شو السبب انو الكتابة رح تساعدك اكتر من انك فقط تقعد تفكر بدون ما تكتب ؟؟

هالشي مابعرف اذا علمي وصحيح ماقرأت عنه بعد ولكن من وجهة نظري
لما اقعد فكر فقط بالشي يلي خايفة منو وحتى الحلول لأله
رح تطاير الافكار بمخي

وممكن فكر بشغلة ولاقيلا حل بس انساها من كثرة الأفكار

او لربما ما اقدر استشعر الحل وفكر واتعمق وحس فيه لانو هالفكرة عم تجي بعدها كمان افكار

خصوصا في حالة الخوف هناك الكثير من الأفكار من هنا وهناك التي تبدأ بغزو عقلك

لهيك الكتابة رح تساعدك انك تركز اكتر
تثبت الأفكار
تتأملها
تحس فيها

وأهم شي ولو رجعت وخفت من نفس الموضوع مرة ثانية

رح تفتح الورقة وتتذكر شو فكرت وشو لاقيت حلول

احسن ما تنسى كلهاد ويرجع يسيطر عليك الخوف مرة ثانية

وخود بقى على دوامة لا تنتهي من انو ارجع افكر بالموضوع وارجع احاول الاقي حلول ولربما رح ترجع تضيع من عقلي ويوووه علينا

لذا الكتابة يا اصدقائي عليكم بالكتابة 🪷

ماعم اقدر احكيكن كتير لانو النت الو اكتر من شهر مقطوووع عم افتح وقت اشحد من اختي نت فقط وفي كتير شغلات حابة احكين😭😭🤣

أحبُّ الطرقات التي لا نهاية لها
أحبُّ البساتين الكبيرة والأنهار الهادرة
أحبُّ كل الأفلام التي يتمكن فيها السجناء من الفرار
مشتاقٌ للتحرّر
مشتاقٌ لشرب الشمس
ولمس الماء
في داخلي
يقبع سجين محكوم بالسجن المؤبد
هرمٌ ومقوّس الظهر
وفي يده مكبرة
يقرأ بها خرائط الفرار.

•رسول يونان

إن الذي يعرف حقًا كيف يحيا وحده؛ هو الذي يعرف فعلًا كيف يعيش برفقة الآخرين.

•أوكتاڤيو باث

مُفتقد الحياة
د. محمد إبراهيم

لا أحصي عدد من قابلت في الجلسات الخاصة أو بين معارفي من يشكو لي من هذا التغير الغريب الذي طرأ عليه : لم أعد كسابق حياتي تأخذ هذه الشكوى العديد من الاشكال، هناك شيء غريب حدث لي فربما فقدت الشغف أو انطفأت .ولم اجد وصفا أدق لكل هذه التغيرات من مفتقد للحياة أفتقد حياتي  السابقة ، أفتقد مشاعر الدهشة التي كانت تصيبني فتصبرني على بعض آلام الحياة، أفتقد أشياء كانت تعني لي الكثير صرت أمر بجانبها ولا أبالي أفتقد مشاعر الأنس والدفء التي كانت تأتي على ومضات فتطفئ نار الوحشة التي بداخلي لماذا طرأ علي هذا التغيير ، ما العطب الذي أصابني وصبغ ألوان حياتي باللون القاتم ؟
أحاول في هذا الكتاب تفسير التغيرات التي تشعر بها، ربما كان اكتئابا مرضيًا أو تغيرًا في وسط زحام الحياة وكثرة آلامها ، أو لعله السبب الأشهر في هذه الأيام التي تعيشها وهو سوء التعامل مع نفسك الذي يؤدي لكراهية الذات. سوف تجد في هذه الكلمات عزاء لبعض المشاعر التي تنتابك ولا تستطيع التعبير عنها، والعديد من الأدوات التي تعينك على النهوض ثانية إلى الحياة.

كتاب جميل جداً جداً صراحة
مش بتاع تنمية بشرية وانت قدها شارك واتحدى
لا عم يحكي عن الاكتئاب بشكل علمي يعني تقريبا جميع العلماء يلي ذكرن والأشياء يلي حكاها اخذتهم بالكتب الجامعية عندي
فالجميل بالأمر انو انا بعشق كتبنا الجامعية والتي يوجد منها ما يُذكر به الاضطرابات النفسية ولكن تذكر بشكل قصير يعني ١٠ او ١٥ صفحة يمكن كل اضطراب

ف اجاني كتاب كامل تقريبا ٢٠٠ صفحة عم يحكي عن موضوع واحد وهو الاكتئاب
الأمر كان جميل جدا وغني بالنسبة الي وبالاضافة عم يحكي بشكل جداً بسيط ممكن اي حدا يفهم الكلام يلي فيو

بالاضافة انو الكتاب اشتريته بدون ماكون بدي ياه لهيك حبيته كتير
كنت عم اشتريه من مكتبة عم تبيع كتب بدولار واحد لذا اخذته هيك وانا مش مقتنعة فيه كثير بالآخر اكتشفت انه صديق رائع يعني عرفتو هي الصدفة كثير حلوة صح صح

طبعا هو مو كافي لتعرف تماماً عن الاكتئاب لانو اي اضطراب بدك تقرأ عنه كتير لتعرفه اكيد
ولكن ما انكر فيو كمية معلومات حلوةةة جدا وبتساعدك بشكل ما لو انت مكتئب حزين او مهتم بهيك أمور او طالب علم نفس ارشاد نفسي اياً يكن

انصحكم فيه قراءة ممتعة

جيبيلي ياه الأحد رح أقرأه لأن بثق بذوقك.🌷

انا اساسا لحالي من عقلي حجزته الك قلت لحالي رح اعطيكي تقرأيه بس شفتك 🤣🤣🌸💕💕💕

أحبك😂💘💘💘

بقصد ب لا انو قرأتو بس ماحبيتو 🙃

بفرح لما لاقي حدا بحب يلي بحبو
وبفرح لما لاقي الشغلات يلي بحبن مو محبوبين
بحس بشعور العالم المختلف والنظرة المختلفة
لهيك ما بزعل عالحالتين هيك هيك رح ضل شارك شو بحب وفيكن تشاركوني اكيد كمان شو بتحبو😁 احبكم💕💕💕💕

﴿‏إِلّا مَن تابَ وَآمَنَ وَعَمِلَ عَمَلًا صالِحًا فَأُولئِكَ يُبَدِّلُ اللَّهُ سَيِّئَاتِهِم حَسَناتٍ وَكانَ اللَّهُ غَفورًا رَحيمًا﴾. 🌸

حين أسلك طريقًا إلى هدف أو غاية، سأنجح بالضَّرورة بعد توفيق الله.
ولمَ أنت واثق إلى هذا الحدّ؟
لأنَّني ببساطة لن أخبر أحدًا بتفاصيل سيري.

•حمزة مرعي

حسيت الصورة فيا حنين مابعرف لشو
حلوة

في كتير اوقات بقلب ف بيطلعلي مسلسل سوري مابكون بعرفه بحطه بشوفه
مابفهم شي
مين هدول شو عم يساوي وليش هيك عم يصير
بس بستمتع كتير بالمشاهدة
لانو بكون بس مركزة كيف عم يمثلو بتطلع على تفاصيلن
نظراتن ايديهم حركاتن المكان يلي هنن فيه كله يدفعك للانغماس بالمشهد
طبعا مو كل المسلسلات السورية ولكن في هيك مسلسلات كتير

وحابة احكي عن مسلسل بالذات وهو مسلسل الانتظار
امي بتبهدلني قد ما بتشوفني عم شوفه اوقات
بيخلص بعد فترة بشوفه طالع برجع بشوفه 🤣
يمكن نعرض اربع مرات وبضل بشوفه

بالحقيقة مابكون عم تابع القصة
بس بكون عم تابع اشكالن وحركاتن لهيك ماعمري مليت كل مرة اكتشف تفصيلة وشغلات حلوة

اموت وأكون مخرجة لشي فيلم سوري يوما ما
يمكن شي يوم ليش لا 😁

عم ناكل بزر انا والحمامات 🤣🌸
وحدة الي وحدة ارميها الهم
حرام خلي يتسلو شوي شو كل مرة خبز شي بملل

لا تكن هامش، كُن أكيد أو كُن بعيد.

•محمود درويش