مسؤولية التوجيه الديني بالنسبة للمؤمن
السيد مهدي الاعرجي

https://www.tg-me.com/mahde_alarje

أضل نعاك كل صبح ومسيه

📍نعي بطريقة جديدة
اداء : سماحة السيد مهدي الاعرجي
كلمات : الشاعر كاظم منظور الكربلائي

القصيدة 👇

يالنايم إعله العلگمي من نومتك گوم
وإلحگ عله إعيالك تراهي إبولية الگوم
* * *
عباس تذكر من طلعنه إمن المدينه
إنته الچفيل إو إنته حماي الضعينه
إو رايتك طول الدرب منشوره علينه
إو ما چان گلبي إيحسِّب إبحسبات هاليوم
* * *
عباس فاتني إو مشن بيض الليالي
إو ريتك يبوفاضل تشوف اليوم حالي
حرمه إو غريبه إبكربله إو من غير والي
وإعيوني ظلّت ساهره إو ما تقبل إلنوم
* * *
أصفن وأحاچي الروح چا وين الخدر وين
راح إو هلي ظلو عله الغبره مطاعين
وإتشوط روحي للمعاره وأندب حسين
أحّا عله إمصاب الحسين إنذبح مظلوم
* * *
عباس صيوان البنيته الخدر العيال
وياك راح إبكربله إو ذاك الخدر شال
وإبيوت أهلنه إتهدّمت وإتغير الحال
أحّا عله ذيچ الشباب إو ذيچ العلوم
* * *
عباس أدري بيك ما تتحمل إعتاب
لاچن تراني إمصوّبه إو يضهدني الصواب
گطّعت گلبي كربله إبشفرات المصاب
والگلب ميضم العلل لو چان مالوم
* * *
عباس لو أمسه المسه وإيچلچل الليل
إشبصرك يبو فاضل إبتسكين ألأعاييل
لا عين عندي إو لا گلب راكد إو لا حيل
حيلي تهدّم والگلب مركز للهموم

تغطية مجلس عزاء السيدة رقية عليها السلام
كربلاء المقدسة

الليلة أن شاء الله على حب سيد الشهداء

ابتداء من هذه الليلة على حب الحسين 🖤🥀