زملائنا وزميلاتنا الأفاضل مازلنا بحاجة ل100 صوت حتى يتم قبول البحث للنشر .

شاركونا من فضلكم.
تعبئة الإستبيان حتأخد من دقيقة الى إثنين فقط منكم لكنهم يفرقو معانا هلبا باش ينقبل البحث .
المطلوب منكم هو تعبئة الإستبيان حسب اخر مقرر دراسي قريتوه عبو بشفافية في حالة انه المقرر السابق كانت فيه اي مشكلة من جانبكم .

لما تجربو ان شاء الله تنشرو بحث حتعرفو أهمية تجميع الداتا وصعوبتها .

المشاركة في البحوث الأكاديمية امر مهم جدا لأي حد ناوي يكمل مشواره بعد التخرج في الخارج وأيضا هني لإستكمال الماجستير والدكتوراء .

https://surveyheart.com/form/6696de3bca69904922c130d1

إستبيان حول أراء الناس عن التغير المناخي ومعرفة مدى معرفتهم ورغبتهم ومساهتهم في الحد من التغير المناخي الحاصل في ليبيا.


https://docs.google.com/forms/d/e/1FAIpQLScCWmgYod9z2Wz8GPZoztQYEmVUwEffm_AYOzuHyZWv1HIFrA/viewform?usp=header

بحث مشوق جدا عن استخدام الذكاء الإصطناعي AI مثل chat gbt وغيره في المجال الطبي .

شاركونا ويرحم والديكم 🩷

https://docs.google.com/forms/d/1wHpxPHElRKuERzOnJ-IMKDvBFWqjZwva7cNqGXuuB34/edit

السلام عليكم ورحمة الله وبركاته.
لوفي حد دار Attachment pediatric
ويبي يخش للسليكشن ومايعرفش من وين يقرا يتواصل معاي
@amira_elferjani

منقول

السلام عليكم

للاستفادة الجماعية بوست توضيحي بخصوص الزمالة الليبية لان الكل حاير وعنده نقص في المعلومات حبيت نوضحلكم ..

>>>>>>>>>>الزمالة الليبية<<<<<<

الزمالة: البرنامج التدريبي الذي يخول إليك الحصول علي صفة الأخصائي ومن ثم الاستشاري في التخصص.

الامتحانات:
1_امتحان القبول
2_امتحان الجزء الاول.
3_امتحان الجزء التاني (الكتابي)
4_ امتحان الجزء التاني السريري(الاوسكي).

المواعيد:
السلكشن يفتح مرتين ف السنة شهر 2 وشهر 7 ..

حاليا: يفتح التسجيل للسلكشن شهر 5 يستمر لمدة شهر والامتحان شهر 7 ..

متطلبات التقديم للسلكشن :

كشف درجات مع الايفادة + رسالة تزكية 2 من المستشفى المعتمد الي تتدرب فيه ونموذج تعهد واقرار من الموقع تسحبهم
(تلقوهم موجودات ف الصورة) ،
تسجل ف المنظومة (عن طريق رابط موجود ف الموقعاهم شيء الوراقي يكونوا مضغوطات اقل من ٣ ميقا موجودة التعليمات ف الفيديو ، وبعدين تقدم وراقيك في مكتب الزمالة الليبية ف مجلس التخصصات الي جنب مستشفى الخليل .

🚨هل لازم نكون خادم 6 شهور في المستشفى للدخول للسلكشن؟
الاجابة: مش شرط يبو مرور 6 شهور علي التخرج وليس العمل ف المستشفى + لو قدرت تحصل رسالة تزكية من دكتور حتى خلال شهرين من خدمتك ف المستشفى مقبول..

الشرح ( متخرج ليك 6 شهور ولكن تدريبك ليه شهرين يحقلك تخش للامتحان لو حصلت رسائل تزكية .. ال6 شهور ليها علاقة بالتخرج مش بالخدمة ف المستشفى )..

🚨هل لازم نكون موقع عقد او عندي تعين او عندي رمز مالي ؟
الاجابة : لا ولايوجد لصحة الأقاويل هادي ..

كيفية التقديم للتسجيل :

خشو رابط الفيديو للاستفادة وكيفية التسجيل
https://youtu.be/Alg323OFfNI?si=5vw2iCpXRNSCK2LI
موجود ف موقع التخصصات الطبية.
.................................................................

🟤امتحان الجزء الأول : تكون بعد سنة من السلكشن ..

⚪️الجزء التاني الكتابي : بعد ٣ او٤ او٥ سنوات من الفيرست وعلي حسب كل تخصص وسنواته لازم تكمل تدريبك ..

🟣الكلينيك: مباشرة بعد السكند لو التسجيل قاعد مفتوح حتى ولو بشهر او اسبوع من نجاحك ف السكند تخش طول عادي.

🟥 ملاحظة:
في كل تخصص في بحث بديره وبتقدمه تبدا فيه من بعد اممتحان الجزء الاول ومدابيك تكمله وتقدمه قبل امتحان الجزء التاني.

...............................................................

الاسعار :
السلكشن: ١٠٠دينار ليبي..
الفيرست بارت: ٢٠٠ دينار ليبي..
السكند بارت:٢٠٠ دينار ليبي..
الكلينيك: ٣٠٠ دينار ليبي...

في البوست صور موضح بها الأسعار .

عدد المحاولات المسموح بيها في كل امتحان :

السلكشن: غير محدودة
الفيرست: ٦ محاولات .
السكند: ٥ محاولات..
الكلينيك: ٣ محاولات .
.........................................

...........................................

بالنسبة للماتيريال للامتحان: لايوجد مادة علمية موحدة اغلب الي خشوا قروا بروحهم فيديوات وتسجيلات ويوتيوب والخ يعني بتعبى بروحك ..

...............................................

بالنسبة لكل تخصص عدد السنوات ،الروتات المفروض تغطيها فكل تخصص،المواد المهمة ، العمليات المفروض تنجزها ف التخصصات الجراحية ، التفاصيل المتعلقة بكل تخصص تلقوها بالتفصيل ف نموذج تنزلوه من الموقع اسمه [ الائحة الداخلية] كله بالتفصيل الممل .

المواقع الي تحصلوا منها المعلومات:

https://lmb.ly/

الموقع فيه النماذج والاسعار وتقريبا كل الاستفسارات ،، ومواعيد الامتحانات، والنتائج كل شيء .

وفي صفحة مجلس التخصصات الطبية علي الفيس بوك.

حاولت نفيدكم بكل المعلومات لان شبه اي حد تسأله ميعطيكش معلومات صح وكلها تتناقل بدون اي إتبات واضح ...