سەفریە پەی بەهەشتی
سەرو زیارەتاوە ڕاوڕاڎاری نەوێ.
خەڵکیە فرە جە دوور و نزیکوە ئامێبێنێ. چەنیت وستایارە نەگنێ زەمین. چن وەرپەرسیە ڕێزو ئەوەڵیوە مدرایبێنێرە، تەرمو حاجیشا بە تەپڵ و دەف و تەلیلە ئاورد.
مەڵا شونەو تەڵقینە و فاتێحەیرە ڕووەش کەردە ئەو خەڵکی واتش:
نە مانگەو چواردەی ئەوەجەش بە گلکەی هەن و نە حاجیچ نیازش بە باس و تاریفو من هەن، گردما مەزانمێ، ئی پیا باشە، گەورەتەرین مزگی ئی شاریشە درۆس کەرد، دەسش دلێ هەرمانەی خێرینە بێ، فرە یاوی بە کار و بارو پیرەمەردا و پیرە ژەنا و بێکەسارە،
چا وەختوە کە مەشناسوش، درویم دەمشوە نەژنەوتێنێ، ئیسە ئاو ، دەوارەو ماتەمیش پەی ئێمە هۆردا و وێش ڕووەش کەردە دمایین هەوار.
جە خوای مەلاڵیەیمێوە ئی قەبرێ کەرو باخچییە جە باخچەکاو بەهەشتی پەیش....
حاجی وەرو بەریە تڵاییوە مدرا بێ، بەرەکە برێقە دێوە، دیوارەکاش ئننە بەرزێ بێنێ، حاجی سەرەش هۆر بڕنایا، کڵاوە چەرمەکێ سەرەشوە گنێرە!
گۆشەو بەرەی کریاوە نووریە سەوز گرد لایەش ڕۆشن کەرد.
فریشتییە کە دەفتەریە زل دەسشوە بێ ئامە وەروە و واتش:
لالو گیان نامێت چێشەن؟
حاجی قۆرگەش سافە کەردەو لەمەش دا وەروە و بە شانازیوە واتش من! بنیادنەرو مزگینا، جە ماوەو ژیوایمەنە، خزمەتێ فرێم کەردێنێ بە خەڵکی....
فریشتە گێڵا دلێ دەفتەرەکەیرە و واتش:
لالو گیان! نامێت دلێ ئی دەفتەرینە نییەنە.
جاجی واتش:
خاس گێڵە دلێ بەشو ساڵحا و پیا خاسارە، دڵنیابە کە نامێم هەنە دلێشانە.
فریشتە شۆنەو ئانەیرە کە فرە گیڵا، سەرەش هۆر بڕنا و واتش:
جە هیچ بەشیەنە نامێت نییەنە!
حاجی بە توڕەییوە واتش:
چیوی پاسنە نمەگۆنجنو! چەنی نامێم نییەنە!؟ بلو تەماشاو ئا مزگییە گەورەو دلێ شاریە کەرە، من درۆسم کەردەن، یا ئا گردە خێر و خێراتە کە من کەردەن، ژەنی ئاوەو دەسودیمو من بەرێنێ پەی هەمیرشێلای.....
فریشتە سەرو وێش واتش:
ئیسە کە پاسە ماچی، با چەنی ئەو ڕەفێقەکام، تەماشاو دەفتەرو کردوەکات کەرمێ.
دەفتەرێشا ئاوردێ، حاجی باسو دانە دانەو کردەوەکاو وێش کەرد، واتشا بەڵێ ئانێ کە واتێت گردشا نووسیاینێ، بەڵام، پاڵشانە نووسیان، " تەنیا پەی یانیهای و بارەقەڵای و وێ هورکێشای دلێ خەڵکی" جە فڵانە یاگێنە ئاننە خێرەت کەردە و وەرو چەماو وەرپەرساو حکومەتی و ڕۆژنامەواناوە، مزگیت دلێڕاسەو شارینە کەردوە و سەر بەرەو مزگیەکەیوە نامێ وێت نووسیە و ....
ڕیا پیسەو کەرێ وەرو وەرەقاقو هامنی، تاویاوە سەرو کردەوەکاتەرە.
حاجی واتش:
تەماشاو ئەو دەفتەرەکەی کەردی،خو من دنیانە بێجگە قسێ ڕاسە قسیەتەری نامێنە سەرو زوانیمەرە.
واتشا:
نووسیان یا ڕاسیەکات نیمەو ناتەمام گێڵنانێتوە یا چا وەختەنە کە مەشیایا قسێت کەردایانێ، بێدەنگ بییەنی! فرە وەختێ، بێدەنگی جە دروا خراوتەرێنێ! تو پیجۆرە ڕاسیەکات شاراینێوە و کەتمان کەر بییەنی، مڵک و ماڵو چن پیرەمەرد و پیرەژەنیەیچ بە هەرزان چیرو دەساشانە هورکێشان!
چیگەنە مووی جە ماسی مەکێشمێوە، ڕیاکاری ڕەنگە جە دنیانە برێقەدار بو بەڵام چیگەنە پیسەو پۆسو وەرو گەماڵی ناشیرینەن.
حاجی واتش :
ڕارە کە ئێنی پەی ئیگەیە، وەرو ویموە واچێنێ، ئارو حۆریەکاو بەهەشتی سەرو حاجی مەکەرا پەلکێ یوترینیرە، بەڵام ئیسە بییەنا بە لەقلەقو کرماشانی، نە جە خورماوەو مەندەلیم واردە و نە هەنگورەو کەنولەی! گردو کردەوەکام بییێ بە ئاردەو دلێ دڕیجاڕی!
فریشتییە واتش:
ئیگە یاگێ ڕاسینە و ڕاسکردارا، کردەوە و نهاڎ مەشۆم یوی گێرا، تو تەنیا وەختیە پیایە خاس بییەنی کە خەڵک چەمش پووەتوە بییەن، خەڵکیچ بە چەپڵە تەقنای و تاریف دای پاداشو کردەکاو توشا دانوە، بە پاو رویچ پوڵیە کەمیچت کو نەکەردەبێوە!
ئیمان، ئاڵا نییەن کە شەکنیشوە، ئیمان نووریەن کە دەروونەنە هۆرمەگیسیەو.
بەرەو بەهەشتی وردە وردە بینیا و گردلایە تاریکیارە، حاجی بە هەناسە سەردی و لەپەکوی، سەرەوار کەوت ڕا، دەنگیە ئاما گۆشش واتش:
چا وارە ڕەفێقێ فرێت هەنێێێێێێ.
مارک تواین 1909
وانەری ساحیو ویر!
ئانە کە دنیاو دەرونیمانە چەنی دنیاو بەریما دژ بە یوینێ، هۆکارێ فرێش هەنێ.
پەی وێنەی، جە ویرەوەریمانە دییەنما، کە ئانزانە یەکڕەنگ و ڕاسواچەکا ، باجیە قۆرسشا جە پاو ڕاسواچی و یەکڕەنگینە دان، بەڵام نامێشا پێسەو قارەمانیە گەورەی دلێ دڵو خەڵکینە مەنەێنەوە،بە پێچەواەوە، ئانزانە ڕیاکارەکا و دووەڕەنگەکا، پاداش و قازانجیە فرەشا، چەنی بەڎنامی، دەس کەوتەن.
#مامۆستا_موقتەدیر_غەففاری
هۆرگێڵیاوە بە سورانی؛ عیسا ئەحمەدی
قسەی خۆشی مەریوان و هەورامان لە
کاناڵی "مەلای مەزبوورە"👇👇
https://www.tg-me.com/malaymazbura
ئینستاگرام
http://instagram.com/osmansamadi_library
ناردنی قسەوبەسەرهاتی خۆس👇
@zagros0000
سەرو زیارەتاوە ڕاوڕاڎاری نەوێ.
خەڵکیە فرە جە دوور و نزیکوە ئامێبێنێ. چەنیت وستایارە نەگنێ زەمین. چن وەرپەرسیە ڕێزو ئەوەڵیوە مدرایبێنێرە، تەرمو حاجیشا بە تەپڵ و دەف و تەلیلە ئاورد.
مەڵا شونەو تەڵقینە و فاتێحەیرە ڕووەش کەردە ئەو خەڵکی واتش:
نە مانگەو چواردەی ئەوەجەش بە گلکەی هەن و نە حاجیچ نیازش بە باس و تاریفو من هەن، گردما مەزانمێ، ئی پیا باشە، گەورەتەرین مزگی ئی شاریشە درۆس کەرد، دەسش دلێ هەرمانەی خێرینە بێ، فرە یاوی بە کار و بارو پیرەمەردا و پیرە ژەنا و بێکەسارە،
چا وەختوە کە مەشناسوش، درویم دەمشوە نەژنەوتێنێ، ئیسە ئاو ، دەوارەو ماتەمیش پەی ئێمە هۆردا و وێش ڕووەش کەردە دمایین هەوار.
جە خوای مەلاڵیەیمێوە ئی قەبرێ کەرو باخچییە جە باخچەکاو بەهەشتی پەیش....
حاجی وەرو بەریە تڵاییوە مدرا بێ، بەرەکە برێقە دێوە، دیوارەکاش ئننە بەرزێ بێنێ، حاجی سەرەش هۆر بڕنایا، کڵاوە چەرمەکێ سەرەشوە گنێرە!
گۆشەو بەرەی کریاوە نووریە سەوز گرد لایەش ڕۆشن کەرد.
فریشتییە کە دەفتەریە زل دەسشوە بێ ئامە وەروە و واتش:
لالو گیان نامێت چێشەن؟
حاجی قۆرگەش سافە کەردەو لەمەش دا وەروە و بە شانازیوە واتش من! بنیادنەرو مزگینا، جە ماوەو ژیوایمەنە، خزمەتێ فرێم کەردێنێ بە خەڵکی....
فریشتە گێڵا دلێ دەفتەرەکەیرە و واتش:
لالو گیان! نامێت دلێ ئی دەفتەرینە نییەنە.
جاجی واتش:
خاس گێڵە دلێ بەشو ساڵحا و پیا خاسارە، دڵنیابە کە نامێم هەنە دلێشانە.
فریشتە شۆنەو ئانەیرە کە فرە گیڵا، سەرەش هۆر بڕنا و واتش:
جە هیچ بەشیەنە نامێت نییەنە!
حاجی بە توڕەییوە واتش:
چیوی پاسنە نمەگۆنجنو! چەنی نامێم نییەنە!؟ بلو تەماشاو ئا مزگییە گەورەو دلێ شاریە کەرە، من درۆسم کەردەن، یا ئا گردە خێر و خێراتە کە من کەردەن، ژەنی ئاوەو دەسودیمو من بەرێنێ پەی هەمیرشێلای.....
فریشتە سەرو وێش واتش:
ئیسە کە پاسە ماچی، با چەنی ئەو ڕەفێقەکام، تەماشاو دەفتەرو کردوەکات کەرمێ.
دەفتەرێشا ئاوردێ، حاجی باسو دانە دانەو کردەوەکاو وێش کەرد، واتشا بەڵێ ئانێ کە واتێت گردشا نووسیاینێ، بەڵام، پاڵشانە نووسیان، " تەنیا پەی یانیهای و بارەقەڵای و وێ هورکێشای دلێ خەڵکی" جە فڵانە یاگێنە ئاننە خێرەت کەردە و وەرو چەماو وەرپەرساو حکومەتی و ڕۆژنامەواناوە، مزگیت دلێڕاسەو شارینە کەردوە و سەر بەرەو مزگیەکەیوە نامێ وێت نووسیە و ....
ڕیا پیسەو کەرێ وەرو وەرەقاقو هامنی، تاویاوە سەرو کردەوەکاتەرە.
حاجی واتش:
تەماشاو ئەو دەفتەرەکەی کەردی،خو من دنیانە بێجگە قسێ ڕاسە قسیەتەری نامێنە سەرو زوانیمەرە.
واتشا:
نووسیان یا ڕاسیەکات نیمەو ناتەمام گێڵنانێتوە یا چا وەختەنە کە مەشیایا قسێت کەردایانێ، بێدەنگ بییەنی! فرە وەختێ، بێدەنگی جە دروا خراوتەرێنێ! تو پیجۆرە ڕاسیەکات شاراینێوە و کەتمان کەر بییەنی، مڵک و ماڵو چن پیرەمەرد و پیرەژەنیەیچ بە هەرزان چیرو دەساشانە هورکێشان!
چیگەنە مووی جە ماسی مەکێشمێوە، ڕیاکاری ڕەنگە جە دنیانە برێقەدار بو بەڵام چیگەنە پیسەو پۆسو وەرو گەماڵی ناشیرینەن.
حاجی واتش :
ڕارە کە ئێنی پەی ئیگەیە، وەرو ویموە واچێنێ، ئارو حۆریەکاو بەهەشتی سەرو حاجی مەکەرا پەلکێ یوترینیرە، بەڵام ئیسە بییەنا بە لەقلەقو کرماشانی، نە جە خورماوەو مەندەلیم واردە و نە هەنگورەو کەنولەی! گردو کردەوەکام بییێ بە ئاردەو دلێ دڕیجاڕی!
فریشتییە واتش:
ئیگە یاگێ ڕاسینە و ڕاسکردارا، کردەوە و نهاڎ مەشۆم یوی گێرا، تو تەنیا وەختیە پیایە خاس بییەنی کە خەڵک چەمش پووەتوە بییەن، خەڵکیچ بە چەپڵە تەقنای و تاریف دای پاداشو کردەکاو توشا دانوە، بە پاو رویچ پوڵیە کەمیچت کو نەکەردەبێوە!
ئیمان، ئاڵا نییەن کە شەکنیشوە، ئیمان نووریەن کە دەروونەنە هۆرمەگیسیەو.
بەرەو بەهەشتی وردە وردە بینیا و گردلایە تاریکیارە، حاجی بە هەناسە سەردی و لەپەکوی، سەرەوار کەوت ڕا، دەنگیە ئاما گۆشش واتش:
چا وارە ڕەفێقێ فرێت هەنێێێێێێ.
مارک تواین 1909
وانەری ساحیو ویر!
ئانە کە دنیاو دەرونیمانە چەنی دنیاو بەریما دژ بە یوینێ، هۆکارێ فرێش هەنێ.
پەی وێنەی، جە ویرەوەریمانە دییەنما، کە ئانزانە یەکڕەنگ و ڕاسواچەکا ، باجیە قۆرسشا جە پاو ڕاسواچی و یەکڕەنگینە دان، بەڵام نامێشا پێسەو قارەمانیە گەورەی دلێ دڵو خەڵکینە مەنەێنەوە،بە پێچەواەوە، ئانزانە ڕیاکارەکا و دووەڕەنگەکا، پاداش و قازانجیە فرەشا، چەنی بەڎنامی، دەس کەوتەن.
#مامۆستا_موقتەدیر_غەففاری
هۆرگێڵیاوە بە سورانی؛ عیسا ئەحمەدی
قسەی خۆشی مەریوان و هەورامان لە
کاناڵی "مەلای مەزبوورە"👇👇
https://www.tg-me.com/malaymazbura
ئینستاگرام
http://instagram.com/osmansamadi_library
ناردنی قسەوبەسەرهاتی خۆس👇
@zagros0000
👏3❤1