فصبر جميل

اول ما بدأت الكتابه من 12 سنه
اقول لنفسي
امتى الناس حتعرفنى
امتى حنشر كلامى يوصل لكل الناس

عايزة اغير المجتمع و يتعلموا يربوا نفسهم و اولادهم

لييييه الكلام الغير مفيد هو اللى بينتشر اسرع

ايه كل المتابعين اللى عند الكلام الفاضى

بس بعد مده مش طويله

اتعلمت
مش بكتر، الناس اللى يتابعك
ممكن يتابعوك و يشتموك
ممكن يتابعوك و تاخد من وراهم ذنوب السنين

المهم اللى يتابعك
يحبك مش اى حب
حب ف الله
لانك بتذكره بالله

ياااه

لو حد تابعك و قال
ماشاء الله
رينا يباركلك
اتعلمت منك
بحب كلامك

اتعلمت ان فعلا كما جاء عن سهل بن سعد أن النبي ﷺ قال لعلي : فو الله لئن يهدي الله بك رجلاً واحدًا خير لك من حمر النعم، متفق عليه.

رجل واحد شخص واحد ست واحده

بسسسس

احسن حاجه من احلى حاجه فى الدنيا

الصبر جميل

مش علشان بس بتوصل بعد تعب
لكن جميل لانك بتتعلم فى الطريق جمال الدنيا و جمال الناس

و مش مهم يتابعنى كتير مع انهم عندى بملايين

لكن المهم يتابعنى اللى يحبنى ف الله
و رينا يجمعنى بيهم تحت عرشه فبما تحابوا ف الله

و ندخل الجنه مع بعض لان الناش تدخل الجنه زمرا

فاللهم اجعل زمرتنا صالحه

بحبكم ف الله

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

💎تلجرام

https://www.tg-me.com/joinchat-RDh3lWCU6VCko9oV

💎 انستقرام https://www.instagram.com/remomo2020

💎 قناه اليوتيوب
https://www.youtube.com/channel/UCFWhGBj6RMMtwpcE3pY7YJg

💎فيس بوك

https://www.facebook.com/Remomo2020

🛑لازم يتغيروا 🛑

كل واحد عنده مشكله مع حد

سوء فهم او اختلاف رأى

اول كلمه يقولها هو لازم يتغير
الناس عمرها ما حتتغير من مجرد طلبك ليهم بالتغيير

التغير الصح انك انت إللى تتغير
تغير معاملتك معهم
تغير اسلوبك فى الحوار
تغير انك تقبل الاختلاف بينكم

الناس بتتعامل معاك ع اساسيات
اول حاجة رد فعل لما تفعله
ثانى حاجه يعملوا ما يروه انك حتتقبله
ثالث حاجه ان ده حقهم و لازم ياخدوه

الحل فى اى مشكله بينك و بين الناس

انك تعرف هما عملوا كده ليه و انك تعرفهم انت عايز ايه

الناس مش بتقرا الغيب او انهم حيحسوا بيك

ده كلام عايز علماء نفس
و احنا ناس عاديه و حتى علماء النفس مش ديما بيكونوا على حق

فاى علاقه فيها مشاكل
اعرف حقوقك و حقوق الاخر
اعرف واجباتك وواجبات الاخر
و ما تقبله و ما يقبله الاخر

و دمتم بحب و سلام

#مستشاره_علاقات_زوجيه_وتربويه
#ريهام_محمود

💕كلماتى بكل الحب كتبتها فضلا لا تمحى اسمى عند النقل 💕

اسقوا زرعكم

هو كان معايا و انت مش موجود
هو كان بيسمعنى لما اكون زعلان
هو كان بيطبطب عليا لما ابكى
هو كان بيخادنى فى حضنه لما يحس انى محتاجه

هو كان بيفرح معايا و يضحك و يلعب و يغنى و يجرى

كان عايش معايا و انت مش موجود

و انت بتقول بشتغل علشان اجيب فلوس اكلكم

و انت بتتكلم فى التليفون مع اصحابك تضحك و تهزر

و انت بتخرج مع زمايلك علشان تجاملهم

و انت مش معايا

دى رساله كل ابن انحرف مع أصحاب السوء
ادمن او اتعلم الشذوذ او سرق علشان بس يكون معاه حد بيحبه و يشاركه في اى حاجه حتى لو كانت غلط

دى رساله كل زوجه خانت زوجها أو حتى فكرت فى واحد تانى غير زوجها و اتمنت انها تعيش مع واحد تانى

دى رساله كل بنت انحرفت على الفيس و على الارض و بقي عندها أصحاب ولاد علشان بس تحس انها مرغوب فيها

دى رساله كل زوج خان زوجته لانها اهملته و كان شغلها هو حياتها او أولادها بس هما الحياه و هو مجرد ضيف فى البيت علشان الشكل الاجتماعى

كل واحد بيقول انا بعمل إللى عليا
لكن مش مهم تعمل اللي انت شايف انه عليك
المهم انك تعمل إللى معاك شايفين انه عليك

اسقوا زرعكم و لا تجعلوه يشتاق لماء غيركم

#مستشاره_علاقات_زوجيه_وتربويه
#ريهام_محمود

💕كلماتى كتبتها فضلا لا تمحى اسمى عند النقل 💕

قلب ميت و قلب حى
بعد المرور بالمصاعب ف الدنيا
نشعر ان قلبنا مات
مات مش بيخاف ع زعل الناس
مات عايز يساعد نفسه مش محتاج مساعده الناس
مات مش متاثر باللى حواليه
مات كل المشاكل بقت عادى

لكن الحقيقه دى مرحله فى بدايه حياه القلب او موته بالفعل

انه مات فعلا انه يعيش لنفسه بس مش مهم اى حد
الحق اعيش يومين
العمر، عدى عليا و انا مطحون للاخرين
ابويا و امى عاشوا و ماتوا غير مستمتعين

و يبقى القلب انانى و يموت من حياه الناس
و يغرق نفسه ف الملذات بكل شكل كل حين

او
انه ان قلبه يعيش بجد
يعرف ان المهم ارضاء ربنا فى الوقت الفاضل لنا
يعرف مهم انى اساعد الناس لكن اهتم بنفسي لانها الاقرب
يعرف ان مهما مر بالمصاعب حتخلص لكن المهم مش تخلص عليا
يعرف ان سنده الحقيقى بعد ربنا نفسه
يعرف يعيش صح

و هنا القلب تتجدد فيه الحياه
دم جديد يخلى القلب يعيش من جديد

حياه قلب ❤ او موت قلب 💔

بيكون بطريقتنا ف فهم حكمه رينا
بيكون باسلوب نفكير جديد
بيكون بتمسك بالله و الامل فيه

و من هنا فعلا تقدر رمم جرحك و تستعين بربك
لانه الوحده القادر انه يحيي العظام و هى رميم

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

قادر و فاهم
قادر وفاجر

الراجل القادر
اللي يقدر، يزعلك
اللى يقدر يضربك
اللى يقدر، يكدرك
اللى يقدر يمنع عنك المصروف
اللى يقدر، يهينك

اللى يعمل كده يبقى راجل قادر و فاجر

لكن اللى يقدر، يعمل كده و بمنع نفسه

و يتعامل انه فاهم

فاهم انك بنت ناس
فاهم انه مسؤل عنك امام الله قبل اهلك
فاهم انك وصيه رسول الله ما اكرمهم الا كريم
فاهم ان فعله يترد له فى بنته و اخته
فاهم ان الاقربون اولى بالمعروف

فهو راجل قادر، و فاهم
و ليس ذكر قادر، و فاجر

رزقكم الله بالصالحين

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

ساعات البعد افضل طريق للحب
ساعات انك تبعد و تكون خارج الصورة بتشوف تفاصيل مش شايفها فى نصك التانى
اهتمامه بحاجاتك البسيطه
لون البنطلون لايق
او صحيت تعمل فطار
او كلمها يطمن عليها لان كان عندها برد خفيف

ساعات التعود بيبقى حاجز معتم عن حب اللى بين الاثنين
عتمه الاعتياد بيخلى الحاجات البسيطه عادى
و التضحيات واجب
و العطاء مفروض عليك

ابعد شويه يتفكيرك بص لزوجتك انها ممكن تبعد شويه
ايه اللى حيحصل ف حياتك

ابعدى شويه بتفكيرك شوفى حياتك من غير زوجك
ازاى ممكن تتحمليها

الموضوع مش بس فلوس و صرف و اهتمام و طبيخ و غسيل

مين حيقدر، يفهمك زى شريك حياتك
مين حيقدر يتحملك و يعملك زي شريك حياتك

ممكن الحب الطرف التانى مش بيعبر عنه بالكلام
بس هو عايش معاك بس علشان بيحبك من زمان

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

حاسب قبل ما تحاسب الغير
احسن تقع ف كلام كبير
تقول و تقول و تلافى نفسك بعملك مغرور

انا احسن من فلان و علان و احسن حتى من الطيور
حاسب ان يكون حسابك عند ربك عسير

قول كلمه طيبه فى حق الغير
لا انت عارف ايه اللى عملوه و لا سبب التغيير

حاسب احسن تقع فى البير
تشرب و تاكل لحم ميت خطير

ماهو اللى يتكلم بالنميمه كانه اكل لحم اخيه ميت يا كبير

حاسب نفسك قبل ما تحاسب الغير

بقلمى

#ريهام_محمود

بالأمس كنت ذكياً فأردت أن أغير العالم .. اليوم أنا حكيم ولذلك سأغير نفسي. - جلال الدين الرومي

هذه الحكمه هى ما وصلت لها بعد سنين من الجهد
كل منا يريد ان يغير العالم ليكون افضل عالم
فلا يستطيع ثم بعدها
كل منا يريد ان يغير كل من حوله ليكونوا افضل ناس
فلا يستطيع ثم بعدها
كل منا يريد ان يغير من يتعامل معهم ليعاملوه افضل
فلا يستطيع

فيعلم بعد وقت و حكمه و فهم

ان عليه ان يتغير هو نفسه ليتغير كل من حوله

ان يثق ف قدراته ... فيثق الناس به
ان يحب و يهتم بنفسه... فيهتم الناس به
ان ينشر فكرته و يطبقها.... فممكن ان يتخذه الناس قدوة
ان يحترم نفسه و لا يقبل الاهانه...... اكيد الناس ستحترمه

التغير للعالم الخارجى يبدا منك

انت لن تغير كل العالم
لكن ع الاقل ستغير طريقه تعامل العالم معك
ان اردت

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

عايز اكون ناجح زى فلان
عايز اوصل للى وصله علان

ديما بنشوف و نعرف الناس لما تكون وصلت للى للنجاح

لكن مش بنسال ازاى وصلوا للنجاح
اهم من اللى وصلوا له ازاى وصلوا

ايه الطريق
ايه المصاعب
كيف تخطوها
كيف تعاملوا

السؤال الصح علشان توصل
ازاى اوصل
مش انى عايز اكون ناجح بس

صباحكم فل وياسمين

بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا النشر وليس النقل 💕

كثره الشكوى بين الازواج تبدا من الاشياء الكبيره
و تنتهى الى الاشياء الصغيرة

لا تعود نغسك على الشكوى من شريك حياتك
حتى لا يتعود على الرد عليك بالشكوى منك

و يتغير الحوار الى شجار
و يتغير الحب الى شكوى و عدم تقبل للطرف الاخر

و يبدأ الصراخ لان لا احد يسمع الاخر
انما الحوار تحول
لنكد
لمباره فى زياده و ابراز عيوب الآخر
لانفصال جسدى ثم معنوى ثم طلاق صامت ثم طلاق تام

فلا تشغل نفسك بالعيوب و انظر الى المميزات فشريكك فى الحياه انسان و ليس ملاك و كذلك انت

*محبتكم
#مستشاره_علاقات_زوجيه_وتربويه

💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕