي ادعي ي مياس ادعي !
مشيت منها وكملت اجراءات المستشفى وسوقنا ابوي البيت ! فجاة بسرعة البرق اتلمو اعمامي وعماتي وحتى خيلاني جو ، اهل مرتو واصحابو وناسو !  صحي خبر الموت م بتدسا !
غسلت ابوي بيديني دي ! الكان مطمني انو الليلة يوم جمعة والحاجة دي م بفوز بيها اي زول ربنا يرحمك ياغالي .. ابوي كفنوه ، وشلتو بيديني ف العنقريب وطلعنا كان معاي وليد وناصر وعلي وسامي واصحابي كتار شلنا ابوي لحدي المقابر دفنتو وانا بثبت ف قلبي تثبيت ، رغم اني م اتعاملت معاه كتير بس وجعني وجعني وكسرني موتو ، ابوي م كان شغال بي كتير بس م حصل اتصلت ليه وقت حوجة صداني دايما بقيف معاي فراقو كسرني ف الدنيا دي ولانقول الا مايرضي الله ..
_________
كنت فاتحة كتبي ف الصالة ، جا وليد طالع بسرعه ف شنو مالك مستعجل ؟ ابو معتز اتوفا قلت ليو نعم؟؟؟؟؟؟؟ قالي زي م بقوليك اتصل لي قبل شوية قلت ليو انتظرني البس عبايتي سريع جريت لبست عبايتي لقيت سمر نايمه كتبت ليها ورقة وبسرعه نزلت ومشيت مع وليد !
لمن وصلنا لقيت كمية خلق وكمية ناس وصوت كواريك وبكا وليد فارقني ومشا بي حتة  الرجال !
دخلت ف حتة النسوان لاقتني نور وكانت عادية ومعاها بنات بوزعو ف الموية دخلت لي جوة لقيت مياس بتبكي ف جنس بكا وبتعمل ف جنس عمايل وامها جنبها ف السرير التاني صابرة وقاعدة ، مشيت عليها استهدي بالله ي مياس البركه فيكم واحسن الله عزاكم قالت لي واي من وجعة ابوي ومن فراق ابوي يا سحر الفي قلبي دا حااااار ، ابوي دا م كان ابوي بس ابوي دا كان روحي بقيت اصبر فيها قلت ليها فاهماك وحاسة بيك وعشت الحاجه دي وفاة امي ، قولي انا لله وانا اليه راجعون سكتت قلت ليها ردديها ي مياس رددتا مرتين انا لله وانا اليه راجعون ، انا لله وانا اليه راجعون قلت ليها استغفري ابوك ف اللحظات دي محتاجك استغفري ي مياس ثبتها وقعدتها ف السرير بقت تقول استغفرالله استغفرالله استغفرالله ..
حالة مياس كانت صعبة شديد بكتني معاها ! جربت شعور مياس دا قبل كده وعارفة الهي حاسة بيو بالضبط زي نار كده جوا قلبك .. ف بت كده جابت ليها مصحف قالت ليها اقري سورة الملك كانت بتبكي وتقرا ، الصفحة اتملت دموع !
عدى ساعة واتنين وتلاتة وكنت متمنية اشوف معتز عايزة اشوفو كيف ! معتز من برة بتشاف قوي بس من جوة طفل ..
الرجال مشو المقابر وجو لمن جو كنت واقفة جنب الصالون حق الرجال لحدي م شفتو شكلو كان تعبان شديد والزعل ظاهر ف وشو .. معتز حنين شديد وانا متأكده فراق ابوهو دا ممكن يبكيه بس معتز بكابر ولا حيبكي هنا قدام زول !
كان واقف والرجال بعزو فيهو كان بصبر ف نفسو ،بس هو م كويس !
اشتغلت مع البنات لحدي نهاية اليوم ، جاني وليد قالي نمشي فعلا طلعنا جمب العربية كدة جاني معتز سلم علي عزيتو ، ف نص الظروف الهو بمر بيها ،، قالي انتي كويسة امتحاناتك قربت قاعدة تقري ؟ قلت ليو اي ربنا يسهل قالي يمكن اغيب منكم شوية م حقدر اسيب مياس براها!  قلت ليو م تشيل هم وخلي بالك من نفسك عليك الله قالي ان شاءالله ودعتو ومشينا
____________
بعد اسبوعين بالضبط :
كنت خلصت امتحانات وم كنت عارفة اشتغلت فيهم كيف !
كان كل همي ح اموت متين وبدعي اني م اموت ف الفترة دي عشان حيكون صعب على معتز يفقد ابوهو ويفقدني !
بعد خلصت امتحان وسلمت على ليلي قالت لي انا جايبة ليك هدية قلت ليها بالجد ؟ فتحت شنطتها وطلعت لي علبة مغلفة كدة ، قالت لي اعتبريها عربون محبة مني ليك واحنا ان شاالله قدامنا سنتين مع بعض متأكدة حنكون احلى صحبات حضنتها وقلت ليها اكييييد ...°♡
ودعتها وودعت تبيان وطلعت بقيت منتظرة وليد بس اتاخر ، وزهجت لحدي م وقفت قدامي عربية بقيت اقول لي نفسي كانو دي عربية معتز ياربي مش ياها لحدي م ضرب لي بوري ونزل القزاز مشيت عليه فتحت الباب ، اول م ركبت بس نطيت حضنته .. وبقيت ابكي انا فاقداك شديد يا معتز كيف تطول مني كدة  قالي وانا كمان والله وشد الضمة شوية ..
م عارفة كم لبثنا بس حضنته واي شعور سيئ كنت حاسة بيه اتبخر ،،
بعداك زحيت منه براحه وقعدت ف مقعدي ومسحت دموعي وقلت ليو معليش قالي على شنو؟ قلت ليو على الاسلوب دا قالي م زعلان !
سالني من اخباري وصحتي واشتغلت كيف بعداك قالي انو م كان حينفع يفوت يوم زي دا !
قلت ليو ليه ؟ قالي لانو الليلة 14/2 عيد الحب وعيد ميلادي ، مد يدو للمقعد الورا وجاب منو كيس كان مليان كيت كات وعلبة سلسل خطفتها منو وفتحتها ، لقيته سلسل دهب مكتوب فيه اسميي ومع خرف الراء في عزو صغيرة قلت ليو ليه عزو دي صغيرة كدة؟ قالي عشان انتي ليك الحجم الاهم ف الحياة ! قلت ليو بس انا اللابساه وانت بالنسبة لي ليك الحجم الاكبر والاهم ف حياتي  ، حبيبتي ♡ ابتسمت ليه واصريت انو يلبسني ليهو هو نزلت ليو الطرحة

ولبسني ليهو فعلا قلت ليو دي الطف هدية ف الدنيا مع اني كنت عايزة دبدوب كبير احضنو قالي انا م كفاية ؟ فجاة خدودي حمرو قلت ليه م قصدي كدة ضحك قالي عارف عارف بس تحضنيه وانا قاعد؟ قلت ليو معتز بطل ! قالي خلاص سكت
قالي حابي اقوليك حاجة قلت ليو قول ؟
قالي تتذكري يوم مشينا المستشفى عشان نفحص ال كانسر حمانا الله قلت ليو اي قالي طبعا النتيجة طلع فيها انو عندك لوكيميا اتخلعت قالي بس بعدها الدكتور ناداني وطلع عندهم اليوم داك لخبطة وانتي سليمة الحمدلله ، والله مرت علي ايام سيئة شديد وكنت خايف افقدك قلت ليو كذاب وةلله انا هسي عايشة ع اساس اني عندي كانسر وم اشتغلت كويس ف الامتحانات عشان قلت احتماال اموت حمر لي قالي يمين بالله تجيبي درجة م كويسة السودان م بشيلنا كلمتك ياهو !
ابتسمت وعرفت وقتها انو دا ياهو معتز البعرفو فجاة سرحت ولقيت نفسي بقوليو بحبك °♡.......

- أن يضحك قلبه دائماً ، آمين ..❤️

أريد أن اقرأ لكَ كُلّ القصائد، أن أريك كُلّ الصور، أن نزور كُلّ الأماكن ونشرب كُلّ أنواع القهوة ونجرب كُلّ الألوان والحلوى، أن نشاهد كُلّ الأفلام والكتب، أن أكتب لكَ رسالة كُلّ يوم وأنتَ بجانبي، أريد أن نتجول كُلّ المقاهي والمتاحف والشوارع، وأن ألمس كُلّ نقاط الحياة الجيدة والسيئة بأصابعك أنتَ، ان نضحك بدون سبب ونصمت ونركض ونتحدث وننام طويلاً معًا، أريد أن أكون فقط أول من يريك الجانب الحي من كُلّ هذا الموت الذي يدعونه حياة !

#أميرتي_قاصرة17
بقلم امل الشيخ

خلقته اتغيرت بعد ماقلت ليهو الكلمة دي كانو ما معتز القبل شوية ، سكت وملامح وشو بقت صارة سفهني وطوالي اتحركنا ، لاول مرة ردة فعلو تجرحني جد جد ، حسيت قلبي اتفطر بعد ردة فعلو حسيت نفسي رخيصة شديد ف عين نفسي !
رد فعلو الليلة كان اصعب علي بكتير من الهرش والتخويف حقو ! تدخلو ف حياتي وتحشرو واي حاجة كانت بتزعلني منو ! الليلة انا زعلانة منو اضعاف اضعاف !
_________
بعد مرور شهرين :
عايزك ف كلمتين ؟ قلت ليو عايزني انا دي؟ قالي ايوة مش انتي امس خلصتي عدة الطلاق ! قلت ليهو ايوة الحمدلله .. قالي انا عايزك على سنة الله ورسولو ......................


- ما انكر اني كنت متوقعة حاجة زي دي من وليد ! ريدتو ظاهرة في عيونو ، خوفو علي ، م بتاخر علي لو احتجتو دا غير انو ليهو فضل كبير ف انو خلصني من امجد  واهله !
رغم احساسي بيهو بس م عارفة ليه حسيت بالرفض والخوف !
كنت حاسة ان الرجال كلهم كذابين بيبانو قبل العلاقة ملايكة وبعدها بتحولو لشياطين !
كلو كوم وخالتو هدى كوم ! خالتو هدى من اصعب خالاتي ووعد بتها بتاعت مشاكل ! يعني ح اطلع من جحيم وح اخش في جحيم آخر دا سبب كافي باني ارفض العلاقة دي !
- انا م موافقة !!!!!
ليه ؟ ف شنو مخليك م موافقة ؟
-بس م موافقة ، وقفت معاي كتير وكتر خيرك بس برضو م بقدر !
عاين لي بعيون كلها تساؤولات وخوف من الرفض ..
ومع ذلك رفضت !
رفضت وجودو ف حياتي ووجود اي راجل غيرو !
شال بعضه ومرق ، م انكر اني زعلت زعلت شديد كان نفسي يحاول لسة يمكن اطمن وابطل اخاف بس هو مشا ، مشا مع اول رفض لي ! دا دليل على انو نحن م قسمة بعض !
________

صحيت من الصباح انتظرت معتز ، جا طالع لقاني ف وشو اتلفت مني وحاول يمشي  !
حاولت اوقفه بس ما وقف !
شهرين من محاولة الاعتذار وما كان بديني فرصة ابرر ليهو !
جات عفوا ! بس كانت حقيقية ..°♡
من بعد اليوم داك قررت اني اتجاوزو ، واتاكدت انو هو بس عرسني عشان يفضل معانا في البيت ما عشان بحبني او انا بحبه ، ثم اكيد هو م حيعاين لي شافعة فرق السن بينهم قريب 15 سنة  ..
كان فاضل شهر على الاجازة ، اتصلت لي خالتي حنان وحنستها تعمل لي زيارة   انا بالجد كنت محتاجة فترة نقاهةة !
سمر امتحنت وجابت جيد جدا ، ماعملت تخريج مع دفعتها ! وانا كمان نتيجتي طلعت وكانت درجاتي لا باس بها بس معتز اصلا م ادى الموضوع اهتمام !
اكتر حاجة هزتني ف الدنيا تغييرو علي شكلي اتسرعت شديد ، وفهمت تصرفاتو كلها غلط ! انا استاهل البحصل لي دا حاليا !
بعد اسبوعين كنت بتكلم مع خالتي وكانت بتقول لي انها ظبطت الاجراءات ومفروض امشي اظبط جوازي واشوف حنك الفيزا والتأشيرة قالت لي معتز وين هو حيظبط ليك الكلام دا بقيت بتأتأ ليها ف الكلام قالت لي ي بت مالك معتز وين ! قلت ليها معتز ف الشغل ! قالت لي انتي غبيانة ؟ معتز مؤجز ليو اسبوع قلت ليها م قالينا قالت لي اقفلي اقفلي برجع ليو انا
قفلت منها وحسيت اني عايزة ابكي 😭😭😭 ابكي شديد قعدت ف الكرسي وبكيت بكيت لمن الله غفرلي
كنت داسة راسي جوة رجولي ! حسيت ب زول جنبي لقيتا سمر قالت لي مالك ؟ حضنتها وواصلت بكا ، بكيت وهي بكت معاي ، بكت شديد لحدي م روقنا شوية كدة قالت لي انا عايزة امي ! قلت ليها وانا كمان عايزاها هسي دي بس ..
جمان جات داخلة ولقت وشوشنا محمرة وكان معاها ناصر قالو السلام عليكم ردينا السلام ، جو قعدو جمبنا
.. ناصر قالينا مالكم ي بنات الحاصل شنو؟ جمان ان شاالله مافي زول ماات؟ سمر قالت ليهم لالا بس اتذكرنا امي .. جمان طبطبت عليها قالت لينا هم السابقون ونحن اللاحقون !
قعدو معانا لحدي المغرب وفاتو !
________
-سمر بكل بساطة رفضتني ! هل انا فيني عيب ولا مابستاهل ؟ 
=سمر تحت تأثير صدمة يا وليد وانت اكتر زول عارف كدة ، مفروض تصبر عليها شوية وتحاول مرة واتنين وعشرة !مش بتحبها؟
-بحبها؟ انا بحب التراب البتمشي عليه! كل همي اني اكون معاها ف بيت واحد !
=الفرصة ياها جاتك وربنا عشان بحبك خلصا من راجلا من غير اي اعباء ولاشفع ولا اي شي ممكن يقيف قصادك ! بس الموضوع عايز شوية صبر وزمن !
- هسي مفروض اعمل شنو؟
=مفروض تتكلم معاها !
-انت شايف كدة؟
=ماشايف غير كدة !
_________________

قريب العشاء كدة الباب دق ،كنا قاعدين برانا خوفنا ، بس الباب كان بدق اكتر سمر قالت منو ؟؟؟ قالينا وليد حتى بعداك الخوف راح ! مشينا فتحنا الباب سلم علينا ودخل !
مشينا قعدنا ف الصالة ، سمر جابت ليهو موية وعصير !
سمر ..!
انا عارف انك طالعة من علاقة فاشلة ، صعب انك تتجاوزيها بسهولة ، بس اللي حصل حصل وما ممكن نغيرو ربنا اداك فرصة من جديد عشان تجربي انا ما زول كويس للنهاية بس انا زول بحبك شديد وعايز قربك !

عايز اشوفك مبسوطة وعايز اسعدك ..عايز اسمي يكون مع اسمك للأبد ..
عايز نتشارك بيتنا ، اطفالنا دمعاتناا الحزينة وحتى ضحكاتنا المن غير سبب،، انا والله ياسمر بحبك من قبل م تتزوجي امجد ولهان بيك عديل ! حلمي ف الدنيا كان اصبح ع شوفتك وامسي بيك انتي بالنسبة لي م مجرد بت خالة ، انتي بالنسبة لي حلم عايز احققه ، حلم صعب والله بس م مليت من انتظارو لحظة ، رغم انك عرستي بس كنت متيقن انك حتكوني لي لو مافي الدنيا ف الاخرة لابد من تكوني لي °♡
حياتي ماعندها معنى لو انتي م وافقتي تكوني لي  مستعد اعمل المستحيل عشان اللحظة دي .. انا بحبك يا سمر ، انتي م شفتي الحب ف عيوني عشان كدة مضطر افضح مشاعري وعارف انك بعدة ممكن ترفضي بس..
-موافقة
وليد بقا مبحلق فيها وبلع ريقه واتوتر !
م عايزك تعملي حاجة غصب عنك  و...
-انا حسيت ب كل كلمة انت قلتها ، طلعت من قلبك وصلت لي قلبي مباشرة ، م اظن ح القى احسن منك يخاف علي ويحبني !
انا كنت زي الاطرش الفي الزفة بس كنت مستمتعة وانا بشوف كمية الحب الطالعة من وليد ناحية سمر اختي ! وليد معروف ف الاسرة انو زول خشن وكلامه بسيط وبحسب الكلمة الف مرة قبل يطلعها ، بس وهو بتكلم حسيت بيهو وليد تاني  الحب بخلينا نعمل حاجات لا من طبعنا ولا من عاداتنا ..
وليد بحب سمر ودي حاجة واضحة شديد .. زي وضوح الشمس بعد ايام من الغيم ..°♡♡♡♡
وليد فرهد كدة واتبسط وسمر زاتها كانت فرحانة اكتر منو ! وقف على حيله قاليها بعد كده انا كلامي مع راجل البيت دا .. وهو طالع كدة واحنا بنقدم فيه الباب فتح  ، كان معتز ، قاليو اووو ود الخالة اخبارك سلمو على بعض بالاحضان ، شنو لكن كنت تكلمني كان جيتك بدري !
قاليو بتبالغ مخلي البنات ديل براهم للزمن دا ، قاليو غصب عني والله  اتفضل ، قاليو لالا طالع بس بكرة لازم نتلاقى عندي معاك كلام قاليه خير ، ودعه وطلع !
قالينا السلام عليكم وقال لي سمر تعمل ليهو قهوة ، قالت ليو انا مالي ومالك مش عندك مرة ؟ ومشت خلتو بقا يعاين لي واعاين ليه قررت احافظ على ماء وجهي واتلفت منو عايزة امشي وقفني !  قالي سحر ! قلت ليو نعم قالي معليش اتعبك بس عايز قهوة لاني مصدع شديد قلت ليو طيب ، مشيت المطبخ عملت ليو قهوة جبتها ليو ختيتا ف التربيزة عايزة امشي مسكني من يدي ! قالي سحر ! قلت ليو نعم قالي اسف  قلت ليو اسف؟ على شنو؟
قالي على تغييري معاك ! قلت ليو مافارق معاي !
قالي كيف م فارق معاك ؟
قلت ليو انا لقيت نفسي اتسرعت شديد يوم م قلت الكلمة دي ! وانك ما الزول المناسب لي ، انا عارفة كمان سبب زواجك مني !
عاين لي بنظرة غريبة ، قلت ليو انت عملت كدة بس عشان م نتفرق وبيتنا يفضل مفتوح زي م هو ف كتر خيرك شديد ! انا بس استوعبت متاخر شوية ! على العموم من الليلة اعتبر حريتك ف يدك حتى لو عايز تعرس عرس !
كلها فترة لحدي م اتم 18 سنة وبعد كدة ح انتظر ورقة طلاقي !
مشيت وخليته قاعد ! طلعت غرفتي وقعدت ابكي ، انا حبيته ، حبيته شديد ! وم عارفة اتخلص من الحب دا كيف !

صحيت الصباح بدري نزلت تحت لقيت كبايتو بتاعت القهوة قاعده ولاشربها !
دخلت المطبخ عملت الشاي ! وكبيتو ف السيرمس !
كنت بفكر اطبخ شنو ف الفطور ، طول الاجازة كنت بقضي زمني باني اتعلم من اليوتيوب وسلكت ف حاجات كتيرة !
زي 8 كدة معتز جا طالع عاين لي وعاينت ليه بس م سالتو ولا سالني !
قعدت وعملت قراصة ب تقلية ! م كانت رهيبة بس كانت حلوة يعني بالنسبة ل زول مبتدئ  ، جات سمر نزلت شربت الشاي واتونسنا لحدي م ختيت الفطور قلت ليها انقصي ل معتز وتعالي ناكل ، نقصت ليهو وفعلا اكلنا ..
واي ي سحر بقيتي طباخة بالجد ! امي كانت حتنبهر بالتطور دا ! ضحكت قلت ليها حرفيا  عقبالك ياباطلة ! قالت لي هيييي على كدة م بتعرفيني قلت ليها خلاص الغدا عليك خليني اعرف شي !
بدون اي مقدمات قالت لي مالك مع معتز؟ قلت ليها مالنا كويسين قالت لي الموضوع ليو اكتر من شهرين وانتو متغيرين مع بعض ! اي اتنين بتحصل بينهم مشاكل بس خليك احسن دايما معتز دا عكاز بيتنا وسندنا والله °♡
قلت ليها سندك براك ، انا سندي رب العالمين قالت لي شفتي معناها ف شي بينكم !
طلعت يدي من الصحن قلت الحمدلله غسلت يديني ومشيت فوق !
هديت شوية ، قلت انزل سمعت معتز بتكلم معاها قاليها انا والله بحبها بس سحر صغيرة شديد يا سمر ، قالت ليو سحر كبيرة وعاقلة يا معتز ، م ينفع تتغير منها كدة سحر انت سندها ف الدنيا دي ! وبتعتمد عليك اكتر مني ف حياتا م ممكن تتغير عليها فجاة عشان خايف من حاجات اصلا مفترض تحصل بينكم ك اتنين متزوجين ! قاليها انتي م فاهمة سحر قاصر ! قالت ليو هوي ها ! قاصر والكلام دا ختو لي بالجمبة انا معاك ف الحتة دي وضد زواج القاصرات ! بس انت عرستها وخلاص يا تعاملها كويس يا ماف داعي !

شوفي هي فاضل ليها ٣ سنوات لل 18 وبعد كدة حخليها تختار بين انها عاوزاني او لا ! قالت ليو سمح اتعامل معاها كده وخليها تختارك ااااا
ي بابا سحر دي مسؤوليتك ولو عاملتها بالتهميش دا انا زاتي حزعل منك ! لانو سحر اتغيرت توتلي ! طيب ف رايك اعمل شنو انا حاليا؟
معتز لا اله الا الله الرسول دا عرس السيدة عائشة وهي عمرها كم قاليها 9 !
قالت ليو معنى الكلام دا انو لو عرستها صغيرة ف دا م فيهو اشكالية كبيرة ، بس انت اسعى ل انك تدعمها وتسندها عشان تربي اطفالكم احسن تربية ! 
لانو الهدف من انو يمنعو زواج القاصرات انها لسة بتكون م بتقدر تادي واجباتها ومسؤولياتها على اكمل وجه  ! بس انت قبل م حتكون زوجها حتكون ابوها واخوها وواثقة انك حتدعمها وتساندها لحدي م تطلع احسن دكتورة ف الدنيا ♡

بعد خلصو كلامهم انا بسرعه رجعت غرفتي !
م قعدت كتير وباب غرفتي دق قلت منو قالي معتز قلت ليو اهلا ، جا داخل عاين لي مسافة وقالي انا اسف ممكن تسمحي لي اقوليك بحبك ؟♡°

‏ولأني أعتبر نفسي حبيبكِ في اللحظات الصعبة، وصديقكِ في الحزن ، تؤذيني وتتعبني احتمالية أن يمسح شخصٌ آخر دمعاتك العزيزة.💜