قصيده لليلة الوحشه


*خيم ضلام الليل خويه  علينه*
*انتم على التربان واحنه انولينه*


وليه ولتني الكوم من ضلم الليل
وانه افكدت خوان والمدمع ايسيل
خيمه ردت ياناس اتلم المداليل
حشمت وين الحيد خلي يجيني


اليله الحرم يحسين  ما الهه والي
هبطت راسي الجان يبن امي عالي
راسك يخويه احسين امعلك اكبالي
بعالي الرمح مشيول راس ابو سكينه


حرمه وذليلة حال بين الاعادي
ويازينب اهلج وين صاح المنادي
ماتدري خويه احسين عليه شسادي
ماضل ولي وهل ساع يفزع اليه


ماضل هضم ياناس مامر علينه
اخوي انذبح عطشان وانه سبيه
وكافل اضعوني نام بالعلكميه
على المشرعه ياحيف غمضت عينه


ابن امي وين انروح واليا نويه
اميسره ويه والكوم ومشدوده اديه
وخويه الشمر كلساع يزمخ عليه
وياك ردنه انبات ماصح بدينه


ماكو زلم وياي بس زين العباد
ترضه يخويه احسين بحبال ينكاد
هضمه يفلش اجبال خويه السجاد
خويه علي مكتوب كلي شبديه


*الخادمة الحسين العلويه ام اياد لا يجوز حذف الاسم*

https://www.tg-me.com/joinchat--h0l4_B6FIg2ZjYy

قصيده الى الليلة الوحشه



ﻻخيمه  وﻻصيوان

*وين اتبات هالنسوان*


حريم و باتن ابهيمه

لا عدهن ضره و خيمه

ترضاها يبو الشيمه

عفتنه يا كمر عدنان



الليله الحزن غاطينهن

نومه كل اهالينهن

حيدر ما دره بينهن

بناته ابوليت العدوان



ضلن زينب أو كلثوم

مسبيات بين الكوم

ايونن و الكلب مهضوم

و ايحشمن على الوليان



ما تكعد يبو اليمه

ترى كلبي كثر هضمه

وحشه الليله و ضلمه

وين الوعد يالخوان



أيتام و حرم ضلينه

و كثر ونه و بواجينه

نار الهضم تجوينه

منك اه يا دهري الخوان



الليله الحره مهضومه

و أهلها بالحرب نومه

و اخوها تسفح ادمومه

نام  ابحومه الميدان



اكعدو  وشوفو النسوان

الليله ابوليه العدوان

وأهلهن نومه ع التربان

جا وينه كمر عدنان



لخادمة الحسين / / العلويه ام اياد

ﻻيجوز حذف اﻻسم


https://www.tg-me.com/joinchat--h0l4_B6FIg2ZjYy

نعي الليلة الوحشه


ارداف ردفلي  النوايب
وبكربله شفت المصايب
اليله مني الكلب  ذايب
وحشه وخوتي على الترايب


اليله اون  ومطينه الهام
وعليه الزمان تحزم احزام
عافوني اخوتي بين ضلام


وني يروحي ولا  تهودين
زماطج شال بيمن بعد تحجين
خوال الولد نامو على الطين 


نامو طبك كلهم  سويه
والضن كطعته وهاي هيه
نفجع كلبي  بهلمسيه


انه موزره اليله بالهموم
والكلب عل خوان ملجوم
وثلثين من الحيل مهدوم


وين المهابه وذيج الحياد
تجايه الاخو للضيج ينراد
موش الكم يخويه نوم الوهاد


اليله اختكم ضلت تحوم
وتعثرت بذيال  الهدوم
من الجره ماتكدر اتكوم


مضيعه وريد التيهوني
من حشمت ما هيسوني
حرام ماغمضن اعيوني


ماغمضن للحومه  يربن
وعشره عشره دموع صبن
عله اهل المحنه كون يعمن


نفجع كلبي ورفت العين
والصبح مابطلت الونين
كافي يروحي  لاتعتبين



*الخادمة الحسين العلويه ام اياد لا يجوز حذف الاسم*


https://www.tg-me.com/joinchat--h0l4_B6FIg2ZjYy

قصيده اليلة الوحشه
بدايت القصيده نعي



يالخوان اكعدو لاتنامون
اعتب عليكم ماتسمعون
ادري اويانه ما تقصرون
ولو حشمت خويه تفزعون

نزله
وفزعه انريد    من اهل الحميه
علينه تلملمة     اجيوش اميه


فزعه نريد  منكم  ماتكومون
تعوفون الحرم وسفه وتنامون
خويه خلافكم بينه يعيلون
خويه احسين لاتبطي عليه


هاا  يولاد  حيدر  حشمتهم
اجاني الليل اخوتي ورايدتهم
ينكلونه الذي  عايل  بختهم
اريدنه الكفلني ايكوم ليه



انريده بساع ينهض راعي الجود
و هوه البشدد والضيج موجود
اليتعده علينه ايحطله  احدود
مبجيهه كفيلي اعرفه الغاضريه


وين ليوث هاشم وين الابطال
واحدهم سبع بالحرب  خيال
يندمونه الذي وين اخوتج كال
شمر وحرمله وكل  ال  اميه


ابساع ابساع  اريدنكم  يوهامه
زينب حشمت عباس و  ازلام
حسين اوياه ايجينه ناشر علامه
هله  بيكم  تصيح  الهاشميه



صار الليل يهل  الزود  يسباع
موش الكم يخوتي نومة الكاع
زينبكم  تريد  الليله  فزاع
عقيلتكم تره راحت سبيه




لخادمة الحسين ع العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

هوسات ليلة الوحشه



انه العقله الجارت علي دنياي
مهضومه وذليله وفاكده الراي
اليله من اخوتي محد بقى اوياي
وين الكال للخوه اضل وفاي

((وحشه وضلمه خلاف اهل الغيره))


خذاني الخوف وكت المغربيه
وسواد الليل من جلجل عليه
صحت اوحشمت يهل الحميه

((محتاره المغرب روحي ))


يريت اعيونكم شافتني اليله
محتاره بحرم ياهلي وبعيله
ومن كثر البواجي روحي انحيله

((هدماني البين ابخواني ))


هدمني البين بيكم خوش هدمه
نمتو  ياهلي  وعفتولكم  حرمه
ماعدهه ضوه ولا خيمه بالضلمه

((اختك يالكافل محتاره اليله))


اختك للمعاره التفتت اتصيح
تعثر بالجدم  وتكوم  وتطيح
رحت للحومه وانده بالمجاريح

((الخياله عافوني اليله ))




*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

https://www.tg-me.com/joinchat--h0l4_B6FIg2ZjYy

قصيده ليلة الحادية عشر زينب تخاطب الزهراء ((ع))


يمه   يازهره  تعاي   تعني   ليه
شوفي اخوتي اشلون نامو بالوطيه
الليله ماضلي والي
كلهه نامت بالخلي
الليله يمه شلون بيه / يمه يازهرة تعاي تعني ليه

يمه لفيني ابعباتج كعدي احذاي
تره موهين الجره والصار وياي
انه والنسوان يمه ابحكمت اعداي
عيني طفاهه البجي
راح العليهه انتجي
وشيبيت بهل مسيه /يمه يازهره تعاي تعني ليه

الليله وحشه يازجيه اوياي اريدج
نبجي ونزيد المناحه على اوليدج
يمه   محتاره  بقيت  وحشميتج
خلصو احبابي اوهلي
وراح مني كافلي
ضلمت الدنيه عليه / يمه يازهره تعاي تعني ليه


البارحه اوياهم جنت  يازهره  يمه
باليه اخوتي هسه اون وليلي ضلمه
والكلب شيب وزاد  اهواي  هضمه
الليله ابطرك العبي
هايه مضمومه الي
تنضر الوادم الي / يمه يازهره تعاي تعني ليه



انه مسبيه واخوتي  الكل  مذابيح
وحنه من خوف العلينه انكوم ونطيه
وين كافلنه حرمهم كامت  اتصيح
ارد احلفنه بعلي
ايكوم ابو فاضل الي
الكفر مفتره عليه/ يمه يازهره تعاي تعني ليه


ارد اكلج يمه من عدي الخدر راح
والشمر بسوطه هام عليه اوصاح
وين يازينب ازماطج والكفل راح
طاحن اجفوفه سوه
بالشريعه من  هوه
حبال حطوهن بديه /يمه يازهره تعاي تعني ليه



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

https://www.tg-me.com/joinchat--h0l4_B6FIg2ZjYy

ابوذيات ونعي غروب عاشوراء


اعيوني من البواجي وشلن ماي
بهالدنيه الحزن والقهر   سهماي
عساه شح ونكطع ياناس هلماي
عكب اهلي الكضو بالغاضريه


روحي من الهضم زايد    المهه
حرم أطفال خويه شلون المهه
انه زينب والوكت وسفه ولمهه
خلاف اهل المحنه اشصار بيه

نعي

غفيتو ياهلي ما تدرون بيه
يالخوان ماعدكم حميه
صار العصر وانه  سبيه
اليوم اوجوهكم ضاعت عليه


والله اخلافكم روحي ذليله
وهدم العليه  كوه  اشيله
اخلاف اخوتي تعدت العيله


صار الغروب وين منواي
الراحو اهلهله تفكد الراي
ومن الخوف تتراجف عضاي
اليله من هلي محد بقى اوياي


محد سمع عتبي وجاني
والشمر بسياطه الفاني
وبكافل اضعوني ذكراني


يالخوان  عازتكم  الليله
اريدن والي الحملي يشيله
وحشه ودمع عيني اسيله


وحشه وضلام  الليل  خيم
وماعدنه خيمه البيهه نلتم
يخال الولد كلبي  تهدم


كلبي  تهدم  عشر  هدمات
من صاحو علينه انتن سبيات
الجابجن بالمشرعه  مات


اكعد يخويه طار ذهني
فدوه رحتلك انه وابني
اريدك تجي وتشوف متني


اريدك تجي ياماي عيني
امضيعه و اريد اليواسيني
شثكله على الوالي ونيني


لخادمة الحسين (( ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

ليلة الوحشه


الابوذيه

اليله جليلت عزم ضليت  ياناس
حرمه وفاكد الخوان       يا ناس
ادور اوجوهم ماهي ويه    الناس
منهد الضهر ماردو عليه

نعي
اليله الفاكده شنهي وضعهه
على الخوان ضل محني ضلعهه
حنينه اختهم ومايحمل كلبهه


اعاين والتفت والعين صبت
ونيران الحزن بحشاي شبت
ما تسمعونهه زينب شطلبت


طلبت اخوهه كبل الغروب
ام عون ضلت روحهه تلوب
امنين اجي وتيهت  الدروب


شلون اليل يكضي بين شمات
وحشه وعليه كثرت الحسبات
تذل الاخت لو الاخو مات


جاني الليل وانه امحمله هموم
والعسكر علي صوبين  ملموم
وانه مابيه حيل اعثر بالهدوم


ضلام اليل  ودرهن اعيوني
من حشمت شو ما لفوني
والله الحبل كصص امتوني 
وسفه عليكم نسيتوني

مني العذر شنهي يوالي
غير الهضم كلي شبقالي
تمنيتك تجي وتشوف حالي


عفيه الوكت بيه شكثر عال
اكوم  وتعثر  بالذيال
جاوين اخوي الجان خيال


لخادمة الحسين ((ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيده اليلة الوحشه



*نامو خوش نومه      اليله اهل زينب*
*تون سكته العقيله   وشدت المعصب*



نامو ياحسفه وضلت الحره
ولانطور ضل الحدنه وينطره
وبذيال العبايه النار  متوجره
بهيمه وضلام اليل  يرهب


صار اليل ماكعدو الدهريه
اليله اولاد حيدر مادرو بيه
تعالو يخوتي وكت الغروبيه
صيحن والدمع من عيني يصبصب


نامو خوش نومه ومادروبيه
ومتوسدين بالتربان اهاليهه
تعاي وياي بت حيدر نعازيهه
اليله نارهه وسطه الكلب تلهب

اكعدو  والبيارغ  لاتعوفوهه
بين الكوم  اختكم  لاتيهوهه
ترضون العقيله الكوم سلبوهه
وين الحيد اخوي اليكضي المطلب


نامو  والفزع  صوبين حاطاهه
وفوك رماح شالو روس والياهه
زينب ياحسافه البين  شدهاهه
الله يعينهه منهه الكلب عطب


اليله الفاكده ماينحمل همهه
على الخوان ياهو الي يكابلهه
كل النوح والونه على ابن امهه
على العباس زينب حكهه من تعتب


لخدمة الحسين ((ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيده لليلة الوحشه


*خيم ضلام الليل خويه  علينه*
*انتم على التربان واحنه انولينه*


وليه ولتني الكوم من ضلم الليل
وانه افكدت خوان والمدمع ايسيل
خيمه ردت ياناس اتلم المداليل
حشمت وين الحيد خلي يجيني


اليله الحرم يحسين  ما الهه والي
هبطت راسي الجان يبن امي عالي
راسك يخويه احسين امعلك اكبالي
بعالي الرمح مشيول راس ابو سكينه


حرمه وذليلة حال بين الاعادي
ويازينب اهلج وين صاح المنادي
ماتدري خويه احسين عليه شسادي
ماضل ولي وهل ساع يفزع اليه


ماضل هضم ياناس مامر علينه
اخوي انذبح عطشان وانه سبيه
وكافل اضعوني نام بالعلكميه
على المشرعه ياحيف غمضت عينه


ابن امي وين انروح واليا نويه
اميسره ويه والكوم ومشدوده اديه
وخويه الشمر كلساع يزمخ عليه
وياك ردنه انبات ماصح بدينه


ماكو زلم وياي بس زين العباد
ترضه يخويه احسين بحبال ينكاد
هضمه يفلش اجبال خويه السجاد
خويه علي مكتوب كلي شبديه


*الخادمة الحسين العلويه ام اياد لا يجوز حذف الاسم*


https://www.tg-me.com/joinchat--h0l4_B6FIg2ZjYy

نعي يوم احدى عشر

اول يوم من رحلة السبي قاموا قتلة الامام الحسين ع بهيئة الركب الزينبي الي الشام واخذوا يقيدون الامام السجاد ع روحي لهُ الفداء وباقي النساء والعقيله الصابره المحتسبه تنضر الى عيالات الحسين وتنضر الى القتلى 

تكلهم


شلنه يخويه  وحملينه
وغصبن علينه سرو بينه
وجتالكم يحدي الضعينه


يحداي الضعن مرني عليهم
عزاز ويحن الكلب ليهم
هلبت يكعدون من اجيهم


يالحداي ريضلي اشويه
بلكي الولي يالتفت ليه
ويشوف الحبال البديه
عمت اولادهم راحت سبيه


مريت على الحومه وشفتهم
يمن فدوه  تروحلهم  اختهم
مسبيه  راحت  عزيزتهم


صديت الهم فوك الرمال
عيني طفت ودوهن البال
ماضل بعد للحمل شيال


الدكلي الصدر هليوم اريده
اخته مشت تكطع البيده
كلبي يهل الناس شيهيده


اترجاك ياحادي الضعينه
الكافل ضعنه دمر بينه
احنه اصايته كمنه وجينه


عباس ليش الحمل عافاه
الدكلي صدره وجيت وياه
خليني  اندهنه  وترجاه

يبعد روح  اختك  يعباس
اكعد وشوف تكودنه الناس
وحنه حرم ونريد حراس



لخادمة الحسين((ع)) العلويه ام اياد لايجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان


https://www.tg-me.com/joinchat--h0l4_B6FIg2ZjYy

قصيدة يوم احدى عشر محرم



*شال الضعن شال من كربلا شال*
*عالجثث مريت ومني الدمع سال*



شال الضعن يحسين وخويه عفتكم
وعالهزل مريت ما ودعتكم
عالغبره تونون يهلي شفتكم
وتكلفت يحسين ابحرم واطفال


الحادي ساك النوك وعنكم مشينه
محد سمعنه وكام من حشمينه
احبال خشنه اليوم حطو بدينه
وعيوني تبجي عليك والدمع همال



زينب تون يا ناس ونه خفيه
راحت تون بسكوت يهل الحميه
اخوته كضو ياحيف بلغاضريه
بهداي اون بهداي ومدوهنه البال



بهداي اون يحسين خافن يسمعون
لو سمعوابجانه علينه يزمخون
كلبي انفجع ياخوي ومغير اللون
نشكي الهظم عدمن لو بينه انعال



انه الفكدت اثنين وبيه الدهر مال
ضعن الهواشم لليسر اشلون ينشال
انظر جثثكم على الارض ودمعي سال
ومعلكه برماح ياروس الابطال



امشي والعدو ياهلي يبرالي
انه اخت الذبيح ومالي والي
وين الكابلتني و ونت اكبالي
اكعد يعباس مال الحمل مال


لخادمة اهل البيت العلويه ام اياد لايجوز حذف الاسم

https://www.tg-me.com/joinchat--h0l4_B6FIg2ZjYy

امر عمر بن سعد بأن تحمل النساء على الأقتاب ، بلا وطاء ولا حجاب ، فقدمت النياق إلى حرم رسول الله (صلى الله علهي وآله وسلم) وقد أحاط القوم بهن ، وقيل لهن : تعالين واركبن ، فقد أمر إبن سعد بالرحيل .
فلما نظرت زينب (عليها السلام) إلى ذلك نادت وقالت : سود الله وجهك يا بن سعد في الدنيا والآخرة ! تأمر هؤلاء القوم بأن يركبونا ونحن ودائع رسول الله ؟ !
فقل لهم : يتباعدوا عنا ، يركب بعضنا بعضاً .
فتنحوا عنهن ، فتقدمت السيدة زينب ، ومعها السيدة أم كلثوم ، وجعلت تنادي كل واحدة من النساء باسمها وتركبها على المحمل ، حتى لم يبق أحد سوى زينب (عليها السلام) !
فنظرت يميناً وشمالاً ، فلم تر أحداً سوى الإمام زين العابدين وهو مريض ، فأتت إليه وقالت : قم يابن أخي واركب الناقة .
قال : يا عمتاه ! إركبي أنت ، ودعيني أنا وهؤلاء القوم .
فالتفتت يميناً وشمالاً ، فلم تر إلا أجساداً على الرمال ، ورؤوساً على الأسنة بأيدي الرجال ، فصرخت وقالت :
واغربتاه ! وا أخاه ! وا حسيناه ! وا عباساه ! وا رجالاه ! وا ضيعتاه بعدك يا أبا عبد الله . . . فأقبلت فضة وأركبتها . .

... لما أراد الأعداء أن يرحلوا بقافلة نساء آل رسول الله من كربلاء إلى الكوفة ، مروا بهن على مصارع القتلى ـ وهم جثث مرملة ومطروحة على التراب ـ فلما نظرت النسوة إلى تلك الجثث صحن وبكين ولطمن خدودهن . وأما السيدة زينب الكبرى (عليها السلام) فقد كانت تلك الساعة من أصعب الساعات على قلبها ، وخاصةً حينما نظرت إلى جثة أخيها العزيز الإمام الحسين وهو مطروح على الأرض بلا دفن ، وبتلك الكيفية المقرحة للقلب ! !

... كان هذا المنظر والمظهر المشجي ، المقرح للقلب ، الموجع للروح بمرأى من السيدة زينب الكبرى .
فهي ترى نفسها بجوار جثمان إمامها ، وإمام العالم كله ، وسيد شباب أهل الجنة ، فلا عجب إذا اختضنته تارةً وألقت نفسها عليه تارةً أخرى .
تبكي عليه بدموع منهمرة متواصلة ، وتندبه من أعماق نفسها ، ندبةً تكاد روحها تخرج مع زفراتها وآهاتها !

قال الراوي : فوالله لا أنسى زينب بنت علي وهي تندب أخاها الحسين بصوت حزين وقلب كئيب :
«يا محمداه ، صلى عليك مليك السماء ، هذا حسين مرمل بالدماء ، مقطع الأعضاء ، مسلوب العمامة والرداء ، محزوز الرأس من القفا . ونحن بناتك سبايا .
إلى الله المشتكى ، وإلى محمد المصطفى ، وإلى علي المرتضى ، وإلى فاطمة الزهراء ، وإلى حمزة سيد الشهداء .
يا محمداه ! هذا حسين بالعراء ، تسفي عليه ريح الصباء ، قتيل أولاد البغايا .
واحزناه ! واكرباه عليك يا أبا عبد الله .
بأبي من لا هو غائب فيرتجي ، ولا جريح فيداوى .
بأبي المهموم حتى قضى .
بأبي العطشان حتى مضى . . . .»
فأبكت ـ والله ـ كل عدو وصديق .
واعتنقت زينب جثمان أخيها ، ووضعت فمها على نحره وهي تقبله وتقول :
«أخي لو خيرت بين المقام عندك أو الرحيل لاخترت المقام عندك ، ولو أن السباع تأكل من لحمي .
يابن أمي ! لقد كللت عن المدافعة لهؤلاء النساء والأطفال ، وهذا متني قد أسود من الضرب ! !.

المصدر: زينب الكبرى (ع) من المهد الى اللحد

قصيده الى دفن الاجساد الطاهره


*بدفن الاجساد يزينب ماحضرتي*
*ولانعيتي على اخوتج ولالطمتي*

ايزينب  ايزينب

اليوم  دفنوهم  هلج  بالغاضريه
وبحصيره حسين لموه الشفيه
ضلوعه رضتهه الخيول الاعوجيه
شلون حالج بالدفن لمن سمعتي

ايزينب ايزينب

بالترب وارو اعزازج يالحنينه
كافلج وحسين هذا الدافنينه
خاف ياذيهه العتب من تعتبينه
لاكعدتي حذاهم ولامن نعيتي

ايزينب    ايزينب


ماحضرتي بدفنت الاخوان يم عون
بليه روس اجسادهم دفنتهم شلون
عل تراب انحور حطوهه اليدفنون
وروسهم وياج راحت من رحلتي

ايزينب   ايزينب


ودعوهم بالتراب  وذيج  الكبور
وراحت اوجوه الكبل يازينب تنور
عنج العباس راح الجانلج  سور
خوانج عزاز وعليهم عيب هنتي

ايزينب    ايزينب


شكال كلبج من سمعتي بالخبر
بله تغسيل ندفن دامي النحر
الله  يعينج  وينطيج    الصبر
انواع وشكال المحن زينب جرعتي

ايزينب   ايزينب


ها يزنب هلمسه اهلج حدر التراب
وبعد ماضلت يحره عندج  حباب
ضل جرحهم بالكلب يدي ولاطاب
بدفنت الوليان يازينب شكلتي

ايزينب ايزينب



لخادمة الحسين ((ع))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

قصيده الدفن الامام العباس ((ع))




*يا دفان              لاتدفن العباس*
*جفوفه بالشريعه   وعندي الراس*



يادفان لا تدفن  المهيوب
كلبي الفاركاه اصواب مصيوب
عنه حملت وبعيد الدروب
خلافه امشي يسيره ويه الرجاس


إليه اعتاب اخوي اتعاتب وياه
حملي شلون ويه الغرب عافاه
ابو فاضل عجيب اللحد طماه
اليوم عليه اريد الطم على الراس


الكافل  لاتدفنه  ولاتواريه 
والي  للحرم  عباس  خليه
ايكوم اوياي اخيي من احاجي
يرضه شلون اروح ابوليت الناس


شلك   بالكبر  عباس   ياحيد
النومه موش الك اكعد يصنديد
امشي اخلافكم لديار البعيد
ريت اوياك خمدت مني النفاس


الكافل  والتراب  شلون  طماه
وخدر اخته الكفله السبع عافاه
يريت الموت اخذني الحيد وياه
اكعدو  للحرم   اتريد   حراس


يادفان  اخيي  عينك  اعليهه
توسده شلون كلي وتسبل ايديه
اخاف من الرمل والطين ياذيه
اعتابي اليوم اوديه لبو النوماس



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*


https://www.tg-me.com/joinchat--h0l4_B6FIg2ZjYy

قصيده للدفن



*بنعش احسين       تانوني يدفانه*
*خلوني  ارد        راسه على جثمانه*



يادفان  الله   عليك   تانيني
عد راسه اون شويه  خليني
اغسلنه اريدن من دمع عيني
اكله عليك خويه راد مبجانه


شلته شلون أخوي امكطعه اوصاله
من حر الشمس ممرود دلاله
الحسين الحد وسعه  يشياله
جسمه بكربله والراس ويانه


ياسجاد  كلي  شلون  دفنيته
هواي جروح بيه وخاف لجميته
يعمه والرضيع اوياه خليتهه
عليهه شلون التربان هليته


اريد انصب عزه والطم على كبره
وكله للسبي مشوهه هلراحت الحره
يمصاب الكفلني بعد شيجبره
خل الطم عليه واريد عوانه 


اريد احضر و ارش الكبر بدموع
على العطشان محنيات يضلوع
وكلبي اخلافكم ضل والله مشلوع
ضليت بحزن والروح خلصانه


عد راس الولي ماونت الحره
لانصبت عزه ولانعت يم كبره
زينب من هضمه تجذب العبره
اعتب على الولي ويه الكفر خلانه


لخامة الحسين ((ع ))العلويه ام اياد لا يجوز حذف الاسم

https://www.tg-me.com/joinchat--h0l4_B6FIg2ZjYy

يوم الدفن



رجع الامام السجاد ((ع)) من دفن الأجساد الطاهره اخذت تناشده زينب الحوراء ((ع)) اين كنت يبن اخي قال لها الامام السجاد ((ع)) الان فرغت من دفن والدي الحسين واهل بيته واصحابه ((ع))  لما سمعت زينب بالدفن ----- صاحت يازهراء عزيزكي الحسين بقى ثلاثه ايام على رمضاء كربلاء

نعي
لسان الحال


تكلهه تعاي يازهره  تعاي
وتكابلي على حسين وياي
وكليله  يادفان  بهداي


تعالي  نتشارك  الونه
اليوم الولي ايست منه
ابنج ييمه شال عنه


الدفان اجه وبالكاع خلاه
وجه العزيز الرمل غطاه
انه اخته واريد الرفك وياه


انه اخته ييمه  وتيهاني
حسين اندفن وانه نساني
يزهره زماني دولباني


اليوم اندفن عزي ودلالي
وضليت حال الضيم حالي
ثاري الاخو يايمه غالي


يمه ونيت والونه عليهم
حدر التراب اشصار بيهم
اضن خربت يزهره معانيهم


ييمه بكربله  طشت  الضعون
ودفنهم عماني وطفه العيون
ماني العزيزه وغاليه ام عون


رخصو عزيزتهم واختهم
وروحي تذل والله بعدهم
للضيج يازهره  ردتهم


عليهم ييمه انهال التراب
وكبورهم مابيهه كل باب
توسدو بيهه يالاحباب



غالين  يمه  وعاتبتهم
ويسون العتب لوعاتبتهم
اليوم ثالت ماشفتهم

عميه على الخوان عيني



لخادمة الحسين ع العلويه ام اياد لايجوز حذف الاسم

https://www.tg-me.com/joinchat--h0l4_B6FIg2ZjYy

قصيده الى دفن الاجساد الطاهره



ريض يدفان اخوتي  عندي اعتاب وياهم

مالومه عنهم  غربت
مجروح كلبي وماطبت
من رحت يبن امي شكلت
والله صعب فركاهم


اريد  اكلهم  ياهلي
الغربه شدت محملي
عباس خويه كوم الي
وسفه الكبر ضماهم


عندي اعتاب للوالي
الكال لبني خالي
ضيعت خدري الغالي
شلون أمشي بلياهم


خلوني اكل الكافلي
اختك خذوهه بالخلي
وشماتكم تنضر الي
وين الجنت بحماهم


خال  الولد  كلوله
زينب مشت مذهوله
ذلت تره المدلوله
امدوهنه انه اخلافهم


اهل  المروه  مادرو
ابذلي ياوسفه رضو
خواني كلهم كضو
مني الدهر بعداهم


لخادمة الحسين ((ع ))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

هوسات الى دفن الأجساد الطاهره



زينب تنتحب وتصيح اعذروني
ردت احضر دفنكم ما يخلوني
واغسلكم يخوتي بدمعة اعيوني

((بالرمله اوياكم/ كون ايدفنوني ))


ريت اكبوركم خويه اندفن بيه
ماتسوه المره من غير  اهاليهه
اتذل اخلافهم والضيم يالفيهه

((وخلوهه مهضومه ونامو))


شلون اكبورهم بله حفرتوهه
واختهم بالدفن ما حضريتوهه
شلون اجساد اخوتي من دفنتوهه

((نامو بالكاع الوهانه ))


هاليوم  الكلب مابطل  الونه
مايلاح جرحه شلون اشدنه
لحسين وعضيده الدمع اسيلنه

((النوح عليهم سلاني ))


يحله النوح للفكدت الخوان
عليهم من تون يسوون الحنان
كلبي نزف دمه اليوم خلصان

((خلصانه ياروحي عليكم ))


الويلي النوح والون صار سلواي
  نومه  بكربله خليت  ولياي
من سمعيت ابدفنهم بادن اعضاي

((بالطف اندفنو والياني ))



لخادمة الحسين (( ع))العلويه ام اياد لا يجوز حذف الاسم


https://www.tg-me.com/joinchat--h0l4_B6FIg2ZjYy

تم تنزيل قصائد متنوعه بالقناة اشتركي بيها قصائدها حزينه

انصحكم تشتركون بالقناة قصائد روعه بالقناة الشاعرة ام سيف الدين ناصرية
اشتركو منا قبل لانحذف الرابط


👇🏻👇🏻👇🏻👇🏻👇🏻

https://www.tg-me.com/ma_x72w

https://www.tg-me.com/ma_x72w