#konferensiya

🟥 Bugun Oliy taʼlim, fan va innovatsiyalar vazirligi, Talaba va oʻquvchilarning ijtimoiy faolligini oshirish markazi, “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universiteti, Oʻzbekiston jurnalistika va ommaviy kommunikatsiyalar universiteti hamda “Science and innovation” xalqaro ilmiy jurnali hamkorligida “Maʼnaviy barkamol yoshlar Yangi O‘zbekiston bunyodkori” mavzusida xalqaro ilmiy-amaliy konferensiya bo‘lib o‘tdi.

Unda TIQXMMI MTU rektori Baxodir Mirzayev, O‘zJOKU rektori Sherzodxo‘ja Qudratxo‘ja, “Maʼrifat” targ‘ibotchilari jamiyati aʼzosi Jamila Toshpo‘latova, Davlat boshqaruv akademiyasi kafedra mudiri Mansur Bekmurodov hamda Talaba va oʻquvchilarning ijtimoiy faolligini oshirish markazi direktor o‘rinbosari Anvarmirzo Qudratovlar ishtirok etishdi.

🔹Konferensiyaga yurtimiz va qo’shni mamlakatlar olimlari, yurtimizning turli nuqtalaridan 100 dan ortiq sohaning professor-o’qituvchilari hamda yosh tadqiqotchilar tashrif buyurdilar. Konferensiyada xorijiy mamalakatlardan 50 ga yaqin, yurtimiz olimlari tomonidan 400 dan ortiq maqolalar kelib tushdi va ularning 320 tasi qabul qilindi.

🔸Xalqaro ilmiy-amaliy konferensiyaga 50 ga yaqin mamlakatlardagi taniqli olimlar ishtirok etib, mavzu yuzasidan o‘zlari olib borgan ilmiy-amaliy tadqiqotlar, izlanishlar natijalari bilan fikr almashildi. Shuningdek, mavzu yuzasidan yoshlarini barkamol shaxslar sifatida tarbiyalash, kreativ fikrlaydigan va intellektual hamda jamiyatga foydali kasbni o‘rgatish hamda axborot asrida qanday samarali yutuqlarni amaliyotga tatbiq etish bo‘yicha bahs-munozaralar yuritilib, olimlar tomonidan fikr-mulohazalar bayon etildi.

Konferensiya ishtirokchilari yalpi majlisdan keyin seksiyalarga bo‘linib, turli yo‘nalishlarda faoliyatini davom ettirishdi.

👉 Rasmiy sahifalarimiz: Telegram | YouTube