جبتهة وياك بس هموم
ويومية تبچي العين
همزين العُمر مرة
صعبة أتحملك مرتين

إحنة ما نعرف نحب حب على كيف
من نحب الا نذب اروحنا .

من تُمر يمج فراشة ..
يموع گلبي ، منها اغار ومنها اخاف
لا يجي من جناحها لعينج غُبار .

كُف بـ أول جرح ، لا تنجرح مرتين
عاهة يضل أذا مرتين يتخيط .

حسيت المطر بي نقص هالـ مرة
مو نفس الشعور الـ قبل فترة
أول مرة أعبر من ضباب الجام
لا أسمك كتبته ولا عفت ذكرى

چا هيج فرگة بلا سبب ؟
لو أدري هاديلك عطر حتى ابقى الوم بروحي .

أنة من اليوم مو خير !
وراح تشوف شكلي بخير ميبشر .

اجيتك جية المحتاج للقاصة أجيت أكسر
واسمع صوت گلبك عالي من الخوف
وي كُل دگة أشوف گلادتك تطفر .

اعيد الماضي واتوتر
حياة وموت بين حجاية وحجاية
گلبت الرسايل من احبك حيل
للـ ماريدك وياية .

هاي الدنيا رحلة ولا بُد بيوم
تخلص رحلتي ويمضي زماني
شرد ابقى بحياتي وعمري محدود
وين ارد اوصل وشرسم اماني !؟

أنة كتال روحي ، منين اجيب الثار !؟

بين منو المتمسك وبين منو المتخلي
من انتَ أساس المشكلة ، ونايم لگيتك قبلي
حبيتك وكلهة درت من الغريب لاهلي
خلصت عمري بگلبي أحب ، امنيتي احب بعقلي

اني خايف منك وخايف عليك
خاف أگلك روح ، تفهمني غلط
دورتلك حل وسط حتى استراح
وما لگيت لروحي قبلك حل وسط
يا نقاط تريد احطهة على الحروف !؟
وهي نص حروفنا بلاية نقط .

وشريط الذكريات براسي كام يدور
ونوارس ذكرياتك فوكنة افترت .

گتلي من تعطش ترويك الچفوف
وهذا انة العطشان ، وين چفوفك ؟
وگتلي اذا شح النظر بعيوني شوف
شفت كل الناس بس ماشوفك
وگتلي اذا جرحك كبر برموشي روف
شو كبر جرحي وصغر معروفك
انة ادري رموشك اقوه من السيوف
شجاب گلبي وحطة بين سيوفك ؟

لو نحب بـ بلد ثاني چان وقت الملتقى اكثر
وچان فهمتك عليه ، ولا كلام الناس غير
واني مو هذا الـ گبالك ، التعب لوث اطباعي
بـيش أحبك ؟ والورد كُلة أصطناعي .

هـذا اخر سلام لـ روحي مني

انه نغشيت لا تحسبني مغلوب .