يا بعد عمري وهلي
تدري غيرك ما إلي
وين رايح يا علي
وين رايح
…
يبو طول الحلو والعيد ملگاك
حياتي بشوفتك والموت فرگاك
سكت وصاح دمعي الله وياك
يبعد الروح روحي اشلون تنساك

ردت اشبع شوف منك يبويه
ما ترد لخيامي چنك يبويه
كربله تبعدني عنك يبويه

آنه ودموعي طحت
تروح روحي لو رحت
گلبي لاچمني وصحت
وين رايح
…
شبگتك والگلب سولف بالوداع
وبچينه اثنينه وطحنه عله الگاع
يتعب سنيني انته و التعب ضاع
بعد وكتك يبويه تروح شبساع

گلبي شيّب وانت يمي يغالي
ويبس بالشريان دمي يغالي
اكبر من الدنيه همي يغالي

لو ضوه الدنيه ابتعد
بعيني ما اشوفن بعد
وين رايح يالولد
وين رايح
…
انه اباب المخيم رايح وراد
صعب والله صعب يفراگ الاولاد
اصبّر روحي بس الصبر ما فاد
علي بويه الولد للشيب ينراد

گلبي خليته اعله درعك يگلبي
بكربله خايف اضيعك يگلبي
بلا گلب ابقه من اودعك يگلبي

الدنيه دارت بالعكس
اليوم ما يشبه امس
ظلمه وعيونك شمس
وين رايح
…
تره اليفگد ولد شماته يحچون
رحت وبروحتك ما ظلت عيون
واحاچي الروح اذا ما يرجع اشلون
خواتك وامك بفگدك يموتون

صحت بدموع المصيبه يليله
اندعي لله بحبيبه يليله
سالم وليدچ يجيبه يليله

خطوة وداعك ألم
صاب گلب امك سهم
الگاع صاحت والخيم
وين رايح
…
انه اباب المخيم واسمع صياح
علي يا بو علي من المهر طاح
وتوذر جسمه بين اسيوف ورماح
وراحت روحي من گالو علي راح

شفته فوگ الرمل جسمك يلاكبر
تمددت بالگاع يمك يلاكبر
موذر وبچفوفي المك يالاكبر

حزني بغيابك بده
اتشمتت بيه العده
عفت ابوك لوحده
وين رايح
…
خادم الحسين ( عليه السلام)
كرار حسين الكربلائي
( ابو كميل )

يهلال الشهر
هم عندك خبر ؟!
الليله بيا عزه
يبچي المنتظر
...
يا محرم من تجي وانظر هلالك بالمصيبه
اذكر المهدي ‏الغريب اشلون يبچي اعله الغريبه
كل سنه تمر بعذابه وشيبه يكثر شيبه شيبه
شما ذكر طاري المخيم گلبه يسعر من لهيبه

دموعه الهامله
ترسم كربله
وعيونه اشكثر
ذبلها السهر
...
من يشوفك ياهلال اتذوب روحه وتغفه يا عين
اتميل العمامه عله راسه
لو تذكر اعمامة حسين
يگله ياجدي اعله راس الرمح راسك والجسد وين
لياوكت مذبوح وانه دموعي حمره مرت سنين

كاتلني الحزن
وانت بلا دفن
للشيب خضيب
شيبني الدهر
...
يا هلال اسأل سؤالي وبيمن ابدي والحچي هواي
ما تگلي شيحچي گلب المهدي لمن يشرب الماي
يذكر العباس لو يذكر سُكينه وحيرته بهاي
لو ذكر عبد الله ضامي الف موته يموت مولاي

شما يذكر هله
يلعن حرمله
يبچي لوحده
مكسور الظهر
...
بهاي ايامك اشوفه لكربله يروح بيا رزيه
يطب لخيام الحسين ويذكر النار يم رقيه
مثل زينب روحه تركض فوگ تل الـ زينبيه
يصيح يا عالم هظيمه انشاف طول الهاشميه

الضربو عمته
يبچي بحِرگته
يذكر بت علي
لو جدمه عثر
...
من يشوف النوگ يتذكر سبايه ما رعوها
مدللات ام الحسن بحبال خشنه چتفوها
طفله طگوها بمتنها ولون تبچي شتموها
وطفله حرموها من ابوها والتراچي سلبوها

يا شهر السبي
بچيت النبي
ايامك حزن
وساعاتك قهر
...
خادم الحسين (عليه السلام)
كرار حسين الكربلائي
(ابو كميل)

انت اكبر من الزمن يا بالفضل
عندك امانه الضعن يا ابالفضل
عينك لخيتك وطن يا ابالفضل
...
بكل المسافات اترك علامات
علّيها فوگ السمه الرايه بيدك
ربيتك اسنين لعيون الحسين
بداعة حليبي تضحّي لعضيدك
اسمك يعباس للخوه مقياس
ترفعلي اسمي اذا توگع ايدك

حسين اغله من الذهب يمه الولد
وفّي الربه والتعب يمه الولد
يالانته مالك مثل يا ابالفضل يا ابالفضل
...
يچبير الاولاد هالوگفه تنراد
إحذر تدوس التراب اليدوسه
بسمك يناديك واتگلّه لبيك
اتدنگ اريد اعله چفه و تبوسه
ابطول الدرب كون لحسينك امتون
انته عصاته وابو اليمه موسى

هارون اريدك اله نعم الاخو
وايگلك بكربله نعم الاخو
بكل ليله گمره تهل يا ابالفضل يا ابالفضل
...
اوصيتي المهمه زينب ييمه
هاي الامانه الچبيره برگبتك
بين المحامل صيرلها كافل
هذا الهوه تعوفه واتنفس اختك
يا بو الفضايل صيرلها كافل
بيضلي وجهي ييُمه اعله بختك

بالك تحس بغرب بت فاطمه
صير لجدمها ترب بت فاطمه
دللها دامك عدل يا بالفضل
...
لمن تقاتل هب يا بو فاضل
اطبگ سماها وارضها سويه
بين الميادين اشّر للحسين
دگ صدرك وگله ذوله عليه
يا سيد الماي من توصل الماي
اتذكر اعيون سكينه رقيه

دگ رايتك يا گمر فوگ النهر
صير اعظم نهر فوگ النهر
واذكر شفاه الطفل يا ابا الفضل
...
يتهشم الهام وبصدرك اسهام
فدوه يسارك يمينك والعيون
يا شيخ الرجال يبني اعله كل حال
زينب والحسين اريدن يرجعون
ادري بإبائك ادري بوفائك
راح ابقه اتانيهم بدرب الضعون

لو عندي عشرة ولد فدوه اله
وبالدنيه كلشي أعد فدوه اله
انت التعدل الحمل يا ابا الفضل
....
خادم الحسين(عليه السلام)
كرار حسين الكربلائي
(ابو كميل)

يا ابالفضل روح والروح فدوه لفاطمه
امك واناديك ادريك ليث الموزمه

تجيب الفرات ومايه
منك اريد حچايه
يعباس
...
گبل توديعي يبني تعال اتدنه مني
يبو فاضل صحت ارد اوصيك

تكفل بالضعينه هله بنجم المدينه
تسد عين الشمس رايه بيديك

علي چنك علي
ولي ونعم الولي
ييمه هذا يومك شد الحزام

اريد اسمع خبر
وفه عهده الگمر
اشيلن راسي بيك بطول الايام

يعصابة الراس عباس يا اغله ولد
حان الوعد حان آذان ساعات الشدد
ادري توّفي ويايه
منك اريد حچايه
يعباس
...
نبض گلبي وحنانه
الك زينب امانه
مكان ام الخدر بين العيون

تحط عينك عليها
الهوه ما يمر بيها
ردت هذا الضعن شيخ الضعون

يسلطان الشيم
تحجبها بعلم
يظل محملها يا عباس مهيوب

اريد بهالسفر
تغطي كل اثر
اثر ناگتها امسحه عن الدروب

زينب ضوه العين وحسين عيني والضوه
هودجها معصوم كل يوم غطي باللوه

تغطي الخدر بالرايه
منك اريد حچايه
يعباس
...
اعله گاع الطف اريدك
مخيم تبني بيدك
عليه توگف حرس اربع اركان

مخيم چنه كعبه
مثل زينب تحجبه
ابد ما ينلمس ينحسب قرآن

تطوف اعله الخيم
يشيال العلم
وتضويه يا گمر لو چلچل الليل

تنادي بكربله
بأمان العايله
حلم توصل اله الخياله والخيل

يا بت علي صيح والريح ما توصل الچ
بالغيره معهود موجود يمچ كافلچ

گلها الخيم بحمايه
منك اريد حچايه
يعباس
...
اذا يضمه المخيم
اريد اتصير زمزم
تشد اعله الحرب يا بو فاضل

تذل هيبة زلمها
وتطشرها وتلمها
تذكرها بعلي لمن تقاتل

اريد الزلزله
تصير بكربله
الزلم فوگ الزلم والموت عالموت

ونعم يا ابالفضل
تذل وما تذل
اريد الخيل للخياله تابوت

من توصل بزود بالجود يم المشرعه
لو رفرف الواك وهناك يوم الواقعه
للموت صير مرايه
منك اريد حچايه
يعباس
...
يبو فاضل اريدك
تضحي بدم وريدك
تره چفوفك نذر للزچيه

بوفائك يغله ناسي
اشيلن دوم راسي
نذرت اربع ولد بالغاضريه

بنيني تنذبح
ولا حس بجرح
الجرحني حسين فوگ الرمح راسه

عمت عيني گضه
ضلوعه مرضرضه
يريت يدوسني حافر الداسه

بعدك يعباس والناس تسبي زينبك
بين العده تروح بالنوح تبقه تندبك

ماقصرت ويايه
منك اريد حچايه
يعباس
...
خادم الحسين ( عليه السلام)
كرار حسين الكربلائي
( ابو كميل )

انتم اعز من روحي وعيوني عليه
عذروني لو بيدي ازفكم للمنيه
عندي المهم حسين متهمني البقيه
يا بنيني
...
سلاماً يا بني حيدر
اعله خدي دمعتي تعثر
ضعنكم عني لو سافر
جرحكم بالگلب يكبر

انه امكم واترس الدنيه بحنيني
اذا ونيتو ما اگطع ونيني
بنيني واعرف بدمكم حسيني
واريد حسين منكم يا بنيني

اعله حسين اوصيكم ولا وصيت بيكم
يا ولدي ماي الوجه صار ابين اديكم
انه اعتمادي صار بالله وعليكم
يا بنيني
...
تروحون والله وياكم
يولدي وروحي تنخاكم
وصيتي حسين مولاكم
تبيعون لخاطره دماكم

وصيتي وياكم احچيها بدمعتين
يهنيال اليبيع العمر لحسين
اريد اسمع خبركم بالميادين
ابد ما گصرو ولد ام البنين

حي الله ترباتي اليشيلون العوالي
ولدي وردت بيرغكم
تخلونه عالي
شما صرتو غالين الحُسين اليبقه غالي
يا بنيني
...
تطيحون دره يم دره
وگمركم ينكسر ظهره
اخوكم جمرته بصدره
يصدكم وذر عالغبره

اخو ويفگد ثلاث اخوان يا ناس
اعله فرگاكم تطيح دموع عباس
وداع الاخوه مثل الموت ينقاس
من ابو فاضل احس تموت الانفاس

عباس اريدك ما تبين دمعة العين
وتگله اخوتي فدوه لعيونك يالحسين
دين بذممكم وانتم توفولي بالدين
يا بنيني
...
المصيبه طيحة الكافل
والحسين منحني ومايل
ونينه ونة الثاكل
ينادي وين ابو فاضل

يعباس انگطع گلبي اويه الچفوف
سهم عينك عماني وبعد ما شوف
اخوكم وحده يبقه بگاع الطفوف
بعد عباس جسمه اتنهبه السيوف

عباس يم چفوفك
دموعي اهلها
عباس حيره حيرتي زينب شگلها
بت فاطمه بعد الگمر يثگل حملها
يا بنيني
...
اويلي لحال ابو اليمه
اويلي ينهدر دمه
اويلي ينسحگ جسمه
اويلي ينسلب هدمه

عمت عيني اعله اخته تشوفه مسلوب
قميصه مسلب وبدماه مخضوب
تگله خيام ماكو وجانه الغروب
مثل گلبك يخويه گلبي مصيوب

وتگله يمك يالاخو وباچر سبيه
باچر يخلون الحبل بچفوف اديه
زينب يسموها بعدكم خارجيه
يا بنيني
...
خادم الحسين(عليه السلام)
كرار حسين الكربلائي
(ابوكميل)

بعيونه نور ونار
يشبه علي الكرار
الاكبر يسمونه
فنهم يلاگونه
...
أذّن أذان الموت والمعركه اندارت
والغاضريه اليوم مثل الحشر صارت
ما تدري الاكبر صال لو حيدره حارت
وبصارمه المهيوب روس الزلم طارت

الخياله ويّه الخيل
من عنده شافت ويل
والمعركه فنونه
فنهم يلاگونه
...
اربع جهات الجيش بچفوفه لازمها
معنى الحرب والسيف بالحومه علمها
منه كفو ونعمين طشرها ويلمها
من طبها خل الگاع تتوضه من دمها

حي الله الاكبر راح
منها قبض ارواح
كبّر يسمعونه فنهم يلاگونه
...
من كنز هاشم لاح عالمهر ياقوته
هل من مبارز صاح محد طلع صوته
يحچي وكأن الجيش سبعين الف موته
والبارزه بميدان يحضروله تابوته

كله إبه ونوماس
بي غيرة العباس
لون الگمر لونه فنهم يلاگونه
...
لو ما الغدر هيهات منهو اليصل يمه
راسه انطبر بالسيف ويلي ونزف دمه
ادركني بويه يصيح واتعنه ابو اليمه
اتمدد بكتره ينوح ويشبگه ويشمه

واعله المخيم صاح
يا ليل الاكبر راح
لو ما يغدرونه فنهم يلاگونه
...
خادم الحسين ( عليه السلام)
كرار حسين الكربلائي
( ابو كميل )

سافر ولا تهتم
عالغربه اتعلم
تستاهل دموعي
يالعطشت زمزم
مودعه الذكريات
من دون البنات
...
فدوه لهالدموع لا تحني الضلوع
تفهم حچي النار من تبچي الشموع

من گتلي ارحل لونك تبدل
وشفتك يغالي گدامي تذبل

يعيون العليله تروح خلهن يعمن عيوني
اشلونچ من يسألوني شحچي بفگدك اشلوني
لا تستغرب من تروح بعدك ميته يلگوني

ماخذ ضعن روحي
وآنه ابقه بجروحي
ودموعك تگلي
سميني مذبوحي
حلم اسنيني مات
من دون البنات
...
الدنيه بصراحه ما بيها راحه
وآنه اقره بعدك طور المناحه

كلمة رحيلي تهدملي حيلي
بچف البواچي ينيمني ليلي

آنه ودمعتي والليل نترافگ بعد عينك
الگاع اترسها بغيابك بيمته ترجع اوينك
ضميت العتب بالشيب عن لا اسمع ونينك


وعيونك تگلي
يا فاطمه ظلي
شتامرني بالخدمه
سافر يبعد اهلي
بدموعي ابات
من دون البنات
...
شيخ المدينه تروح بضعينه
ويا بويه تدري ابنيتك حنينه

حلم الطفوله بدمعي اگوله
مودع يغالي بالله ورسوله

گلت مودع الله وياك وانه الهم يظل وياي
بس طيفك يظل بعدك بين عيوني رايح جاي
ما ادري شعجب يحسين يلچم روحي طاري الماي

وبأربع سنيني
ما فارِگ ونيني
راح اكبر بفگدك
ومشيبه تلگيني
تهظمني الحياة
من دون البنات
...
ايامي ضاعن ودموعي طاحن
اخذت حياتي كلمة وداعاً

تودعني المن وعيوني يعمن
خليني مره لعطرك اشمن

ليل الما اشوفك بي مثل المكبره مو ليل
صدرك حصتي هاليوم اشتمه ويردلي الحيل
للطف باچر من تروح بويه يصير حصة الخيل

من تنطفي شموعي
ما تنشف دموعي
ضلعك يهشمونه
وتتهشم اضلوعي
ارسومي ذابلات
من دون البنات
...
غراب المنيه يوصل اليه
يسولفلي عنك بالغاضريه

ويگلي ذبحوه ويگلي سلبوه
ويگلي سحگوه وعالغبره خلوه

ريت السلبك يحسين من گبلك يسلبني
ذباحك يماي العين كون بسيفه يذبحني
واصرخ عيف ابوي وهاك روحي ولا تيتمني

اتخيل ابالي
زينب بلا والي
وتنادي يا عباس
شافو تره خيالي
عمي اعله الفرات
من دون البنات
...
خادم الحسين ( عليه السلام)
كرار حسين الكربلائي
( ابو كميل )

العليله

ياحيرتي مابين الضعون
ابچي لهلنه وهم يبچون
ابعيني دمع حمامه
گالو مع السلامه وهم يبچون

ابكثر مايمهم بجيت النوك عثرت بالدمع
ومثل ضلع الزهره كسّر باب الموادع ظلع
علتي وفراگ أهلنه اثنينهن نار وشمع
ساكتين اگبالي كلهم بس بچيهم ينسمع

يعيوني صحت النوم مكروه
باجر تسافر هاي الوجوه
جفني زعل منامه
وكالوا مع السلامه وهمه يبچون

النوك تمشي اگبال عيني واحس كل خطوه ابرمح
ليش ما اخذوها اهلها بحجي الشمات انجرح
هيه التفارك ابوها ايظل عمرها ابلا صبح
اعيوني بعد اعيونه تعمه وشوف بيهن مايصح

راحو هلي وعيوني عالباب
والموت يعني افراك الاحباب
فارگت الابتسامه
وكالو مع السلامه وهمه يبچون

گلب اليفارگ حبيبه ينحسب ليله سنه
بعده خمسه اعوام عمري امشيبه وظهري انحنه
الناس تمشي المِنه ومكه وفارگت مكه ومِنه
صحت ليش ابقه غريبه مو ابنيتكم أنه

فارگني گلبي وعالضعن طاف
هيه العليلة اشلون تنعاف
وضل الدمع علامه
وكالو مع السلامه وهمه يبچون

سافرن كلهن خواتي ظَلْ يگلبي اهنا غريب
من زغر سني ابفرحتي ما إلي قسمه ونصيب
العتب ضميته ابدمعتي العتب شيودي شيجيب
والحبايب كلها راحت راح اضل ابلا حبيب

عبدالله ناغاني وبچه اهواي
ودموعه گالت امشي وياي
بس ماخلص كلامه
وكالو مع السلامه وهمه يبچون

عج غبار الظعن يرسم صور وانه امحيره
صوره بيها گمر طايح هذا سبع الگنطره
وصوره بيها شمس تنزف هذا ابويه ومنحره
وشفت نجمه بناگه تبچي هذي عمتي اميسره

واسمعلي صيحه وسكت كل صوت
اختچ رقيه بالسبي تموت
المارجعوا ابسلامه
كالو مع السلامه وهمه يبچون

خادم الحسين ( عليه السلام)
كرار حسين الكربلائي
( ابو كميل )

ليل السفر گضيته ابصـلاتي و دعـائي و ما غفت عيني
اتوسلك حـبـيـبي ابضعنـكـم اخـذني و لا تـخـلّـيـني
بويه آنه من المرض نحيله
بويه لا تكسـر گلـب عليله
يا دوه العليله
...
من گـلـت باچـر سفـر حيلي هدمته
الليل كـلّـه ما نمـت و اعيـونـك انته
تحچي وي ام الوفه و حچيك سمعته
اتگلها عيـنـچ عالعليله و تبچي سكته

بچيت الكلمتـك عليّـه اوصيتـك
عزيــزه ابنيّـتـك يضـي عيني
احلفك بالحسن اخذني بالضعن
يعذّبني الـزمــن يضـي عيني

ويّاك اريـد اسـافـر حيـاتي بدونـك معنى ما بيها
و ابنيـتـك الحبيبـه عليـلـه يغـالي لا تبـچّـيـهــا
عمري غربـه لو مشـه خليله
بويه لا تكســر گلــب عليله
يا دوه العليله
...
انته ما جارحني كل عمري و حياتي
اتگول اعـز منّ الهـوه عنـدي بناتي
آنـه ادري ابروحـك اشگـدها غلاتي
گِـلّـي ليش اتعوفني و تاخذ خواتي

ابرحيلك والسفر يشيّـبـني السهـر
اموت امن القهر اذا تـرحــل
حيــاتي ذابـلــه دمعتي هامـلــه
اخذني الكـربلـه اذا ترحــل

يتمنـه گلبي يرتـاح اخذني و غلاتك راحـتـي يمـك
لمن تنادي باسمي أقل شي اذَكرك ابفاطمه امّـك
گلبي خايف سفرتك طويله
بويه لا تكسـر گلـب عليله
يا دوه العليله
...
اتهيأت للسفــر لارض الغــاضـريّـه
و صحت اصعدن يا سكينه و يا رقيه
اشعجب چفك بويه ما اشـــر عليه
من گلتلي ظلي تدري اشصــار بيـه

اعله وجهي طيحتي و اخـذت ارويـحـتي
دخيـلـك صيحـتي صعـب بُعدك
وگعت اعله الترب بچيت امـن الگـلـب
أشمــن بالــدرب صعـب بُعدك

طفله و كسرني وكتي و اكفـكـف دمعتي ابطارف احجابي
و اتحــذّر ابـكــلامي اخــافـن تجرحك كلمـة اعتـابي
احچاية انتي ظلي مو قليله
بويه لا تكسـر گلب عليله
يا دوه العليله
...
انته بعـدك ما مشيـت و گلبي محتار
اشلون لو صار الغروب و خاليه الدار
عـاد خلّـيـلي قميصــك يبقــه تذكار
وَلو هيّــه النــار ما تتطـفّــه بالنــار

وداعك مو سهل ابـد ما ينحـمـل
دمعتي دم تـهـل بـعـد عيـنـك
رحيـلـك غربتـي وجودك فرحتي
اشيداوي علّتي بـعـد عيـنـك

انته الحنيـن اعرفـك تگــلـي تعــالي و خاطري اتجبره
حاچيلي عمي عباس اريـده بالضعون محملي ايحَضره
اوياك اخذني الخاطر العقيله
بويه لا تكســر گلــب عليلــه
يا دوه العليله
...
رحتو و آنه اركض وراكم ياهل الضعون
رحتو و آنه ابچي عليكم و انتو تبچــون
اعليّـه ما خفتوا اموتـن مــن تروحـون
بالسلامه ان شالله كلـكــم ترجعــون

الگلب حس بالخطر يگــول ابهالســفــر
يموت اشچــم گمر يبـواليمّــه
يذبحـون كـل هلـي و حرمـنــه تـنــولي
ولا تــرجَـــع إلـــي يبـواليمّــه

ابعالم خيالي شفتك يذبحوك يسلبـوك حتّى العمامه
و بت فاطمه الحبيبه غـريبـه و گمـرها امهشَّم الهامه
والضعن يرجـع بلا كفيله
بويه لا تكسر گلب عليله
يا دوه العليله
...
خادم الحسين ( عليه السلام)
كرار حسين الكربلائي
( ابو كميل )

يا خزرة عين العباس
والعسكر دگ راس براس
هز الرايه وگال حچايه
چفي بچف حيدر ينقاس
علي علي ابو فاضل علي علي
...
ما يذل بالحومه حاشه
بصارمه العسكر تلاشه
بكربله ساقي العطاشه ينقاس بجيش

رايته غيمه بسماها
والسمه صلت وراها
كلمته بالطف حچاها
احرمها العيش

من دخلها الحومه كلها دخلت بإنذار
طبها وحده وهو عنده غيرة الكرار

خلاهم وسط الميدان
فرسان تلوذ بفرسان
صاعد مهره منهو يعبره
هذا ابن القالع بيبان
علي علي ابو فاضل علي علي
...
يا هله بشبل الصميده
صارمه يكتب قصيده
والشرد منهم يصيده وين يشردون

لايگه لچفه القياده
بس اله تحله السياده
بالحرب ما تبقه قاده
منه يرجفون

لا مقاتل لا مُنازل
لا مبارز شاف
هيبه اسمه فدوه لاسمه
كلها منه تخاف

يوم الطف واقع مو طيف
الطلّع راسه انحز بالسيف
هذا الكافل حي ابو فاضل
سيفه يشبهه وما رد ضيف
علي علي ابو فاضل علي علي
...
حيدري وكل روحه غيره
والنعم بدر العشيره
صولته بالطف چبيره
ما خله عقول

عالخيم سلّم وصله
ما گدر عسكر يصله
والالف يحسبها قله
العسكر مذهول

ماكو زلمه يدنه يمه
والدناله يموت

شسوه بيهم شد عليهم
ماتو من الصوت

صيحاته تگول اسرافيل
يشبه غضبة جبرائيل
كلشي يلوحه ياخذ روحه
بسيفه ايسبّح عزرائيل
علي علي ابو فاضل علي
...
رايته عالشاطي لاحت
والنهر وجروفه طاحت
المشرعه بحروفه صاحت
اهلاً مولاي

والنهر شافه تقدم
يعتذر منه وتندم
يا گمر هو انت زمزم
يا شيخ الماي

روّه جوده بكل وجوده
وعالمخيم راد

ثاني صوله ثاني جوله
بسم ابو السجاد

يبحر بيهم يشبه نوح
گال الماي اغله من الروح
والبوجودي يوصل جودي
من يمي بلا راس يروح
علي علي ابو فاضل علي علي
...
للأجل بانت إشاره
ما خضع تاج الغياره
بالغدر گطعو يساره
وجوده بيمناه

طاحن اليمنه اعله يسره
وجربته حطها اعله صدره
عالخيم بعيونه نظره
آه وچم آه

والله وسفه عينه تطفه
بالسهم يا ناس

جفوفه طاحت روحه راحت
والعمد عالراس

من طاحت منه الچفين
بيهن كسرو ظهر حسين
من رد ينحب صاحت زينب
ها يبن امي الكافل وين

علي علي ابو فاضل علي علي
...
خادم الحسين ( عليه السلام)
كرار حسين الكربلائي
( ابو كميل )

عن عيني لو ردتي تروحين
وين انطي وجهي يم الحسين

تدريني اشتاگ .. مابيه حيل افراگ
~~~~
ذبلانه اشوفچ يالحنينه وخافت الصوت
كلشي ولتگليلي حضر ليّه تابوت
يالزهره والزهره علي من بعدچ إيموت


هدت عله الخد دمعتي وإتصيح الجروح
المن تظل ابدنيتك لو فاطمه أتروح
بعدچ تظل سلوة حياتي الآه والنوح


عوفي الرحيل وظلي وياي
لو رحتي ماترحمني دنياي

اعليچ الحزن مالاگ مابيه حيل افراگ
~~~~
اگبالچ اضم دمعي اليصب وأبحرگه ناديت
مابيچ غير العافيه ياشمعة البيت
بعدچ شسوي ابعمري لو بالدنيا ظليت


دنياي خوفي وروحي محتاجه الأمانچ
يم الحنان ولاتحرمينه حنانچ
باچر اموتن لو شفت خالي مكانچ


گومي اعله طولچ يالحبيبه
بعدچ علي إيطول نحيبه

عايش ابديره اشواگ مابيه حيل افراگ
~~~~
صدّي عليه وعوفي بالله طاري الُوداع
وشوفي دمعتي الخضّرت شيبات بالگاع
عافيتچ ابروحي اشتريها لون تنباع


باچر تگومين ابسلامه وننسه الدموع
يافاطمه إيطيب المتن وأتطيب الضلوع
للفرحه مو للوحشه باچر نعلگ اشموع


توى العمر بادي وبعدنه
ردنه سوى انكبر وِلِدنه

ابروحي جمر حرّاگ مابيه حيل افراگ
~~~~
اعليمن يبعد اهلي اشوفچ گوه تحچين
شو ناسيه كسر الضلع وأعليه تبچين
والله علي كل حيله ينهد من تموتين


يالزهره مو چنه سوى والعيش محلاه
عالدفع بابچ والظلمنه حسبي الله
خلانه نتوادع وداع الموت والآه


يافرحه مامقسومه اليّه
اخفي الحزن والبيّه بيّه

طعم الألم ينضاگ مابيه حيل افراگ
~~~~
يازهرة الدنيا ابغيابچ يظلم الكون
طبع اليودعله حبيب إيعيش محزون
يكتم شعوره بس تفضحه ادموع العيون


ياما تقاسمنه الألم ياما صبرنه
ابليل وضحى وسفه انتهت عشرة عمرنه
امر الله هذا ولله سلمنه امرنه


شگد صعبه من اتموت الإعزاز
وبأغله ناسك تمشي جنّاز

من عيني حلمي انباگ مابيه حيل افراگ


*كرار حسين الكربلائي*

عن عيني لو ردتي تروحين
وين انطي وجهي يم الحسين

تدريني اشتاگ .. مابيه حيل افراگ
~~~~
ذبلانه اشوفچ يالحنينه وخافت الصوت
كلشي ولتگليلي حضر ليّه تابوت
يالزهره والزهره علي من بعدچ إيموت


هدت عله الخد دمعتي وإتصيح الجروح
المن تظل ابدنيتك لو فاطمه أتروح
بعدچ تظل سلوة حياتي الآه والنوح


عوفي الرحيل وظلي وياي
لو رحتي ماترحمني دنياي

اعليچ الحزن مالاگ مابيه حيل افراگ
~~~~
اگبالچ اضم دمعي اليصب وأبحرگه ناديت
مابيچ غير العافيه ياشمعة البيت
بعدچ شسوي ابعمري لو بالدنيا ظليت


دنياي خوفي وروحي محتاجه الأمانچ
يم الحنان ولاتحرمينه حنانچ
باچر اموتن لو شفت خالي مكانچ


گومي اعله طولچ يالحبيبه
بعدچ علي إيطول نحيبه

عايش ابديره اشواگ مابيه حيل افراگ
~~~~
صدّي عليه وعوفي بالله طاري الُوداع
وشوفي دمعتي الخضّرت شيبات بالگاع
عافيتچ ابروحي اشتريها لون تنباع


باچر تگومين ابسلامه وننسه الدموع
يافاطمه إيطيب المتن وأتطيب الضلوع
للفرحه مو للوحشه باچر نعلگ اشموع


توى العمر بادي وبعدنه
ردنه سوى انكبر وِلِدنه

ابروحي جمر حرّاگ مابيه حيل افراگ
~~~~
اعليمن يبعد اهلي اشوفچ گوه تحچين
شو ناسيه كسر الضلع وأعليه تبچين
والله علي كل حيله ينهد من تموتين


يالزهره مو چنه سوى والعيش محلاه
عالدفع بابچ والظلمنه حسبي الله
خلانه نتوادع وداع الموت والآه


يافرحه مامقسومه اليّه
اخفي الحزن والبيّه بيّه

طعم الألم ينضاگ مابيه حيل افراگ
~~~~
يازهرة الدنيا ابغيابچ يظلم الكون
طبع اليودعله حبيب إيعيش محزون
يكتم شعوره بس تفضحه ادموع العيون


ياما تقاسمنه الألم ياما صبرنه
ابليل وضحى وسفه انتهت عشرة عمرنه
امر الله هذا ولله سلمنه امرنه


شگد صعبه من اتموت الإعزاز
وبأغله ناسك تمشي جنّاز

من عيني حلمي انباگ مابيه حيل افراگ


*كرار حسين الكربلائي*

یا شیعتي نصبوا العزا ونوحوا عليه...مذبوح ظامي ما اشربت قطرة اميه

حطوا المآتم واندبونی ابدمع ساکب...وابكوا على تعفير خدي بالترايب
اليكم يشيعه اتحملت هاي المصايب...حتى حريمي اتسلبت في الغاضريه

زوروا ضریحی عقب موتي واندبوني...وليمن شربتوا الماي ياشيعه اذکروني
تری متت عطشان ظامي ماسقوني...حز الشمر راسي وکبدي ملتظيه

ما واحد الا انصاب من قبلي ابفجيعه...لكن مصابي ما جرى مثله يشيعه
شفتوا احد ذبحوا على صدره رضيعه...قدام عيني اتعفر بسهم المنيه

يوم الذي شفته يلوح وذوب احشاي...شلته ورحت للقوم منهم اطلب الماي
جاه السهم من حرمله واتعفر احداي...ويده على ارقبتي لواها وشبح ليه

وابني علي اكبر من الميدان جاني...ويصيح يا بويه العطش غير ألواني
واتعذرت له وراح عني ولا لفاني...لكن نظرته على الثرى جثه رمیه

لو تنظروني يوم جبته يم لخدور...جسمه امبضع بالسيوف ودمه ایفور
وانا على العباس مني الظهر مكسور...من وقفتي فوقه اضلوعي منحنيه

والله مصابي ايفطر الصم الجلاميد...طول الدهر ما ينسى واحزانه اتزيد
واعظم عليه ادخول زينب مجلس ایزيد...ويا اليتاما ادخلت حسرى ومنسبيه

*الشاعر المرحوم الملا سعيد العرب*

أهي فرگه يبو اليمه
واگولن تخلص الفرگه
وارد ردود نتلاگه
واصيحن هله بهالملگه

صدق رديت انا لچن
زماني شخلى وشْبَگَّى؟!
أشوف الدار ذيش الدار
لكن كل هلي غياب

گمت أحچي ويه روحي شلون
يا روحي من اشوف حسين
شحكيله وشسولفله
وابديله الحديث منين
أول ما أحب إيده وأگله
"اگعد يا نور العين"

يا ريحة هلي الأطياب
ليش تعوفني ويه اجناب

ولو عينك تصد وتشوف
زينب بالطفوف تطوف
بين النار والدخان
مره تطيح مره تگوم
مره اجمع يتاماكم
مره اشگف سياط الگوم

يا رباب ارجوچ ردي الخيمتچ
لا تأذين الرضيع ابونتچ

انه زينب وارد اسألنچ سؤال
اشطلعچ بليل يربات الدلال
احسين وصاني ابحفظچ والعيال
وادري مايقبل اخوي ابطلعتچ

ابطلعتچ ما يقبل احسين الأبي
خايف اخيالچ يشوفه الأجنبي
اعليچ ضلع امي يحره والنبي
ردي لا واحد يهين ابحرمتچ

ردي لا تنهان حرمة حيدره
البيهه عشتي يا رباب امخدره
اشصار بالله اعليچ گولي واشجره
ابليل طلعيتي ونه اسمع حنتچ

گالت ابليل اطلعت يم الخدر
ارضع ابني الچان الي هيبه اوستر
لا تلوميني بعد ما ظل صبر
حگي لن فگديت شمعة منزلچ

منزلچ بي شمعه چانت ضاويه
للصبح يمچ اويمي داويه
طفت عيني من شفتهه طافيه
اوطفت بطفاهه سلوتي اوسلوتچ

انطفت بطفاهه يزينب سلوتي
اوزادت اعليه يحره محنتي
اطلعت اشربه الماي واهمل دمعتي
اوشفته متوسد الغبره اويخوتچ

گتله يمه اگعد جبتلك بيدي ماي
اوجيت يوليدي اسويلك افياي
اوصرت ادخل اعليه گوم ارجع اوياي
بلچن ايسد يبت حيدر وحشتچ

وحشتچ بلچن يسدهه ابني الرضيع
وآنه ادري سهر ليلي ما يضيع
گلت يصبح يلعقيله سد منيع
الچ والأمه او بعد كل عيلتچ


الشاعر سيد نور سيد عدنان

اميره آنه ومن چف گمر ،، للسبي تالي
عشيره ولا ظل منها أثر ،، يحمي دلالي 
يويلي وماكو غيري آنه ،، على وجه الدنيا عقيله
ضعني ايدلّي بيه خولّى ،، وامس چان ابوفاضل دليله
وبعد اثمنطش محامي ،، اسيره وعلى ناگه هزيله
وحيده ومافزعلي جار
وامنين أبو فاضل اجيبه
اروكض وابخيامي نار
وهاي لوحدها لمصيبه
واخت المذبوح إسمي صار
ومره ايسموني غريبه
غريبه ،، غريبه ،، غريبه
غريبه ،، وأخو ماكو اشتكيله
           واخو ماكو اشتكيله


ابكربله من طاح العلم ،، چتفو إدينه
يخويه ومن باب المخيم ،، للسبي جينه
طلعنه ابنص نهار اميه ،، وكربلا ياوادم هيمه
سبيه اتشد حبل سبيه ،، وخيمه اتطيح ابصف خيمه
ومشي الليل أخذ عليه ،، إجت أيامه واجه ضيمه
واخوي الگلي آنه جاي
وحط إيدي إبن الوصي بيده
اصيح وماسمع نداي
مارد وايتامي تريده
مشيت ولا طلع وراي
واحد والكوفه بعيده
بعيده ،، بعيده ،، بعيده
بعيده ،، وأخو ماكو اشتكيله
           واخو ماكو اشتكيله


غريبه ومن عمري إشفت ،، وابقى غريبه
المصيبه اشما گمت التفت ،، الگه مصيبه
إيهون ابكربله الجرالي ،، لاچن ماخوذه سبيه
غريبه وماكو عندي والي ،، مهضومه وحبلي بديه
ابچي إلها وتبچي لدلالي ،، على ظهر الناگه رقيه 
رقيه وكل خدرها شال
جانت بالخيمه أميره
ماتتحمل الحبال
ياويلي واديها زغيره
إسمها ايلوگ إله الدلال
تالي ايسموها اسيره
أسيره ،، اسيره ،، اسيره
اسيره ،، وأخو ماكو اشتكيله
           واخو ماكو اشتكيله


مشينه وماكو چتف أخو ،، حملي يشيله
امناوب من عدو لعدو ،، وآنه عقيله
حچي ادموعي غاضريه ،، والضيم ابگلبي مدينه
اجينه ابهيبه هاشميه ،، وتالي ابلا هيبه مشينه
واخوتي اموسده الوطيه ،، ومن نار البينه گضينه
حسافه أهل الشيم تطيح
وما ظل ابكربلا شيمه
يتيمه احضنها من تصيح
وتوگع كدامي يتيمه
هضيمه إبن الفحل ذبيح
وآنه ايسلبوني هضيمه
هضيمه ،، هضيمه ،، هضيمه
هضيمه ،، وأخو ماكو اشتكيله
           واخو ماكو اشتكيله

*أحمد الهلباوي*