مِن عَباتـﭻ طِلعَت اشمُوس العَفاف
ونور سِتر اَلله اويَه الخيُوط اِنطبگ
ﮔالوا اِحتِرﮔت واَنه اِرفَضت المَقال
شلون مَحروﮔـه إذن سِترَه اِحتِرگ
يازينب
**
بالسِتر دِنيـَـانه زَيـَّـنها الجَلـيل
ودُونـَه كل قِيمه أبَد ماتِنطلب
ودنيه مَابيها سِتر ماتِبقى هَيـﭻ
وشي أكيد البَاري يـﮔلبها ﮔـلب
يازينب
**
ألله مِـن اَسمَاءَه سَـتار العِـيوب
امغَطّي مِن اعبَاده ﭼَم زِلمَه ومَـرَه
مُذنبين ، اِنـّوب يفضَح هالمَـلَاك 
المِن صلب زَهره الزﭼيه وحَيدره
يازينب
**
زينب آيَـة خِدر بكتَاب العَفاف
بَسمَلتها النور والخَـتمه السَبي
وبشهَـر عاشُـور نَـزّلهه الإله
ومَوضِع التَنزيل تَـل الزينبي
يازينب
**
إسِم زينب جَامع احرُوف النَـقاء
زِينه, يسر ,ونور, وَي بيت العطف
ونِدري واجِب عالبشَر مُو مَستَحب
المَاهو مَتوَضّي فلا يلفـظ حَرف
يازينب
     
              -------------------------------- 
      
لقمان البدران

نظلُمُها عِندما نصَوِّرها ، يائسة ً بائسة
وهيَ مثالُ الصبرِ والجَلادة..
------------------     
كالجَبل بِنت النَبي  
عَلى التَل الزَينبي
جبَل فوگ التل ينَادي آ يالحسين
وَعدِي ويَّاك الصَبر ماتِدمَع العَـين 
***
الصَبر رَاد اَلله يخِـلقَـه ابصُورة اِنسَـان
ويرسِم اَوصَافه ويخطـَّـها ابإيد فنـَّـان
آيـَـه مِـن عِـندَه وسَبيل الرِفعَـة الشَـان
خِـلَـق زينَــب للبَريـَّـــه وكان ماكـــــان 
صَبر وبصُورة بشَــر
زينب وكِـل الصُــوَر
تشرَح اشلون الصَلابه ابدِنيه وبـدِين
وَعـدِي ويَّاك الصَبر ماتِـدمَع العَـين 
***
هَـذا مـُـو تَـل فاجعَــه تَـل مَرجعـيـَّــه
البطَل سَـوَّا إِلهَـه مِـن رُوس آل اُميـَّـه
فـُـوﮔـه صِـدرَت فَـتـوَه مِن الهاشــميه
السِـتر وَاجب باصعَب اَوقـَـات الرزِيه
والصَبر يُـوم الشِـدَد
مِثل رَاس امِن الجسَد
والفَـواطِم نـفـِّـذت كِــل المَضـَــامين 
وَعـدِي ويَّاك الصَبر ماتِـدمَع العَـين 
***
أَبَـد ماطَاحَت عَـبَـايه ولا انكِشَف رَاس
واليـﮔول اِخــلَاف هذا مِن اَخَـس نَاس
زينب اِحجَـاب السِمه وللعِــفه مِقيَـاس
وحَاشَه لِحجَاب السَماء ابرِيبَه ينجَاس
اِلحفَظ بالقدرَه الذِكِـر
حَارِس ابعَـينه الخِدِر
وقـدرَة البَاري نـَـفَــاذ وأمـرَه تَـمكِـين 
وَعـدِي ويَّاك الصَبر ماتِـدمَع العَـين 
***
الـﮔالَت اَقبَـل بالقضَاء وشِـنهي مَكتوب 
ومَارَأيـت إلّه جَميـل ابهَــاي الخطـُـوب
تِلطم اعلَى الرَاس ﮔلّي اِتشِـگ الجيُوب
إِتـَّـقـي البَـاري ابحَديث وكِلّـه مَكـذوب
أبَـد ماخُمشَـت وَجه
الـﮔـال هذا مِـشتِـبه
لو حَـقود اوهِيـَّـه وِحدَه مِن الاثنـين 
وَعـدِي ويَّاك الصَبر ماتِـدمَع العَـين 
***
ولُو فرضنا ابيُوم عَاشِر دَمعَت اعيُون
للعَــقيله اِخـت الكَـفيل اوَّالِـدة عُــون
أبَـد ماخَلـَّـت دَمعها ايشُــوفه مَلعُـون
وللدَمع ﮔـالته اِبقى اِبجِفني مَسجون
واَبد ماصَاحَت جَزَع
ورِجفت وشَافت فَزَع
وخَلّت اجيُوش المَذلـّه ابحِيرَه باقِين 
وَعـدِي ويَّاك الصَبر ماتِـدمَع العَـين
--------------------------------- 

لقمان البدران

https://www.tg-me.com/lukmanbdran1970

لمولاي الإمام الكاظم عليه السلام
::::
كُون ازُورَك . وانه بچفوفي الحَديد
كُون ازُورَك . تِجلِد بظَهري العَبـيد
يابَاب الحَوائج
*
كُون ازورَك وآنه لِـگـيُود بإديـَّـه
تنزِف اجرُوحي دِمَه وتِملي الوطِيه
كُون ماشَـايف شَـمس أَلله الزهِـيَّه
امخَلِّص اسنِين العمر سِجن وأذيـَّـه
وعَمدَه اَلِچـمَه . جَرحي حَته ايظل جِديد
كُون ازُورَك . وانه  بچفوفي الحَديد
يابَاب الحَوائج
*
كُون ازورُك وانه ماشَايف عِـيَالي
حَفـنَة اسنين اوبُعِــدهُم شِـدَه بَالي
وكُون ماأعرُف نَهاري امنِ اللّيالي
وجُبَّه خَشنه اتصِير كِل مَالي وحَلالي
ماأريدَه . دُونَك العَـيش الرَغِـيد
كُون ازُورَك . وانه  بچفوفي الحَديد
يابَاب الحَوائج
*
شلون يمشِي المُحِب وايقَابِل حَبيبَه
ومايحِـسِ ابوَنِّـته وعُـظم المُصيبه
شلُون ماينغـَـر الحرِّيتـَـه السَـليبه
ومايعِيش الحَـاله وايشَـارِك نَحيبه
ايحِّني بَابَه . ابفِيض مِن نَزف الوَريد
كُون ازُورَك . وانه  بچفوفي الحَديد
يابَاب الحَوائج
*
أمشي وَنَّي امتَاعِي والدَمعات قُـوتي
حَافيه اجدَامي وأَثَـر دَم ابخِطُـوتي
وَيَّه كل شَهـﮔـة نَفِس يترَاوَه مُوتي
وشَتِم سَجَّاني غِلَب صُوته اعلى صُوتي
النَشغه مِنِّي . اتدَلِّـي گَصَّاد البعِـيد
كُون ازُورَك . وانه  بچفوفي الحَديد
يابَاب الحَوائج
***
لمَّن اُوصَل صَـحنَك وأَنوِي الزيَـاره
إيدِي اَمِدَّنهَـا وافُـك چَف الفقَـاره
قِـبلِـتي أسـتَـقبِلها وانظِـر للمَـناره
ويسكِن اِلوَن والگلب ياخِذ  قَرَاره
ومِن امُوتَن . بهَالوضِع ربحِي الأكِيد
كُون ازُورَك . وانه  بچفوفي الحَديد
يابَاب الحَوائج

------------------------
لقمان البدران

أفراح شعبان الأغر 👇

عجيب شلون إسمين          
أبو فاضل والحسين                          
خُوّه وتضحيه ودين
أبو فاضل والحسين                         
*  ***  *
لــو ردت الــنجاه دوم       
خويـه ورفعـــة الراس
روح وزور الــــحسين       
واخوه الـشهم عبـّـاس                 
جنـّه اعلى الأرض هاي                       
يجيهه الـمـَلـَك عنـّـاي                 
يطوف وينظر  بعين             
لبو فــاضل والحسين                       
*  ***  *
هذولـــه اولاد  كـــرّار        
رجال ونـِـعم الــرجال
صـــــاروا بالـــميادين        
والــعز مضرب امثــال                 
لـــتظن يبـو الــتفكير                
مثل خــوّتهم اتصــير
الـوفه متفصـّل اثنين            
لبو فــاضل والحسين                        
*  ***  *
إســـمع يــادهر شوف        
كتاب الــمجد منشـور
اِخِذ من عدهم ادروس         
واكتب بـاحرف النـّور                  
صُـور رسموا  بالايثار                  
مــا تمحيــهه الاقـدار
مطلوب الــفخر  دين             
لبو فــاضل والحسين                       
*  ***  *
من نــذكر عنـــــاوين         
شجاعه وهمـّه وايمان
ومــــانذكرهم انـصير         
طول الــــعمر عميـان                   
مجدهم بـاقي للـدّوم                  
شمس تتحـدّه الـغيوم
سـِجدت هالــعناوين             
لبو فــاضل والحسين                        
*  ***  *
نـــعرفــكم يــطيبيـن         
درب للجنـّـه مرسـوم
لذلك إحنـــه عشـّــاك          
خلـّــي الـعاذل ايلـوم                   
حــبكم باقـــي بينــه                   
شمــا ضغطـوا علينـه
فدوه انروح  صوبين            
لبو فــاضل والحسين
…………………………..
لقمان البدران
                                                                                        

حسين إسمَه اشـﮔد خَفيف اعلى اللسان
خفـّــة الماي وتَـرافَة صَفحته
لكن ابمعنَاه چـن ثـﮔـل الجبال
ولو مَا فاطم أمّه ياأم شَالِته
***
ابمَاي يتوضّــه اليجي ورَايد يزور
أي ضـَـريح الآل طه وعِترتــه
لكن حسين اختِلَـف عن الجميع
اتوضّه بِسمَه المَاي من طَب حَضرته
***
بيوم ميلاده ابأمر منِ السَـماء
نِــزلت الأمـلاك وَاحـيَت حَفلتـه
فطرِس ابجنحَـانه ينثـر بالورُود
وبيدَه ميكائيل علّــﮒ زينِــته
***
وصَـار جبرائيل رَادُود احتفال
وبِدَه ابهذا البيـت بأوّل رَدّتــه :
ألله هذا اليوم سَد بـاب الجَحيم
وفتَح بِسم حسين وَاسِع جنّته

""" """ """ ""' """ """ """ """ """ """
ألله هذا اليوم سَـد باب الجَحيم
وفتح بِسم حسين واسِـع جنّـته
***
ألله رَاد اينجّـي خَلقه امن المِحن
ابسَاعة الضِيج ومصَايب هالزمن
مَـرَج البحرين لِحسين وحسـَـن
وﮔال عَبدي اينُـول بيهُـم حاجته
***
انفِـتحَت الجنّـات ساعة مَولده
لأن فرحَوا بـيها جـدّه اوّالـده
وامّـه فاطـم بالولادَه امعَــيّده
وفَـرَح أهل البيت رَبّـك غَـايته
***
وﮔال هذا حسين خَصّيته ابصِفات
اِلدعَاء ابحَضرته وبِـيه النجاة
ونَسله معصُومين حِرز النَـايبات
والشِـفه امن الدَاء بس ابتربِـته
***
العَـبد لو يسعَالي بِشمال ويَـمين
ولو قِصَد ليّه وبذَل أي شي ثَمين
وماإجَه اتوسّل إلي بإسم الحُسين
منّــه ماأقبَـل وارِدهَــه الطلبِـته
***
ألله بِسم حسـين ينطِيك اشتِريد
ايسهّل الصَـعبات وايقَـرب البِعيد
عيد هــذا اليوم لا مامِثلــه عيد
والمُـوالي ايغِـيض ناس العَـادته
—---------------------------—

لقمان البدران

يقول الشاعر :
"جسَّ الطبيب يدي جهلاً فقلتُ له :
إن المحبةَ في قلبي فخلِّ يدي "..
*

اتعجَّب طبيب الجَاي مِن لِزم إيدي
وشَاف وعرُف بحرُوف ينبض وَريدي

حلّلي دمّي وﮔال حـِيرتي اطوِيله
ماشِفت آنه ابيوم من هالفـَصيله !

أربـَع احروف الـﮔيت بالدم يسِيرُون
ناتِجهه (حَاء) و(سِين) (يَاء) وحَرف (نون)

گتله ٱبَد لا تحتار واقرَه الروَايه
عن صَادق اهل البيت بيها الكِفايه :

"طِينَتنه چف رَحمن اِلها استَخارَت
ومن فَضل هذا الطين شِيعتنه صارت"

والهذا بالتَحليل عِندَك وِضَح زين
نُوع الفصِيله اهنا (بي زائِد حسين)

ﮔال الطبيب احسين بالطف يـِﮔولون
ﮔتلـه آنه يادكتور عَكس اليظنّـون

مادَوّر اعلى حسين بين الأمَاكن
لـَنه ابدلِيلي اوياي وبدمّي سَاكن

وي دَگة الشريان تِنبض احرُوفه
ولو ماكو إسمه الموت بعيُوني اشُوفه

============
لقمان البدران
https://www.tg-me.com/lukmanbdran1970

أنه امناطِر صُبح من فتّحِت عين
عالدنيـه ومِثالي الصَبـر عندي
مو طَلعة صُبح من هاي الاصبَاح
البيهه الحق يبَس والجُور وَردي 
أنه صُبحِي بَشر من جَبهِته النور
يشِـع عالكون كلّه واسـمه
مهدي

https://www.tg-me.com/lukmanbdran1970

في نِصفِ شهرٍ بالمَسرّةِ عامر ٍ
وُلدَ ٱبنُ مَن سَادَ الملا بكَماله ِ
مَن يملأ ُ الدُنيا بصَولةِ سيفهِ
عَدلاً ويُبدي الحَقَّ بعدَ زَواله ِ
فلِحِفـظ آلاء ٍ لـه ُ مابَيـننا
صَلـُّوا عَلى طه النبي ِّ وآله ِ

لقمان البدران

( هوسات ١٥ شعبان )


ألف مَبروك إجينَه انشَارِك بهَاليوم
يارَب بالفرح تبقه الحَبايب دوم
لا مَنريد واحَد صَافن ومَهموم
والحاسِد خَيمُوت أبغَيضه
*
عاشِگ والعشگ ماعِندي تَفسيره
وسِوالِف شُوگي خلّت بالگلب حِيره
حبيبي ابيَا أرض ماعرفَه ياديره
بَس اقرَب من حَبل اورِيدي
*
مسَافات البعد مَتغيـِّر الأحباب
أملنَه برَبنا يرجَع سيِّد الغـيَّاب
ويجي يوم ونشُوفه امنوِّر اعله الباب
شَايل رَاية عمَّه بإيدَه
*
تِغمـرنه السَعاده ونِعلِـن الأفراح
ويِرد واهِس عمرنه الوَلَّـه عنَّه وراح
نِترس دَربه جُوري وعَنبر وقدَّاح
ومِن گبْل ايدَه انبُوس اجدَامه

"""""""""""""""""""""""
لقمان البدران
https://www.tg-me.com/lukmanbdran1970

ياسيدَ الأملِ المعطرِ بالرَجا
أنعِم بشخصكَ للمودةِ سيدا
في يوم مولدكَ المباركِ عِطرُه
قد جاء صوتيَ بالنداءِ مُرددا
إقدِم فداكَ جَوانحاً يبن الذي 
قد كان في يومٍ لخيبرَ أرمدا
فمشى سمِيُّكَ عند ذلكَ قاصدا
وبلمسة ٍ رمَدُ العَتامةِ أُبعِدا
هذي عيُوني من زماني قد غدت
رمدَاءَ فامسح للعيونِ وبدِّدا
دَيجوريَ القاسي الذي أحيا بهِ
واظهَر بشمسكَ للفؤادِ وأَرشِدا

لقمان البدران

أشرَقت شمسُ الميَامينِ بنُور
فتبَاهى شَهرُهُـم بينَ الشُهور
قالَ في أبهَى الكلام
هـا أنا شهرُ الكِـرام
أشرَقت شمسُ الميَامينَ بنُور
**
ربّك بعِـزة جلاله اختـار مِن كل الزمان
شهر بي أنزل رحِمته وخصّه باوصَاف الأمان
مثل ما عالسِوَر ميَّز سُورة السبع المَثان
نعمـةٌ جَـادَ بهـا
سائرُ الكونِ ازدَهى
والسَما شُكرَ النَعيم
نرفَـعُ الكفَّ لها
والوَفا للهِ في هذي الهِبات
إلتـزامٌ دائـمٌ فيـهِ الثَبـات
ذاكَ خيرُ الإلتِـزام
قالَ في أبهَى الكلام
**
ابطَلّة الثالث عليها الدنيا غطّاها الجَلال
ويوم رابع بيَّن الحق بالأخُو المالَه مِثال
وخامس ايّامه يَقين بعَابد النَال الكمال
صَفوةُ الخلقِ ومَن
بهِـمُ تُجلى المِحن
من لهُم تشدُو الدُهور
وبهِمْ تحيَا السُنن
غُـرّةُ النــورِ شُـموسٌ لاتَـغيب
عترةُ للمُصطفى الهادي الحَبيب
ملَكُوا القلبَ فهَـام
قالَ في أبهَى الكلام
**
شَع على الدنيا ضِياء وبَان من خَلف السحاب
بيوم خامس عشر منّه المُنقذ الينهِي العذاب
الأقرَب الأبعَد وَلينا الحاضر برَغم الغياب
مُـدركَ الثـأرِ إذا
صالَ ينزاحُ الأذى
عندها فازَ الذي
فيهِ أمسى لائِذا
سيدُ الساداتِ نبراسُ اليَقـين
باعثُ الأنفاسِ في دِنيا ودين
من بهِ نَيلُ المرام
قالَ في أبهَى الكلام

============
لقمان البدران

للمعلم في عيده ..

سلامٌ على الباذِلينَ الكرام
سلامٌ على من أزاحوا الغَمام
عن العقلِ بالعلمِ حتى غدا
حُصولُ المقاصدِ سهلَ المرام
على الناشرينَ الشراعَ اليَراع
يصارعُ موجاً كقطعِ الظلام
فباني العقولِ كباني الأساس
لبيتٍ على المُكرماتِ استقام
سلامٌ لجيلٍ بوعيٍ يسير
على الدربِ نحو المرَامي العِظام
تدرَّعَ بالسِفرِ درعاً حصين
وفي كفهِ الحرفُ أضحى الحسام
فسوحُ الشدائدِ تحتاجُ من
تهيـَّـأ حتى بها لا يُضام
وبالعلمِ يدنو سبيلُ النجاة
وذو الجهلِ يجني الأذى والملام

مشاركتنا الشعرية
في مهرجان تكليف الفتيات
على حدائق مدينة البصرة لاند .
نسأل الله القبول .

رابط الحفل كاملاً على موقع قناة صوت العقيلة الفضائية

https://youtube.com/watch?v=4-1hC0YXT4I&si=_prKIvQhvzh6L6oW

أَقبِل إلى الغفرانِ وانعَم بالتُقى
قد جاءَ شهرٌ وافرُ البركاتِ
بادِر بكَسبِ الأجرِ واستَكثِر بما
قد خُص فيه الشهرُ من خيراتِ
فاللهُ يعطي الصائمينَ بصبرِهم
بعدَ انقضاءِ الأمرِ خيرَ هباتِ

#رمضان_كريم

لولادة الإمام الحسن عليه السلام