واذا شاءت الاقدار و اجتمع الشمل مرة اخرى ، فلا تبدأ بالعتاب .... و حاول ان تتذكر اخر لحظة حب بينكما ، لكي تصل الماضي بالحاضر ، ولا تبحث عن اشياء مضت لان الذي ضاع ضاع .. و الحاضر اهم كثيراً من الماضي ، ولحظة لقاء اهم بكير من ذكريات وداع موحش ، واذا اجتمع الشمل مرة اخرى حاول ان تتجنب اخطاء الامس التي فرقت بينكما لان الانسان لابد من ان يستفيد من تجاربه

قبل فترة كنت جارية في اجراءات الخدمة ونفسي انزل مستشفى معين بس اتوزعت مستشفى تاني كنت شامه الوضع بس فعلا كان لخير مافي كداس وتعب دا غير الناس البشرحو ليك اي حاجه وبفهموك

قبل فترة زعلت لانو علاقتي مع بعض الناس اتغيرت وصحبات خسرتهم ومكانتم اتغيرت بس بعد فترة كان كل الخير لقيت انو فعلا ما بنشبه بعض وفي ناس افضل بمية مره كانو بشبهوني في تفاصيل كتيرة


قبل فترة طلعت من علاقة وزعلت جدا وحسيت نفسي اتكسرت جدا بس دي كانت نقطة تحول بالنسبة لي وكان كل الخير اكتشفت انو دا ما الانا عايزاهو ولا العلاقة البتشبهني وحلقى نفسي فيها بعد فترة كنت بضحك على الهبل الكنت فيهو ودا شي العوارة الكانت حاصلة ديك😂😂😂


ربنا كريم جدا
فضلو وعطفو دايما حوالينا بس نحن لمن نكون في محنة ومواقف صعبة بنتأزم طبيعي ودي حاجة بديهية بس بعد فترة بنعرف الحكمة والخير والحمد لله انو بنلحق نفسنا والحمد لله وكل الشكر على نعمة الاسلام وعلى نعمة الخير الربنا زارعو في قلوبنا والايمان البخلينا دائما متأكدين انو كلو لخير وربنا دايما بدينا الحياة السمحه البتشبهنا والاسرة العطوفه السند والناس البحبونا وبشبهونا❤️

ان شاء الله كلنا دايما خواطرنا مجبورة وقلبنا مليان بالايمان وحسن الظن بالله😍💜


#Màì

كمية الناس الابتسمت لي أمس والمرافقين الجو سلمو على ولسه متذكرني
سلام بحرارة كدا ووشهم منور من البسمة انا حمدت الله الف مرة لانو انا في المجال دا
"القبول دا ما حاجة ساهلة دا من ربنا وانك تكوني زولة محبوبة معناها ربنا كمان بحبك"🥺🥺
قالها لي مرافق كان واقف وبعاين لي انا وباقي المرافقين الجو سلمو على
فرحت من قلبي والله على قدر التعب البتعبو الواحد ومرحلة الهلاك البصل ليها بس حرفيا #الكلمة_الطيبة ماف زيها ممكن تنسيك اي تعب واي ارهاق



الحمد لله الذي #اختارنا لرعاية خلقه في الارض💜


#Màì

شهران وأسبوعان على رمضان💙

أكيد لاقتك في التايم لاين وقلت ياسلااام ياخ واللهم بلغنا
وكملت في "حلقة التصفح اللانهائية البتحرك فيها صباعك لأعلى حيث يفوز بأكثر حاجة بتتريض في جسمك🙂.... ده ما موضوعنا😂🚶‍♂️"

قبل ما تواصل انتبه لحاجة!

رمضان شهر... وااااحد بسسس
أغلبنا في كل مرة بيبدأ يحاول ويجتهد عشان يغتنم الشهر ده
بس بيتحمس في بدايته وبيضعف بعد كم يوم ويحاول تاني

ولما خلاص يكون اتعود على نظام كويس بيكون الشهر انتهى!

إذا مريت بالحكاية دي قبل كدا اعتبر البوست ده تذكير ودعوة
لأنك ما تقع في نفس الخطأ!

أبدا من بدري "بدري دي مقصود بيها هسي😂"

-حدد النظام العايز تكون ماشي بيه في رمضان
- سجل كل العادات العايز تبداها وتتخلص منها
-ابدا فيهم واحد واحد

عشان بعد شهرين تكون جاهز وتغتنم فضل الشهر ده كاملًا

📌فائدة... من العادات المفيدة جدًا :

▪️صلاة الفجر في وقتها مع الورد اليومي من القرآن
▪️القراءة عن الله والأسماء الحسنى "ربع ساعة على الأقل"
▪️القراءة عن العبادات والحكمة منها وثوابها
▪️مشاهدة محتوى مبسط يشرح حاجة عندك فيها مشكلة

وختامًا يا عزيزي تذكر أن الإنسان المؤمن العاقل هو من يتعلم من الأخطاء ويطبق ما تعلمه كي لا يقع في نفس الخطأ مجددًا

#حسام_أسعد_حسن

قال صلى الله عليه وسلم "بلّغوا عني ولو آية"

في عز احتياجنا لوجود من يعلمنا ديننا ونقتدي به
بنحتاج أيضًا لمقاومة جماعية ضد كثرة انتشار الفتن والتفاهة

على قدر استطاعتك ذكّر
على قدر معرفتك علّم

ولو آية واحدة بس حتى من غير شرحها بس ذكر بيها نفسك وغيرك
من يدري.. ممكن حديث عن الصلاة تذكره يكون سبب في التزام شخص متردد وما يفوت صلاة لبقية حياته

زي ما بتشير أي حاجة بتضحك تلاقيك
وأي حاجة بتبكي تلاقيك

حاول ساعد في نشر ما ينفعك وينفع غيرك
والله نحن في أشد الحوجة لأن نتعلم ديننا وربنا يهدينا جميعًا

#حسام_أسعد_حسن

إذا شعرت في يوم بالضياع وما عارف مالك بس زهجان وأيامك ضايعة ساي إليك بعض المقترحات :

📌انقطع عن تطبيقات التواصل الاجتماعي مؤقتًا "بالتحديد الفيس"
دي أهم خطوة صراحة لأنها من أكثر المشتتات وهي المهرب اللي ما حيسمح ليك تحل المشكلة ويقول ليك كل ما تزهج "تعال اطبطب عليك ويرد همك زيادة"

▪️راجع أيامك كدا واتأكد من الحاجات الممكن تكون بتعملها وربنا قال ما تعملها
أو الحاجات اللي ربنا قال اعملها وانت مقصر فيها!

المعاصي تضيق الصدر وتُشعرك بضلال الطريق حتى لو ماشي صح

▪️شوف أقرب فرصة متاحة لأنك تعمل حاجة طوعية مهما كانت شنو.. بس ساعد إنسان في انك تفرج عنه هم... بتزح منك احساسيس ما كويسة كتيير شدييد

▪️لو عملت الحاجات الفوق دي يلا تعال اقعد وفكر براحة كدا

-المسؤوليات العليك شنو؟

-الموارد المتاحة عندك شنو؟
"بالنسبة للشباب أهم الموارد دي هي الوقت والصحة"

-مجالك البتدرس فيه أو شغلك البتبني عليه مستقبلك
في طريقة تحسنه وتتقنه أكثر؟ أو تشوف حاجة إضافية

▪️وصلّ على محمد وقول بسم الله وابدأ في أي حاجة عندك فيها فرصة متاحة

الكلام عن الموضوع سهل وبسيط
بس التنفيذ ما حيتم ما لم تعمل أول خطوة وتتخلص من المشتتات

📌 فائدة صغيرة:

ربنا قال : "فَمَنِ اتَّبَعَ هُدَايَ فَلا يَضِلُّ وَلا يَشْقَى"

لو وصلت لقناعة أن القرآن هو مرجعك الأساسي في تحديد أولويات حياتك
واتبعت الأوامر اللي فيه واجتنبت النواهي اللي فيه

"لن تضل" في الدنيا ولن تشقى في الآخرة
وهذا يا عزيزي يحتاج إلى اجتهاد منك ولابد أن يكون للاجتهاد بداية

ليه ما تكون الآن؟

#حسام_أسعد_حسن

تصبحوا على واقع أجمل باذن الله💜

هناك شيء يقضي علينا شيئًا فشيئًا
ويرفع من شأن الأوهام والأشياء التي ليس لها قيمة حقيقية وهدفها الربح المادي عن طريقك بس!!!

وهو عدم تحمل الملل والترويج لفكرة أنك يجب أن تستمتع بكل شيء تفعله!

حقيقة الأمر أن السبيل إلى الأشياء ذات القيمة الحقيقية ممل ومرهق

"كيف نتخلص من الحالة دي؟"

قال عمر بن العزيز : "لو أن الناس كلما استصعبوا أمرًا تركوه ما قام للناس دنيا ولا دين"

كيف حيكون انطباعه لما يعرف أن الناس يتركون كل ما هو ممل حتى لو ما صعب!!!

ده حيكون موضوعنا خلال الفترة القادمة
للناقش في أصل المشكلة وابتكار حلول مختلفة
"والنقة في رأسك لحدي ما تبطل عولاق وتبقى جادي وتركز حتى لو شعرت بالملل🙂"

#حسام_أسعد_حسن

🙈عرررس صحبتك قررررب ؟؟؟😍😍😍😍❤️
◀️تصميم دعوات زفاف فاخرة😍😍 (فيديو).
⭐ الأسعار في المتناول .
تصميم..
❤️دعوات فرح - تهنئة خطوبة - عقد قران - أعياد ميلاد - دعوة تخريج - تهاني زواج ❤️...

الفيديو في الأعلى أحد أعمالي 👆👆🍂👌
>>>>>>>>>>>>
⭐ 👤لطلب تصميم :
@Abdo_basheer
📞 : 0116186436

🔥🔥🔥🔥يلاااااااااااااا مفاجأة
شباب زي الورد🌚🔥

ما نفسكم في مسابقة والفائز ياخد 800 وأنا جادي!! 🌚🌚

المسابقة حتكون في الواتس وللجادين فقط ❌
رابط قروب المسابقة 🔥🔥🔥


https://chat.whatsapp.com/LQJMcLLHl1b6ziggMOtUzi

ما أبقانِي على قيدِ الوجُود حتى الآن والمُقاومة سِوى فكرة أن الله ينظُر لي ، أن عينهُ عليّ ، وأنه سيفعَل شيئاً ، سيرمِي لي سلَّم طوارِئ ، طَوق نجاة ، لا أعلم..
لكنه بالتأكِيد يهتمُ لأمري ، وهذه الفِكرة تنجينِي دائماً ، دائماً!
#خالد_الزايدي🧡

"بَدِيعُ السَّمَاوَاتِ وَالْأَرْضِ ۖ وَإِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ" (117 سورة البقرة)

أملا دعواتك باليقين فوالله لو شاء جل جلاله لحقق ما يتمناه العالمين جميعًا في لحظة ولن ينقص من ملكه ولا حتى بمقدار ما تنقصه فتحة الإبرة من المحيط

أدعي بيقين💙🤲

كلو بمضي..كلو بالايام بهون👌

"إذا أراد الله شيئًا يدبّر له الأسباب والأقدار بدقة لا مثيل لها"

دي من العبر الجميلة اللي ممكن نتعلمها من قصة إبراهيم عليه السلام
تعال واحدة واحدة كدا نتأمل في بعض المواقف:

📌 "لم يؤمن قومه"

عليه السلام من أهله وقومه لم يؤمن معه إلا نبي اللّه لوط وسارة
التي تزوجها عليه السلام

ممكن يبدو الأمر حزينًا وأنه ابتلاء صعب!

لكن ده كان سبب في هجرة إبراهيم إلى الشام ثم إلى مصر

📌"أُخذت منه زوجته"

في مصر كان في حاكم جبار لما يسمع بامرأة جميلة
بيرسل جنوده طوالي يقتلوا زوجها ويجيبوها له!

لم يكن لإبراهيم خيار سوى أنه يقول عن سارة أخته ما زوجته
وهي كانت من أجمل نساء الأرض وفعلًا أخذها جبار مصر!

يبدو أمرًا محزنًا!
لكن عاين بعدها حصل شنو

كلما حاول الحاكم لمس سارة بتتشل يده!
ويطلب من سارة تدعي ربنا يزح الشلل مقابل انه ما يأذيها

وعاد الكرة أكثر من مرة في النهاية استسلم وأعطاها هاجر لتخدمها
وعادت إلى إبراهيم مرة تانية ومعها هاجر

📌"سارة تأخرت عن الولادة!"

وصل إبراهيم لعمر كبير دون أي ولد وده قد يبدو أمرًا حزينًا

لكن ده كان سبب يخلي سارة تسمح لإبراهيم يتزوج هاجر
وبالفعل جاب منها إسماعيل عليه السلام

📌"الغيرة!"

من فطرة النساء غارت سارة من هاجر
وقالت لإبراهيم اذهب بها حيث لا أراها!

ممكن يكون شيء مؤلم لكن ده كان سبب يخلي إبراهيم يهاجر مع هاجر وإسماعيل
إلى مكة المكرمة وهناك تتابعت الأحداث بماء زمزم ورفع القواعد من البيت

ومن ذرية إسماعيل جاء نبينا الكريم محمد ﷺ💙
ومن مجهوداته احنا الآن نفخر بالإسلام!

بالله عليك هل في دقة أكثر من كدا؟
ملاحظ انت كيف ربنا دبر الأسباب لإبراهيم عشان يجيب إسماعيل ويمشي مكة؟!

وطبعًا سبحانه وتعالى لو عايز حاجة تحصل فبتحصل من "كن فيكون"
ولا حاجة له للأسباب ولكن هنا في عبرة ودرس لينا احنا

ممكن يتلخص في الآيات دي:

{مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ (22) لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ (23)}... الحديد

فقدت وظيفة.. دخلت جامعة ما عايزها.. خسرت مال.. مرضت.. مات شخص تحبه.. وغيرهم من مصائب الدنيا

كل حاجة من ديل هي مكتوبة عند ربنا من زمان جدًا وما هي إلا أسباب وتروس بتحرك بعضها البعض عشان تبني حياتك اللي انت هتعيشها

فلا تحزن على ما فاتك!
ولا تفرح وتتكبر بما آتاك الله!

فقط قل الحمدلله وإنا لله وإنا إليه راجعون🤲
فيها راحة عظيمة والله لمّا تسلّم نفسك لتدبير العزيز الحكيم💙

#حسام_أسعد_حسن