مساء الفل

اخباركم ايه

بما ان ال vote النسبة الأكبر النفسية اما نص نص او مش تمام

شاركوني ايه اللي مخلى نفستكم مش تمام

ايه المشاكل الحالية اللى مضايقكم

#مي_طارق
#اخصائي_نفسي

العلاقة التي يكثر بها التبرير مرهقة
محتاجة تفكير حتي لا تجد نفسك منهكاً بالنهاية

#مي_طارق

شوية صغيرة واقولكم مفاجأة حلوة

تفتكروا هتكون ايه؟!

لايف المرادي عشان انت

هيكون عن دردشة نفسية.. هستقبل فيها أسئلتكم واستشاراتكم

ونتناقش للي جرب رحلة الامتنان معايا خلال الشهرين اللي فاتوا

فجهز أسئلتك واستفساراتك

ويلا بينا😍

معادنا الأربعاء ٩ ابريل ان شاء الله.. الساعة ٩ مساءا ولمدة ساعة

https://www.tg-me.com/joinchat-B_ey8T19Nn6IgzpzzRyLDA

الحزن عامل زى رغيف العيش 🫓

ليه بنرتاح لمجرد ما نعبر عن حزننا أو ألمنا؟!

لأن مشاركة الحزن والألم.. زى رغيف العيش لما بنشارك بيه حد.. الرغيف بيقل في الحجم

الحزن كمان بيقل لما نحكى عنه.. نعبر عنه صح

فى جلساتي النفسية دايما بسمع كلمة.. لما حصل الموقف اللى زعلني سكت.. او اصل صوتي مش مسموع

لكن مجرد ما نبدأ نحكى التفاصيل والمشاعر وأثرها علينا يبدأ الشخص ياخد نفس ارتياح

بالمناسبة المشاعر مش بنجري ندور ليها على حل.. المشاعر دايما بنتقبلها..

واصلا لما بتتكلم عنها دة جزء من تقبلك الشخصي انها موجودة ومن حقى اتكلم واعبر

دة كفيل يخليك تمشي نص الطريق حرفيا للتعافي🤍

فكر كده كم مرة سكت.. كم مرة بلعت مشاعر ومواقف لم يعلم عنها اى بنى آدم.. كم مرة حسيت نفسك مثقل بهموم بس مش فاهم ليه وعشان ايه..

مشاركة الحزن والمشاعر مهم فى حياتنا جدا... وهيفرق معاك

#مي_طارق
#اخصائية_نفسية
#المشاعر
#التعافي

مستنياكم كمان شوية في اللايف

مين هيحضر؟

ومين جهز اسئلته؟

"أَنْ يَتَقَدَّمَ بِكَ العُمْرُ هَذَا حَتْمِيٌّ، وَلَكِنْ أَنْ تَشِيخَ رُوحَكَ فَهَذَا اخْتِيَارُكَ."😊💜

#مي_طارق
#اخصائي_نفسي

حاسس إنك مضغوط.. ومرهق.. ومحتاج تفصل 🫠

تعال شاركنا في إيفنت خفيف على القلب، هنلعب، نضحك، نفرغ المشاعر، ونرجّع طاقتنا!

"فضفض وافصل"

في مساحة آمنة للهروب من الضغوط 🤍

هيكون في ألعاب، مسابقات، نقاشات وسط جروب ثيرابي ومكافأت 🎁

🔴 كل ده بإشراف

◀️ مي طارق

معالج نفسي اكلينيكي

جاهز تفصل وتتنفس؟

يلا بينا.. 🤩

هنتقابل في حديقة الازهر يوم السبت ٣ مايو

نقطة التجمع: حديقة الازهر عند النافورة اول ما تدخل الساعة ٨ ونص صباحااا

سعر الايفنت: مجاناااا بدون رسوم

فقط انت عليك تذكرة الدخول

تقدر تجيب اكلك..ومشروباتك.. خليك فري وركز انك تستمتع وبس.. وسيب الباقي علينا😎

🌹 ملحوظة:: ممنوع اصطحاب الاطفال انت جاي تفصل من كل شيء ٣ ساعات 🤓

لتأكيد الحجز انضم لجروب الواتس اب

https://chat.whatsapp.com/L3YKE7HWa2p2PIA9jZOiSk

Follow your heart but take your brain With you

من أكثر الجمل اللي بقيت أمشي بيها.. وترجمتها أتبع قلبك ومشاعرك بس متخليش عقلك نايم خليه الحكم.. التوازن بين الاثنين مهم جداً.

#مي_طارق
#اخصائي_نفسي

المشاعر التي لا نفصح عنها.. يتحدث عنها الجسد بطريقته الخاصة

وكان فرويد بيقول ان المشاعر اللي تم كبتها ولم تعبر عنها هي مامتتش بس هترجع ثاني تظهرلك.. وهتزعل

وطبعا فرويد مقالش هتزعل بس قال هتظهر بأبشع الطرق بس قلت أهون عليكم😁

يبقي الحل ايه عشان كبت المشاعر؟!

#المشاعر
#الالم_النفسي
#مي_طارق
#اخصائى_نفسي

يا اهلا وسهلا

هجاوب ليك السؤال ده

بس بصراحة مش عارفة مين اللي باعت بس ممكن تديني اشارة😅

نخش في الموضوع 😍

انا مجليش اكتئاب حاد بس اصلا هذا المصطلح لو تقصده حرفيا يعني ده اضطراب اكتئاب بدرجة عالية

لو تقصد كده فهنحتاج حاجتين

الأول: طبيب نفسي يعمل تدخل دوائي عشان ده زي ما اتفقنا اكتئاب مشخص خلاص بدرجة عالية

ثانيا : معالج نفسي شاطر زي كده😁😎
عشان نمشي بالرحلة العلاجية المكملة للدواء

◀️ اما لو تقصد حالة اكتئابية للي بتيجي كم يوم مليئة بالحزن الشديد.. هنا اقولك كلنا بنمر بالحالة دي فعلا من وقت للآخر

بس لو اتكررت كثير فده علامة علي وجود ضغوط نفسية عالية

اذا الحل نخفف الضغوط مش نهرب منها 😁
ونعمل لينا مصادر ترفيه ايون الدلع والترفيه احتياج نفسي
ويكون لينا مصادر آمنة نحكي ونتكلم 🤍
ممكن يكون في اشياء لتفريغ النفسي:

زي التمشية
الرياضة
الكتابة
التلوين والرسم

اي كان النشاط اختار اللي يريحك 😉

وبما انك وجهت ليا السؤال ماذا أفعل انا شخصيا 😎

اولا الرياضة بتهدي تفكيري وتفصلني لوقت محترم
مصادر آمنة بحكي معاهم
عندي جلسات اشرافية.. مع دكاترة متخصصه عشان اتناقش واتكلم
بستخدم الكتابة العلاجية
الرسم والتلوين بيفرقوا معايا
وكمان الأعمال اليدوية لأن بيتشتت العقل او بيتاخد تركيزك على المشاعر السلبية الي العمل اللي بتعمله

ومؤخرا ضفت المغنيسيوم.. بس لسه تحت التجربة والملاحظة.. وممكن اتكلم عنه تقريبا في بوست منفصل ان شاء الله

اتمني اكون افدتك.

#مي_طارق
#اخصائى_نفسي
#الاكتئاب

في العلاقات 🥰

سهل تعرف الشخص لما يبقي في حب ومشاعر

لكن عشان تعرف حقيقته.. شوفه في الخلافات

هيبان اذا كان قليل الاصل ولا معندوش..

سهل تحب سواء أفعال او أقوال🤍

لكن حقيقة الشخص وطبيعته اللي ميقدرش يخفيها بتظهر في الخلافات.. وهنا ها سقطت العباءة 😀

#مي_طارق
#اخصائى_نفسي

يا تري انت في الحاضر.. ولا الماضي.. والمستقبل

كل عام وانتم بخير وعيد أضحى مبارك عليكم جميعا يا غاليين 🤍

رفضك لوضع مش مناسبنك ف سبيل راحتك النفسيه.. مش انانيه.. مهما حاولوا يقنعوك بالعكس.

#مي_طارق
#اخصائى_نفسي

" الإنسان مأجور على أحزان قلبه .."

وعلى وحدته وعلى تحمله للأذى وصبره على البلاء ..
مأجور حتى على ابتسامته المكتومة التي يرسمها بين أهله ليوهمهم بسعادته حتى لا يبتئسوا. مأجور حتى على حزنه على فعل المعاصي والإسراف فيها ..
و يجهل معيّة الله التي تلازمه في كل حالاته !
‏"ف يا رب .. قد فوضّتُ أمري إليكْ فهبني كل خيرً وإن كرهْته .. وابعد عني كل ما فيه شرْ وإن رجوْته.."