لزيادة عدد متابعين قناتك على التلجرام ما عليك سوى التواصل مع👇👇👇👇👇
@ahmed_alziwar0

دستورهای سفارشی

مسابقة (لبيك يا حسين) هدية المسابقة فيديو كليب مجاني للتواصل @ahmed_alziwar0

الان زيادة عدد متابعين البيجات الحسينية لفترة محدوده جدا للاستفسار
@ahmed_alziwar0

5 ايام تفصلنه عن انتهاء مسابقة (لبيك يا حسين)
هدية المسابقة فيديو كليب مجاني للمشاركة بالمسابقة @ahmed_alziwar0

حسينا وا حسينا

اني انسان مذنب وانته طيب حيل
اذا ما ترضه عني ما انام الليل
ذنوبي بكد سهامك والسحك والخيل
اذا مو عفوك انته اني ما اسوة

ذنوبي خيول احسن تسحك بكلبك
شكد واكفلي وكفه شيخ يم ربك
موش جبير لكن ذنبي المشيبك
عشرتي مرة وانت ل عشرتك حلوة

رمح ذنبي وصل كلبك يبعد اهلي
محلفك بل متون الهادله اغفرلي
شلون ابجي عليك واني ماصلي
كلبي من الذنوب هواي يتلوة

بهت كلشي بدونك حته طعم الماي
شوية الطف اشوفه وكلبك انت هواي
ترد روحي اذا كالو محرم جاي
بنار الخدمة اتمنة ايدي تتجوة

يالمخلي الرمح من التعب يعرك
وحكك كلبي من الشوك ما يزهك
لكشلك راسي مثل الثوب من ينشك
دمي الما يسيل عليك ما يسوة

يل كلبك جبير بكد سترة اختك
اول ما حجيت بزغري سولفتك
زغير وما اشوف نسان بس شفتك
غيرك من يجون بالي بل كوة


حسن العبودي

يا عيشتي وفرحتي
عليتني بخدمتي

بل مجالس    يحسين
صرنه عابس    يحسين

@@@@@@@
وفقنه الله بسلامه     لل عاشر والخدامة  
خلينه اول علامه      علكنة الرايات السودة
شكد شايل صدري واهس    يلطملك بل مجالس
من شك هدومة عابس      شكينة الروس الوجودة

ارتاح من انطبر 
ويسيل دمي لفجر

بينة واهس     يحسين
للمجالس   يحسين

ترخلصلك دمعتي
يا عيشتي وفرحتي
@@@@@@@
اني بنص جنه كاعد     ما عايش مثلي واحد
لا كعبة ولا مساجد      موكب شياب يخدمونك

كون تشاهدني عينك   من يترس وجهي طينك
بلكت اكدر اعينك       ويطيح تراب ال بعيونك
 
يا روح بس تنشهك
داعيك خادم صدك

يا ذخرنه   يحسين
كل عمرنه يحسين

يا عازتي بموتتي
يا عيشتي وفرحتي
@@@@@@
من حركو يمي خيمة        تمنيت اتبده غيمة
واتعنه لكل يتيمه           بس العباس احتر بية

شفت الحرمه الجبيره     تركض مثل الزغيره
يا جيش اخذوني اسيرة        طكوني وعوفو العلويه

يحسين هذا العشك
حسيت صاير صدك

بل حرايم   يحسين
واني خادم  يحسين

كتيتلك حسرتي
يا عيشتي وفرحتي
@@@@@@@
وصلت بية محبتك      لو اعمه هم رسمتك
وبكل منحر كتبتك      شمس الله انشالت مو راسك

يا اول كعبة اشوفك      والبس اسود واطوفك
خاسر كلما يعوفك         ما ضايك كطرة من احساسك

يحسين كلبك ترف
لمفروض بي ينحلف

انته ديرة    يحسين
بس جبيره يحسين

وياك خط خيمتي
يا عيشتي وفرحتي
@@@@@@@

يحسين وهل مناحر          صعدن صارن مناير
بتوفيق من الله باجر      خدام تسد عين العالم

وعيونك صرنه ديرة        مثل عيونك جبيرة
ي يا شيخ العشيرة        جوة ايدك كل هاي الوادم

تنهي وتامرنه بعد
الشيعه صارت بلد

وانت قائد    يحسين
عل مراقد    يحسين

ياشيخ وبديرتي
يا عيشتي وفرحتي
@@@@@@@

من زنجيل المواكب         تهتز كل الكواكب
توكف حته المراكب         سماعات الموكب هيبة

المله اليقره القصيدة       واليلطم جوة ايده
يهتف كل النريده         من حزنك ترزقنه بشيبة

بشريان دمنه نكتب
وياك يحلة ل تعب

بل مواكب  يحسين
تلكه كاتب   يحسين

شديتلك رايتي



حسن العبودي

ياذيهه هواي جلمات الناس
زينب بل سوك وين العباس

والله ودارت بم عون
غربة وناس يشتمون
وين العباس
_______________________
زينب الما ترضه توكف يم المرايه
كلش كبيرة مشيهه بنص الولايه
القبل ترفض جار يسمع منهه الحجايه
شكثر صاحت يبو فاضل طاحت الرايه

عباس الماي مرات انسان
تشبع بي شوف انت وعطشان

بمايك يمهه يشربون
غربة وناس يشتمون
وين العباس
@@@@@@@@@@@
راحت اللمه وتبدت حنه القاسم
نشافت المحد يصدهه وفرحت الوادم
فجئة وانشافت سبايه من بني هاشم
الجان كلما يحجي بيهن ما يضل سالم

ماضل حسين لا ضل عباس
زينب بحبال وتجرهه الناس
حجار عليهه شمرون
غربة وناس يشتمون
وين العباس
@@@@@@@@@@@
شافت الراس وتبدت دمعت ام شيله
تكلة يا عباس راح نشيب الليله
انت ما تكدر تفز لحسينك تشيلة
واني طول الدرب اذكر وجهه وابجيله

عباس حسين سحكنه الخيل
ضل ما ملموم مطشر بليل

محتارة بلمة شلون
غربة وناس يشتمون
وين العباس
@@@@@@@@@
حنت لعباس زينب رادت ملاكه
خلصت درب السبايه لطولة مشتاكه
هوه فوك الرمح راسه وهيه عل ناكه
تكلة يا وسفه وهضيمه هيج نتلاكه

ضل عندي ايتام متعوبه هواي
كلش ردناك يا بعد الماي

بوجهك جان يشربون
غربه وناس يشتمون
وين العباس
@@@@@@@@@@@@@
ماتباوع ساعه صارت زينب شبيهه
اربعه وعشرين جربة تعد لياليهه
تعلقت بلراية وانت تعلقت بيهه
ي لحد الان تمشي تسير عليهه

كلبك دلاك ما جنت تشوف
فكيت الباب من غير جفوف

قصة عشرة تكتبون
غربه وناس يشتمون
وين العباس
@@@@@@@@@@
دخن العباس راسة من تطب للسوك
صار فوك الرمح هسه اليسكت حلوك
اخت عباس القيادة بس عليهه تلوك
رزنه ما مالت شوية من تميل النوك

ي حرمة شيخ مو بت فلان
مخلوقه ام عون من القران

قدسيه شيعه ام عيون
غربة وناس يشتمون
وين العباس


يا زينب
الخادم : حسن العبودي

حسين       هذا راسك لو شمس
حسين      عل رمح حار من امس
حسين      محد بجرحك يحس
#########

يمن شايل على جروحك جمر خيمه
يل مشبع العطش ومتعب الغيمه

ليش تشيل   دوس الخيل  وتطيح انته
ماضل خيل    جاك الليل    ون بسكته

يل مخلي الحوافر تكسر ضلوعك
تره كلش جبيره طيحت دموعك

هاا يحسين       كلبك وين    شو مو يمك
عل ماشين        حمره العين   فاير دمك

حسين       كوة اسولف بلشعر
حسين       كاعد عليك الشمر
حسين      انته متعوب شكثر

#########
مثل لمت عراضه فوكك التمو
خذو حته الثياب الفوكك وضحكو

هم عطشان    هم عريان      ها شابع ااه
كلبك حاس    بل عباس      من ماتنخاه

نعم ميت ولاكن عايش حساسك
اذا طكو رقيه يلتفت راسك

ينطكون    حته ام عون     تبجي بحيره
عندك هاي   يلوفاي        حيل كبيره

حسين      ضربو العلويه
حسين      باكو الترجيه
حسين     عمامتك ماهيه
#########
يمن حته البلابل تندل جتافك
العليل شلون اجاك وتيه اوصافك

شكد سحكوك      شكد ضربوك     وانت الوحدك
باكو ناس            سحكون ناس    كلهم ضدك 

كثر ما شبعت تراب انطفت عينك
ترد من كل كتر من اسالك وينك

صدرك غاد      راسك غاد       كلبك عل نوك
خنصر ضاع     واحد باع        محبس بلسوك

حسين      صم رمل بعيونك
حسين     بحركه ويسحكونك
حسين    كون اعرف شلونك

###########
عله ابو فاضل بجيت وكتله رايح وين
مو طبعك تعوف بشده اخوك حسين

تدري بهاي     مات الماي       وعاش عباس
بس ام عون    تمشي شلون    وين هاي الناس

على عيونك سوالف تكسر الخاطر
شكد عمرك بعد هذا التعب صاير

كلبك صار مثل النار عد احبابك
بتك هاي تحلم جاي بعد غيابك

حسين تشككن رجليهه
حسين تريدك اداويهه
حسين يشتمون عليهه
@@@@@@@@@@@
يمن سبعين جادر شايل بكلبك
مشو عنك ولا ضل واحد يحبك

لا اصحاب لا احباب ضلو بس ناس
اتغث بيك وتحاجيك مات العباس

كثر سبعين مرة السيب ال براسك
بس ما خله منه الخيب من داسك

ضلعك راح صبعك طاح مردو صدرك
جسمك نام صار سهام واصل ضهرك

حسين صبعك بيا حافر
حسين جسمك ازرك صاير
حسين من يلمك باجر

حسن العبودي

طرف ثوبج يشبه عيون الكفيل
محد يصد ليهن وبيهن يعيل

منين كل هذا الستر    بشيلتج يم الخدر
@@@@@@@
انتي قران الستر والشيله ايه
يببدي بلشليه و لحد جدمج نهايه
فرق عن كل الحرم صيتج كفايه
اليشوفج من بعد حسباله رايه
الشام ما مستوره من قبل السبايه
والستره بخيط طاح من العبايه

انتي مصحف ما حصل منج مثيل
زينب وبت حيدرة واخت الكفيل

الحشمه جاست كل كتر     ب شيلتج يم الخدر

@@@@@@
ال رابيه وي الزهرة وتنكط ستر
تريد تقنعني لزم جفهه الشمر
ما عرفنا العفه بس بم الخدر
تمشي وتخضر عقيده بكل شبر
انتي عندج خيمه تسوة شجم قصر
وي حرورة سترج يموت الجمر

بيج يم عون الحقيقه تحيرت     جارركم ما يدري حيدر عنده بت

الناس محتاره شكثر         ب شيلتج يم الخدر
@@@@@@
لو كتبنه الواقع بنص القصيدة
لسوط بيدج والشمر مكيوده ايده
كالو انذلت ونه اتصور بعيده
عله الفخر اخت ابو فاضل مو جديده
لو نقارنهه بيزيد وكل عبيده
يعني يشبه كلمه وبنص الجريده

انتي موسوعه جبيره من الشرف
بس حسن وحسين للزهرة نعرف

ما طلع صوتج عمر     ب شيلتج يم الخدر
@@@@@@@

حسين يدري باخته ابد ما تنولي
اربعه وعشرين ساعه تصب علي
حسين كتيله السبي خلي الي
بلا نقاش يكول خويه دللي
وين يكدرلج يزيد الجاهلي
ام عون كون من العلوم تقللي

زلم تعرك يم كيانج تندثر 
قللي وياهم علم يم الخدر

ذني بيج من الزعر      بشيلتج يم الخدر
@@@@@@@@
زينب لغير ابو فاضل ما بجيتي
من ذكرتي حسين حيل تعذبيتي
ما نزل دمعج لان حرمه نسبيتي
عفيه حرمه تذل زلم من سولفيتي
المجلس اخرس صار اول ما بديتي
كلهه تدري منين هيج تعلميتي

زينب العباس رافع راسه بيج
لازم السولف متر بعد عليج

جن يحس شمس الظهر
بشيلتج يم الخدر

الشاعر : حسن العبودي

مقصرين وياك 
يابو كلب الطيب الما ينسه دمعه
مقصرين وياك
كلنا ضلمه وانته صرت بنصنه شمعه

السنه كلهه نبيع بيك     وبمحرم نشتريك

                  مقصرين وياك

                       ##########

تفرح هواي  .....  من تباوع خادمك كاعد يصلي
تفرح هواي  ..... اني من احجي بأدب يم ناسي واهلي
تفرح هواي  ..... من اكلك فدوة الك اندار كلي
تفرح هواي  ..... ومن انام تبوس خدي وما تكلي

داير اعله الناس
عشك يجوي وحيرة بيك ولجمه حلوة
داير اعله الناس 
حيل وانته الجنت بلطف تحجي كوة

بصفنه حيل وما نجيك   وبمحرم نشتريك
مقصرين وياك
                          ##########
ادري مولاي  ...... خادمك كلما يشيل بكلبه غيبه
ادري مولاي  ...... من القهر راسك يخضر شيبه شيبه
ادري مولاي  ...... اليلتهي بغيرك واليواعد حبيبه
ادري مولاي  ...... تلجم بس اليعوفك هم تجيبه

يا ابو اللجمات 
جا شكد شايل كلب فدوة لوريده
يا ابو اللجمات 
تلمنه وعزازك على عيونك بعيده

تعودينه نهد اديك        وبمحرم نشتريك

                    مقصرين وياك

                    ###########
انته يحسين  .... براسي تمسح وانته راسك يجري دمه
انته يحسين  .... تلم بينه و جسمك اليحتاج لمه
انته يحسين  .... اليلجم  باول جرح الكاك يمه
انته يحسين  .... البايك هدومك تستره وما تذمه

انته شايل روح 
تنطي روحك نذر والوادم اذيه
انته شايل روح
خذو منك كلشي وتكلهم خطيه

تون ما نعرف شبيك     وبمحرم نشتريك
                 مقصرين وياك
                 ###########
اني مو زين .... شلون متحملني كون الله يعينك
اني مو زين .... ابتعد عنك واكلك انته وينك
اني مو زين .... سنين ممدودات بس هديت ادينك
اني مو زين .... من صرت ذاك التراب المالي عينك

انته طيب حيل
واني الستغلالي شفت هواي طيبك
انته طيب حيل 
من ورة افعلي ترة متروس شيبك

نلجم وما نحس بيك      وبمحرم نشتريك
                   مقصرين وياك
                     ##########
انت مخنوك..... وخنكتك مني أكثر امن الخيل والسوك
انت مخنوك..... اني اذيتك وحك الصعدن النوك
انت مخنوك  ..... واني اعرف الابتسامه بوجهك تلوك
انت مخنوك ..... لضاك هلكد قهر مني ماي ميضوك

انته كلش زين 
حته الياذيك ما تكدر تجرحه
انته كلش زين
حته راسك بلدرب ما اذه رمحه

حمل ياذي احنه عليك    وبمحرم نشتريك
                    مقصرين وياك
              ###########
اعتذر حيل
من وراي انداس صدرك ااه يصدرك
اعتذر حيل..... من اكون كبالك وتذبحلي نحرك
اعتذر حيل ....... اني ما اسوة التراب الداسه مهرك
اعتذر حيل ..... اني عل سويته كون ادير ضهرك

انته دومك هيج
تطي للمايسوة قطره ها كثر دم
انته دومك هيج 
تبدي عبد الله اعله واحد عمرة ما شم

لخيل واحنه خنكه بيك  وبمحرم نشتريك
                      مقصرين وياك


الشاعر : حسن العبودي

كاروك عبد الله اختنك عن الدللول فترك
صاير يحن لمدافع ايديين لمن تحركه جفوف الحسين
كاروك عبد الله اختنك
@@@@@@@
بلايه صوته ولا كماطة باقي بس عطر الترف
ماشبع من شبكة أمه بس شبع من النزف
كلي يا كاروك خيرك شو احس عينك ترف
خشب بس حبيته كلش جا شكول اعله الصلف

من زت سهم حز لنحر شمرة نده الدم انشمر
باوع لابوة وفز الونين لمن تحركه جفوف
_____________________
بهيدة يوكع غبشه كلش النده من السمه
وحيل عبد الله يوشل ذاب كلبه من الضمه
تلاكن شفافه وي شفت والده التكطر دمه
بلكي تروه شويه لكن هوه شفته مثلمه

وجه الصبح مايندفن يتكبع أسود كل جفن
حته الغيوم بضهره باجين لمن تحركه جفوف الحسين
_____________________
تبدة عبد الله اعله طولة وسال دم من النحر
مايعرف يصيح نحري لعمرة صار شجم شهر
انفطم مو من حليبه انفطم من القهر
من شوكت متعوب وجهه لجان اصفه من النهر

وي العطش حس بالم مايدري خطارة لسهم
وصف خنكته بعصرة ايدين لمن تحركه جفوف الحسين
___________________
جان عبد الله اعله نيته حته لمن يختنك
ومن تبده الدم بحضنه تلمسه يشوفه صدك
والكطن تخرب كشخته بكطرة الدم ينلثك
لجان وسط احضان الله بآيه لازم ينشبك

بدمه لمطر من ينمرد يم نحره يلتم الورد
ماخذ حلاته من لبساتي لمن تحركه جفوف الحسين
____________________
ايده طلعت من كماطه لطفل من كد شوغته
هذا اول طفل حومر كل سمه الله بموته
طفل كض هدوم ابيه بوجهه طالت شوفته
ما كدر يحجي ويسولف عل سهم وحرورته

عبد الله كلش مختنك مايدري نحره المنشرك
شاله النده وللجنه ماشين لمن تحركه جفوف الحسين


حسن العبودي

دورولي واحد عرف والزم ايده   حسين يزعل لو بقيت وحيده

متروسه دخان العين      وشلون ادور اعله حسين
            حسين يزعل لو بقيت وحيده
              ############
مابيه اشوف مورمات عيوني
وجماله مشدوهين اليدلوني
من السياط الما تعوف متوني
تيهت دربي وخاف ما يلكوني
 
تدرون من جر اذني          احمر تغير متني
رجلية حيل مورمات من خيلهم لحكتني

مادري اون من اذني لو رجليه    رايدلي واحد يعرف اني شبيه
الركض رايد رجلين   وشلون ادور اعله حسين

@@@@@@@@@@

ايد اعله اذاني وثانيه اعله شفافي
ماضايك الجويات بس الحافي
ابرجلي احير باذني لوو بجتافي
والسوط يركض من اصيحن كافي

بس الله يدري شبيه        ومتوني والعلويه
من يعرف شكبر ال ااخ     من تركض المجويه

اركض عليما مدري بس مرعوبه   
كل راي ماعنده ليطفي بثوبه

المن تصير الجفين     وشلون ادور اعله حسين
       حسين يزعل لو بقيت وحيده
           @@@@@@@@@
دلوني عل عباس خل اشكيله
واحجيله عمي انشاف لون لشيله
عمي الحسين بدونه انهد حيله
تكدر تروح وتبقى يمه الليله ؟

تعبان ابوي الغالي يمه اشكثر ضل بالي
لو جاب طاري بنيات لتسولف اليجرالي

فكرت ادورة وكلت اشوفن عيدي
بس درت وجهي وعمتي كضت ايدي

كالتلي يا عمه لوين    وشلون ادور اعله حسين
حسين يزعل لو بقيت وحيده
             @@@@@@@@@@
تدرون لمن صاعده اعله الناكه
جنت بوكتهه هواي اله مشتاكه
اني ادري يم الله سوة نتلاكه
بس هيه مو سهله الحنين فراكه

كلما اعمض عيوني      اتصل عليه متوني
كد ما خفت من لسوط     كامت تفز جفوني

الجانو يخافون بحلم يلفوني
هسه شوكت ما رادو يضربوني

شايخ علينه المو زين      وشلون ادور اعله حسين
حسين يزعل لو بقيت وحيده
@@@@@@@@@@@
شمدريني بل صينيه راس الغيمه
وشتريد تتعشه التطر الهيمه
من يوم ما طاح وطلعنه الخيمه
من عدهه صارت عيشتي بلا قيمه

شفته وصحت من صيحه      بس هيه سكته لطيحه
ريحه لحيته شتميت        افيش طعم لريحه

المهم مت وراس ابوي بححضني
ماريد واحد يبجي ويكعدني

موته عشك بس شمتين      وشلون ادور اعله حسين
حسين يزعل لو بقيت وحيده


حسن العبودي

كون يمشي جنازة     اليعوف عزازه

واني ضليت ادعي اموتن من عفتهم

             ____
من جزاني حسين       شح هوه لريه
وبجفاه ضليت        ابجي ليليه

يهد حيلي الشوك     بلمغربيه
فزتي وي الريح     من تجي عليه

كون اعوف الوين    واعرف شبيه
كعدتي اعله الباب     نذر يوميه


لحايط شكد غافي    ومنتجي اعله جتافي
         كثر ما ضليت اتاني لفاركتهم
___________
بيه حسرة وااه       عزاز عافوني
شجم ردن جريت    بس يهدوني

خل الم لهدوم       فدوة تانوني
انطوني عبدالله      يهده بمتوني

لو مشيتو بعيد      جنازة ودوني
اكعد وي الباب       لا تخلوني


يعاشر العكازة       الماكو يمه عزازه
هوه هم يدرون بيه شكد احبهم
__________
عمي يالعباس      فدوة لعيونك
تقبل الحبوك        من يعوفونك

كلي كومي وياي     خل يسمعونك
هلبت يقبلون    وما يردونك

عندي حيل هواي     شوفت عيونك
يضل كلبك دوم      عل يجافونك

عودتهه عيوني        تشوف اليحبوني
    حيل مابيه واكلب كل صورهم
            __________
يا مرض يا حيل        ما ينسوني
شوفه الغالين          تريح متوني

كلشي بيه يرد          من يذكروني
واني احبهم حيل     جي يحبوني

شجم عزيز لراح      وتعب عيوني
وي لون الليل        توارد جفوني

لا يليل الفركه        كافي مو مختنكه
اتمنه لو طيف بحلم تسياره امرهم
        ____________
عمة اريد وياج         كلشي مابيه
اكدر امشي بنار      واجوي رجليه

وثوبي بي دخان      عطب شويه
ومو عليله يصير     اسمي مسبيه

وانطك وينجر       من ذني ترجيه
وبلخرابه هناك      ابجي يوميه

ولا اضل ابيتي       وتنسلب عافيتي
     كلشي بيه يفز لون يوصل خبرهم


حسن العبودي

اني ماعاتب اخوي أعلى الهجر
ادري بي كلش حنين أعلى الخدر
والله ما رايدة الماي
هوه لو بس يمي جاي
اني ماعاتب اخوي أعلة الهجر
@@@@@@@@@@
هوه لو يدري شكثر مشتاكه اشوفة
جان عاف الجربة ولتمن جفوفة
يعتذر المن وانة مقدرة ضروفة
واني لو ما ادري يخجل ماعوفه

ماكو داعي يعتذر
مو مهم حجي الشمر
بس كونه مرتاح
المن يعذب الكلب
تروح آثار الضرب
بس هوه ماراح
أبو فاضل شوفتة اطيب الجرح وابتسامة وجهه التضوي الصبح وضحكتة الترست سماي
هوه لو بس يمي جاي
@@@@@@@@@@@@
ضل يصد العطش كل غالي يلوحه
اخذ جربة وراح كوة وهد جروحه
كبل اخيه ما شرب شايل ملوحه
وماي ما انطة لعطاشه انطه روحه

ابو فاضل ضل يحس
حسين عطشان من امس
وكل النساوين
للنهر فز وغبش
حلف لو يشبع عطش
لو يشرب حسين

وصاح يا ماي اعله ريجي ما تمر
اله اشيلك بيدي وتروي لخدر

اني خل ابقه بضماي
هوه لو بس يمي جاي
@@@@@@@@@@@@@@
شايل الجربه وضحكته مورده خده
تخيل بايده يشرب وحده وحده
لجربه صارت منخل ممرود جبده
الحوك من يطي الحجايه يموت وحده

ولتم بعينه لبجي
من رقيه مستحي
ما شربت لماي
علارض لمن وكع
وي اخيه مارجع
جي مستحي هواي

متانيته تروي عبدالله الرباب
يخجل يردلهه خالي بلا شراب

عنده كلش صعبه هاي
هوه لو بس يمي جاي
@@@@@@@@@@@@@@@
جان حيلي يرد اذا يحجيلي كلمه
جي حنين يريد كل عزازه يمه
بس لمن طاح وتبده عليه دمه
كال لحسين استحي تباوعلي حرمه

ابو فاضل يعتذر
يستحي يحاجي لخدر
سولفهه لحسين
كله من عدهن خجل
عني لمن تنسال
كلهم مشه لزين
هوه ما يدري لون فكر يرد
ابهذاك الحر واحس نسمه برد

من الخجل مات بكفاي
هوه لو بس يمي جاي
@@@@@@@@@@@@@@
طاح بس لمن يطيح المطر نعمه
راح يمه حسين وبحضنه يلمه
فكرت الحك حسين وابجي يمه
وردت احط راسه اعله حصني وحيل اشمه

نكعد نجر لسهم
ونمسح الدم بلعلم
ونبوسه بهداي
حاجه لحسين بهدو
اني احبك يا اخو
ما كله مولاي

جانت امنيته يشبكه وهل شبك
وهاي آخر شبكه من عدهه افترك

شكد دعيت اطي هواي
هوه لو بس يمي جاي
@@@@@@@@@@@@@@
جان عباس اعله مودي يطي عينه
هسه شو انطه كفاه ومدري وينه
حسين ردلي يكول بلكي تسامحينه
ضل لان خجلان منج يلحنينه

هسه اريده شكد انه
جنه فاركني سنه
ماحسه توه
الفركه صعبه اعله ليحن
يلتم بكلبه لحزن
يبقى يتلوة

ردت اكله شكد اريده بهل وكت
ادري مايقبل اذا دمعي يكت

لكمر شوفه وجهه ماي
هوه لو بس يمي جاي
@@@@@@@@@@@@

حسن العبودي

هوه سولفلي يابو الاكبر.    اليمته تبقئ مطشر


أّمَنِيِّتّيِّ أّحٌضّنِګ مَنِ صٌدِګ لَګنِ أّخَأّفِّنِ تّلجملَمَ
جَِّسمَګ وِګعٌ مَثّلَ أّلَمَطّر مَأّدِريِّ أّعٌأّتّبِ مَدِريِّ أّلَمَ
مَنِ أّلَضّربِ فِّوِګ أّلَوِجِهِ مَأّشٍبِعٌوِ أّشٍبِأّهِ أّلَزِّلَمَ
بَِّس أّبِتَّّسمَ مَرخَصٌتّګ شٍوِ هِذّهِ َّسنِګ مَنِثّلَمَ

شٍوِ خَربِوِ ضّحٌګأّتّګ.       مَأّ تّنِوِصٌفِّ لَجِمَأّتّګ
شٍأّيِّلَ شٍمََّس مَوِ مَنِحٌر.   أّلَيِّمَتّهِ تّبِقِئ مَطّشٍر
                 @@@@@@@@@
بِلَغٌبِشٍةّ مَحٌتّأّرةّ شٍګثّر مَأّأّدِريِّ جِيِّتّهِهِ مَنِيِّنِ
مَدِريِّ أّجِتّ مَنِ أّلََّسمَهِ مَدِريِّ أّجِتّ مَنِ وِجِهِ حٌَّسيِّنِ
ګلَ وِأّخَدِ يِّشٍبِهِوِنِهِ أّلَفِّ بَِّس هِوِهِ مَيِّشٍبِهِهِ ثّنِيِّنِ
أّوِلَ وِردِ مَنِ أّنِذّبِحٌ مَأّ ذّبِ عٌطّر ذّبِ وِنِيِّنِ

أّوِلَ وِردِ يِّتّګطّعٌ      بِلَوِصٌلَهِ مَنِ يِّتّجِمَعٌ
وِجِهِګ صٌدِګ صٌأّر أحٌمَر.    أّلَيِّمَتّهِ تّبِقِيِّ مَطّشٍر
              @@@@@@@@@
أّوِلَ وِردِ مَنِ أّنِذّبِحٌ مَنِهِ أّنَِّسلَبِ وِرګأّتّهِ
صٌيِّحٌ تّرةّ يِّأّذّيِّ أّلََّسحٌګ مَأّ تّنَِّسمَعٌ جِلَمَأّتّهِ
أّوِلَ بِشٍر مَنِ أّنِذّبِحٌ بِأّوِعٌ عٌلَةّ بِنِيِّأّتّهِ
مَأّريِّدِ أّلَجِمَهِ بِلَحٌجِيِّ أّلَبِيِّ تّرةّ مَګفِّيِّأّتّهِ

شٍحٌجِيِّلَةّ عٌنِ يِّأّ لَجِمَهِ     وِلَأّوِأّلَلَهِ ګلَشٍ زِّحٌمَهِ
لَوِ أّحٌجِيِّ عٌنِّ ِ أّلَخَدِر.     أّلَيِّمَتّهِ تّبِقِئ مَطّشٍر
       @@@@@@@@@
مَنِ شٍوِګتّ مَأّ نِلَتّقِيِّ مَعٌقِوِلَةّ بَِّس أّلَلَيِّلَهِ
أّلَحٌبِ تّرةّ مَأّلَهِ طّعٌمَ لَمَنِ يِّفِّأّرګ هِيِّلَهِ
زِّيِّنِ أّلَګلَبِ لَوِ حٌنِ أّلَګ َّسوِلَفِّلَيِّ جِأّ شٍحٌجِيِّلَهِ
أّطّيِّنِيِّ بَِّسِّ ذّګرةّ أّلَګ. ضّمَلَيِّ عٌطّر بِلَشٍيِّلَهِ

زِّغٌمَ أّلَدِخَأّنِِ أّعٌلَيِّهِه.       ِ بَِّس عٌطّرګ أّشٍتّمَ بِيِّهِهِ
حٌتّهِ أّلَدِخَأّنِ تّعٌطّر.        أّلَيِّمَتهِ تّبِقِةّ مَطّشٍر
           @@@@@@@@@
مَرخَصٌتّګ يِّأّبِوِ عٌلَيِّ ضّلَتّ بِګلَبِيِّ حٌجِأّيِّهِ
خَدِګ حٌريِّمَهِ يِّنَِّسحٌګ مَوِ جِأّنِ أّلَيِّهِ مَرأّيِّهِ
مَنِ حٌرګوِ خَيِّمَنِهِ أّلَضّهِر أّتّعٌنِتّګ جِمَرأّيِّهِ
نِزِّلَتّ عٌلَئ صٌدِرګ جِوِيِّ مَأّبِيِّګ تّحٌجِيِّ حٌجِأّيِّهِ

بِلَأّ جِفِّ صٌعٌبِ تّشٍمَرهِهِ        وِلَأّ وِأّحٌدِ يِّوِخَرهِهِ
وِأّلَصٌدِر هِوِهِ مَحٌفِّر.          أّلَيِّمَتّهِ تّبِقِئ مَطّشٍر
           @@@@@@@@@@
رأّدِتّ رقِيِّةّ تّمَر أّلَګ ګتّلَهِهِ خَيِّرجِ عٌمَةّ
ګأّلَتّيِّ وِحٌدِةّ أّعٌلَةّ أّلَرمَحٌ أّردِ أّمَشٍيِّ أّوِګفِِّ يِّمَةّ
عٌمَةّ أّردِ أّبِوَِّسهِ مَنِ أّلَنِحٌر وِأّلَلَهِ أّوِعٌدِجِ مَأّ لَجِمَهِ
مَشٍتّأّګةّ أّبِأّوِعٌلَةّ شٍګثّر وِأّحٌجِيِّلَةّ هِأّيِّ أّلَجِلَمَةّ

بِوِيِّهِ أّنِجِوِتّ رجِلَيِّةّ     مَأّبِيِّهِ أّمَشٍيِّ شٍوِيِّهِ
أّوِګعٌ وِأّګوِمَنِ وِأّعٌثّر.    أّلَيِّمَتّهِ تّبِقِئ مَطّشٍر 

حسن العبودي

يا حبيبي الموت هين لكن فراكك صعب
تدري اليفارك عزيز يضل يتاني اعلى الدرب

يل مبتعد      ماضل ورد     ماسائل عليك
حته الكلب    يسكت صعب    يحجيلي بس بيك
$$$$$$$$$$$$$$$
يبوية الوادم تغثني من اتنطر اعلى الباب
يكلولي المن اتانين بعد شيرجع الغياب
اعيش بحركة اعصابي يطاريك اذا ينجاب
رحت واتعودت علضيم انة بصدري كلب شياب

مرة كالو رد ابوج تعمدو علوني اصيح
ما مصدكة ومن فرحتي بثوبي كمت اعثر واطيح
ي
 يلتنشهك   راجع صدك    جاوبني احاجيك
حته الكلب    يسكت صعب    يحجيلي بس بيك
##################
المصيبة الليل اذا يرجع احسن تختنك ريتي
هذيج المحد يمرهه يبو الاكبر صبح صيتي
شاريد احجي شكللهم يكون تحقق امنيتي
اريد شوية ترجعلي وتردهم يا بعد بيتي

الناس ما يرحم حجيهه تريد بس تلجم صدك
همه ما يدرون عايش وسط ريتي وتنشهك
كونك تطب     وسط الكلب    جم لجمة اراويك
حته الكلب     يسكت صعب   يحجيلي بس بيك
###################
يبعد المن رحت صبن دسولفلي اذا حنيت
عليله ومالي حيل انهض افك الباب اذا رديت
تدري شيخطر ابالي اشمن ثوبك اشتاكيت
يبوية شباقي من عندك اذا حته اصبع انباكيت

لون بية الحيل اجيبن وصلة وإمشي لكربلة
حتة اغطي الجان جدي بوسط نحرة يقبلة

مكطع وذر ..عطم انكسر ..وشلون اغطيك
حته والكلب... يحمل صعب.. يحجيلي بس بيك
###################
على طاري الاهل بوية شحلات الكعدة وياكم
يلوو عايفلي عبد الله يخفف عني فركاكم
صرت كلما ادير العين يمر ابالي طرواكم
الخذاكم من وسط كلبي شعجب بس روس رداكم

روحي شاغت والبواجي وصلت لسابع سمة
من سمعت الخيل داست شفتك وتنزف دمة

بعد الحجي .تمنيت اجي . يمك اداويك
حته والكلب ..يحمل صعب.. يحجيلي بس بيك
###################
عليك الوادم تسولف يكلولي المهر داسك
اعلة كد ما ساحك بصدرك كالو كاطع انفاسك
يكون تمرني بس سحكة اريد اعرف شنو احساسك
يديرة من البياض شلون لون الدم ترس راسك
منين هذه الدم بكصتك وانت يلكلك كطن
يا حبيبي شلون اجيلك وانت مبيوك الحضن

طاح الصدر    بيا كتر    هلبت يرد ليك
حته الكلب    يسكت صعب  يحجيلي بس بيك
###################
يوجه الله شعجب تنزف شعجب لونه احمر الحاجب
يجنت امن اشتهي للماي اروحن بس الك يا حب
ياول نسمة تطشر جنت بس للورد صاحب
شلي بوجه الصبح مأريد بعد وجهك بعد ماحب

منين اجيب اعيون حلوة تضوي لمن تبتسم
والله ماادري شاوصفك زحمه كلش تلجم

وجه الصبح    لون الملح   من جنت اسميك
حته الكلب    يسكت صعب    يحجيلي بس بيك


حسن العبودي

والله حنيت      وروحي صاحت
وحدي بلبيت    كلهه راحت
ها بكلبي وشبقى غير الصبر
الله من يعشكنه يبلينه بهجر
والله حنيت
              @@@@@@
كثر ما وياه اسولف شيب الباب
ينكسر كلبه من اساله وين الاحباب
ويا ريح عوفي الباب ياريح
طفلة وراه تكوم واطيح
روحي تضن عزاز وتصيح
يا ريح حركيلي المراجيح
 
بنفسي اشوفن غالي  جا تحسن حالي    وما يضل ابالي
حسرة لا ليل
لفارك يعرفونه     ما تغمض عيونه       لوادم يذكرونه
وينقهر حيل

الغالي مريود    من يجي الليل
فنة اذا راد       يكدر يعيل

العنده مثل حسين يرتاح شكثر
الله من يعشكنه يبلينه بهجر
والله حنيت
 @@@@@@@@@
حسين أبوي الجنه غيمة تكت مطر
وعمي أبو فاضل اليسوة شجم نهر

جان الورد يشتم عطرهم
طيبين ماينشبع منهم
همه الجفوني عزاز كلهم
وبالليل تاذيني صورهم

فدوة اروح العينه      عمي المصوبينه         اليسال تحبينه
كلش هواي
كون يمه احجيلة     واختنك وابجيله     فدوة من تغديله
الجربه والماي

فدوة يا طيف    لحضة جيبة
اهدة اذا كال     يالحبيبه

عمي كلبه غيمة وتمر العصر
الله اذا يعشكنه يبلينه بهجر
@@@@@@@@@
هسه لو عبد الله باقي وجا كبر
لا عطش كلبة ولا ضحه بنحر

تخبل ركبته تكول عنبر
حكة السهم ويضوك منحر
يكماط شو عبد الله محتر
ابيض جنت شو صاير أحمر

يا سهم من ضكته      مختنك ما شفته      ما كلت هاي اخته
تكمطه شلون
ماشفت جفينه      جلبت بحسينه       بوجهه صفنت عينه
وتبجي لعيون

جن احس كال   بنضرة عيون
بويه يحسين   منحري يهون

الله كون يعينك بوكت الظهر
الله من يعشكنه يبلينه بهجر
@@@@@@@@@
ليش كل ماحن لاخيتي تون اذاني
مدري هيه نجر اذنهه مدري إني

طفلة وتشوف حسين بس براس
وما عدهه صوت تصيح عباس
محتارة وجهه شلون ينداس
مملي بحوافر خيل والناس

اربعه يشيلونه       بحركه ويشمرونه     يفتحون عيونه
شمرو تراب
جاب واحد قامه     حيل شك الهامه   يضعط اعله سهامه
يغمك الصواب

كزبرت حيل     من يكولون
بسحكه الخيل  نثلمن سنون

 بحركه ادعي يشلهه رجلك يا الشمر
الله من يعشكنه يبلينه بهجر

وآلله حنيت
@@@@@@@@@@
عمة وينج والله مشتاكه لحنانج
يعينج الله هسه محتاره بزمانج

بحركه كلبهه تجوت النوك
ثوب السبي اعله ام عون ميلوك
انشافت ويشيسكت الحلوك
يا بويه شبعت ضيم بلسوك

هذا اليغث بيهه      وهذا يبجيهه      وذاك اليراويهه   هدوم  الحسين
واليجر احبالهم    واليذل بحالهم     وهمه شارد بالهم
اعلة الزلم وين

اني لو غاد     وي السبايه
جا بقه رماد  ب العبايه

وجان وي عمتي ركضت اعلى الجمر
الله من يعشكنه يبلينه بهجر
وآلله حنيت
               @@@@@@@
كلكم اتخيلكم اكبالي تضحكون
العنده هيج وجوة جا ينساهم شلون

مشتاكه الكم حيل يحنان
ردولي فدوة شلون ماجان
اشبع تعب والكلب ولهان
وارسم صوركم على الحيطان

شايفين شحالي     محني حته خيالي      وما تفارك بالي
عيون الاكبر
جان أخوي ويايه     دكول وجهه مرايه     اليحبني هوايه
واني أكثر


اغفه كل يوم     اعله ادينه
منه محلاة   يالحنينه

علي الاكبر ينعشك من كل كتر
الله من يعشكنه يبلينه بهجر

وآلله حنيت

حسن العبودي

تمنيت بس عندي صور للفاركوني
وبعتبت الباب النتضر بلكت يجوني

يسألوني المن كاعده     هاي المحنه الزايدة

يا ليل يستفحل علي لوما جفوني

        @@@@@@@@@
مبين الفاكدله غالي من يحن لشوفته
لو الف دجلة يشربه مايخفف شوغته
لوعه الطفل اعله أمه هيج تصبح لوعته
تلتم الدنيا اعله صدره من يكابل صورته

ويسولف وياهه شكثر ويدمع هواي
وايخلي اديه  اعله الوجه ويلمسه بهداي

من اشتاك واني ساجدة     هاي المحنه الزايدة

                   @@@@@@@@
 الينكسر ظهرة ويعاتب هذا فاكد غالي
من يحن لوجوه راحت والدموع تلالي
مثل هوسه خيل اميه هيج احسن بالي
كثر مابيهم افكر شاب حته اخيالي

يندهني كل ليل شعجب مانمتي لسه
منتضرة ابو فاضل يجي ينيمني هسه

من ما اعرف شرايده    هاي المحنه الزايدة

ياليل يستفحل علي لوما جفوني

            @@@@@@@@@@@
كون اسير لبو فاضل وامشي طيف بعينه
نص حلم كاعد يباوع يمه خيودينه
امدد وبلكوه يصرخ من يصد لحسينه
خيول هاذه حسين غالي بحركه لدوسينه

ويعتهه رجلين الفرس من كثرن صواب
حسيته يبجي من القهر يمسح بلتراب

من يبجي كون يساعده     هاي المحنه الزايدة

             @@@@@@@@@
اليعوف عزاز كلبه تغثه كلمة وينهم
واني يوميه أكابر واكتب متانينهم
كلش يبجوني كلما سالو تحبينهم
واني والله هواي احبهم كون اعيش ابينهم

وانخلص المغرب سوة سجدة ودعائات
ونلم شكو ورده ونده بحضن الفراشات

العدهه كلب الوالده     هاي المحنه الزايده

ياليل يستفحل علي لوما جفوني
            @@@@@@@@@@
جانت الخيمه محطة والقطار الناكة
الرايد يودعله غالي تلكه صبخة رياكه
واني اصيح بسلامه روحو بس مشتاكه
مشكلة المريود كلش صعبه يوم فراكه

واني اسال بروحي الاهل معقوله راحو
شيصير لو يمي بقو ساعه استراحو

وي الفجر متواعده    هاي المحنه الزايده

ياليل يستفحل علي لوما جفوني
       @@@@@@@@@@@
هوه ابوي اليشوفه يطفي حته شموعه
من شوكت بردان جسمة وتوني شفت دموعه
أني وجروحي الجديده والسهر واللوعه
كون نتبدى على طولة بلكي تدفه ضلوعه

ياليل اذا نمتك شرط وديني لثنين
ارد اغفه بجفوف الكمر وعيون الحسين

والتغفه هيه وكاعده   هاي المحنه الزايده

ياليل يستفحل علي لوما جفوني


حسن العبودي

ماينلزم    بيد الزلم      ولجف ابو فاضل يهم
ي هاذة سيف العباس يركض يدور حرورة

________
حالف اذا مو جف جوي مايروة
مايقبل تلزمه الجفوف الرخوة
بس شاف ابو فاضل صرخ ي هوه

ميت هله    طلعوني اله   يأخذني بيدة لكربله
لو كضني جف العباس  حالف لوزع انذوره

     _____________

امنين ماشوفك ورد بستاني
ومن كظني جفك سيدي بستاني
يا قائدي  لطفا بعد كلت بس تاني

زت صم نضر    لوجه الكمر      مطفي وشبع من القهر
لا والله كلش معلوك بس يمك يقل نوره

__________

سولفلي بل رايد يزامط كلك
الواصل الجدمك صعب يوصلك
الازم قبل لا تهجم يسولفلك

عوف الخزر    عينك جمر      جدمي بعد مايستقر
لا تتعب تكسر جدام تلكه الجدم مكسورة

  ______________

كلما يشوف يصدله صاح مروتك
اذبح شرط تذبح ركبتي بصوتك
موت الله اهون عندي يرعب موتك

ماضل امل   انته الأجل        شنسوي والسيف ارتجل
المن تتعبلك سيف الركبة الك مشموره

     ____________

كلما تعبره يظل يدور راسه
طشهم مثل طشت بماي بطاسه
شنهي النهر ويهدد بحراسه

اليرجف غصب لمن يطب       اليوكع قبل لا ينضرب
لمن اجاهم العباس كلما تغير شورة

___________

صرت افتخر سموني سيف ال عباس
كلما يحطني بحضنه اشم ريحه ياس 
ثاريه قبل المعركه شكد حساس

لون الجفن   صافي وخشن    يمكنه صاير من كطن
ذني الشويه بعباس بس حته اوضح الصورة


حسن العبودي