قصيدة الخروج من المدينه



*انه وكفيلي طلعينه من ارض الوطن*
*انه وكفيلي*
*ويانه شيلي زينب يخويه الكربلاء ويانه شيلي*

انه وكفيلي

طلعيت والكافل يكلي اوياي تمشين
خويه والكربلاء يازينب تحملين
مو على الناكه احطج وسطة العين
ياعين سيلي.  للرافكج طول الدرب
ياعيني سيلي

كالي زينب ياخويه شدي حزام
وكلنه نمشي وياج خويه احنه خدام
وانه اكودن ناكتي بالضعن جدام
تهدم دليلي.  خويه من هذا الحجي
تهدم دليلي


أخوي دك صدره ويكلي توكلي
الكربلاء نمشي يبت حيدر علي
وبالضعن عباس يبره المحملي
يابعد حيلي فده انه اروح اليمنتك
يابعد حيلي


بالدرب كلالي يزينب لاتهمين
انه اصيرلج سند وبيه تدرين
الخاطرج تدرين بيه اطي العين
مرد دليلي عباس من شد الضعن مرد دليلي


خويه اعرفنك شهم ياماي العيون
والزمن لو خان  بيه كلي شلون
خاف بعدك الغرب بالضعن يحدون
ويكثر عويلي
خاف عني تروح و يكثرعويلي


خاف دهري يخون بيه يابو فاضل
والحمل بعدك يخويه يضل مايل
دمعي ماينشف يضل يالولي سايل
وماتجيني  شلون لو طالت المده وماتجيني 

لخادمة الحسين ((ع))ام اياد العلويه ام اياد لايجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى


https://www.tg-me.com/joinchat--h0l4_B6FIg2ZjYy

‏مقطع صوتي من العلوية ام اياد

قصيده لاستشهاد الامام محمد الجواد (ع)


*الشيعه تبجي على الجواد ومحزنه*
*وبالحداد عليه صبحت معلنه*


اليوم عالمسموم تبجي شيعته
لبست اسواد وتون الفكدته
وصاحب العصر بمصابه عزته
اليوم ويه المهدي ننصب مأتمه



المأتم انصبه ونعزي فاطمه
وعلى الجواد اعيونه تبجي دمه
مثل جده امصابه هز ركن السمه
شلون سمه الكافر ومنه دنه


نلطم ونبجي على امصاب الجواد
وخل نواسي فاطمه اباب لمراد
حبابه مالومه وعليه لبست سواد
اليوم ضلع امه عليه حيل انحنه



الكاضميه اليوم غاطيهه الحزن
بيهه مسموم الجواد وضل يون
ومنه دمعات الحزن على الخد جرن
اليوم بامصابه نعازي فاطمه



ياذنب منه الجره يسمونه
عليه ياوسفه يغمض اعيونه
راد اهله بهل مسه ايحضرونه
على مصابه الدنيه صبحت مضلمه



*لخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://www.tg-me.com/joinchat--h0l4_B6FIg2ZjYy

قصيده الى الامام محمد الجواد ((ع )) فزاعيه



*ويا ون الجواد ايريدله احزام*
*وخلن لطم ابو الهادي على الهام*



ايريد احزام ياون الميامين
ونه على الجواد وونه لحسين
انعازي امهم اليوم بدمعت العين
على الماتو يوسفه بين ضلام


اليوم ام الحسن بمصابه عازيهه
عله المسموم تبجي وحيل مابيه
وياهه اتكابلي والطمه اعدليهه
وياهم كصت ياوسفه الايام


على المسموم خل انكابل الزهره
ايعالج وحده ويجذب الحسره
ايدير العين محد من هله ابكتره
على شوفت احبابه الكلب محتام


راد اهله يحضرونه بالمصاب
ويودعونه وعلي يبجون الاطياب
يكلهم ما اجيتو شنهو الاسباب
والمعشر وياكم بعد ما دام


نتعاون على الون ونعازي امه
يومك يالجواد علينه شعضمه
مصدوع الكلب للميت ابسمه
رايات الحزن نرفعله وعلام


ثلث تيام ضل محد دره بيه
مات الوحده وسابل ايديه
يشيعيه عليه الدمع هليه
نضل للموت للسادات خدام



*لخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه* https://www.tg-me.com/joinchat--h0l4_B6FIg2ZjYy

نعي الى الامام محمد الجواد ((ع))



الجواد اليوم روحه اتريد هلهه
التفت والعين داراهه وهلهه
مشتاكه الروح لمسامر اهلهه
ويشوفون الجره والصار بيه


المثل حالي ايريد خوان
ايشوفون حالي شلون تعبان
وياهم ايجيبون لولد دفان


ابني الهادي خل يجيني
ويلحك ويسمع ونيني
وينشف الدمع البعيني


اليوم اعاتبكم يلحباب
ردتكم تحضروني بالمصاب
وعيوني شابحه ضلت عل للباب


ردتكم تجون ابساع ليه
وتحضروني بوكت المنيه
تكبلوني وتسبلون اديه


بديار غربه مالي والي
ولايدرون بالصار وجرالي
ضليت اون على الغوالي


ياريتكم بيه تمرون
وبحالتي لازم تعرفون
حالي تراده وعيب تدرون


وحدي اون بالبيت وحدي
والسم احسه مرد جبدي
وماكو اهل هاليوم عدي


ضليت محتار بونيني
وبني تمنيته يجيني
ويدفني بيده ويواريني



*لخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://www.tg-me.com/joinchat--h0l4_B6FIg2ZjYy

*هوسات الى الامام محمد الجواد ((ع))*


ابمصابك سيدي شاعتلك علوم
مثل جدك الكاضم متت مسموم
يريت اهلك تجي وتشوفك اليوم
ثلث تيام عينك ما خذت نوم

(( تون الوحدك /ياهيبه ))


الجواد اليوم مايدرون بحواله
على سطح الدار ضل محد تدناله
لحد كلبه ولا واحد الشاله
صاح ابصوت وين اهلي العياله

((البيهم غيره/ ايطلبون ابثاري ))


انهد الحيل منه وصاح ياويل
اريد اهلي تجي وبنعشي تشيل
مايرضون بيه اهل الرده تعيل
ثاري يسجلونه ويه المجاتيل

((وي ثار احسين ايسجلونه ))


مات الوحده ابن الساده الأطهار
كلف يوم الجواد ومثله ماصار
ايعالج وحده وبروحه محتار

(( الوهامه/ ماحضرو يمه))


وين اهل الفخر والكرم والجود
بسطح الدار ابنهم ضال ممدود
اينازع وحده والجبد ممرود

((ياوسفه عليه /انهد حيله ))


*لخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://www.tg-me.com/joinchat--h0l4_B6FIg2ZjYy

ندبه للامام محمد الجواد ((ع ))



*لأبو الهادي          متعنيه واندبنه*
*بجده حسين       والكاضم احلفنه*



اندبك والكلب مشتعله نيرانه
من ضيم العليه العين عميانه
هواي هموم عدي وبيهه حيرانه
يوكفلي الجواد اليوم اريدنه


اجيتك ناحله وكل  حيل مابيه
اريدن نضرتك وتلتفت ليه
بجاه احسين وأخته المشت مسبيه
اريدن من اندبك تسمع الونه


احشمنك على الكلفه وتكضيهه
اعرفك بيك زود وما  تخليهه
اليوم على الجواد الحاجه ذبيهه
مثل اهله اعرفه ما يفشلنه


امشي عليه جده الكاضم اليوم
تفرح كل كلب مولاي مهموم
ضلت حاجتي يمك  يمسموم
يمولاي الهضم مابيه اجرعنه

اسولف حالتي يمك  يمولاي
اجيت ابحضرتك متعني شجاي
وحلفك بالشهيد الماشرب ماي
تكضي حاجتي بالعجل يمجنه

اون اليوم وانخه ابن اليرهبون
ويه الايذ ابسدهم مايقصرون
انه الخادمه وبحالي  يدرون
ادكن بابهم ماغيره  ادكنه


*لخادمة الحسين العلويه ام اياد لا يجوزحذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://www.tg-me.com/joinchat--h0l4_B6FIg2ZjYy

قصيده الى استشهاد الامام الباقر ((ع))



*قصة الباقر رهيبه بكربلاء شاف المصيبه*
*الله يطيك الصبر شفت مكطوع النحر*
*آيمسموم آيمسموم*



الباقر ابسمه كضه ونته خفيه
صور عنده الكربله وذيج المسيه
من نذبح جده وبقه فوك الوطيه
*انته بالسم منغدر /وشفت مكطوع النحر*
*آيمسموم ايمسموم*


شاف ذيج الساعه اجت زينب تون
مشت صوب النهر غاطيهه الحزن
ابكربله دموعي على اهلي دم جرن
*قاسي وياك الدهر / شفت مكطوع النحر*
*آيمسموم آيمسموم*



جبدك ابسم العده مولاي ممرود
وانته باقر بالعلم والدين مريود
بفاجعت عاشور ضل دمعك بلخدود
*حرك الخيام الضهر /وشفت مكطوع النحر*
*آيمسموم آيمسموم*


شاهدت درب السبي وطبيت للشام
وعمتك زينب وحيده وبين ضلام
وبالخرابه الطفله ماتت والكلب هام
*تنوح خلصت العمر / وشفت مكطوع النحر*
*آيمسموم آيمسموم*


خلصت عمرك تون وتبجي لحسين
وتذكر الصار اوجره ومر عل نساوين
بكربله خلصت هلك ذيج الميامين

*لعبره ضلت بالصدر / وشفت مكطوع النحر*
*آيمسموم آيمسموم*



*لخادمة الحسين العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده 👇


https://www.tg-me.com/joinchat--h0l4_B6FIg2ZjYy
العلويه ام اياد

*قناة نحر الحسين (ع))

هوسات الى الامام الباقر ((ع))



عينك غمضت يالباقر اشلون
وانته بالعلم والدين موزون
الك رايه وعلم لازم يشيلون
ومئاتم للعزاء لجلك ينصبون

((للباقر مائتم نصبينه ))


عليك النوح تستاهل يمسموم
الزهره عليك تبجي وتلطم اليوم
اعذرني اتصيح يمه الضلع مالوم

((مالومه واتون لمصابك ))

مالومه واجيت اليوم يالباقر
انه امك الزهره والكلب حاير
اجيت انشد ييمه ابكربله اشصاير

((مسموم الكيتك يالوالي ))


شفت ذيج المصيبه ويوم عاشور
وحسين انذبح يمك والبدور
الله ايساعدك من شفت النحور
((تون لحسين وما ناسي امصابه ))

اعالج بالمنيه وانته باحزانك
السم ياحسافه ييمه امغير الوانك
ابثارك ياهو يطلب وين خوانك

((بالطف اهلك كلهم نومه ))



*لخادمة الحسين العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*
السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده 👇


https://www.tg-me.com/joinchat--h0l4_B6FIg2ZjYy
العلويه ام اياد

*قناة نحر الحسين (ع))

*ذُبِحَ الحُلمُ فيكَ وأنتَ منبعهُ*
وأُطفِئَ النورُ في دربِ الهدى سَطَعَ

يا باقِرَ العِلمِ، يا من كانَ مدرستًا
تبكيكَ أرواحُنا، والروحُ تنقطعُ

*آجركَ اللهُ يا صاحبَ العصرِ، على مصاب جدّك العليم الحليم*

‏مقطع صوتي من العلوية ام اياد

💔أقرأ بقلبك هذا العنوان المفجع💔

{نظرة الوداع... حين بكى الباقر على جده الحسين (عليهما السلام)}

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في سكون الصحراء ووهج الغروب، حيث امتزجت رائحة التراب برائحة الدم الطاهر، وحين صمتت الخيام عن الهمس إلا من آهات ترددها الرياح،


يقف طفل صغير عند باب الخيمة، يملأ عينيه مشهداً لا يغيب عن الوجدان ولا يسقط من ذاكرة الأرواح، إنه الإمام محمد الباقر ، ينظر إلى جده الحسين
(عليهما السلام)


وهو يتوجه نحو ساحة الشهادة في كربلاء.

تتجمد اللحظة، لا صوت إلا وقع خطوات الحسين،


وصهيل فرسه الذي يعرف أنه يحمل جسد الطهر نحو الفداء،

الإمام الباقر، الطفل الذي لم تشتد أضلعه بعد،

يشعر بثقل التاريخ يُزرع في قلبه، يدرك بعين البصيرة أن من يتقدم نحو الأفق ليس رجلاً فقط،

بل أمة بأكملها تمضي نحو الخلود.

كيف لقلب طفل أن يتحمل وداع الإمام الحسين؟

كيف له أن يرى جده يسير إلى قدره وهو لا يملك إلا نظرة؟ إنها لحظة تفطر القلوب،

حيث لا وداع بالكلمات، بل وداع بالدموع، بالنور، بالسكينة الغريبة التي تخيم على المكان كأن الملائكة تجلل الأرض بثوب الحزن والقداسة.

"السلام عليك يا أبا عبد الله"…

تخرج من القلب قبل اللسان،

وتُكتب في ذاكرة الإمام الباقر، ليحملها معه سنوات طويلة،

ويرويها للأجيال بعد أن يكبر، فيصبح الإمام المفسّر، حاوي أسرار كربلاء، ووارث الحزن الشريف.

ذلك المشهد في كربلاء، لحظة واحدة، لكنها تكفي لتغير مجرى الزمان، الإمام الباقر ينظر،

لا كطفل فقط، بل كوريث نور، كوريث دمعة، كوريث عهد أبدي بأن لا تُنسى كربلاء،

وبأن لا يُترك الحسين وحيداً في ذاكرة الأمة.

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

منقول عن صفحة العتبة الحسينية المقدسه



💔 رحم الله من نادى واحسيناه💔


✨ونسألكم الدعاء ✨
جهاد ألبصيراوي .. (بتصرف)

‏مقطع صوتي من العلوية ام اياد

قصيده إلى الامام الحسين ((ع ))



*يالطم حسين     فزاعي وعلى الراس*
*ونه  عليه         و ونه على العباس*

     *((الحسين اليلطم هنياله))*

يالطم احسين كون ايريدله احزام
وشمحلاه الطم لو صار عالهام
اذا  صار  العزه  تنزل  الخدام 

*((خدامه تنزل بلوسطه))*

للعطشان وني ودكي المتون
بالميدان انزلي ولاكي ام عون
وي زينب اريدن ما تقصرون

*((زينب شايل عزهه/ خل انواسيهه))*


متوازن   براضه  اللطم  خلي
وابو فاضل كفيل اخته دذكريه
لطم  الما يطخ  الهام  اعدليه

*((الضحه اجفوفه هوسيله))*


الهوسه اليوم خليهه لهل زينب
ضلت نارهم وسطه الكلب  تلهب
شلون اينام اخوهه اليكضي المطلب

*(((اكعد ردلهه /ياعباس العياله )))*


على حسين وعلى الكافل دعينوني
تراني متلوهه من يوم  عافوني
امصاب اهل المحنه ودر اعيون

*((عينوني على اهلي اشالو عينوني ))*


مكطوع  النحر  ماينسه  يومه
مرضوض الجسد متوسد الحومه
اخسفيه الصدر للسلبو اهدومه

*((الضل بالحومه/ شلون انساه ))*



*لخادمة الحسين ع العلويه ام اياد لا يجوز حذف الاسم اهدي ثوابها الى شرف النبي محمد وآل بيته والى روح والدي السيد قاسم ابن السيد عطوان الفاتحه''*


https://www.tg-me.com/joinchat--h0l4_B6FIg2ZjYy

الى كل مله ورادود وشاعر وشاعره حسينية ان يبحث ويقرأ عن روايات أهل البيت ع الصحيحه كي يقدم خدمة صحيحه مقبوله عليه ان يسعي ويتعب بالبحث فاليوم جبتلكم قناة بدون تعب تحصلون بيها كل شيء

تعالو معي لقناة 👇🏻👇🏻

الخطيب الحسيني المحقق والباحث التاريخي الشيخ عقيل الحمداني
القناة تعنى بنشر ابحاثه ومحاضراته

https://www.tg-me.com/Akeelalhamadany

https://www.tg-me.com/Akeelalhamadany