ئەمن گیرۆدەی داوی تۆم
گیرۆدەی زوڵفی خاوی تۆم

دەبەنگ و مەستی چاوی تۆم
مەلێکی باڵ شکاوی تۆم

بە شێتی ناوزڕاوی تۆم
خوداپەرستی ناوی تۆم


#دڵدار
___

بە نەهری کەوسەر و شیر و عەسەل چەند تینووە سۆفی

لەبی (ئەدمین) دوو چەندان بۆ لەبانی لەعلی موشتاقە..!!!


#نالی
__

#قانع
#تەرکی_ڕۆح_و_سەر


تا حەیاتم بێ لە دڵما، شەرتە میهرت دەرنەکەم
ڕۆژ پەرەستم تا بمێنم ، سوجدە بۆ  ئەختەر نەکەم

شەرت وعەهدە مەیلی گەرمت قەت لەلام ساردۆ نەبێ
تا، سەرم نەدوورنە جاوو زیارەتی مەحشەر نەکەم

وشکە سۆفی ڕیش بڕاوە، واعیزی سەر مینبەرم
چۆن لە داخی غەیری ئەبرۆت تەرکی هەر مینبەر نەکەم؟

گەر وەکوو مەجنوون لە کێوی نەجدەدا خۆم داگرم
شەمشەمە کوێرەم کە ڕوو بۆ شەمسەکەی خاوەر نەکەم

گەر لە لێوی لەعلی ئاڵت قەترەیێکم دەس کەوێ
ڕووڕەشم گەر تەرکی ئاوی زەمزەم و کەوسەر نەکەم

نووکیی موژگانی لە خەنجەر تیژترە بۆ قەتڵی من
چۆن بە جارێ تف لە شیر و خەنجەر و نەشتەر  نەکەم

عەرزی یارم کرد ، کە بۆچ  پەرچەم لە سەر ڕوخسارتە
پێی وتم  بەزمە ! لەسەرچی عود لەسەر مجمەر نەکەم

ھەر شەوێ دولبەر بەنازۆ ڕوو بکاتە مەنزڵم
ڕەببی لاڵ بم گەر لەڕێیا تەرکی ڕۆح و سەر نەکەم


یار بە ئیستیھزاوە فەرمووی [قانعا] ماوی شوکور
لافی میھری تۆ درۆیە من ئەبێ باوەڕ نەکەم

لاوەكان گەر ڕۆح فیدا كەن بۆ وەتەن هێشتا كەمە
گەر بدا ئاوی حەیاتت دوژمنت ژەهرە، خەمە

خۆشە دەردێ كە دایكی نیشتمانی مەرهەمە
سینگەكەم قەڵغانی تۆیە ئەی وەتەن پێشمەرگەمە

گیانی من قوربانی تۆ بێ جا بڵیندە گەردەنم
نامەوێ ئەو ژینە تاڵە یا وەتەن یا مردنم



#مامۆستا_نووری
_________

كام وشانە هەڵبژێرم تا بزانی
”خۆشم ئەوێی”كانی من
لەگەڵ ئەوانەی كە بیستووتە جیاوازە...؟؟؟


#دلۆ
_

ناتوانی واكەی كورد نەبین...

دڵم هەر ئەو دڵەی جارانە ئێستاکەش ئەناڵێنێ
هەناسەی ساردی ناکامی لە سینەمدا ئەتاسێنێ

ئەگەر جوانیت سەرنجم ڕابکێشێ، مەگرە لێم چونکە
جەماڵت پەیکەری ڤینۆسی خوای جوانیش ئەجووڵێنێ

پەچەت لادە ببینم ڕووت ئەمن خۆ سەیری تۆ ناکەم
لە ڕووی تۆ تێ دەگەم یەزدان چلۆن نەخشی ئەنەخشێنێ

کە تیشکی ڕۆژ ئەدا زاخاوی پرچی زەردی زێڕینت
لەلام قەوس و قەزەح هیچ ڕەونەق و شەوقێکی نامێنێ

بەوەش دڵشاد و خۆشحاڵم کە یادی نائومێدیی خۆم
بە خوڕ ئەشکی لە چاوانا قەتیسماوم ئەبزوێنێ

تەمەن ڕوو بۆ خەزان ئەڕوا کەچی گەردوون ئەوا تازە
لە وێرانەی دڵا تۆوی گوڵی دڵداری ئەڕوێنێ

بە چەشنێ خۆشەویستیی تۆ لە سینە و کەللەما چەسپە
مەگەر جامی ئەجەل ئەو تین و تاوەی لێ هەڵێنجێنێ...!!


#ئەخۆل
____

هەندێ كەس ئەوەندە سووكن بچنە سەر مینیش ناتەقێتەوە...!!!


#زانیاری
____

ئەوانەی کە ناخوێننەوە یان کەم دەخوێننەوە و یا لەت و پەت دەخوێننەوە، کێشەیان هەیە لە وتاردا،
ئەوانە زۆر قسە دەکەن بەڵام کەم دەڵێن...!!!!



#بارگاس_یۆسا
ـــــــــــــــــــــــ

ئەگەر بۆ هیچ شتێك بەرخودان نەكەن، بۆ هەر شتێك ئەكەون...!!!

#پەندۆفسكی😊

گەمژەترین هاوڕێکانمان،
ترسناکترین دوژمنەکانمانن...!!!!


#سوقرات
______

لە ئەوین و تۆڵەدا،
ژن دڕترە لە پیاو...!!!


#نیچە
__

هەوارێكی چ پڕ هاوارە بێ تۆ...

هەندێ شت دەرمان ناكرێن,
ئەشێ لە كۆڵیان نێین...!!!


#مێگان_دیواین
________

لە كۆتاییدا عەقڵ
چپەكانی دڵ لەبیر ئەكات و شەڕ
بۆ هەمیشە كۆتایی دێت...!!!



#لائەدری
__

یادەوەری شتێكی مەحكەم نییە،
هیچ شتێك وەك ئەو شتانەی مرۆڤ لە یادەوەریدا دەیانپارێزێت لاواز نییە.
بێدەنگترین مردن، مردنی ئەوانەیە كە دەچنە ناو یادەوەرییەوە...!!!!


#بەختیار_عەلی
_________

نازانم من خەریكم ڕۆژەكانم ئەكوژم یان ڕۆژەكانم خەریكن من ئەكوژن.
بە هەر شێوەیەك بێ تاوانێك خەریكە ڕوو ئەدا...!!!


#داستایۆفسكی
_________

برام ! عەیبی نییە شوانی و سەپانی
ئەبەخشن فەخر و شانازی بە ئینسان

بەسەر بەرزی بژی ، تا ماوە ژینت
نەکەی مل کەچ ، لەبەر کۆشک و تەلاران

#قانع
ــــــــــــ

بمگرە باوەش
ئەمەوێت بنووم
دەمێكە نەخەوتووم
گەر فرمێسكەكانمت دی
مەیهێنە بە ڕوومدا و
وابزانە هیچت نەدیوە

بمگرە باوەش...!!!