قصيدة الى القاسم ابن الحسن عليهم السلام



*تحن روحي و اريدنه.   وين ابني اشوفنه*
*خذاه الموت ياوسفه* *وضلت حنته بجفه*
  *انه امه و اعتبنه    وين ابني اشوفنه*


منك ايست ياحيف   وضيعت التعب ورباي
سابكني عليك البين   وبالطف نمت يضناي
ردتك للكبر والضيج   ياماي وتبده الماي
بعد خاب الأمل يبني وعليه اضلمت دنياي
ازفك بيدي تمنيت  يجاسم بيه اشخليت
*صارت سلوتي الونه  وين ابني اشوفنه*


تحن روحي ييمه.   وانته عني بعيد
وتدريني على غيابك.   يوليدي ابد ماهيد
تدري الوالده يبني.   من الولد شتريد
ابنهه تريده يمهه كون  عليهه طبته جن عيد
عاف امه وجفه عنهه    ومايدري كثر ونهه
*شيعوده الرحل عنه.   وين ابني اشوفنه*


اريد ابني يضل وياي.   مابيه على فراكه
كسر كلبي بمشيته وراح. وناره بيه حراكه
هم ترجع يبعد الروح  وانه وياك نتلاكه
اشوفك والكلب يرتاح نار الفركه حراكه
كطعيت الامل يبني.  ومنك ايست جني
*مصابك بيش اجبرنه.  وين ابني اشوفنه*


جنت احسب واعد ايام   وكول ابني يجازيني
على تعبي وسهر ليلي.   ومن اعثر يتجيلي
وعليهه اتجه اوليدي.   يسندي ويباريني
ويحضرني بمامتي كون  والكبري ويوديني
تاليهه خذاه الموت    ومن عندي رحل بسكوت
*ايبني وتفاركنه.      وين ابني اشوفنه*

يبني حيلي هدمته.     وماشوفن بعد دربي
عفت أمك تون وتنوح.    ييمه ومنمرد كلبي
شيردك بعد ليه.      يدمعات  الحزن صبي
أخذ حيلي ومشه وياه  وراح ويه الولد تعبي
كون اوياه تروح الروح. خليت الكلب مجروح
*حزنك بيش اوصفنه   وين ابني اشوفنه* 


لخادمة الحسين (( ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

نعي الى القاسم ابن الحسن ((ع))

بعد مقتل القاسم جاء به عمه الحسين الى المخيم وضجت النساء بالبكاء


سمعت رمله و هي  ام القاسم ع
استشهد ولدها

تكول
يمه الولد يبني


علم الولد ياعلم الاسود
كالولي بالرمله توسد
ماعدي غيره الله ولحد

راح الولد والتعب ورباي
وفكدك ييمه طفى عيناي
ردتك تجيه تضل وياي


يمه اكعد يالمهدم دليلي
يا ماسهرت عليك ليلي
ابنومتك هديت حيلي


خايب يكلبي وين تلكاه
والموت من الهوه حرماه
جلمت اليمه انتهت وياه

حاربني عليك الوكت يبني
بعز الشباب ورحت مني
عليك مايبطل يوني

وني عليك يريدله احزم
يالمحروم يوليدي يجسام
حرام الجان تغمض عيني وتنام


يا يمه شسويت بيه
تدريني ماعدي تجيه
ياريت موتتنه سويه

يومك يبعد امك تعبني
محروم من الهوه يبني
ماحسبت اتروح مني


ضليت يبني الحال مالوم
ومن عيني ييمه رايح النوم
اكطع الضنه بعد للدوم


لخادمة الحسين ((ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيدة الى القاسم ابن الحسن عليهم السلام



*يمه يالولد ياذيني الوداع*
*تعب الي تعبته والربه ضاع*


ياذيني الوداع شلون احمله
علمك من لفه بيه شخله
راح الحليل يمه اوياك كله
من شفتك نمت يايمه على الكاع


هم ترجع بعد لمك يبنهه
امك مافتر  يالولد ونهه
عمت عينه الوكت بعداك عنهه
انه اشتاك الك يالولد كلساع

تعال اوداعتك ماحيل بيه
يمه وفركتك تصعب عليه
للوكت رتك تضل يبني تجيه
من عدي خذاك البين شبساع


تعب الي تعبته عليك وينه
ثجيله فركتك تصعب علينه
ماتدري عليك شكد بجينه
صدك شايل ييمه والخبرشاع

متوسد الثره يمه الولد اليش
من بعدك ييمه ماهنه العيش
بيش اشريك يمه يالولد بيش
ونيني عليك ابد مااله كطاع

ياشريان كلبي وياضوه العين
عليك امربدات ضلوعي الثنين
ياعين على ابني لاتبطلين
عليه كلبي يضل للموت مرتاع


لخادمة الحسين ((ع))العلويه ام اياد لايجوز حذف الاسم

https://www.tg-me.com/joinchat--h0l4_B6FIg2ZjYy

نعي الى القاسم ابن الحسن ((ع))

عن حال رمله

الفكدت ولدهه شلون بيهه
ل اسكتت  ولاهود بجيهه
يمضيع رباهه مر عليهه

تنعى ونواعيهه حزينه
رمله تكول الولد وينه
مايدري بحال امه الحنينه



هاي الوالدة وحكهه على ابنهه
وعلى السهر يشهد حضنهه
تريده يشيل الحمل عنه

تريد الولد للربه يوفي
يدليني الدرب لو راح شوفي
شلتك شكت يمه بجفوفي


ما هيسيت  الصوت يبني
ماشفت شي منك بعدني
عليك البين يايمه سبكني

ام الولد ضلت تحوم
ودور على حلو الرسوم
ياحيلهه على الولد مهدوم

تعاتبه  والعتب  جتال
اكعد و شوف أمك بياحال
ما نشف دمعي عليك همال

يالولد يامخيب املهه
دمعاتهه ترضه تهلهه
غيرك يالولد شضال الهه


ما سكنت والدمعه بالعين
وتصيح يايمه رحت وين
عليك الكلب مجسوم نصين


لخادمة الحسين (( ع ))العلويه ام اياد لايجوز حذف الاسم

https://www.tg-me.com/joinchat--h0l4_B6FIg2ZjYy

قصيدة الى القاسم ابن الحسن ((ع))


*شلون امك تودعهه.    يعريس*
*فركتك عيب تجرعهه.  يعريس*

ثوبك هذا يوليدي   يعريس
و اعجن حنتك بيدي  يعريس
يجاسم يبني شبيدي يعريس

لو تعتب بعد حكهه يعريس
تريدك دوم وياهه.   يعريس
يمه الولد يضناهه.    يعريس
تنوح الوكت خلاهه.   يعريس
تريد التعب رده الهه.  يعريس

تفرح بيك منواهه.   يعريس
حيف الدهر فجعاهه يعريس
من الولد حرماهه.    يعريس
عليك الكلب يوجعه  يعريس

تهل اليوم دمعتهه    يعريس
تجر امك بونتهه.    يعريس
عليك تجر بحسرتهه يعريس
ابنهه تريده يسندهه يعريس

حكهه الوالدة تعتب.  .  يعريس
فراكك يالولد يصعب.     يعريس
يجاسم والدمع صبصب  يعريس
الفركه شلون تجرعهه.   يعريس

امك حيل مابيهه.    يعريس
وتريد الي يداريهه.  يعريس
والطف شعمل بيهه  يعريس
يومك حيل يلجمها يعريس

لخادمة الحسين ((ع ))العلويه ام ا يادلا يجوز حذف الاسم

https://www.tg-me.com/joinchat--h0l4_B6FIg2ZjYy

قصيدة الى القاسم ابن الحسن ,عليهم السلام


*شلع عيني الولد.    وصبيهه طفاه*
*ابني الضيعيته.       وين الكاه*

طفت عيني علي هيهه ونضرهه
يريت الوالدة يخلص عمرهه
حكهه تنوح المضيعهه بزرهه
ابني شلون مابيه على فركاه


ربيته وعليهه شكثر تعبيت
ياشمعت زماني التارسه البيت
عفت رمله وبعد ماليهه رديت
تدرون الولد تعبني ارباه


يلعريس يومك عذب الحال
رتك للحمل يلود شيال
بساع بساع شوبيه الدهر مال
ضاع رباك والتعب التعبناه

يومك يالولد بيهه شخله
الرمل شلون بيدي عليك اهله
وبعيني ييمه اضلم الكون
العاقل امه اومشه جاوين منواه


ماشوفن بعد ماوجد الدروب
ياجسام ضلت روحي تلوب
حيلي يالولد برباك متعوب
كون ابني عدل وتعاتب اوياه

عفت أمك يجاسم ضلت تنوح
تحشم.   بالولد والولد مطروح
صاحت ياعزيزي وراحت الروح
صعب يومك ييمه وماحملناه


لخادمة الحسين ((ع ))العلويه ام اياد لايجوز حذف الاسم

https://www.tg-me.com/joinchat--h0l4_B6FIg2ZjYy

قصيده الى القاسم ابن الحسن ((ع))


*وياالعريس          يومك مرد احشاي*
*عمت عيني  الولد    يمضيع   ارباي*



ياجسام يمه  شلون  بيهه
عيني للدرب ضلت  اربيه
امتانيتك ترد يبني عليهه
ياعكازتي  ويانضر  عيناي


ياعكازتي وياشوف البعيني
يروح امك بعد يايوم تلفين
حملني وخذني لا تخليني
جبيره امك تراهي وفاكده الراي


حمل امك وخذه وياك للموت
ماارضه عليك اتشيل بسكوت
كلب الولده على الولد مفتوت
ضلمه صبحت جسام  دنياي


انه  الوالده  لاترخص ارباي
اريدلي والد  للكبر  وياي
عني لورحت جاوين منجاي
اكد شوف جبت اسكينه وياي


اكعد شوف حال امك يلوحيد
تردلهه ابسلامه الوالده تريد
ياجسام اجت اليه  الهواديد
اريدنك تضل يالولد وفاي


ياالمعرس  ييمه  وين  زفوك
بس صيت العرس وعدك ذبحوك
امحنه بالدمه يالولد جابوك
ابد ماحسبيت احساب نه الهاي



لخدمة الحسين ((ع))العلويه ام اياد لا يجوز حذف


https://www.tg-me.com/joinchat--h0l4_B6FIg2ZjYy

هوسات للقاسم(( ع))


الحومه تصيح بيك اهلا يجسام
امك بيك حكهه ترفع الهام
تعنيت المنيه وعفت الخيام

((الموت اوليدي  تعناله))


تعنه الموت وأمه عافهه تنوح
ورمله بالكلب خلالهه جروح
مابطل دمعهه عليه مسفوح

((رد ليهه امك ياجاسم ))


رد لمك تره ماتحمل الونه
محضره ثيابك وهل عجنت الحنه
منيتي تكول ابني اليوم ازفنه

((تزفه شلون وعرس بالحومه ))

صحت والصوت احسه وصل للحومه
وحتى ضلوعي على الولد مهدومه
عفت امك جبيره وحيل مالومه

((مهدمه ضلوعي على ابني ))


ضلوعي مطبكه يالولد يايمه
يالبعدك شباب ونمت بالضلمه
ريض يالولد عدي فرد جلمه

((يالشالع عيني تانيني ))


لخادمة الحسين ((ع))العلويه ام اياد لايجوز حذف الاسم


https://www.tg-me.com/joinchat--h0l4_B6FIg2ZjYy

قصيدي الى علي الاكبر ((ع ))



*حالج شلونه ياليلى     والولد كرب رحيله*
*يمشي ويعوفج تونين   ومايرد لوراحت العين*

*حالج شلونه يا ليلى*


شلون حالج و الولد ما بيه رده
على كيفك يا علي يبني تهده
حملج خلافه بعد ياهو اليشده
راح تعبج والولد نايم  بلحده

الاكبر اعيونه غفن     وبالمغاره غمضن
فركته كلش ثجيله   ولولد كرب رحيله



من تضيعينه الولد تروح العيون
ما حسبت ابساع منه تخيب الضنون
يمه افراكك عليه ما ضن يهون
بيش اخلفه ارباي يمه كلي اشلون

بيش حلفك يالولد     علي شيردك بعد
كلبي متكطع دليله   ولولد كرب رحيله 


بحسرتج ضلي يروحي كافي العتاب
الولد جرحه بالكلب يدي ولاطاب
ما ظن تحملين بعده هذا المصاب
كلبي  قبل  راسي  يلولد  شاب

امه ضلت هايمه       وعيونه ما نايمه
كبل جانت تندعيله  ولولد كرب رحيله



بالكلب نار الولد ما تطفه شبت
عيوني ما بطل بجيها دموع صبت
شحصلت من الولد تعبت وربت
من جفاهه ضلوعه منهه تحنت

خاب وياك الامل    الولد يومه مو سهل
دمعي بفراكه اسيله      والولد طول رحيله


عمرج اخلافه الولد يكضي بالحزان
شلون لو شفته امدد على التربان
راح من ايدج بعد زهره الشبان
ادري ابكلبج عليهه من راح خلصان

عكبه ماضلج صبر     علي بالهامه نطبر
الوالدة ضلت ذليلة   والولد طول رحيله



لخادمه الحسين ع العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيده الى علي الاكبر ((ع))



*يمه  يالولد  عينك  على  امك*
*مثل ماشالتك حطهه على متنك*


مثل ماشالتك وعليك تعبت
وسهرت اليلهه ولولت وربت
ردلهه الدلالل  البيهه  طلبت
هاي  الولده  صمهه  ابصمه


امك  رادتك  اتضل ضخرهه
اولو ماتت تزتهه انته الكبرهه
بعدك بالحزن يخلص عمرهه
من الموت يبني وين اضمك


حط  الولده  وعينك عليهه
تشيل الحمل منهه وتباريهه
طالك شلون كلبك  تخليهه
مذبوح شلون من نحرك تشمك

يمه  يالولد يافتشت العين
احسبلك وعدن يبني سنين
نهدم حيلي بمشيتك للميادين
تردلي امتانيه يبني انطرك


يسباح  الكلب  يمه  التفتلي
عليك اعتب وزيد العتب يبني
يالبعمر الورد وتروح  مني
كلت اليام شيبي يبني اضخرك


حليت ابعيني يالجنك غضن بان
يبني  ياعلي  زينت  الشبان
ييمه موش الك نومت التربان
يريت الموت اخذني يمه اوعافك


لخادمة الحسين ((ع ))العلويه ام اياد حذف الاسم


https://www.tg-me.com/joinchat--h0l4_B6FIg2ZjYy

قصيده الى علي الاكبر ((ع))



*يمه  يالولد  عينك  على  امك*
*مثل ماشالتك حطهه على متنك*


مثل ماشالتك وعليك تعبت
وسهرت اليلهه ولولت وربت
ردلهه الدلالل  البيهه  طلبت
هاي  الولده  صمهه  ابصمه


امك  رادتك  اتضل ضخرهه
اولو ماتت تزتهه انته الكبرهه
بعدك بالحزن يخلص عمرهه
من الموت يبني وين اضمك


حط  الولده  وعينك عليهه
تشيل الحمل منهه وتباريهه
طالك شلون كلبك  تخليهه
مذبوح شلون من نحرك تشمك

يمه  يالولد يافتشت العين
احسبلك وعدن يبني سنين
نهدم حيلي بمشيتك للميادين
تردلي امتانيه يبني انطرك


يسباح  الكلب  يمه  التفتلي
عليك اعتب وزيد العتب يبني
يالبعمر الورد وتروح  مني
كلت اليام شيبي يبني اضخرك


حليت ابعيني يالجنك غضن بان
يبني  ياعلي  زينت  الشبان
ييمه موش الك نومت التربان
يريت الموت اخذني يمه اوعافك


لخادمة الحسين ((ع))العلويه ام اياد لا يجوز حذف

https://www.tg-me.com/joinchat--h0l4_B6FIg2ZjYy

نعي للشباب


حال الولد تعاتب والدهه هاي اليلى ام علي الاكبر (ع )عن السان الحال


تبعت الولد وركض بهمه
عني مشه ولاجني امه
من الموت ابني وين ضمه

ياضخر شيبي الراح مني
اكعد  ابجالك كلت يبني
ماينجبر يومك كسرني

الدهر حاربني على ابني
مشوارك يبعد امك تعبني
عليك الضلع يالولد محني


من الدنيه بس انته نصيبي
ياعكازتي اليام شيبي
ويه الولد ياروحي غيبي


المن ضاله ياروحي المن
جروح الولد بالكلب يدن
وعيوني الدربك يمه يربن

ياضخر شيبي الراح مني
اكعد  ابجالك كلت يبني
ماينجبر يومك كسرني


عدي والد وتنومست بيه
يشيل الحمل ماضن يخلي
يذب امه ابد ماحسبت بي


تانيني يبعد امك واهلهه
امك  تره مايل حملهه
ربت ومنهه راح ابنهه


اليش اجفيت ياشمع سنيني
يمه تعبانه وريدك تبايني
وتنشف  الدمعه  البعيني

ياولد والله امك  ذليله
وحته الثوب مابيه تشيله
عليك الكلب ورث دليله

التعب راح وسهر العيون
والربه ذاك وشيل المتون
خليت حيلي يمه مرهون


لخادمة الحسين ((ع))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

قصيده الى علي الاكبر ((ع))



*متوسد بالتراب      الولد  ياليلى*
*اعدلي ركبته       ووساده حطيله*


كومي  للولد  متوسد  الغبره
الاكبر ياحسافه بهامته الطبره
ناره بالگلب ماتطفه متوجره
يستاهل النوح ابنج دونيله


منيدج راح ماتدرين ياوسفه
وبعز  الشباب  توسد  بطفه
ناره مسعره بالكلب ماتطفه
دخلينه يزينب نمشي ونشيله


متوسد المعاره ونام بالحومه
ومافكر  بعد بامه  المالومه
حكهه الوالده لو تشم بهدومه
خلصت روحهه وتصيح يا ويلي


صبحتي بكدر من غمضت عينه
وصحتي بصوت يايمه دتانينه
الموت اوياك يبني كون يفنينه
وني على الولد وبصوتج انعيله


مات ابنج بعد بيمن تعوضينه
حسج مايهيسه من تندهينه
مايرجع  اذا  بالروح  تفدينه
صعب يومك ييمه مالنه حيله


تعبيتي ابرباه الولد تعبيتي
وشلتي على المتن والليل سهريتي
تزفين الولد  بيدج  تمنيتي
يليلى تراب كبرج ياهو يهيله



لخادمة الحسين ((ع))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

نعي عن الولد ليلى تعاتب علي الاكبر  ((ع ))



مكسور كلبي كسرت العود
على ابني المشه وماضنه يعود


يالولد  يافتشت العيون
ضهري كسرته وحيلي مرهون

بتوت الكلب مشلوعه يبني
من حملت ما حملتني

جاكون يرضه البين بسوم
جابعت روحي وحتى الهدوم

ماله دوه يايمه الفراك
تدري الوالده للولد تشتاك

دلني يبعد  امك  واهله
وحمل الوالده وياك خذهه

يمه وداعتك ماضل بعد حيل
ويثكل ونيني بتالي الليل


ماينجبر كسر الولد لا
والله كضيت الحيل برباه


سنين العمر راحن وتعبي
و ما وجدت يالولد دربي


حك الله يبني اموت كبلك
وتحفر كبره يايمه لمك

هيج الوكت حيرني حيره
انته متت وانه  اسيره

كون الزمن يندار  ويعود
ويباري امه الولد مريود


لخادمة الحسين ((ع))العلويه ام اياد العلويه ام اياد لايجوز حذف


https://www.tg-me.com/joinchat--h0l4_B6FIg2ZjYy

هوسات الى علي الاكبر ((ع))



يليلى ابنج مشه وبس الله الساتر
عليه صوبين اشوفن داير العسكر
وهوه مايطخ الهام بين الزلم يتبختر

((ابنج ددعيله يرد سالم ))


مودع يالولد  سالم  ترد اليه
منهد ارباك يمه ضلوعي محنيه
يضخر امك اخافن ينكطع بيه

((امك ضاخرتك ليام النيبه ))


رتك  للنوايب  عون  يالاكبر
ضني خاب بيك وكسري مايجبر
على افراكك ييمه تدري ماكدر

((كون امك كبلك شالوهه ))


كون الموت يرضه ابني اشريه
ويشم  الهوه  العذيبي  اخليه
عني لومشه  جاوين  الاكيه

((توسد بالطف وين الكاه))


فكديت  الولد والولد  تجايه
عميه ولااشوفن نومته هايه
توسد بالترب فوك المسنايه

(((لو يرضه الموت تبدلينه )))



ابدلك  ياعلي يايمه  بالروح
يامفكود فكدك خلف جروح
يمه اواعدك  مابطل  النوح

((خلصانه ياروحي ويه ابني))



لخادمة الحسين (( ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيده الى شجاعة  علي الاكبر ((ع))



*الك جد الحجو     يالاكبر ابيومه*
*البيرغ من تشيله    تزلزل الحومه*


الك جد التميل اركاب وي سيفه
لو طب المعاره ياخذه ابحيفه
ماخذ شمرته وصولاتك امخيفه
وجدامك زلمهه صبحت مهزمومه


الك عنوانه ثابت يا علي الاكبر
مثل جدك علي بيوم الوغى تسطر
شجعان الزلم  من هدتك  تطفر
صيتك بالمعاره شايع اعلومه


معرب هذا ومصلصل يعرفونه
ماخذ شمرت الكرار و افنونه
والعباس عمه بارعه اعيونه
ولو صار الملاكه يصير جيدومه


خيال ولبس درعه وتعناهه
وجموع الكفر بالسيف طراهه
علي الاكبرنزل والحومه بجاهه
ابن حسين صاح عليهم بهومه


ابن احسين هذا الكطع الروس
وخلاهم جثث وعليهم ايدوس
شجاعه من علي الكرار متروس
الطف وكربلاء خلاهه مالومه


عدك بالشجاعه ساس مدكوك
البيرغ من تشيله بجفك يلوك
راسك ما تطخه مرتفع  فوك
منه تشاردت بالمعركه كومه


لخادمة الحسين (( ع))العلويه ام اياد حذف الاسم


https://www.tg-me.com/joinchat--h0l4_B6FIg2ZjYy

الطميه الى عبدالله الرضيع (ع)


*ضل خالي المهد منك    يعبدالله*
*رباب تصيح ماتكعد    يعبدالله*



اون اعليك يمه ومانمت ليلي
ماتكعد يعبدالله نهدم حيلي
ابني وين يازينب دكليلي
اصيح بصوت ماتكعد   يعبدالله


اتصيح ام الولد يرجعلي حسبالي
الالي عله المهد لن المهد خالي
عبدالله يناغي بيه  عبالي
لن مذبوح جابه حسين عبدالله


رضيع البلمهد مدري شيطلبونه
من الماي ياويلي يحرمونه
اويلي بسهم المثلث يصيبونه
ذبحاه السهم ويلوع    عبدالله


ذبحو بسهم ونحرم من  الماي
رباب تصيح يبني ذوبته احشاي
افراكك بلكلب يايمه اثر داي
دولبني الدهر وراح    عبدلله


رد احسين مذبوح الولد  بيده
يكلله يزينب كطعو  اوريده
لن تنشد رباب علي  وتريده
تصيح بصوت در صدرك    يعبدالله


ياثمرت حياتي وزهرة سنيني
ياهو الي بعد غيرك يسليني
عله افراكك ييمه انطفت عيني
تصعب غيبتك يمه       يعبدالل


لخادمة الحسين ((ع))ام اياد لا يجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان

https://www.tg-me.com/joinchat--h0l4_B6FIg2ZjYy

قصيده اليلة الوحشه



*تحشم ابوليانهه  ومحد  فزع*
*وين اخوي تصيح شيال الدرع*


وين اخوي تريد ابو فاضل يجي
عتاب عدهه زينب وعدهه حجي
راح منهه الجانت عليه  تنتجي
بليلة الوحشه الصبر مني جزع


احشم بعباس  وحسين  الولي
صوتي ماسمعوه ومحد كام الي
على الشريعه حيف نايم كافلي
تحشم  الحره  وكلبهه  منشلع


خويه شبت نار بخيمنه وسلب
وما بقالي كل خدر بين الغرب
وين ابو فاضل يبو درع الصلب
خلافكم دلالي جم صدعه نصدع


وين غيرتكم صفت يخواني
زينب انه  والعدو  يسراني
شلون اخوي الضيغمي عافاني
والحبل بمتوني من هسه نطبع


مادريتو اشصار وعليه اشجره
الليله ميسوره صفت  المخدره
شكد عليه عتبيت سبع الكنطره
الوصل  بيناتنه  جنه  انكطع


اليله   لاحراس  لاعدنه  زلم
وفوك ذبح اخوانه سلب وهضم
وين راح  الجان  شيال  العلم
روحي خلصانه واحس كلبي نوجع



لخادمة الحسين (( ع))العلويه ام اياد لايجوز حذف الاسم

https://www.tg-me.com/joinchat--h0l4_B6FIg2ZjYy

قصيدة اليله الوحشه


*مكدره زينب  اليله  امكدره*
*لابقى صيوان عدهه و لاضره*



مكدره من الضيم  يفجع  حالهه
كعدت على الثره الروس اكبالهه
تصبر  على الحرم  لو تنعالهه
ايعينج الله اليله عله الصار اوجره


اليله عينج شابحه صوب النهر
شلون شيخلص الضلام بلا كمر
نام ياوسفه اوغفه احزام الضهر
حشمت ماسمع سبع الكنطره


اليله روحي سلمت ويه الشمس
ركد حيلي وما بقى بس النفس
راحو اخواني اليحرسوني امس
ريت وياكم يخوتي امطبره


ادعي ربي اليله ينطيني الصبر
حسين بالحومه وكفيلي على النهر
ض اليله وازاني الدهر من كل كتر
ولاجني بت علي   لمخدره


اليله  ماينوصف حزن  البيه
ضلوعي عل خوانه انه محنيه
ذبحو كلهم  سوه  ابضهريه
خلصو اولادك صحت يا حيدره

اليله جم قصه الشفتهه ابعيني
اليلة الوحشه شكثر  تاذيني
اخوتي وي كوم العده ناسيني
مادرو بم الخدر اميسره

*لخادمة الحسين العلويه ام اياد لا يجوز حذف الاسم*

https://www.tg-me.com/joinchat--h0l4_B6FIg2ZjYy