ربّما كان الأفضل للبشرية أن تتوقف عند عتبة السبعينات، رسائل ورقيّة، مطبعة، أفلام الكرتون مميّزة، تلفزيون ملّون، كُتب، والكثير من الحُب.

أسفي عليكِ يابلادي
أسفي عليكِ..

عم تناقشني فتاة بيلي عم يصير بالبلد وماعم تطلع مني غير كلمة غباء غباء غباء
اجتني لحظة إدراك لهالسبب قطعت قنوات التلفزيون الأخبارية والفيسبوك وكل صفحة بتخبرني أي تفصيلة بسيطة عن اخبار سوريا
انو ماعم اتحمل الغباء
كتير مؤلم ومرير فكرة انو في كتار اشخاص اغبياء بهالبلد
وكل شغلة مؤلمة عم تصير
بتقول لحالك
يا الله كان ببساطة فين يعملو كذا وخلص ينحل الأمر
يا الله ببساطة كذا وكذا والأمر بصير اروق
فكرة انو عم حس احساس انو انا الصغيرة يلي مابفهم بالسياسة يلي مواطنة عدد واحد مالها اهمية بالحياة عم تفكر بطريقة مسالمة وذكية عكس تماما كل ما يحدث بسوريا
الأمر جدا مرير ومقرف انو الغباء متفشي هيك لهالدرجة
يمكن لو كان عندي حب للدمار وللشر(للغباء) كنت ارتحت اكثر

وصح حبيت وضح فكرة انو انا بعالم آخر لذا اعتذر لو بتحسو بإحساس مؤلم انو ماعم شارك اخبار هنا او بدعم المظلومين او ايا يكن وانو مالي دور بالأمور هي او اذا حدا بعرفو عم يصير عندو اشياء يفكر مو مهتمة وماعم ابعت اتطمن

هاد كلو والله بسبب انو جد ما بتابع انا كتير تعبانة لدرجة ما بتحمل شوف اي خبر فبكون مالي خبر
ولا أكيد اول شي رح اعمله اتطمن على يلي بحبن

ولكن رغم كلشي اكيد الا ما يصلك حكي من هون ومن هون وبدعي دوما للطيبين أنهم يصيرو مناح وياخد الله كل شخص عم يئذي اي حدا بريئ

لهيك مابعرف شو بصير بالضبط ولكن دعائي معكن دوما يا طيوبين يا مسالمين يلي بتستاهلو سوريا

احبكم 💕🌷🌷🌷🌸🌸

صراحة اول مرة بقرأ رواية وبضحك فيها 🤣🤣🤣
فيها بضع كلمات وجمل ضحكتني كثير وبصوت عالي


المهم
الرواية هي بتحكي عن هالوقت يلي صار فيه كلشي مادي اهم من المعنوي وصار الحكي كلو بالمال وتحقيق الربح والقصص هي
والقصة بتحكي عن بنوتة عمرها ١٢ سنة بتطلب من أهلها يشترولا شاعر وكأنه شي عادي او حيوان أليف 🤣

بيشترولا الشاعر فعلا وبعيش معهم وبتصير مواقف بينه وبين هذه العائلة
هذا الشاعر الذي لا يهتم بالمال والمنصب وكل هذا
وهذه العائلة التي لا تعرف من الشعر والأشياء المعنوية شيئاً وهمها الوحيد الأشياء المادية

الرواية هي قصيرة جداً ٨٠ صفحة
ممكن تاخدوها استراحة من رواية طويلة او سلسلة عم تقرأوها
او لو حاسين مش عندكم طاقة تقرأو شي طويل
اتمنى لكم تجربة ممتعة ومفيدة بشكل ما 🌸💕

عَيْنَاكِ وَحْدَهُما هُمَا شَرْعِيَّتِي ومراكبي، وصديقتَا أسفاري
إنْ كانَ لِي وَطَنٌ فوجهكِ موطني
أو كانَ لي دارٌ فحبُّكِ داري

•نزار قباني

٢٠٢٣

عمري ماحطيت عدسات
ومابحس لازم ينحطو
يعني اذا الواحد حط حمره مسكرة كريم أيا يكن بيضل الوش هاد هو مهما كان نحطلو
الا العدسات
العدسات بينسفو العيون نسف
أعني ليش من الممكن انسف عيوني واستبدلن هيك بعيون تانية هدول كون بحالو
مش بس عيوني عيون اي حدا

مابعرف بحاول افهم بس مابقدر
يمكن يوما ما يتغير عقلي

بس حاليا بقول مستحيل حطن

العيون العيون شي اعظم من انو يتبدلو يا الله حتى لو كان لساعة
هدول عيون فهمتو علي؟!😭🤣

الله يحميلكن عيونكم وعيون احبابكم، والله لا يحرمكن النظرات المحبة من يلي بتحبوهم 💕🌸

حطيت عدسات زرق وصار عيوني زرق لمدة أربع ساعات
وكوسا..

انت منيح حطيتين بخاف يصيبوكي عين عجمال عيونك لهيك منيح خفيتين مشان محدا يشوفن 🌝🌝

بحبك😂😂😂💜

وانا احبك كثيرا🌸💕💕💕🌸🌝

أحياناً كُلّ ما أبحث عنه هو إنسان أُرسل له:"سامع صوت المطر شو حلو ؟"
أحياناً كُلّ ما نبحث عنه هو من يُصغي بِقلبه لِأحاديثنا مهما بدت بسيطة بل حتّى سخيفة
لِهذه الدرجة الحُبّ بسيط
لِهذه الدرجة الحُبّ مستحيل
لِهذه الدرجة نحنُ وحيدون.

•ميشيل نَصرالله

وتقولُ لي:
عيناي واسعتانِ، تدخل فيهما الأشياءُ
كي تمسي إذا حلَّ المساءُ شريط ألوانٍ
أقول: أذاً أرفّةُ هُدبكِ الزرُّ
الذي يصلُ الشجيرةَ بالتصوّرِ؟
هل إذا أغمضتِ جفْنَكِ
سوف ينفتحُ التّفَكرُ؟
أم هما العينانِ واسعتانِ دوماً؟!..

•سعدي يوسف

حرفيا حاطة قائمة عريضة بالمسلسلات يلي بدي احضرها بعد ما خلص فحص
ماعاد أميل للكوري صرت بدي شوف سوري
يمكن لانو عم حن(بحن لشي ما عشتو عادي) لكيف كانت البلد حلوة (مدري هيك بقولو) ياريت عشنا هديك الأيام

رياض الصالح الحسين

كثير هالمخلوق تستوقفني كتاباته
وسبحان الله كتير اوقات بكون عم اقرا اقتباس وانا عم اقرأه بقول بقلبي رح يطلع لرياض وفعلا يطلع اله
احس في شي حي ويلمس قلبي دوما بكتاباته حتى صرت ميزها هيك! أحس كتاباته أشجار

للأمانة ولا مرة قرأت قصيدة كاملة او ديوان له بس كثير عبالي اقرأ لو عندكم اقتراحات احكولي

المهم حبيت ابحث عنه وعرفت انه مات بعمر ٢٨ وحزنت مابعرف ليش حسيت كان بدي يبقى اكتر ويكتب اكثر

وهو سوري من درعا من مواليد ١٩٥٤

بالاضافة لانو عرفت أنه كان أصم وأبكم فقد السمع والنطق بطفولته بسبب الحمى، وانا لا أعلم لماذا لكن في شيء في قلبي يجذبني لهؤلاء الأشخاص
لا أعلم اذا سبق وقلت هنا
ولكن احب كثير الافلام والمسلسلات يلي يكون بطلتها/بطلها أصم او أبكم
ويا سبحان الله يطلع هذا يلي احبه هيك!

انه لشيء عجيب، أعني هذا القلب، قلبي

اتمنى أضل احبه حتى بعد ما اقرأ اشياء اكثر اله ورح خصص وقت اله بعد الامتحانات لأبحر في قصائده اكثر 🌸💕

بإنتظار اقتراحاتكم اصدقائي ✨🌸