منهاج محرم الحرام
١٤٤٥هـ
ان شاء الله ينزل يوم الخميس

قصايد شعراء بقية الله

@zx_qwh

@ooa_oo

@vrsau

@mansor6688

الترتيب يكون كل يومين ليلة من ليالي العشرة الاولى

هلال المهدي _ منصور عباس الاسدي

قصيدة هلالية استقبال محرم الحرام 1445



شهر الدمع اجانة .. اجانة .. اجانة
1/
محرم هل هلالة ..واجة وصالة.. كلبي بجالة ..
وجرح فز اعلى روحك
محرم بي رزية .. صفيلي نيه .. وصب علية
دموع لجروحك
..-
هواي الذنوب اعل الجتف
والكم بعد ما ابحر
جم اسف واسف كلت
وارجع واصير مقصر
دخيلك يمولاي العفو
ادبني يابو الاكبر
..-
دخيلك
محرم هل علية
والك مديت ادية
جرحك خلة بية
دخيلك
أدبني بعقابك
وخليني اعلى بابك
اون بس لمصابك
..-
جرحي برد وي مدمعي
وماهزني الك صوت النعي
خلني أرِد ابجي الك
وابقى اون حد مصرعي
مدمعي وموجعي
..-
شهر الدمع اجانه .. اجانة .. اجانة
2/
لمصابك .. كلبي خلة .. ينسى اهلة .. وضيمة كلة
ويصد بس لعيونك
فطرتي .. خلهه تكبر .. ودمعه تزهر .. لامتنقر
دموعي لضعونك
..-
ضعنك اجة وماكو صبر
بيا وجه انه اتلكاكم
ذنبي كبر وي العمر
واتمنى ارد وياكم
خلي عيوني بيك اقر
عبدك واريد رضاكم
..- مذنب
وكلبي الماخشعلك
علية كون انه اسحك
وعلى دموعي الحك
مذنب
وعيشني اعلى حيرة
خلي بكلبي غيرة
لإمامي العالحصيرة
..-
ريض جروحي لخيمتك
وجمرة خيام وركضتك
كون افطن اعليهن وادك
بلكي اشفي لوعة عليتك
ودمعتك وغربتك
..-
شهر الدمع اجانة .. اجانة ..اجانة
3/
يضامن كل جروحي.. وياسفوحي.. ردلي روحي ..
بدمعتي لجروحك
اخذ مني .. حياتي .. لحد مماتي .. يا نجاتي
واريدن بس انوحك
..-
رايد ابجيلك صدك
وافطن على اسمك واجزع
وبصدري انه من ادك
دم كون اصب المدمع
رايد اموت و احترك
لو اسمك اعلى المسمع
..-
دمعة
اريد وي الزجية
اون صبح ومسية
على والد رقية
دمعة..
اكل لعيوني ابچن
واضل بكلبي اهچن
واخلي جروحي يحچن
..-
الكة النجاة بدمعتي
من عدها وابدي بخدمتي
الماعده دمعة اعلى الحسين
ماريدة يمشي بكربتي
ولاصحبتي وعشرتي
..-
شهر الدمع اجانة .. اجانة .. اجانة
4/
اعشين .. المن اني .. ويمشي زماني .. كلبي جواني
لان مابي حسرتك
انوحن .. وكلبي اميلة .. وجرحي اجيلة .. لل عالهزيلة
مشت وتباوع اختك
..-
كون ازغر انه بالعمر
كلما اهل دموعي
مو اذنب وامشي اعتذر
كون الجرح موضوعي
كون اعلى ضلعك انكسر
واكسرلك انه ضلوعي
..-
لطمة
اعلى صدري من ادكهه
كون انطيهه حگهه
ضلعي كون اسحكه
لطمة
اريدن من خشوعك
الطمهه لدموعك
مواساه لضلوعك
..-
مولاي شيفيد العمر
وانته الطحت من المهر
ميلوك الك والله الذبح
والحافر بصدرك حفر
بالظهر .. والجهر

شهر الدمع اجانة .. اجانة .. اجانة


الشاعر : علي بلال الحسناوي

هلا بعاشور

صوت من خادم طلع
يا هلا بشهر الجزع

هلا بعاشور……هلا بعاشور


الحزم شدوهه يخوتي بهل شهر هلُ الدمع
كون مو بس بالبواچي امن نلطم نكسر ضلع
لا تشغلك دنيتك وبهل المصاب انفجع
ركز بهاي المصيبه ركز او بيهه اطلع

نحر الحسين انكطع
ياهلا بشهر الجزع

هلا بعاشور……هلا بعاشور


بليلة العاشر يخوتي كون بل مجلس نطيح
وكون يصرخ يا حسين الخادم بقوته يصيح
ابد لا تبرد يخادم اتعب ولا تستريح
إجزع وعيش المصيبه حسين ابو اليمه ذبيح

وصوت خدامه ارتفع
يا هلا بشهر الجزع

هلا بعاشور……هلا بعاشور


خلهم شيحجون خلهم انته خادم للحسين
وللحسين احنه بصمنه ويا نضل طول السنين
همه ما يدورن حگهم هذا ابو الگلب الحنين
هواي متفضل علينه واحنه مطلوبين دين

واللي يبغضنه سمع
يا هلا بشهر الجزع

هلا بعاشور……هلا بعاشور


خلي توصل هالرساله هل شهر رغم البچي
خلي نتعلم او نحجي شلون زينب بالحچي
ننتچي اعله اسم الكفلهه وعالشعائر ننتچي
حتى متهزنه العواصف صامدين ونرتچي

لا ميسندنه الوگع
يا هلا بشهر الجزع

هلا بعاشور…….هلا بعاشور


نشد حزم خلونه اخوتي نواسي بيهه فاطمه
اول مصيبه العقيله والمصايب مؤلمه
صارت الدنيا اعله زينب يوم عاشر مظلمه
ويمهه طايح دامي اخوهه ونار وسط امخيمه
وجسمه بيديهه انجمع
يا هلا بشهر الجزع

هلا بعاشور…..هلا بعاشور


أحضر او روح لمجالس لا تروح الا بعزم
باچر الزهره تسجلك بل سجل تطبع ختم
خلي دربك دوم خدمه ودوم ركز بل مهم
منكر بيوم اليسئلك لا تخاف ولا تهم

چفك بصدرك طبَع
يا هلا بشهر الجزع

هلا بعاشور……..هلا بعاشور

الشاعر - رضا تحسين الطائي

هلا بعاشور _ رضا تحسين

هلا بعاشور - رضا تحسين الطائي

ليلة العليلة

انه العليلة .. فاطمة
انه العليلة .. فاطمة

1/
مستاحش البيت يبوية بغيابك
ماحاسبة حساب تروح بلا جوابك
انه اصد وين يالحسين بحسابك
..-
عفتوني وحدي عليلة ووحيدة
ومامش اخو وجار واگودنه بيدة
بس الحياطين وجروحي الجديدة
والديرة بعيدة ..
..-
صفنت اعلى حالي
بقيت بدون والي
وانادي ومايسمعون
صفة دار اهلي خالي
..-
ماحسبت هيج وداعك يالحسين
دمعة بغيابك تصب مانشفت العين
وحيدي بالدار واحاجي الحياطين
..-
2/
شيردهه كعدتنه من نكعد سوية
يم عمتي زينب وسكينه ورقية
بس الذكر ضل يبوية الية
..-
كل شبر بالدار يذكرني بيكم
مشتاكة اسمع يبوية الحجيكم
حسرة وبجي الليل يخلص عليكم
جا يمتى اجيكم ..
..-
ابد ما ضايكة النوم
علي بس الهموم
دمروني لو طيف
ابد ما منكم علوم
..-
لاحس ولا صوت وصلني بسفركم
مااعرف شكد اضل انتظركم
ومامش ترة علوم واشوفن خبركم
..-
3/
هام الكلب وبحزن متروسة روحي
ومخلصه الليل انه وي جروحي
من رحتو لليوم ابد ماوكف نوحي
..-
نوحي عليكم انه صبح ومسيه
طاحن عيوني وماكو احن منكم علية
تكطعت روحي عليكم ياهو اليه
بس انه شبدية
..-
بقت روحي تلهف
الدمع لا مينشف
هلي وين اصيحن
الي محد يمد چف
..-
جا وين اهلنه اصيحن وانادي
ومن البجي حيل تكطع فؤادي
حزنانه ضليت موشحة بسوادي
4/

فوك المصيبة وعكب كل هضيمة
الوادم الشمات يصيحون يتيمة
عافوهه اهلة ومشو يا حريمة
..-
اسمع حجيهم يأشرون عليه
عافوهه اهلهه يكولون خطية
ويعصرني كلبي بهالحجاية القوية
عافوهه خطية ..
..-
حجي الشامت يعثر
بجروحي يبقى ينثر
انكطع كلبي بجروحة
ونار بصدري تسعر
..-
لمن يكولون عليه العليلة
يحركون كلبي ويزيدون غليلة
اشكيلك الحال ولا بيدي حيلة
——————————————-
.. علي بلال الحسناوي ..

اللحن ⬇️

ليلة العليلة

رجعت زينب وشافت واحتارت
للطفله شتكول
والبيها مرض تشفه لو تغفه
بحضن بن البتول

ضمت كل هلا شافت كربله
مكسور الضعن راجع

السيده زينب تسولف ويه العليله

_١
عمه البالج حصل
رد الضعن ابلا أهل
وعينج اتشوف

شمي عباتي وفسري
سلّبو حتئ محملي
وزلمتنه مجتوف

لو سألتي عن كفيلي راح اكلج انهضم
تمنى يشبكني ويكلي سامحيني وانحرم
ولو تشوفينه ذبلنه جي طلعنه من الخيم

واكو موقف صعب احجي لو ابجي
انطك وانشتم
ما رحموني ابكبري شوفي ضهري
مابيهم زلم

تاهت قافله. شافت كربله
المارد بالضعن ضايع


_٢
اكنس الحجره اله
الليله يرد من كربله
بهايه انامن

اردد باسمه وانام
بلكي يوصلني بمنام
لوحدي اخافن

لو عله الناكه رحت ورجع بمتني آثر
ولا غريبه انه بوسطكم ماعليه حنية ضهر
عمه كليلي وراكم جاي ابويه اعله المهر

وانه احجي انطرق الباب بلايه جّواب
شريكتم تكول
نادت زينب انتظرج عن ولدج
صرتلهم رسول

رسايل بالفله شافت كربله
حامل الوه واكع

_٣
هاي الرساله بلا جفوف
وحتى مابيها حروف
بعينه حجاها

كلي يختي اتحملي
مكتوب علينه ننولي
عيوني رواها

يم البنين انولينه وكل طفل دور دخيل
سلم امره للخلقنه من الحصل يكبرله جيل
ثاني مرسال كلي انتي بعدي صرت الكفيل

بالكوفه صرت حيدر والمنحر
ابالي انرسم
اشتاكت عيني لعيونه هضمونه
ظهره انهشم

بيدي سلسله شافت كربله
وهناك النسب ضايع

_٤
بالشام طف ثاني شفت
صوت الطبل بأذني سمعت
ضعيفه الأنفس
اختي صاحت للشمر
عندي طلب وهذا أمر
ابعدلي هالروس

سوه عكس الي أمرته هوس بروس أخوتي
والبجي لو يعله يشمت بيه العام واجنبي
ماعرفتيني ييمه المثلي ما تعرف سبي

طبيه بقصر ظالم والحاكم
يبغض آل علي
ايامك عدد ضلت وانتصرت
اجساد الولي

ارزله بنص هله شافت كربله
بكائنا بالعزاء جازع


الشاعر منصور عباس الأسدي

اللحن ⬇️

حلم العليلة _ منصور عباس الأسدي

حلم العليلة _ منصور عباس الأسدي

وين……رحت وعفتني
وين …… بويه اخذني
وين …… دليني لي وين
دليني لي وين

1
بويه چا ليش وعفتني خل اروح وياكم
خالي ضل البيت وانه شلون اسد مجانكم
كلبي ما يحمل يبويه وعقلي ما ينساكم
شلون اسكتهن دموعي وينحمل فركاكم


ليش……تاخذ خواني
ليش……والأبقه اني
ليش ……ما تسكت العين
ما تسكت العين

2
من اخذت اختي الجبيره واني اضل الحالي
غير تبقى ويايه هيه البيت چا ضل خالي
تبقى وياي وأعيشن هاي كل أمالي
ومال اضلن انه وحدي هايه موش ابالي


روح……ما اكدر انساك
روح……بس انه وياك
روح……يا بويه يحسين
يا بويه يحسين

3
وانه اعرفك ما تطول راح اضل مناطره
اني متئكده تردلي ما اضلن حايره
والله لو باقي يبويه ما اكض الخاصره
روح الله وياك بويه ادعيلي اضلن صابره


آه……يا كلبي أصبر
آه……يا ربي أجبر
آه……چا وين ماشين
چا وين ماشين

4
بويه متعوده اعاين كل صبح بعيونك
بويه متعلمه انامن واغفه انه عل متونك
ياهو بعدك ضل اليه المن اكول شلونك
تعودت تحجيلي قصه شلون انام بدونك


اخ……يمتى تعود
اخ……المن اكود
اخ……يا كسر السنين
يا كسر السنين
5
بويه احس امجاني خالي وعمتي ما تحمل تره
كمت باحلامي اشوفن هزلة منتظره مره
بعيني اتخيل سياط ومتني ما جاه السره
جمر ردت اسحگ وانادي وين سبع الگنطره

صار … حلمي انسبي هناك
صار… كل فكري وياك
صار … مو سفر ميتين

الشاعر رضا تحسين الطائي

العليلة


عندما عاد ضعن الحسين الى المدينه كانت العليلة منتظره لرؤية ابيها على احر من الجمر
ولكن كان الخبر مخيباً لأمالها

كيف السبيل الى ابي كيف النوى
كيف ارى من ترك في نينوى
كيف التخلص من صريخٍ داخلي
جزعاً يقطع كل شريانٍ سوى
يا والدي كم من كلامٍ داخلي
آليت ان اوصلهُ عبر الهوى

متت بس مو مرض مت اعلى فرگاكم
هلي والروح طلعت من جفيناكم
يبويه اعلى المصايب من قريناكم
بقت حسره بدليلي اتسولف وياكم


اشتهيت اغفه اعلى صدرك يابو حيلي
واخلص بالسحگ مو نوم ليلي
ونهاري الشمس تحرگ وجهي حدما
احس يبرد ولو قطره دليلي


بويه الحرگ ما طرز عباتي
بويه العطش ما يبس لهاتي
بويه المرض ما عيشني آهات
واواسيهن على الشافن خواتي
بويه شلون اواسيهن خواتي

بويه اربط اديه وادخل بسوگ
بويه اصعد هزك واوگع من النوگ
بويه اشعل جمر واسحگ علي وارتاح
لو ماضل جمر گدما جمر مسحوگ

بويه احرگ عباتي واركض بهيمة
بوية انصبلي خيمه واحرگ الخيمه
خل اشلع اذاني ثنين حيل هواي
وحده تكفي اسمع گلبك وضيمه

بويه الخيل خل تسحگني وارتاح
بويه ويه الضعن خل اشبع صياح
بويه ارد اركض الحد مادري لوين
بويه ارجوك خل انظر للرماح


بويه ارد اعطش وتتفطر اشفافي
ومثل عمتي ردت تتزورگ اجتافي
بويه اتمنى بيدي الخيمه اطفيها
و وحدي اسحگ جمر كون بجدم حافي

….
بوية اعتاب اعاتبكم
متت بالبيت ما مت ابمحاملكم
ظگت طعم المرض والفرگه والاهات
بس ضلت ابنفسي احمل مصايبكم

بابا انه العليلة الماعرف حالي
انه الضيعت وسط السمه اهلالي
انه التيهت بغيابكم يا صوب
روحي وضل خيال ايطورد ابالي
انه اول انسانه تعيش بس متعيش
واول بت الك ما شافو اخيالي

الشاعر - حيدر عمران الحجامي

ليلة ام البنين

بسم ام البنين انصب عزاء
وفزع كل خدم تلهج بكاء
وخليهه تمدنة بالدموع
للردوا غرب من كربلاء
..-
ترزقنة الدمع مثل الشمع
نبجيه اعلى زينب والضلع
والمالة اخو وحدة فزع
..-
نبجي ع الحسين
..-
اجهر بالبجي بلوعة وهضم
اخذ معرفة من ام الزلم
وتزيدنه للخدمة عزم
..-
نبجي ع الحسين
..-
ماتقصر ابد والله ام البنين وكفى
علمتنة الحب حقيقة وزادت الحب معرفة
قدمت اربع بنين
وكالت عليهم عفى
الوفه يمهه تعرفة موش كلشي اسمه وفه
..-
يا ام البنين ام الوفاء .. يا ام البنين ام الوفاء
..-
2/
من فاطم نشد حيل السنين
وناخذ منهه دمعه اعلى الحسين
ننصب هالعزة لاجل الغريب
ومن حبهه تضخ بينه حنين
..-
ننصب هالعزة ونطلم سوة
والي بدمعته كلبة ارتوة
ضلمتكم لكاهه اجمل ضوه
..-
على طول السنين
..-
الطم و اعلى راسي انفجع
ومن صدري انة اخسف الضلع
ومن فاطمة استجدي الدمع
..-
على طول السنين
..-
من وفة ام الكافل انه كون احصل موعضة
مجلس اعلى حسين قامت رغماً اعلى الرافضة
حيلي اذبه اعلى المجلس
مااعوف الخدمة
درس بالخدمة نطتني ومنهه كون الكة رضا
..-
يا ام البنين ام الوفاء .. يا ام البنين ام الوفاء
3/
خليهه بدمع عيني تصب
كلبي المابجة لا مو كلب
اجزع وابجي انه طول السنين
لاجل الي بقة فوك الترب
..-
ابجيله واهد حيلي بونين
ومن ام الكفل اخذ حنين
اتعلم عشك ام البنين
..-
اجزع بالونين
..-
خليني اضل يمكم عبد
شكد تاخذني دنياي وارد
من ام البنين اطلب مدد
..-
اجزع بالونين
..-
بخدمة حسين اكضي عمري الباقي كلة موعمر
عيوني اضخن بيهه دمعة مثل زخات المطر
اتحزم حزام الخدمتج
واكض بيدي الراية
وعلك من كبر ابو فاضل اشد بيه انه الظهر
..-
ياا ام البنين ام الوفاء .. يا ام البنين ام الوفاء
4/
بدوية وكريمة وام بخت
وماعدهه صحن اخ الوكت
باب الحاجة اسمهه ام البنين
باب اعلى الكبر لا ماشفت
..-
لازاير يجيهه بهالوضع
والطير اليحط يذرف دمع
على الهذا الجرة بام السبع
..-
قبر ام الحسين
..-
كضت كل عمرهه بالغرب
وسفة اعلى الكبر كومة ترب
ماكو اعليهه راية تنكتب
..-
قبر ام الحسين
..-
لاكبر لا راية عدهه ترف من فوك الضريح
فاطم شكد ماحنينة الهوة يمهه يستريح
باجر تروح الضلامة
والمنارة نردهه
وبالصحن نسمع القاري بصوت عالي من يصيح
..
يا ام البنين ام الوفاء .. يا أم البنين ام الوفاء
5/
هاي ام القمر راعي اللوة
بس ماكو بكبرهه كل ضوة
ولاتلكة منارة ولا صلاة
وماعدهه صحن بي ينشم هوة
..-
مولاتي الغريبة بالوطن
منتظرة يجي ابن الحسن
يبنيهه القبور باقرب زمن
..-
ويعمرهه بحنين
..-
ومشاية نجي من كربلة
والمهدي يلكانه بهلة
ورايتنه بادينه مدلـلـه
..-
ويعمرهه بحنين
..-
المهدي يبني الكبة باجر و تشع بس حب حنين
ونلكة كل الكون يصرخ هلا بولد ام البنين
مشي من كربلة نكصد
للمدينة نزورها ..
وراية من كربلة ناخذ بيهه ريحة من الحسين

علي بلال الحسناوي

ليلة الأصحاب

#فصيح

لكربلاء سأذهبُ حبيبي قد دعاني
كأني سلمانَ الزمن والمصطفى نجاني
أقّــدم يـبّنَ مُظـاهر فأنــكَ المُـناصر

(1)
مرسالُ حبٍ قد أتى من سيدِّ الوجودِ
أقـــدم لــنا فـأنـك أهـلٌ إلــى الخلودِ
أقبلْ إلى سفينتي وأسجدْ مع سجودِ
العده معدودة لكــم و أنـكــم حـدودِ

أسرارُ عشقٍ أحملُ لسيدي الحسينِ
فمنذُ كان في الصِبا ينبض له الحنينِ
بالحبِ لا أكَـابـر فــأنـك الـمُـنـاصـر

_2_
قربان افدي مهجتي وسائـرٌ إلـيـكَ
يبن علي وفاطمة الوصف حار فيـكَ
أنت هبة رب العلى كُلي تحت يديـكَ
قلة قليل خّدمتـي ياثمــرةَ أبَــيــكَ

عبدي إليك وهبته وعبدٌ أنا أقبلــني
لهفي لرؤيةِ وجهكَ لهفي لرؤيةِ ديـني
بالديـنِ لا اُتـاجـر فــأنـك الـمُـنـاصـر

3_
كان الحسينُ يوزع الراياتِ ومنهم راية
قال لهم قد وصـل مضربُ إلى الولايــة
حين وصلتُ وجدتُه قد وهبني كـنايــة
شيـخُ الحبِ والنصرة بالرايه نُلت مُنايـة

ماذ فعلتُ وأسمعُ من زينبٍ تحيـة
أبكي لشأني عندهم ما أجملُ الهديـة
بِهم اصبحتُ ثائـر فــأنـك الـمُـنـاصـر

4_
بقرب الحسين واقفٌ مالي ومال الجنه
قنديلٌ خافتٌ نوره لم يفهموا المعنى
خذوا الظلامَ جملاً و بالشهادة أغنى
كُلي لآلِ أحمدَ شيخ الأنصار اُكنــي

المالُ أعمى قلبَهم في يومِ عاشوراء
أحفادُ من قال وأن لفاطمة الزهراء
قلبي لهم يسافر فــأنـك الـمُـنـاصـر

5_
نغدر بمن يا سيدةَ الشامِ و الطفوفِ
نحن عطاءُ ربِنا خُلقـنا لـلـسيـــوفِ
أصحابٌ نحن ذو أصل لسنا من الألوف
أبٌ لدينا وأهـلٌ ولم نعرف أسمَ الخوف

أصحابُ الحسينِ نفتخر لم ننصب السقيفة
يا خدرَ حيدر أننـا نخُـلد مـع الحقيقة
بـكـمّ أصبح مثـابـر فأنــك المـناصـر

#منصور_عباس_الأسدي