قصيده لخدام الحسين ع


*الحمد لله         خادم ايسموني*
*حسين كون      وفاطمه ايقبلوني*


الحمدلله   بينه   امتد  العمر
والسنه بعاشور اواسي ام الخدر
الخدمه هاي امسجله وبيهه الاجر
العاشور حضرت الدمع  بعيوني


الحمدلله من اجه شهر الحزن
ارد اواسي الزهره وياها اون
والله طول السنه علمجلس نحن
كون اوزع ماي ويخلوني




هايه رحمه والخدم بيهه ايتباهون
وانه  معدود السنه  ويه  اليعزون
اسمي الزهره تكتبه ناعي ام عون
وافتخر  لو  خادم  ايحسبوني



احنه بلا اصلاب نهتف ياحسين
ونلطم عله صدورنه وندمع العين
ونذكر العباس مكطوع اليدين
انه اخدم من زغر تدروني




فرصه هاي من العمر محسوبه
المنه تنزل دمعه تمحي اذنوبه
على  ذكر  السلبو  من  ثوبه
امنيتي ويه انصاره ايحشروني


القصيده مشركه بين وبين الاخت  وام حسين المسعراويه


https://www.tg-me.com/joinchat--h0l4_B6FIg2ZjYy

قصيده الشهر محرم


من كرب عاشور حضرت الدمع
والو قرر الحسين كلبي ينفجع


من كرب عاشور دمعتي جرن
حسين حسن بي ضلوعه ترضرضن
والمصايب زينب عليهه جون
كلبي على اهلج بزينب منصدع


نعلن احداد ونواسي ام الخدر
ونلبس اسواد وندك فوك الصدر
شلون نرضه حسين دمه ينهدر
ايعملت كربله ماتنجرع


حضريت دموعي المصاب الحسين
خادم انه وماشبعت من الونين
حسين ذكره من يمر تهمل العين
البو اليمه حسين دلالي نشلع

من شفت عاشور هل تحيرت
حسين جن توه نذبح وخته نسبت
واطفال عدهم والحريم تروعة
يومكم يهل المجد يحني الضلع

حسين ايحسن سيد الشهداء
ارفع الرايه وعليهه النداء
وبيتي اقيملكم بمولاي العزاء
حزنك بكلبي يبو اليمه نطبع

كلبي هيج شلون كلب ام الحزن
شافت بكربلاء انواع المحن
جفونهه من البواجي جرحن
شافت اشكال القصص ماتنجرع


لخادمة الحسين ع العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

قصيده تبديل الراية الامام الحسين ع


*المهدي ويه الخدم       بين الضريحين*
*ابو صالح يبدل        راية حسين*


الرايه بدلاهه وصاح ويلاه
الهسه الثار ضل وما خذيناه
اليله اويا انادي واحسيناااه
على الشباج يبجي وسجب العين


المهدي حاضر ويلطم على الهام
ويه عمته العقيله شاد حزام
على المذبوح ضل مابين ضلام
ويهد الحيل ياسبي النساوين


ابو صالح حضر والزهره وياه
واليله بيرغ المضلوم شالاه
يرف العالمناره المهدي خلاه
وكلبه على الشهيد نجسم نصين


من شاف الروايه  كامت  تلوح
صاح حسين جنه اليوم مذبوح
يم جف ابو فاضل وكف وينوح
ايريده يكوم صكار الميادين



حسين اليله اتبين انصاره
ترفع رايته  فوك   المناره
وكلمن شافهه دموعه تجاره
اليوم حداد علنتله المحبين


حطو على مناره راية احزان
جنه  تكول مسبيه  النسوان
وزينب تنضرلها بكلب حيران
حكج يبت حيدر من تونين


لخادمة الحسين ((ع ))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

مقطوعه الصاحب الزمان ((عج ))القضاء الحوائج


يبو صالح اريدك توكف بهاي

تحلهه بساع كون النه القضيه

نخينك من كلب والسان مولاي

الحاجه بداعت امك كون مكضيه

اليحلفك  بالضلع ماضنك  تخليه

العدك جبت همي وبيه متعنيه

كلت لوجيب طاري امك تحلهه بساع

وانه بجاه فاطم بيك متنخيه

الحاجه من تضل تزعل الزهره عليك

مكلفت وهيه شاهده عليه

كالو ماترد معتاز من ينخاك

وانه مديت ثنينهن مولاي اديه

ماعدي تجيه وتدري كلش زين

انته كل  هلي  يبن  الزجيه

احس ضاكت الدنيه وبابك المفتوح

امان اسمك اذا سمعيت طاريه

بعد يمك تضل سالفتي يامهيوب

وانه خادمه وبالنسل علويه

لخادمة الحسين ((ع))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

قصيده حوار ابو الفضل مع زينب الحوراء ((ع))



*ياالعقيله اوداعتج    الماي اجيبه الخيمتج*
*خويه اوعدنج وعد   اترس الجود وارد*

*انه عباس     انه عباس*


امني يازينب اجيب الماي ورويج
ابن البوج انه يحره ابوعدي اوفيج
اليوم عطشانه يزينب ما اخليج
ابد مارد خالي/شوفي خويه افعالي
انه اضللج سند  اترس الجود وارد
انه عباس             انه عباس


خويه اقسم باالجفوف وعيني والراس
اكصد الحومه وضيك عليهه النفاس
الماي شنهي الماي اجيبه وانه عباس
اليوم ارد الكنطره/  وبيهه اعيد اليجره
وسيفي بيهم مايرد/  خويه اوعدنج وعد
انه عباس      انه عباس


تكله لاتبطي عليه  الماي  مريود
اطفالنه من العطش ماتكدر اتهود
وسكنه امتانيتك  تردلهه بالجود
وهذا عبد الله الطفل/  من العطش عينه تهل
انه صيوان وعمد / خويه اوعدنج وعد
انه عباس      انه عباس


الكوم اطرهه بسيفي وتعنه الشريعه
والماي ماشربه  كبلكم  ياالوديعه
اليوم الجل الخوه خويه جفي ابيعه
اليوم اطي اعيوني / خويه وتعذروني
خاف ماردلج بعد  خويه اوعدنج وعد
انه عباس        انه عباس

سالم ترد  الينه  ياابو  فاضل
انته شايل محمل وللخدر كافل
دمعي ابطراف عيني عليك سايل
خويه يحزام الضهر / خاف تبطي على النهر
يكلهه يازينب وعهد / خويه اوعدنج وعد
انه عباس      انه عباس



تحزم وشال الدر والسيف وطاس
وبيده الرايه نزل باالحومه عباس
ابسيفه يكطع روسهه وضيم الانفاس
وخته زينب تندعي /خويه سالم ردالي
الطف اله ابيومه شهد/ خويه اوعدنج وعد



لخادمة الحسين (( ع ))العلويه ام اياد العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

نعي
زينب رجعت الى خيمة ابو فاضل بعد ماسمع بأستشهاده
دخلت ونضرت الى مكان خليها
تكول

ياماكعدنه هنا  وهناه
وياماحجينه الكافل اوياه
هسه خالي مجانه وضيعيناه

اجينه الخيمتك خويه وكعدنه
وعليك شكثر يالولي عتبنه
للعلكمي نمشي اوياك ردنه


مجانك خله و انهدم حيلي
على فراكك بعد مانام ليلي
يادمعتي للخوان سيلي

خويه ياحيد يمفيي علينه
ذكرناك عباس وبجينه
يبو عشرت الحلوه مر علينا

طبينه للخيمه وزاد ونه
ومن عشرتك لا ما شبعنه
ماعدنه غيرك ياذخرنه

ياهيبتي و ضخري  المضخور
ياهو اليضل للضعن ناطور
ماحسبيت  الدنيه  اتدور


تعال خويه وشوف حالي
يخال ابني عليك نشده بالي
بالخوه احلفك وانته غالي

بالخوه البيني وبينك يعباس
تجينه لو نكطع الاياس
سهم البعينك بالكلب جاس


مصابك يخويه جاس الكلوب
وعليك اسود لابسه الثوب
على فراكك اصبر جندوب

لخادمة الحسين ((ع ))ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

قصيده الي ابو الفضل العباس ((ع))
بديته نعي

تعال خويه وهاك عيني
نكطع خويه الوصل بينك وبيني
طفة عيني وكثر خويه ونيني

القصيده


*ياصبي العين    وحزام الضهر*
*خويه ياعباس.    موتني القهر*


بيش اخلفنك يسبع الكنطره
روحي من فركاك خويه مرمره
ودمع عيني عليك مافتر تره
شالي ضعني ومادره بي من سدر

اخذ عيني وشوف بيهه يالولي
بيش خويه افديك بس ترد الي
بيش احلفنك بعباس بعلي
خلاف عينك خويه حسيت بخطر


راح شوفي من رحت يابو الفضل
يبن ابوي عليك دمعاتي تهل
النوح مابطله عليك والامل
عذباني حيل يومك بالكمر


تدري خويه بيك راسي مرتفع
من رحت لليوم كلبي منشلع
ردلي وشوف العقيله بياوضع
خلاف عينك بيه شسوه الدهر

بيش اشد ضهري يخويه وستند
جنت ازامط بيك ياخال الولد
خلصت العشره بعد لوهم ترد
كسريت كلبي والكلب ماينجبر

هاي هيه وخلصت العشره وكضت
والتضنهه زينب بهايه رضت
حلمت الخوه تره اياكم كضت
ورايتك عباس ضلت على النهر


لخادمة الحسين. ((ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

هوسات الى شجاعة  ابو الفضل عند العلكمي



الكافل من نزل بالعلكمي شكال
اضل عطشان كال وتروي العيال
شنهي الماي كال وشنهي الرجال

//اجيب العلكمي وياي للخيمه //

اطويه العلكمي لويرضه اخوي حسين
وخليهه الزلم مطفحه بي صوبين
وبجرفه احط تذكار شمامرت عليه سنين

//و لخلي العلكمي.   ماينسه يومه//


دفعت العلكمي ومن عنده اغتاضيت
وحلفت عليه ومنه ابد ما شربيت
ردت اوياي اشيله للخيم من جيت

//الشط الخاطر زينب هوه ومايه اطويه//


اطوي العلكمي والكوم تشهد هاي
وحالف ما ارد الزينب بلا  ماي
انه مواعدهه العقيله والوعد وفاي

//مواعد زينب كون ارجع بالكلب//



امواعدهه العقيله ابجودي  اردلهه
اخيتي شلون ما اكسر ابخاطرهه
عد عيناج اكللهه وانه الحيد كافلهه

//زينب امني حدودج مامونه //


لخادمة الحسين ((ع))لعلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

*قصيدة لأبو فاضل(( ع)) مع هوسات*



*نريد بيرغ.       وبعزاه نشيله*
*و لبو  فاضل.    لطمتج هالليلة *


ابيرغ العباس يشتد العزم
ومن نشيله يصير محلا الطم
هذا راعيه اليكص روس الزلم

*((عباس الملكه يثنيله))*


هوسي للعباس شيال اللوه
وبيرغه خلي يرفرف بلهوه
سيفه من الكوم خلاه ارتوه

*((هوسيله رداد العيله)))*



حار لطمه ويختلف ميدانه
جنهه زينب حاضره ويانه
تكول بسمه صامطة عدوانه

*(( بهداته الطف شهديله))*


العلكمي بجاه سبع الكنطره
سوه  لماصار  بيه  ولاجره
الميمنه طبكاهه فوك الميسره

*((يصول و  زينب تدعيله))*

العلكمي خلاه من عده يون
نرعبت العدوان من صوته يرن
واعد الخوان وجفوفه وفن

*((الحيد الكافل هوسيله))*


لخادمة الحسين (( ع ))ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

قصيده


*مشنه نودع العباس*  
*ونوصي  يرد.  النه*



مشنه نروح ونوصيه
نحلفه الجود مايطي
كون العلم يرجع بي
ويشيل الحمل عنه

نكعد يمه ونكله
مانحمل تره الذله
نريده يرد كافلنه
نكصد صوبه خلنه


الكافل يسمع المعتوب
أخوي ويكضي المطلوب
من الخوف كلبي يلوب
عليه وثكلت الونه

لاتبطي يبو فاضل
احجي والدمع سايل
ياهو يرجع العايل
اريد انخاه المجنه

نريدك يالولي اويانه
يا هيبتنه ويملفانه
عليك الدهر وازانه
هوه السيد عازتنه

نكله ياكمر هاشم
ننخه الله ترد سالم
بيك امزامطه الوادم


لخادمة الحسين ((ع ))ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

هوسات الى ابو فاضل ((ع)) القضاء الحاجه


إذا مرني الهضم امشيله شجايه
ابو فاضل واشد بابه الرايه
ومشي عليه نهرالعلكمي ومايه

((يكفلني ويكضيهه الحاجة))


يالبيك الكفايه جيت احشمنك
الكافل ماترد  محتار  اعرفنك
انه معلمه بالضيج  اندبنك

((تحلهه الكلفه ياعباس وتكضيهه))


اذاني الوكت مولاي اذاني
والبابك يبو فاضل رحت عاني
اريد امراد منك موش تنساني

((لاتنساني يالبيك ازمط ))


ماتنساني وانته الحيد اخو زينب
جبت حاجاتي بيدي والدمع صبصب
انته العدك الطلبات ماتصعب

((اليله أندبك يالبيك اكفايه))


اكلف عليك زينب ورد امشيهه
وتشهد دمعتي بس يمك اجريهه
الصعبه الماكضت بس انته تكضيه

((نوب نحلفه بخدر المهيوبه ))



لخادمة الحسين (( ع))العاويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

قصيدة الى ابو فاضل ((ع))



*حيل يوجع. يالكفلني يومه* ,
*حافيه اخته. تعنته للحومه*


يومه يوجع بيش اعوضه الكافل
خلاف اخونه والحمل ضل مايل
ياهو اليرد عنه بعده العايل
يخو زينب موش الك هلنومه

يوم ابو فاضل هدم كل حيلي
هدم ضلوعي وصحت ياويلي
بكلبي يانار الاخو تجويني
اخته العقيله صبحت مهدومه


الحيد يومه صابني على الهامه
وروحي للراوي اصبحت محتامه
وداعتك الليل كمت مانامه
خلافك اختك صبحت مالومه

حيل تاذيني يخويه فركتك
تدري للكلفات زينب رادتك
امك على خوه خويه وصتك
مزامطه و ردتك تضل جيدومه


صابني بعيني الكفلني غيابه
وتيهت دربي الكمر بمصابه
احاه يانار الاخو لهابه
راح مني الشايعات علومه


حيف ياوسفه الوكت مادامه
و خلصت العشره وكضت ايامه
كون ميته على النهر جدامه
عافني ويه العدو مالومه

لخادمة الحسين (( ع))ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

هوسات توسل
ابو فاضل(( ع))


يبو فاضل اجيت ابابك توسل
وحفنات الدمع من عيني ضل ينزل
فقيره وغير بابك تدري ما اندل


((اندل بس بابك ياراعي الرايه ))


نضرلي بداعت الزهره يبو فاضل
صيتك بالحوائج شاع عيب تضل
وانه  حاجتي  ماريد  تتعطل

((بداعت خوت زينب تكضيهه )))


على عتابك وكفت وجدمي تعثر
اسولفلك حجي وعتاب يمشكر
ياعباس نضره الكلبي المحسر

((من جفوفك نريد امراد ))


جبل عباس فيك كاسر عليه
من احتار امشي على البدويه
اكلفهه عليه ويكول مكضيه

((الله انكلف وماضن ينسانه ))



يامحتار لاتحتار والعباس موجود
هوه  يشيل  همك  فوك  الزنود
بس تنخاه يكضيلك المريود

((يحلهه التكلف شيال الرايه))


لخادمة الحسين ((ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيده
ليلة السابع محرم




الليله ليله الكافل يالطامه
البيرغ ضل عليه مايل. يالطامه

((عليه البيرغ طيناه )))


الليله السابعه باسمه يالطامه
زينب سمعت بعلمه يالطامه
عليه الدنيا مظلمه. يالطامه
وسفه الوكت ما دام.
((نهوس للباع جفوفه))

الليله اللطم للهيبه. يالطامه
والله غيبته مصيبه. يالطامه
نهيبه طيحته نهيبه يالطامه
عليها تنوح خدامه.

((مضيعينه الشال الرايه))


الليله شلون كلب اخته. يالطامه
تعور حيل سالفته. يالطامه
زينب ما مفاركته. يالطامه
راح وراحت ايامه

((نعزي الفكدت هليله))


وين ليلطم بحركه. يالطامه
ويعازي اخته الشفجه. يالطامه
صدره يخسفه ويدكه. يالطامه
ظلت تايه خيامه

((تاهت من عكبك ياهيبه ))

اليله الطم يحلاله. يالطامه
المحد وصل الفعاله. يالطامه
حسافه الدنيه مياله. يالطامه
طاح من يده صمصامه

((تون خلاهه المهيوبه))


لخادمة الحسين ((ع))العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

قصيده الى القاسم ابن الحسن ((ع ))



*حرت عرس الولد جاوين اسويه*
*اشموعه حضرتهه وحنت ايديه*


افرح  للولد لو  الطم   اليوم
وجاسم بالمعاره ينزف ادموم
اهلهل للشباب ابكلب  مالوم
ياعيني بعد  ماضن  تشوفيه


ياهو الي يزفه ويكعد احذاه
ويخبر  عمامه  تحضر  اوياه
صيوان العرسه البني نصبناه
دمع الحزن  للمحروم  اجريه


كلت عريس اشوفنك يغالي
وتجازيني على رباي ودلالي
امنيه يلولد   ضلت   ابالي
ملبس العرس جاوين اوديه


حضرت الشمع وثيابه جسام
لاكنه  الوكت وياي   ماداك
راحت منوتي ودارت  اليام
وبدال الفرح كمت الطم اعليه


محتاره   بزماني  يبني  ضليت
يبو طول الحلو ياشمعت البيت
بدمك   يالولد   يبني   تحنيت
يمه  الموت مو وكته  دخليه



خلص صبري ييمه وذلن عيوني
وبيك الكوم يالعريس فجعوني
من ابني العده ياناس حرموني
كلت يكبر  لالي  وافتخر  بيه



لخادمة الحسين (( ع ))العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

قصيدة الى القاسم ابن الحسن ,عليهم السلام


*شلع عيني الولد.    وصبيهه طفاه*
*ابني الضيعيته.       وين الكاه*

طفت عيني علي هيهه ونضرهه
يريت الوالدة يخلص عمرهه
حكهه تنوح المضيعهه بزرهه
ابني شلون مابيه على فركاه


ربيته وعليهه شكثر تعبيت
ياشمعت زماني التارسه البيت
عفت رمله وبعد ماليهه رديت
تدرون الولد تعبني ارباه


يلعريس يومك عذب الحال
رتك للحمل يلود شيال
بساع بساع شوبيه الدهر مال
ضاع رباك والتعب التعبناه

يومك يالولد بيهه شخله
الرمل شلون بيدي عليك اهله
وبعيني ييمه اضلم الكون
العاقل امه اومشه جاوين منواه


ماشوفن بعد ماوجد الدروب
ياجسام ضلت روحي تلوب
حيلي يالولد برباك متعوب
كون ابني عدل وتعاتب اوياه

عفت أمك يجاسم ضلت تنوح
تحشم.   بالولد والولد مطروح
صاحت ياعزيزي وراحت الروح
صعب يومك ييمه وماحملناه


لخادمة الحسين (( ع))العلويه ام اياد العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

قصيدة الى القاسم ابن الحسن عليهم السلام



*تحن روحي و اريدنه.   وين ابني اشوفنه*
*خذاه الموت ياوسفه* *وضلت حنته بجفه*
  *انه امه و اعتبنه    وين ابني اشوفنه*


منك ايست ياحيف   وضيعت التعب ورباي
سابكني عليك البين   وبالطف نمت يضناي
ردتك للكبر والضيج   ياماي وتبده الماي
بعد خاب الأمل يبني وعليه اضلمت دنياي
ازفك بيدي تمنيت  يجاسم بيه اشخليت
*صارت سلوتي الونه  وين ابني اشوفنه*


تحن روحي ييمه.   وانته عني بعيد
وتدريني على غيابك.   يوليدي ابد ماهيد
تدري الوالده يبني.   من الولد شتريد
ابنهه تريده يمهه كون  عليهه طبته جن عيد
عاف امه وجفه عنهه    ومايدري كثر ونهه
*شيعوده الرحل عنه.   وين ابني اشوفنه*


اريد ابني يضل وياي.   مابيه على فراكه
كسر كلبي بمشيته وراح. وناره بيه حراكه
هم ترجع يبعد الروح  وانه وياك نتلاكه
اشوفك والكلب يرتاح نار الفركه حراكه
كطعيت الامل يبني.  ومنك ايست جني
*مصابك بيش اجبرنه.  وين ابني اشوفنه*


جنت احسب واعد ايام   وكول ابني يجازيني
على تعبي وسهر ليلي.   ومن اعثر يتجيلي
وعليهه اتجه اوليدي.   يسندي ويباريني
ويحضرني بمامتي كون  والكبري ويوديني
تاليهه خذاه الموت    ومن عندي رحل بسكوت
*ايبني وتفاركنه.      وين ابني اشوفنه*

يبني حيلي هدمته.     وماشوفن بعد دربي
عفت أمك تون وتنوح.    ييمه ومنمرد كلبي
شيردك بعد ليه.      يدمعات  الحزن صبي
أخذ حيلي ومشه وياه  وراح ويه الولد تعبي
كون اوياه تروح الروح. خليت الكلب مجروح
*حزنك بيش اوصفنه   وين ابني اشوفنه* 


لخادمة الحسين (( ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

نعي الى القاسم ابن الحسن ((ع))

بعد مقتل القاسم جاء به عمه الحسين الى المخيم وضجت النساء بالبكاء


سمعت رمله و هي  ام القاسم ع
استشهد ولدها

تكول
يمه الولد يبني


علم الولد ياعلم الاسود
كالولي بالرمله توسد
ماعدي غيره الله ولحد

راح الولد والتعب ورباي
وفكدك ييمه طفى عيناي
ردتك تجيه تضل وياي


يمه اكعد يالمهدم دليلي
يا ماسهرت عليك ليلي
ابنومتك هديت حيلي


خايب يكلبي وين تلكاه
والموت من الهوه حرماه
جلمت اليمه انتهت وياه

حاربني عليك الوكت يبني
بعز الشباب ورحت مني
عليك مايبطل يوني

وني عليك يريدله احزم
يالمحروم يوليدي يجسام
حرام الجان تغمض عيني وتنام


يا يمه شسويت بيه
تدريني ماعدي تجيه
ياريت موتتنه سويه

يومك يبعد امك تعبني
محروم من الهوه يبني
ماحسبت اتروح مني


ضليت يبني الحال مالوم
ومن عيني ييمه رايح النوم
اكطع الضنه بعد للدوم


لخادمة الحسين ((ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy