Direktor bo‘lish narxi — $3000

DXX o‘tkazgan tezkor tadbirlarda Toshkent shahridagi tumanlardan birining Maktabgacha va maktab ta’limi bo‘limi boshlig‘i umumiy o‘rta ta’lim maktabida tarix fani o‘qituvchisini maktab direktori lavozimiga tayinlash evaziga o‘z xizmat xonasida 3 ming AQSh dollari olgan vaqtida ashyoviy dalillar bilan ushlangan.

Demak, poytaxtdagi maktabga direktor bo‘lishning “stavka”si o‘rtacha — $3000 ni tashkil etyapti ekan.

@masofatalim

Qimorni faqat o‘ynatgan yutadi. Yoshlar orasida ham juda ko‘plab uchrayapti. Kimdir shu yo‘lda bo‘lsa, qaytish kerak. Boshqa gap yo‘q. Bu yo‘lning oxiri hech qachon yaxshilik bilan yakun topmagan.

Yoshligimizda TVda giyohvand moddalarga qarshi juda ko‘p targ‘ibot materiallari efirga uzatilardi. Mana shularning o‘zi xulosa qilishga yetarli bo‘lgan.

Hozir zamon tezlashib ketdi. Yoshlar orasida psixotrop moddalar iste’moli, onlayn qimorga berilib ketganlar tiqilib yotibdi. Bugun TVdan ko‘ra ko‘pchilik internetda o‘tiribdi. Buning kuchidan esa unumli foydalanilmayapti, nazarimizda.

Yoshlarga psixotrop moddalar va onlayn qimorning oqibati yaxshilik olib kelmasligini uqtiradigan kontentlar yetarli darajada emas. Ko‘rmayapmiz. Kreativ formatda kimdir signal berishi, ogohlikka chaqirish kerak.

@masofatalim

Shahnoza Mirziyoyeva Mirzo Ulug‘bek nomidagi O‘zbekiston Milliy universiteti talabalari — kelajak ijtimoiy xodimlari bilan uchrashib, ochiq muloqot o‘tkazdi.

“Rostini aytsam, men bu uchrashuvdan ruhlangan holda chiqdim. Chunki mening oldimda betaraf bo‘lmagan, aqlli, maqsadga intilayotgan, yaxshilikka o‘zgartirish kiritishni xohlovchi avlod borligini ko‘rdim”, deb yozdi Sh.Mirziyoyeva.

@masofatalim

Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya instituti negizida Toshkent davlat tibbiyot universiteti tashkil etiladi. Bu haqida Prezident qarori qabul qilindi.

Qarorga ko‘ra:

⁃ Toshkent tibbiyot akademiyasining Urganch filiali Urganch davlat tibbiyot instituti etib qayta tashkil etiladi.

⁃ Toshkent tibbiyot akademiyasining Termiz va Chirchiq filiallari Toshkent davlat tibbiyot universitetining Termiz va Chirchiq filiallari etib qayta nomlanadi.

UPD: Xabar to‘ldirildi.

@masofatalim

❗️Tuzatish: Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya instituti negizida Toshkent davlat tibbiyot universiteti tashkil etiladi.

Prezident qaroriga ko‘ra, 2 ta emas, 3 ta OTM o‘rnida yagona tibbiyot oliygohi tashkil etilmoqda.

@masofatalim

2025/2026-o‘quv yilidan Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya institutida tahsil olayotgan barcha talabalar o‘qishini Toshkent davlat tibbiyot universitetida davom ettiradi hamda bitiruvchi kurs talabalariga belgilangan tartibda universitet diplomi beriladi.

@masofatalim

Darvoqe, uchta OTM negizida bitta Toshkent davlat tibbiyot universiteti tashkil etilayotgani rektor ham bitta bo‘lishini anglatadi. Xuddi “narxoz” kabi.

@masofatalim

❗️Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya instituti o‘rnida yagona Toshkent davlat tibbiyot universiteti tashkil etilishiga doir Prezident qarori (to‘liq hujjat).

@masofatalim

2025-yil dekabr oyiga qadar “Oliy ta’lim muassasalari moliya tizimi” axborot tizimi ishga tushiriladi. Buning uchun Oliy ta’lim, fan va innovatsiyalar vazirligi huzuridagi Raqamli ta’lim texnologiyalarini rivojlantirish markazi tomonidan 1 mlrd 850 mln so‘m mablag‘ yo‘naltirildi. Bajaruvchi tender orqali aniqlangan.

@masofatalim

“Noto‘g‘ri o‘tkazilgan tanlov”

Darvoqe, oliy ta’lim vazirligi ichki audit boshqarmasi tomonidan o‘tkazilgan o‘rganish natijasiga ko‘ra, Raqamli ta’lim texnologiyalarini rivojlantirish markazining 1,9 mlrd so‘mlik tenderi bekor qilingan ekan.

@masofatalim

Raqamli “Aloqabank”dan reklamani “momosi”: karnay-surnaylar bilan avtobusda mahallabay yurib, yoshlarga kredit taklif qilishyapti 😁

@masofatalim

Islom Karimov: “Ulardan [Rossiyadan] o‘rganadigan narsa yo‘q”

Sobiq “Kamolot” YIH raisi Bahodir G‘aniyev Facebook’da yozmoqda:

“...Kamolotga raislik qilgan davrimda bir necha bor Rossiyaning Soyuz Molodeji (Yoshlar Ittifoqi) tashkiloti rahbaridan xat kelgandi, uchrashaylik, hamkorlik qilaylik degan.

Shunda biz Prezident devoniga murojat qilgandik, maslahat so’rab. Shunda davlat rahbaridan javob kelgandi - ulardan o’rganadigan narsa yo’q, unga kerak bo’lsa kelib o’rganib ketsin degan”.

@masofatalim

Vazir ma’lum qatlamga noutbuk tarqatishi yoki kontrakt to‘lab berishi emas, tizimli masalalar bilan shug‘ullanishi kerak

Tarmoqqa sizdirilgan xabarda bir talabaga vazir kontraktini to‘lab berib, noutbuk ham sovg‘a qilgani haqida so‘z boradi. Ko‘pchilik buni “zo‘r-ku” deyishi mumkin. Lekin ko‘pam unday emas.

Davlatning yordam mexanizmlari bor. “Daftarlar” tizimi ishlab turibdi. Banklar qizlarga imtiyozli ta’lim kreditlari beryapti. Kontraktda o‘qish avvalgidek qiyin jarayon emas.

Umuman, noutbukli bo‘lishni xohlaydigan, kontraktiga yordam qilinishi kerak bo‘lgan minglab talabalar topiladi. Bitta vazir hammasiga bu tomonlama yordam bera olmaydi.

Shunday ekan, bu kabi masalalarda muammolar bo‘lsa, tizimli yechimlar ishlab chiqilishi kerak. Vazirning asosiy vazifasi 1-2 ta talabaga kontraktini to‘lab berish yoki noutbuk sovg‘a qilish emas, kattaroq masalalar bilan shug‘ullanish bo‘lishi kerak.

Hay, mayli, yordam qilibdi. Savobga yoyamiz. Va aniq savolga o‘tamiz: bir necha yillardan beri talabalarning stipendiyasi indeksatsiya qilinmayapti. Oliy ta’lim vazirligi Qo‘chqorov va undan kattaroqlar bilan bu masalalarni muhokama qilyaptim? Takliflar ishlab chiqildimi? Stipendiyada qachon o‘zgarish bo‘ladi? Yoki ungacha vazirning o‘zi o‘zgarib ketadimi?

Masalan, muammo aniq — stipendiya. OTMlar kredit-modul qilib talabalardan to‘lovni olyapti. Ko‘pchilik OTMlarga esa moliyaviy mustaqillik berildi. Endi mana shu joyda stipendiyani ham OTMlarning o‘zini gardaniga yuklash bo‘yicha ishlar olib borilishiga nima halal beryapti?

OTMlar avvalgidek zararda emas, foydada. Raqamlashtirish reytinglarida yuqori o‘rinlarni egallab yurgan vazirligimiz negadir davlat OTMlarning 2025-yil birinchi choragidagi moliyaviy hisobotlarini e’lon qilmagan. Nafaqat bu yilning birinchi choragi, 2024-yilning oxirgi choragi bo‘yicha ham hisobotni hali ko‘rmadik.

Kattaroq muammolar tiqilib yotibdi. Stipendiyalarda yangilik bo‘lsin, o‘qigan talaba yaxshi stipendiya olishiga sharoit qilinsin. Shunda vazirmi, boshqasimi kontrakt ham to‘lab bermaydi, noutbuk sovg‘a qilishiga ham hojat qolmaydi. Yoshlarning o‘zi qolganini eplab ketadi.

@masofatalim

AOKA e’lon qilgan matbuot kotiblari reytingida vazirliklar ichida Oliy ta’lim, fan va innovatsiyalar vazirligi birinchi oʻrinni olibdi.

Joyi kelsa qattiq tanqid qilamiz-u, lekin oliy ta’lim vazirligi matbuot xizmati rostan ham bunga loyiq. Istagan soatda ularga yozsak, erinmay javob berishadi.

Albatta, bahslar boʻladi, e’tirozlar ham qilib turishadi, bu normal holat. Lekin ularning ochiqligi, tezkorligi va toqatliligini ham oʻrni kelganda e’tirof etish kerak.

P.S.: Bu chin dildan maqtov. Buni uzoq davom ettirsa ham boʻladi, ammo samimiylik yoʻqolmasin. Qisqa qilib aytganda, ular birinchilikka loyiq.

@masofatalim

AOKAning matbuot kotiblari reytingida agentliklar ichida Yoshlar ishlari agentligi matbuot kotibi ham yuqori oʻrinda qayd etilibdi.

Agentlik matbuot kotibi Nodir Abduqodirov va jamoasi aslida birinchi oʻringa ham loyiq edi. Hamisha tezkor ishlaydi. Har qanday OAVga doim ochiq.

Yoshlar bilan bogʻliq har qanday masala hech qachon ochiq qolmaydi.

Bu reytingni nafaqat matbuot kotiblariga, balki tashkilotlarning birinchi rahbarlariga ham qoʻyilgan baho, deyish mumkin. Chunki rahbar qanday boʻlsa, jamoa ham shunday shakllanadi.

@masofatalim

Toshkent tibbiyot pediatriya institutiga oʻqishga kiritish evaziga 13 ming AQSh dollari pul olgan texnikum oʻqituvchisi 10 yilga qamaldi

Fuqaro A. Toshkentdagi texnikumlardan birida dars berib kelgan. U o‘z o‘quvchisi bo‘lgan B. ni oliygohga kiritib qo‘yishiga ishontirib, undan 8 ming dollar oladi.

Biroq jinoiy ishi fosh bo‘lgach, u firibgarlik moddasi bilan sud tomonidan 2 yil-u 6 oyga ozodlikni cheklash jazosiga hukm qilingan.

Ammo fuqaro A. ushbu ishlardan so‘ng boshqa o‘quvchi M. ning ishonchiga kirib, uni Toshkent pediatriya tibbiyot institutiga o‘qishga kiritib qo‘yishga vaʼda beradi.

Fuqaro A. avval 16 ming, keyin yana 2 ming dollar talab qilan. 2023-yilning 7-avgustida fuqaro A. o‘quvchi D. dan 13 ming dollar olayotgan paytida qo‘lga olindi.

Jinoyat ishlari bo‘yicha Uchtepa tuman sudi ochiq sud majlisida 1982-yilda tug‘ilgan, muqaddam sudlangan S.A. ning qilmishini qonunan baholab, uni Jinoyat kodeksining 168-moddasi 4-qismi “a” bandi (firibgarlik) va 211-moddasi 3-qismi “a” bandida (pora berish) nazarda tutilgan jinoyatni sodir etganlikda aybdor deb topdi.

Ayblanuvchiga nisbatan 10 yil ozodlikdan mahrum qilish jazosi tayinlandi.

@masofatalim

Buxoroda 20 yoshli talaba o‘z joniga qasd qildi

2005-yil Navoiy viloyatining Nurota tumanida tug‘ilgan, Buxoro davlat texnika universitetida yangi qurilgan yotoqxonaning 1-qavatida yashab turgan birinchi kurs talabasi (erkak) o‘zini osib, joniga qasd qilgan.

U o‘limidan oldin xat qoldirgan. Xatda marhum o‘limi uchun hech kimni ayblamaslikni yozgan va o‘z ota-onasidan kechirim so‘ragan.

Holat yuzasidan prokuratura tekshirish harakatlarini olib bormoqda.

@masofatalim

O‘zbekiston qayerdan qancha qarz olgan?

So‘nggi ma’lumotlarga ko‘ra, O‘zbekistonning jami davlat qarzi 40,2 milliard dollarni tashkil etmoqda.

Pinkod ushbu qarzning qaysi tashkilotlardan olingani va mablag‘lar sarflangan yo‘nalishlarni oʻrganib, qiziq tahlil e’lon qilibdi.

Batafsil: https://www.tg-me.com/pinkoduz/537

@pinkoduz