تعلم تزين طبق ورق العنب 👌🍀

خبز الجبنة القريش – بديل العيش المثالي 😍😍😍
(سهل التحضير، خفيف، ومفيد)

المكونات:

1 كوب جبنة قريش قليلة الدسم 🧀

2 بيضة كاملة 🥚🥚

رشة فلفل أسود 🌶️

اختيارياً: ملعقة صغيرة من بذر الكتان المطحون أو السمسم أو الشوفان 🌾

توابل حسب الرغبة: ثوم بودر، بصل بودر، بابريكا، زعتر 🌿

الطريقة:

1. نخلط المكونات في الخلاط لو عاوزين قوام ناعم وسائل (أشبه بالكريب) 🌀

2. أو نهرسها بالشوكة لو عاوزين قوام سميك (زي التوست) 🍞

3. لو القوام محتاج، نضيف شوية زبادي أو لبن 🥄

4. نفرد الخليط على ورق خبز في صينية غير لاصقة 🧻

5. يدخل فرن ساخن لحد ما يتحمّر من تحت، ونشغّل الشواية ياخد لون دهبي من فوق 🔥

الفوايد:
غني بالبروتين 💪

قليل الكربوهيدرات ✅

بيساعد على الشبع لفترة أطول ⏳

بديل ممتاز للعيش لمرضى مقاومة الإنسولين والسكري 🩺

فطيرة حادق وحلو تحفه 🥐❤️
🥣 المكونات الأساسية للفطيرة (صينية واحدة متوسطة)

2 كوب دقيق أبيض منخول

1 ملعقة كبيرة خميرة فورية

1 ملعقة صغيرة سكر

½ ملعقة صغيرة ملح

½ كوب زبادي

½ كوب لبن دافئ (تزيدي شوية لو احتاجت)

¼ كوب زيت

1 بيضة (نصفها للعجينة ونصفها لدهن الوجه)

رشة فانيليا لو هتعمليها حلوة

للوجه: حبة بركة أو سمسم (اختياري)

كريم كراميل بالقهوة 🧡

المقادير:
• 5 بيضات
• 2 كوب حليب
• 2 معلقة كبيرة قشطة أو كريمة
• 1 معلقة صغيرة ڤانيليا سائلة
• 5 معالق كبيرة سكر
• رشة قرفة
• رشة جوزة الطيب (اختياري)
• 3 معالق كبيرة مياه
• ¼ كوب قهوة سريعة الذوبان

طريقة التحضير:
• حطي 5 معالق سكر مع 3 معالق مياه على النار وقلّبي لحد ما يبقى لونه بني فاتح، بعدين ضيفي النسكافيه وقلّبي، وصبي الخليط في القالب وسيبيه يبرد.
• في بولة، اخلطي البيض مع الحليب، والقشطة أو الكريمة، والڤانيليا، والقرفة، وجوزة الطيب، واضربيهم على سرعة متوسطة لحد ما يمتزجوا.
• صبي الخليط فوق الكراميل بهدوء.
• دخلي القالب في صينية فيها مياه سخنة (حمام مائي).
• دخليها فرن سخن على حرارة متوسطة (حوالي 160) لمدة 45 دقيقة.
• بعد ما يخلص، اختبريه بعود خشب، لو طلع نضيف يبقى استوى.
• سيبيه يبرد، ورشي على الوش شوية بن مطحون أو بودرة كاكاو، ودخليه التلاجة 6 ساعات على الأقل قبل التقديم.

بالهنا والشفا ♥️

بان كيك 🥞💛

المقادير:
1 و 1/2 كوب دقيق متعدد الاستخدامات
2 معلقة صغيرة سكر
2 معلقة صغيرة بيكنج بودر
1/4 معلقة صغيرة بيكنج صودا (كربوناتو)
1/4 معلقة صغيرة ملح
1 معلقة صغيرة فانيليا
1 كوب حليب دافي
2 بيضة كبار
1/4 كوب زبدة مذابة

طريقة التحضير:
• في بولة كبيرة، نخلط الدقيق مع البيكنج بودر، البيكنج صودا، السكر، الملح، والفانيليا.
• في بولة تانية، نضرب البيض لحد ما ينفش، ونضيف عليه الحليب والزبدة ونخفق كويس.
• نضيف المكونات الجافة على السوايل ونخلطهم بالمضرب اليدوي أو المضرب الشبكي لحد ما العجينة تبقى ناعمة ومتجانسة (قوامها يكون سميك شويه مش سايل).
• نسخن طاسة تيفال على نار متوسطة، وندهنها بنقطة زبدة أو زيت، وننزل مقدار مغرفة صغيرة من العجينة في النص.
• نوطي النار، وأول ما يبدأ يتحمر من تحت ويطلع فقاقيع على الوش نقلبه للناحية التانية لحد ما ياخد لون دهبي من الجهتين.
• نمسح الطاسة بعد كل واحدة بفوطة نظيفة، وندهنها بنقطة زبدة أو زيت بين كل بان كيك والتاني.

للتقديم:
قدميه مع عسل ومكعب زبدة او عسل وفواكه او شوكولاتة سبريد حسب الرغبة.

بالهنا والشفا ♥️

كريم بروليه 💛

المقادير:
• 4 صفار بيض
• 2 كوب كريمة
• ½ كوب سكر
• 1 معلقة صغيرة ڤانيليا سائلة أو بودرة
• 2 معلقة كبيرة سكر (للتوشيح على الوش)

طريقة التحضير:
• سخني الكريمة على نار هادية من غير ما تغلي، وخليها تبقى دافية بس.
• في بولة، اضربي صفار البيض مع ½ كوب السكر والڤانيليا لحد ما القوام يبقى ناعم وفاتح.
• صبي الكريمة الدافية على خليط البيض تدريجيًا مع التقليب المستمر.
• صفي الخليط بمصفاة، ووزعيه في طواجن صغيرة.
• دخلي الطواجن في صينية فيها مياه سخنة (حمام مائي)، وادخليها فرن سخن على حرارة 150 لمدة 30 لـ 40 دقيقة لحد ما يتمسك من الأطراف ولسه طري من النص.
• سيبيه يبرد تمامًا، وبعدين دخليه التلاجة 4 ساعات على الأقل.
• وقت التقديم، رشي 2 معلقة كبيرة سكر على الوش وشيليه بالبلوريزر أو تحت شواية الفرن على نار عالية جدًا لحد ما يبقى لونه دهبي ومكرمل.

بالهنا والشفا ♥️

الدوناتس 🧡

المقادير:
• 5 كوب دقيق
• 2 بيضة بدرجة حرارة الغرفة
• 1/2 كوب زبدة طرية
• 1 و1/4 كوب حليب دافي
• 1 معلقة كبيرة خميرة
• 1 معلقة صغيرة بيكنج بودر
• 1 معلقة صغيرة فانيليا
• 2 معلقة كبيرة سكر
• رشة ملح

طريقة التحضير:
• في بولة كبيرة، اخلطي كل المكونات وابدئي العجن من 10 لـ15 دقيقة لحد ما العجينة تبقى ناعمة وما بتلزقش.
• غطي العجينة بكيس نايلون وسيبيها تخمر لمدة 1 ساعة بالظبط.
• افردي العجينة على سطح مرشوش دقيق، وقطعيها بقطاعة دوناتس أو بكوب مدور حسب الشكل اللي تحبيه.
• لو هتعملي دوناتس عادية، استخدمي قطاعة فيها فتحة في النص.
• لو هتعملي دوناتس محشية، استخدمي قطاعة مدورة من غير فتحة في النص وسيبيها ترتاح زي ما هي.
• سيبي العجينة ترتاح بعد التقطيع نص ساعة.
• اقليها في زيت سخن بدرجة حرارة متوسطة، كل وش بياخد أقل من دقيقة، أو دخليها الفرن في صينية مدهونة شوية زيت وقلّبيها لحد ما تاخد لون دهبي.
• صفيها على مناديل مطبخ وسيبيها تبرد.

طريقة الحشو:
• بعد ما الدوناتس تبرد، استخدمي قمع حشو (أو كيس حلواني برأس حشو رفيع) واملَيها من الجنب بأي حشوة تحبيها زي شوكولاتة سبريد، كاسترد، كراميل، أو مربى.
• زيني الوش بسكر بودرة أو غمسيها في شوكولاتة سايحة أو آيسينج.

نصايح مهمة:
• اتأكدي إن الخميرة والبيكنج بودر شغالين وصلاحيتهم سارية.
• لازم العجن يستمر من 10 لـ15 دقيقة علشان العجينة تنعم وتخمر كويس.
• لما تفردي العجينة خليكِ حريصة ما تزوديش دقيق على الرخامة علشان ما تنشفش.
• لازم تكون العجينة سميكة شوية بعد الفرد علشان تطلع منفوخة وهشة.
• سيبيها ترتاح نص ساعة بعد التقطيع علشان تطلع خفيفة.
• الزيت ما يكونش سخن أوي، لازم درجة حرارته تبقى متوسطة.
• لو طلع معاكي خط أبيض في نص الدوناتس بعد القلي، اعرفي إن الوصفة نجحت.

بالهنا والشفا ♥️