كل واحد منا لديه العالم الخاص به . وأنت وحدك من يحق لك أن تقرر أين حدودها ومن تسمح له بالدخول ، تخدمنا الحدود الشخصية وتحمينا من التدخلات غير الضرورية والإجهاد ، وتحافظ على إستقرارنا الداخلي.

الحدود النفسية المهمة هي:
- الوعي بقيمة الرأي.
- التوافق مع المواقف والأولويات الداخلية.
- التعامل الدقيق مع المعلومات الشخصية.
- فهم رغباتك واحتياجاتك.
- القدرة على قول لا.
- القدرة على احترام خصوصية الآخرين.

#مي_طارق
#اخصائي_نفسي

انهاردة يوم مش عادي.. انهاردة عيد ميلادي

مش عارفة ليه مش عادي يعني 😅.. بس اهو انا منوراكم وانتم منورني وربنا ما يحرمكم مني😎

اه كبرت سنة.. بس انا لسه جوايا طفل وبره شخص ناضح
(اللي هو شخصية طرية من جوة مقرمش من بره😅)

وبهده المناسبة عايزة أقول أني بحبني.. بحبني بكل ما فيا من أول عيوبي (ايون محدش كامل يعني.. دة عندي شوية تكات عسلية)...
ومميزاتي الحلوة اللي ظهرت واكتشفتها الفترة دي.. لاني مكنتش من الناس اللي عارفه هي قوية في ايه ولا عايزة ايه
ولما نضجت كده ومريته بشوية ظروف.. فهمت نفسي.. واكتشافت حاجات فيا مكنتش اعرف انها عندي.. مبحبش انا علم النفس من شوية

وبقيت ماشية بمبدأ طيب ما أجرب يمكن أعرف.. واللي ابهرني اني كنت بعرف فعلا في حاجات كتير

مثلا قلت أجرب اتعلم السباحه من أول مرة الكابتن بتاعتي قالتلي متأكده ان دي اول مره ليكي 😅
انبهرت لما عرفت اعمل حاجات اللي قبليا بقالهم شهرين لسه بيتعلمواها.

وحاجات تانيه كتير البوست مش هيكفيها.. ممكن نطلع لايف ندردش ونتكلم لو عايزين

السن مش رقم.. ومفيش حاجه اسمها راحت عليا.. ومبقاش ينفع

السنة دي خلصت وانا عملت فيها كتير.. وفخورة بنفسي وباللي عديته.. والحمد لله علي كل أزمة وابتلاء عديت بيه

كلهم أقدار ربنا.. بيهيأ بيها الإنسان للتعامل مع دلوقت وبكره..

كل عام وأنا طيوبة.. كل عام واللي بحبهم وبيحبوني بخير😍

وبمناسبة اليوم..

ده عايزة اقولكم اني أنا اللي هقدم هدايا.. ل ٣ متابعين سيتم اختيارهم.. وهيفوزوا ب سيشن هدية اون لاين
‏
(مش شرط السيشن للي عندهم مشاكل.. علم نفس مش اضطرابات بس بيتعامل برضه لو في موضوع مش عارف تاخد فيه قرار او حتي عايز تتعلم مهارة معينه او تعدل سلوك مش عاجبك...... وحاجات كتير اوي).. علم النفس حياة🥰

لو عايز تكون من ال ٣ اللي هختارهم..

اكتب بس في كومنتك الهشتاج ده
#مي_طارق
‏ #أخصائي_نفسي
‏ #هدية
عشان أعرف انك عايز تكون من المرشحين للهدية.. اللي هيتم اختيار الفائزين بعشوائية.

مش بس كدة الكل كسبان يعني لو انت مش ضمن ال٣ وكاتب الهشتاج ومشير البوست عندك ليك خصم ٣٥% علي الجلسات البرايفيت او باكيدج كامل.

كل عام وأنتم طيبين كل عام وانتم بخير وبصحة نفسية جيدة صديقي وعزيزي المتابع.

وعدت ووفيت أصدقائي وأعزائي المتابعين

تم اختيار ال٣ فائزين وتم مراسلتهم.

Shai Maa
Zeinab Abdallah
Samah Ghorab

وطبعا كل اللي كتب الهشتاج يعتبر فائزين بخصم ٣٥%.. ونستنى تأكيد حجزت والحصول علي الهضم اللي سارى لاخر رمضان فقط.

اتمني لكم صحة نفسية 🌷

#مي_طارق
#اخصائي_نفسي
#بتاعت_علم_نفس

حبايبي الحلوين وأصدقائي الغالين🥰

كل سنة وانتم طيبين وبالعيد متهنين🎉

وبالفرحة مزقططين 😍

اتلككوا تفرحوا.. وتفرحوا اللي حواليكم.. تعرفوهم او متعرفهمش

وبنبوني وشيكولاته ووزعوا

وأنتوا بتوزعوا.. واحدة شيكولاتة دارك هنا..
اهو افرح معاكم😂

#مي_طارق
#اخصائي_نفسي

بقالي كتير منزلتش ليكم لينك صراحة

تقدر تقول اللي نفسك فيه او تسألني سؤال

متقلقش مش هتتعرف شخصيتك😎

وياريت بلاش ألغاز😍

http://111592839305562370401.sarhne.com

سر من أسرار علم النفس


https://vm.tiktok.com/ZMYcq3npR/

أفكارك هي التي تحدد ما أنت عليه..

#مي_طارق
#اخصائي_نفسي
#بتاعت_علم_نفس

لتعزيز ثقتك بنفسك بخطوات بسيطة
عشر خطوات تزيد الثقه في النفس

1⃣- الاعتناء بمظهرك الخارجى:

بالطبع لا تظهر قيمة الانسان بمجر ارتدائة ملابس ذات مظهر جيد او ما شابة، ولكن الظهور بمظهر انيق امام الناس يعطيك دفعة قوية وثقة اكبر وقدرة على التعامل بشكل احسن، فالناس يحبون الشخص ذو المظهر الجيد والمرتب.

2⃣- المشى بمعدل اسرع:

المشى بسرعة يعطى شعور بأن الانسان مهم ووراءة الكثير من الاعمال التى يجب ان ينجزها، حتى لو لم يكن هناك اعمال ولكن المشى بمعدل 25% اسرع يعطى الشعور بالثقة، وذلك عكس الشخص الذى يمشى ببطئ ويظهر علية علامات التعب والارهاق.

3⃣- الاهتمام بوضعية الجسد:

اذا كنت تتحدث مع احد فيجب ان تجعل ظهرك مستقيم ورأسك مرتفع ومواجهة عينك فى عين الشخص الذى تحاورة فذلك يعطى ثقة اكبر بالنفس على عكس ااشخص الذى يجلس منحنى الظهر منخفض الرأس وينظر فى اعلى واسفل حتى لا تتقابل عينة مع عين المحاور.

4⃣- ادعم نفسك:

من اكثر الاساليب التى تعمل على زيادة الثقة بالنفس هي سماع كلمات المدح والثناء، وبما ان الله وهبك ميزات ونعم لم يعضها لكثير من الناس فيجب ان تعطى لنفسك دفعة بالمدح والدعم كلما شعرت بضعف ثقتك فى نفسك ولكن احذر التكبر

5⃣- الامتنان:

الكثير منا يحلم بتحقيق اشياء لا يقدر عليها وعندها يسئل الانسان نفسة لماذا لم احصل على هذا الشئ ويبدء بتوجية اللوم على نفسة وهنا يظهر الضعف والشعور بالهزيمة، ولكن فى هذا الوقت تذكر نعم الله عليك والنجاحات التى استطعت تحقيها فى السابق والشعور بالفخر وحث النفس على العمل اكثر لتحقيق ما تريد.

6⃣- الجلوس فى الصف الاول:

فى بعض المحاضرات او اللقاءات العامة يذهب البعض للجلوس فى الصفوف الاخيرة حتى لا يوجة احد لة السؤل او طلب التعليق ويكتفى بالمشاهدة، وهذة واحدة من مظاهر ضعف الثقة بالنفس وهي مجرد مشاعر سلبية جب التخلص منها والجلوس فى المقدمة والدخول فى النقاش.

7⃣- تقدير الاخرين:

مهما كانت مشاعرك تجاة نفسك فيجب عليك تقدير ما يقوم بة الاخرين والثناء عليهم فهذا يجعلك شخص محبوب ومرغوب فى صداقتة وهذا يعطيك زيادة فى الثقة بالنفس.

8⃣- التحدث بصوت اعلى ونبرات واضحة:

يتحدث البعض بصوت منخفض وغير واضح عند الجلوس فى الاجتماع او فى النقاشات العائلية خشية ان يرى احد خطأ فى ما نقول وهذا خطأ فأغلب الناس يتقبلون كلامنا فهو امر عادى، وتعد هذة الخطوة واحدة من اهم الخطوات لزيادة الثقة بالنفس.

9⃣- ممارسة الرياضة:

ممارسة الرياضة تعطيك جسم رياضى وشكل افضل وشعور بالجاذبية فى اعين الاخرين بالاضافة الى تحسين الصحة والظهور بمظهر مشرق طيلة الوقت.

🔟- مشاركة الاخرين:

لا تنغلق وتعيش حياتك وحيداً بل دع الاخرين يدخلون حياتك ويشاركونك لحظاتك فالشعور بالوحدة شعور سئ ودائماً ما يعطى مشاعر اخرى سلبية مثل الخوف والقلق وانعدام الثقة بالنفس.

5 أسباب لعدم تحقيق الاهداف:

أنا لية مبحققش هدفي؟!

دة سؤال بيتسألي دايما سواء في الاستشارات او كورس التخطيط معايا

ان دايما بنحط هدف ومش بنحققه او بنرجع لنقطة الصفر وساعات كمان قبل النقطة دي

اول سبب.. المرونة

واحنا بنحط الهدف ونخطط ليه.. بتبقي عايزة تخطط بطريقة مثالية ويتنفذ حرفيا
ودة مش منطقي أصلا.. وبتنسي أن في ضغوط حياة بتتعرضلها او ظروف بتحصل
فبالتالي دة بيعطلك او يوقفك لو أنت مش عامل حسابك او فاهم إنك هتقابل دة.. وتقل طاقتك فتقرر توقف


ثاني سبب.. إهمال جوانب حياتك
أنت مركز علي هدف وناسي كل شيء.. زي الجانب الديني.. او العاطفي او نفسي
فلما بيحصل فيهم اهمال.. بيحصل انتكاسة اللي نتيجتها الفتور اللي بتحسه
وترجع حياتك تدور في دواير فاضية.. عشان في جوانب بس واقعه منك مجرد متظبطلها روتين كل الموازين هتظبط.

السبب الثالث.. الاستعجال
أنا حطيط هدف.. يلا اتحقق وبسرعة.. وبتبقي عايز تلمس النتجة .. ودة مش صح لأن الهدف محتاج وقت وتسلسل خطوات
مهو مينفعش اطلع الدور الثاني الا لما أعدي علي الاول.. الا لو أنت بقي سوبر مان وهتنزل طاير من سما

ولما تستعجل.. نفسك بيقصر وتزهق وتسيب هدفك ثاني

السبب الرابع.. شيل علي قدك
ايوة بلاش تخط هدف في وقت قصير ومجهود عالي أنت في العادي مبتعملوش وتبقي الحماسة وخداك
باختصار خطوات صغيرة أفضل ما أجرى شوية وتعب وأقعد

السبب الخامس..متشركش حد هدفك
أول متقرر قرار او هدف أنت محتاجه مش لازم كل ناس تعرف.. طيب لية؟!
عشان بكل بساطة انت لسة بتستجمع طاقتك عشان تبدء ممكن كلمة او تلميح ترجعك خطوة أصلا انت مخدتهاش
وحماسك يقل ويحصل فتور

طيب أمتي اشارك.. لما اوصل لجزء كبير من هدفي أو لما توصله كله

أعمل الصح.. اعمل بس في صمت..

ولو محتاج تشجيع أختار واحد او اثنين بكثير يكونوا فهمين هدفك أو عندهم نفس هدفك.

#مي_طارق
#بتاعت_علم_نفس
#تحقيق_الاهداف

“ اللى سابك تعيش الصعب لوحدك ، مالوش انه يعيش الحلو معاك "

بقالي فترة عايزة اكتبلكم بوست بس دماغي فيها مليون حاجه

بس خليني احكيلكم عن شيء

عارفين طبعا الضغوط.. اللي اصلا بتنقسم لحاجات كتير زي مادية ونفسية وجسدية كمان.

لما بتتراكم الضغوط دي وتزيد.. جسمك ونفسك بيدوك إشارات

زي ان هيجيلك صداع.. أرق.. الأوفر ثينكج اللي هو دماغك شغالة مبتوقفش حتي لو داخل تنام.

ولو الموضوع كبير جسمك بيبتدي ينبهك بكل قوته زي العلامات الزرقا اللي بتلاقيها علي جسمك او الألم متفرقة بقي في عضمك

او تلاقي نفسك زهقان وزعلان ومضايق.. ومش عارف سبب

الحل بقي عن تجربة عشان انا مريت ب ده.. وكمان امتحاناتي داخلة يعني الضغط هيزيد
وطبعا كأم منفصله ب ٣ أطفال وامتحانات وكورسات لغة غير الكورسات اللي بطور نفسي بيها في مجالي.

دة بيخليني اعدي بمراحل كتير وبشوف الإشارات دي.. واللي ساعتها دماغي هتسوحني وهلاقي اول فكره هتجيلي.. لاء معنديش نفس اعمل شيء

وطبعا ساعتها المشاعر والاشارات دي هتفضل شغاله وتبدأ تدي آثارها في جميع جوانب حياتك.

نعمل ايه في الوقت دة بقي تسوح دماغك بدل ما هي تسوحك وتقولك مليش نفس وتلاقي نفسك غرقان..

تعمل قايمة بكل شيء ممتع بيدخل علي قلبك السرور ويفصلك شوية

زي الاكل.. اماكن او سفرية.. اشخاص.. رياضه معينه.. قرءان.. نشاط معين.. تتفرج علي كارتون او فيلم.. او تشتري شيء.. تلون او ترسم المهم تخلى القايمة دي فيها كل شيء مهما كان صغير

يعني مثلا القهوة دي اساسية في اللستة بتاعتي.. ولو شربتها مع أشخاص مقربين بتبقي افضل ولو شربتها في مكان مفتوح بتبقي متعه.

من القهوة طلعت ٣ حاجات.. ليه بنكتر الاختيارات.. عشان اتفقنا ان دماغنا هتسوحنا فهنبقي مقفلين عليها الحجج بتاعتها 😎

وتسمي القايمة دة.. قايمة الفرفشة 😄 او اي اسم يدل علي البهجة كده متقفلهاش يعني زي ما دماغك مقفلها

اول ما تلاقي الضغوط شدت افصل حتي لو ١٠ دقايق او يوم حسب ظروفك حدد اللي يناسبك.. واختار حاجه من وسط القائمة الكبيرة اللي كتبتها

المهم دماغنا مش هتسوحنا احنا اللي هنتحكم فيها ونظبط الأمور وافكارك هتتعدل وساعتها مشاعرك هتتظبط.

شاركني لما بيبقي عندك ضغوط كتير بتعمل ايه...

#مي_طارق
#اخصائي_نفسي
#بتاعت_علم_نفس

تخيل معايا عادة تبقي عبادة.. وكمان راحة نفسية.

وذكرها لينا سفيان الثوري رحمة الله عليه


العبادة دي


جبر الخواطر.. اللي ولا بتاخد وقت ولا مجهود ولا تكلفة

هي محتاجه بس حد عنده شوية انسانية علي الماشي

يعني بستغرب أوي الأب اللي يقدر يكسر بخاطر ولاده مهما كانت الأسباب.. ولما يكبر وعايز يحصد يلاقي برضه ولاده بيكسروا بخاطروا عادي جدا.. بنفس البساطة

وبيبقي مش فاهم ليه بيعملوا كده...

جبر الخاطر بسيط ممكن يبقي في وقت جميل تقضيه مع مامتك او باباك

او حتى الأب يقضي وقت مع ولاده.. وكمان الطبطبه جبر خاطر لطفلك او اى طفل
جرب بنفسك تطبط على طفل متعرفهوش وبص بس على وشه وهتلاقي نفسك خدت جرعة سعادة.

الابتسامة.. جبر خواطر

انك تود حد او تكلم حد متواصلتش معاه.. او انك تسعد حد بس عرفت ان محتاج السعادة رغم انك متعرفهوش.. جبر خاطر

عزيزى الغالي لو فضلت اعدلك الحاجات الصغيرة االى بتجبر الخاطر صدقا هتلاقيها كتير

جرب بس تخلى جبر الخواطر عادة يومية وشوف نفسيتك.. ونعكاسها علي حياتك

شاركني بتعمل ايه من باب جبر الخواطر...؟!

#مي_طارق
#أخصائي_نفسي
#بتاعت_علم_نفس
#جبر_الخواطر

الحياة فيها نوعان من المشاعر بلا فائدة:

الشعور بالذنب علي خطأ عديت بيه.

وأنك تقلق علي حاجه لسه في المستقبل.

#اخصائي_نفسي
#مي_طارق

للناس اللي معندهاش التيك توك

حملت الفيديو هنا ليكم

#الاحتراق_النفسي
#مي_طارق
#اخصائي_نفسي