في ناس بتصعب الأمور على نفسها في طريقها إلى الله سبحانه وتعالى
يعني فاكر إنه لو معملش ١٠٠٠ تسبيحة أو ١٠٠٠ إستغفار أو لم يُقيم الليل ب١١ ركعة يومه ضايع وملهوش لازمة

معقد الموضوع على نفسك ليه!

قال سعيد بن المُسيب رحمه الله: من حافظ على الصلوات الخمس في جماعةٍ، ( فقد ملأ البر والبحر عبادة ).

وقال ابن صلاح رحمه الله: من حافظ على أذكار الصباح والمساء وأذكار بعد الصلوات وأذكار النوم، ( عُدَّ من الذاكرين الله كثيرًا ).

وقال عبدالله بن عباس رضي الله عنه: من صلى ركعتين أو أكثر بعد العشاء، ( فقد بات لله ساجدًا وقائمًا ).

متخيل قيمة الكلمات .. ملأت البر والبحر عبادة، تُعد من الذاكرين الله كثيرًا، بت ساجدًا لله وقائمًا! بسبب أعمال من المفترض إنها مضمونة في يومك كل يوم، معملتش حاجة مختلفة أو فوق طاقتك يعني!
فأنت على خير ، هوِّن على نفسك🤍

‏لطف الله إذا حلّ ,أنساك أوجاع الدُنيا ومن فيها فإن لله لُطف يقوينا, و يداوينا يلهمنا و يواسينا يُنعشنا و ينزع كل مُرٍ فينا ❤️❤️❤️❤️🫶""

"مشكلتنا في تلاوة القرآن هي معاملتنا له على أنه مصحف (ورقات)!
وننسىٰ أنه وحي من عند الله"! 🫶


[د. فريد الأنصاري]

‏﴿ قل إنّ الأمرَ كلّه لله ﴾.

‏إرادات الخلق،
الظروف والمعوّقات
‏تصبح (لا شيء) أمام مشيئة الله !

‏باستشعار ذلك المعنى يكون سكُون القلب واطمِئنانُه!🥹❤️

إسكريبت إسلامي
عِبـرة🌻

" فى اليوم ده ظهرِت قُدامي جنازة ماشية مش شايف فين أولها ولا آخرها من كُتر الناس اللى كانت موجودة فيها، وصوت واحد بيعيط هز قلبي وهو بيقول:
- روحك هتفضل عايشة جوانا كُلنا، ومهما عدا من السنين اسمك عمره ما هيموت يا راجل يا طيب.
وفجأة مسكت إيد أبويا وأنا مرعوب وسمعتُه بيهمس ويقول:
- هو ده السر، والله العظيم هو ده السر.
"بصيت في عينيه وإيدي بتِترعِش"
= سر إيه يا بابا؟
" عينيه بدأت تدمّع، وشاور على الراجل اللى الناس رايحه تِدفِنُه"
- سر مايعرفوش غير الشخص ده وربنا، سر خلى آلاف الناس دى تمشى فى جنازتُه علشان بس تودعه.
"رديت بـ استغراب"
= بس ده مات خلاص، هيستفاد ايه من الناس دى كلها؟
" لاقيتُه حط إيده على رأسي وقال:
= ومين قالك إنه مات؟؟ الميّت عبارة عن شخص ماحدش جمبه يابني، الميّت ممكن يكون إنسان لسه عايش وسطنا وماحدش فاكرُه.
"وراح باصص على الجنازة"
- تفتكر ده ممكن يكون ميّت!

"بصيت على الجنازة اللى لسه ماشوفتش آخرها، وراقبت دموع الناس المحبوسة جوا عيونهم، وصوتهم وهما بيدعوله، ولهفتهم عليه وكإنهم بيودعوا حتة مِن قلبُهم"

= السر يا بابا!
"أبويا وقف قدامى، ووطى باس راسي وقال:
- أعظم سر فى الدنيا يابني، دوّر عليه وفى يوم هتوصلُّه، ولو عِرفتُه إضمن إنك هتفضل عايش جوا قلوب الناس ليوم الدين.

" عيني بدأت تدمّع وأنا واقف قُدام صيدلية فى الشارِع لما إفتكرت الموقف ده، وتقريبًا دى كانت آخر حاجة فاكرها لأبويا وأنا صغير، وبعد كام سنة ربنا إختاره يكون جمبه"

ومن اليوم ده ولحد دلوقتى، وأنا لسه بدوّر على السر وماعرفتوش.

مشيت لـِ قُدام خطوتين لحد ما وقفت قُدام شعار الصيدلية، وبصيت على التِعبان اللى مرسوم عليه، برغم إنه كائن مؤذى وقادر إنه يموتنا، بس السِم بتاعه بيستخدموه فى أدوية كتير جدًا.
وكذلك الإنسان المؤذى فى حياتنا لو عرفنا نتعامل معاه صح هنقدّر نحوّل كل السواد والشر اللى جواه، لنور وشخص بيجرى على الخير ويساعد غيرُه.
كل حاجة ليها حل بس إحنا اللى مابنحاولش.

"دخلت الصيدلية وأول ما صاحبها شافتى وقِف وابتسم"
مديت إيدي اليمين ناحيتُه.

= صباح الخير يا دكتور.
- صباح النور يا أستاذ جابِر.
= محتاج الدفتر بتاع حالات الشهر اللى فات بعد إذنك.
"هز رأسُه وهو بيضحك"
- إتفضل.
"مسكت الدفتر وشوفت كل الأدوية اللى إتصرفت الشهر اللى فات لحالات مش قادرة إنها تدفع تمن العِلاج، وأنا كُنت مُتكفِل بيهُم فى السِر مِن غير ما حتى الحالات دى تِعرف مين اللى بيدفعلُهُم".

" ومرة واحدة بصيت للدكتور بـ استغراب:
= إيه ده أم نور بطلِت تصرف دوا لبنتها ليه! هى حصلها حاجة؟؟
" الدكتور خرجت منه ابتسامة كبيرة جدًا وقال:
- نور خفِت والمرض الخبيث اللى عندها مات.
" قلبي بدأ ينبض بسرعة، وعيني دمّعت وقُلت بصوت عالى:
= ياما أنت كريم يارب، ياما أنت كريم يارب، نور خفِّت بجد يا دكتور!!
وفجأة..
صوت ست كبيرة فى السن جاى مِن ورايا وهى بتعيط بـِ حُرقة.
- سيدنا النبى بيبلغك السلام.
" جسمى إنتفض مِن مكانُه "
= سيدنا النبي!!
"دموعها بدأت تزيد أكتر"
- بنتى نور من أسبوع شافتُه فى المنام، بعد ما كانت نايمة بتعيط وفاقدة الأمل إنها تعيش يوم كمان لحد ما شافتُه، كان جميل أوي أوي يابني، جمال طلِتُه شوفته في عيون بنتي وهي بتحكيلي.
وبشرها إنها هتخِف، وإن كل واحد ساعدها ووقف جمبها ربنا مش هينساه وهيعوضه خير، وبلغها توصلهم السلام.
وساعتها جريت على الصيدلية وحكيت للدكتور على الحِلم علشان يقولى مين اللى بيدفعلنا الدوا، لحد ما قالى وعرفنى إنك بتيجي كل أول شهر، وأنا مستنياك من بدري جمب الصيدلية.
"وراحت مقربّة منى خطوة، ودموعها شلال نازل من عينيها".
وحطت إيدها فوق قلبي اللى هينفجر مِن شدة نبضاتُه.
- خلى قلبك يهدى يابني، سيدنا النبي بيسلم عليك، سيدنا النبي بيحبك وبيبشرك بالعوض.
بالله عليك يابني قولى إيه السر اللي بينك وبين ربنا؟؟!
" بدأت أعيط بـِ حُرقة "
= والله ماعرف، والله يا أم نور ما أعرف، وأنا صغير شوفت جنازة ماشى فيها ناس كتير، ومن ساعتها وأنا نفسى لما أموت يكون فيه ناس كتير بتحبني كدة، فبعمل خير على قد ما أقدر.
سيدنا النبي بيسلم عليا أنا!!
"وصوت عياطى بقى أعلى"
بالله عليكي يا أم نور بيسلم عليا أنا!!

"هزت رأسها وهي بتضحك"
- أيوة يابني، كمل فى طريقك وربنا هيبهرك بالعوض، واللى أنت عملته معايا أنا وبنتي ده عمرنا ما هننساه واسمك هيفضل عايش جوانا إحنا وعيال عيالنا ليوم الدين، ويوم القيامة هقف قدام ربنا وأشاور عليك، وأقول هو ده يارب، هو ده اللى سندنا ووقف جمبنا، فـ عوّضه برحمتك وكرمك يارب، عوضه واستُرُه زى ما سترنا.
عمرى ما هنساك يابني، والله عُمري.

" وسابتني وبخطوات بطيئة مشيت لحد ما خرجت من الصيدلية".
دفعت كل الفلوس لباقي الحالات، وخرجت وفضلت ساعات طويلة ماشى سرحان لحد ما سمعت...
- يابني أحفظ بقى أنت لو حُمار كان زمانك حفظت.
" كان راجل عجوز قاعد جمب عيل صُغير وماسك مُصحف بيحفظُه".

قربت مِنُهم بخطوات بطيئة وقُلت:
- عقبال ما تسمع القرآن بصوت سيدنا النبي وأنت فى الجنة يا حاج.
حفظُه وإوعى تزهق ربنا هيعوضك والله.

وفجأة الابتسامة اترسمت على وشه وبدأ يحفظُه بصوت أجمل والولد بدأ يستوعب ويستجيب معاه وهو باصصلى وفرحان.

وفضِلت مكمِّل فى طريقي ناحية البيت، لحد ما وصلت بيت الحاج سعيد جاري اللى متعود أفطر معاه كل يوم وخبطت على الباب.
سمعت صوته جاى من ورا الباب وبيقول:
- أيوة يا جابر يابني، جايلك أهو.
"وأول ما فتح الباب"
= عرفت منين بقى يا راجل يا عجوز إنى جابر!
"ضِحك بصوت عالى"
- هو حد يعرفني فى الدنيا غيرك؟ ده أنت ابني اللى ربنا كرمني بيه، تعالي أدخل تعالي.

" مسكت إيدُه بوستها وقعدنا وحطينا الفطار قُدامنا، وحطيت ظرف جمب مني، وعملتلُه ساندوتش وإديتهوله فى إيدُه"

= نفسك فى إيه ياعم سعيد ولو أقدر أعملهولك هعمله من غير تأخير.

"لاقيته حط الساندوتش قُدامُه"
- أقولك الصراحة!
= أيوة.
" وبصوت خارج منه مليان وجع وقهر مِن الدنيا اللى فرمته"
- نفسى تفضل جمبي يابني، ماليش حد فى الدُنيا غيرك.

" دموعى نزلت من غير صوت، وحطيت إيدى على قلبى بعد ما الوجع اللى فيه بدأ يزيد"

= كدة كدة أنا جمبك وعلى قلبك، نفسك فى إيه غير كدة!
- مانفسيش فى حاجة غير كدة.

"مسكت الظرف"
= طب خُد كمل أكلك.
وأول ما مسك الظرف، لاقيتُه بيضحك بصوت عالى.
- هو يعني علشان أنا مابشوفش هتديني ورق آكلُه؟
= مانفسكش تزور بيت ربنا ياعم سعيد؟

" لاقيتُه خد نفس طويل وقال:
- ياااااه، ده حلم حياتى يابني، ربنا يكرمني أنا وأنت بيه.

"مسكت إيدُه وقُلت:
= ودلوقتي إنت ماسك التذكرة اللى هتروح بيها بيت ربنا يا راجل يا طيب.
وفجأة...
إيده إرتعشت، ووقف مكانه وهو مصدوم، دموعه بدأت تنزل بسرعة كبيرة جدًا، وبيتنهد وبيعيط زى الأطفال الصُغيرة.

- إيه يابني!! أنت بتقول إيه يابني!!!!
"وقفت وأخدتُه فى حضنى".
= بعد شهر هتكون واقف قُدام بيت ربنا، إوعى تنسى تدعيلى وأنت هناك، ده أنت زى أبويا الله يرحمُه، ونفسي أبويا يدعيلي ياعم سعيد.
"ورُحت بايس رأسه".
ومرة واحدة لاقيتُه بيعيط بصوت عالى وهو جوا حضني وبيقول:
- ربنا يجبر بخاطرك يابني ويدوقك حلاوة طعم الجنة وأنت لسه هنا على الأرض.
هحكيله كتير أوي أوي عنك، ويوم القيامة هحكيله برضو، ربنا يرزقك بالنظر لنور وجهه الكريم وأنت واقف جمب سيدنا النبي يابني.
عُمرى ما هنسالك المعروف ده يا جابر، والله عُمري.

" بدأت أعيط بصوت عالى"
= أنا هعمل عملية القلب المفتوح اللى قولتلك عليها كمان يومين ياعم سعيد، إدعيلي بالله عليك.
- هدعيلك وهتخِف بإذن الله، وهكون معاك وجمبك خطوة بخطوة فى المستشفي، ده أنت عيني اللي بشوف بيها.

"فى اللحظة دى حسيت إن فرحة الدنيا كلها جوا قلبي، وإنى قِدرت أغير حياة غيري للأحسن، ومش عاوز فى الدنيا غير كدة".

كملنا فطار وسيبتُه ورجعت بيتي، وأول ما خرجت البلكونة، لاقيت حمام وعصافير كتير جدًا واقفين فى البلكونة، مستنيني أحطلهم الأكل بتاع كُل يوم.
فجبت الكيس بتاعم وأكلتُهم ولما شبعوا مشيوا وطاروا بعيد.

" خُد نفس طوييييييل، وغمض عينيك، خد حظك الأخير يا إبن آدم، الدنيا مش دايمة، ماتكابِرش، ماتِظلمش، ماتفتريش، يوم ما اتولدت بتقطع تذكرة محطتها الأخيرة مش معروفة وتركب قطر العُمر، فعيش كل يوم كأنه الأخير لإن جايز فى اللحظة دى توصل لمحطتك الأخيرة".

وحُقنة البنج دخلت جوا عروقى والعملية بدأت..

وفجأة...

جنازة مهولة فيها عدد لا نهائي من البشر ظهرِت قُدامي، صوت حمام وعصافير عالى جدًا سامعهم طايرين فوق الجنازة وكإنهم بيعيطوا وماشيين مع الناس يودعوا الشخص الميت ده.
صوت راجل عالى بيقول :
إيه السر بين الشخص ده وربنا علشان الناس دي كلها تكون موجودة.
أم نور واقفة هى وبنتها على جمب بيعيطوا بـِ حُرقة وبيقولوا:
- سيدنا النبي مشتاقلك يابني، والله ما هننساك.
وراجل كفيف ماشي على جمب بيعيط وبيقول:
- ربنا رايدلك تدوق طعم الجنة بدري يا جابر يابني، ربنا بيحبك أوي يابني، والحج هعمله بـ اسمك، أنا مش عايز حاجة من الدنيا تاني غير إني أعملك خير وبس.
والراجل العجوز والطفل اللى كان بيحفظ القرآن ماشيين مِن ضمن الناس.
كل واحد ساعدته وابتسمت فى وشه ماشي، أكبر جنازة شوفتها فى حياتي قُدام عيني دلوقتي.
كلهم ماشيين علشان يوصلوني لحد قبري، كلهم بيدعولي، كلهم بيحبوني.
الطيور والبشر فاكرين كل حاجة كويسة عملتها علشانهم.
وفجأة افتكرت أبويا وهو بيقول:
- أكيد فيه سر بينه وبين ربنا.
ودلوقتي عرفت السِر.
هو ده أعظم سر.
السر كان فى الرِحلة، السِر كان فى العُمر.
🥹❤️❤️

📚 عن أبي أيوب الأنصاري رضي الله عنه عن النبي صلى الله عليه وسلم قال:

🍃 ((من قال: لا إله إلا الله وحده لا شريك له، له الملك وله الحمد، وهو على كل شيء قدير، عشر مرات. كان كمن أعتق أربعة أنفس من ولد إسماعيل)).

🌹 متفق عليه. 🌹

🍂 في الحديث: دليل على أن الكافر الأصلي من ولد إسماعيل يرق كالكافر الأصلي من غيرهم، وخص ولد إسماعيل عليه السلام لشرفهم.


#اللهم_صل_وسلم_وبارك_على_سيدنا_محمد

📚 عن أبي هريرة رضي الله عنه عن النبي صلى الله عليه وسلم قال:

🍃 ((إن الله تعالى يغار، وغيرة الله تعالى، أن يأتي المرء ما حرم الله عليه)).

🌹 متفق عليه. 🌹

🍂 ((الغيرة)): بفتح الغين، وأصلها الأنفة.


#اللهم_صل_وسلم_وبارك_على_سيدنا_محمد

📚 عن ابي هريرة رضي الله عنه:

🍁 أن رسول الله صلى الله عليه وسلم قال:

🍃 ((حجبت النار بالشهوات، وحجبت الجنة بالمكاره)).

🌹 متفق عليه. 🌹

🍂 وفي رواية لمسلم: ((حفت)) بدل ((حجبت)) وهو بمعناه: أي بينه وبينها هذا الحجاب فإذا فعله دخلها.
في هذا الحديث: أن الجنة لا تنال إلا بالصبر على المكاره، وأن النار لا ينجى منها إلا بفطام النفس عن الشهوات المحرمة.


#اللهم_صل_وسلم_وبارك_على_سيدنا_محمد

أذكاركم في كل يومٍ حصنكم
من شرّ كل موسوسٍ خناسِ

هي رفعةٌ، هي جنّةٌ ومثابةٌ
هي قُربةٌ للهِ ربّ النـاس.

أذكار الصباح 🫶

قال كثير من المفسّرين في قوله تعالى: {ولا تفسدوا في الأرض بعد إصلاحها}
قال: أي لا تُفسدوها بالمَعاصي، فكلّ عاصٍ فهو مُفسد شاء أم أبى، وكلّ مُطيع فهو مصلح؛ لأنّ بضدها تتبيّن الأشياء،

فإذا كان العاصي مُفسدا فالطائع مُصلحًا، لكن الطائع في الحقيقة قد يكونُ صالحا بنفسه غير مصلح لغيره، وقد يكون صالحا في نفسه مُصلحًا لغيره،

فإذا كان عابدًا داعيا إلى الله صار صالحا مصلحا، وإذا كان عابدا غير داعٍ لله صار صالحا غير مُصلح لكنه ليسَ على وجه التمام في صلاحه؛ لأنّه من تمام الصلاح أن تدعو إلى الله عز وجل.
❤️❤️❤️💫

ألَا أدلكم على ذكرٍ يكون لكم مسْلَحَة من أول النهار إلى آخره، ويكتب الله لكم بكل مرة واحدة عشر حسنات، ويحط بها عنكم عشر سيئات، ويرفعكم بها عشر درجات!

«لا إله إلَّا الله، وحده لا شريك له، له الملك وله الحمد، يحيي ويميت، وهو على كل شيء قدير»

من قاله مائة مرة أو أكثر لم يأت أحد بأفضل مما جاء به في يومه ذاك، إلا من عمل أكثر من ذلك. ‌❤️

مفيش دليل ديني يثبت أن المقاطعة جاهد ديني ،
دي حرية شخصية!
=
وعنْ أنس، ، أنَّ النَّبيَّ ﷺ قَالَ: جاهِدُوا المُشرِكينَ بِأَموالِكُمْ وأَنْفُسِكُم وأَلسِنَتِكُم. رواهُ أَبُو داود بإسنادٍ صحيح.🫶

هتقاطع ولا هتخالف السُنه؟

خدها قاعدة كدا: 🫶
اللي الدين محرمه، أنا مش هعمله!

اللي الدين محرمه وأنا بعمله، مش هخلقله مبررات وهعترف بغلطي!

اللي الدين محرمه وأنا مش قادر أبطله، هدعي ربنا يهديني مش هدور على مليون تفسير مغلوط عشان أثبت صحته!

أي حاجة متعارضة مع الدين أنا مش بعملها، وأي حاجة متعارضة مع الدين كإنها لم تكن بالنسبالي خلاص.

مفيش حاجة اسمها بعيدًا عن الدين، لإننا لو رجلينا شايلانا هنا على الأرض، فإحنا هنطلع السما في يوم من الأيام، واليوم ده جاي كدة كدة لا مفر منه

وهنتحاسب على كل حاجة بعدنا الدين عنها عشان ندِّي نفسنا صك غفرانها.

ده مش نفاق دي عقيدة!❤️

📚 عن أوس بن أوس رضي الله عنه قال:

🍁 قال رسول الله صلى الله عليه وسلم:

🍃 ((إن من أفضل أيامكم يوم الجمعة، فأكثروا علي من الصلاة فيه؛ فإن صلاتكم معروضة علي)).

🌹 رواه أبو داود 🌹

🍂 في الحديث: دليل على استحباب تكثير الصلاة على النبي صلى الله عليه وسلم يوم الجمعة.


#اللهم_صل_وسلم_وبارك_على_سيدنا_محمد

📚 عن سلمان رضي الله عنه قال:

🍁 قال رسول الله صلى الله عليه وسلم:

🍃 ((لا يغتسل رجل يوم الجمعة، ويتطهر ما استطاع من طهر، ويدهن من دهنه، أو يمس من طيب بيته، ثم يخرج فلا يفرق بين اثنين، ثم يصلي ما كتب له، ثم ينصت إذا تكلم الإمام، إلا غفر له ما بينه وبين الجمعة الأخرى)).

🌹 رواه البخاري. 🌹

🍂 في هذا الحديث: استحباب الغسل، والتنظيف والتطيب يوم الجمعة، واستحباب التبكبير لئلا يتخطى رقاب الناس ولا يفرق بينهم. واستحباب الصلاة قبل الجمعة. ومشروعية الإنصات إذا خطب الإمام.


#اللهم_صل_وسلم_وبارك_على_سيدنا_محمد